“Dëshira ishte që unë të qëndroja te Vllaznia, pasi isha në shtëpinë time dhe kisha vite që luaja këtu. Megjithatë, këtë vit pashë se situata nuk ishte dhe aq e këndshme për arsye zgjedhjesh e vonesash, me sa kam dëgjuar ka dhe probleme fondesh. Mu mundësia një ofertë në Kosovë. Ata më kanë vlerësuar dhe zgjodha të shkoja atje”.

“Samueli (Nikaj) është shumë i respektuar në Kosovë pasi ka arritur të çojë dy ekipe në Superligë. Mendoj se ata kanë bërë zgjedhjen e duhur, ai e njeh mirë këtë kategori. Jemi dy shkodranë, kemi punuar bashkë më parë. Mendoj se do ia kalojmë mirë andej. Janë njerëz që presin mirë dhe korrekt”.

“Dëshira normal është që të organizohen sa më shpejt e të mos mungojë menaxhimi i mirë. Të paktën të bëjnë një ekip për të paktën për mesin e tabelës. Me këto vonesa do të jetë e vështirë për merkaton”.

Një rikthimin për mesfushorin, i cili bashkohet me trajnerin Samuel Nikaj. Në vitin 2009, pak javë pasi kishte nisur kampionati, Tafili iku nga Laçi dhe veshi fanellën e Lirisë, skuadër me të cilën fitoi kupën në Kosovë.

“Mirë se erdhe KAMPION. Sot po bëjmë hapin e parë me lojtarë të kalibrit të lartë si Alsid Tafili drejt Superligës. Alsidi është njëri ndër mesfushorët më cilësor në trevat tona dhe që ka mbrojtur me sukses ngjyrat e disa klubeve të njohura si Vllaznia (Shkodër),Partizani (Tiranë),Teuta ( Durrës) ka bëre karrierë gjithashtu në Greqi, si dhe ka qenë fitues i Kupës së Kosovës me klubin tonë në vitin 2010. I urojmë mirëseardhje Alsidit dhe suksese drejt Superligës”, njofton klubi i Lirisë.

“E kisha ëndërr që të luaja me Vllazninë kaq gjatë dhe besoj se numri 200 i ndeshjeve do të rritet ende. Këtë kuotë e arrita në Lezhë në ndeshjen me Besëlidhjen, ku edhe pse barazuam, të gjithë dhamë maksimumin. Nuk ishte e lehtë, gjithsesi të gjithë në skuadër ndjehemi të shpërblyer me vendin e parë në grup. Ka qenë një sezon plot sakrifica, ku të gjithë dhamë maksimumin”, shprehet Tafili për SportEkspres.com.

Vllaznia është pushim këtë javë sipas kalendarit dhe Tafili shton: “Kemi edhe 90 minuta për të luajtur, por ne po mendojmë për ndeshjen finale me Bylisin. Fitorja nga ana jonë do të jetë një detyrim për emrin e madh të Vllaznisë”.

Mesfushori flet edhe në lidhje me grupin aktual që ka skuadra kuqeblu dhe në të veç lojtarëve me eksperiencë, ka edhe mjaft të rinj.  “Te Vllaznia ka patur edhe një rotacion mes futbollistëve me përvojë me ata të rinj, kryesisht në ndeshjet e fazës së tretë. Kjo do të do të shërbejë për sezonin tjetër”, përfundon Tafili.

AGRON KAJA

ERZENI – “Jemi të përgatitur për ta fituar edhe këtë ndeshje. Luajmë në fushën tonë dhe padyshim që ky është një favor sepse duam vetëm fitoren për vetë objektivin që kemi. Shpresoj të japim maksimumin, por kuptohet që nuk është një ndeshje e lehtë. Kundërshtarët kanë një ekip serioz dhe kanë pasur një paraqitje përgjithësisht të mirë”, u shpreh Tafili kur u pyet në lidhje me kundërshtarin e kësaj jave.

“RESHIT RUSI” – Problem mbeten përmasat e fushës ku do të luhet ndeshja: “Në fakt fusha ku do të luhet kjo ndeshje nuk është shumë e përshtatshme, pasi i ka përmasat më të vogla se ato të stadiumit. Kjo favorizon kundërshtarin, i cili vjen për të marrë një barazim. Por normalisht që ne duhet të kemi kujdes dhe me një seriozitet maksimal për këtë sfidë, të arrijmë fitoren”.

RIKTHIMI NË SUPERIORE – Mesfushori nuk nxitohet kur flet për rikthimin në elitë, edhe pse deri më tani Vllaznia njeh veç fitore. “Çfarë ka ndryshuar? Stafi është cilësor, lojtarët janë cilësorë dhe kjo bën diferencën me ekipet e tjera. Superiorja? Mendoj se është herët të flitet për këtë. Gara sa vjen e bëhet më e vështirë. Siç dihet, në javët e para gjithmonë luftohet për të marrë maksimumin, pasi në fazën e tretë kuptohet që do ta kemi më të vështirë. Prandaj dhe duhet t’i marrim masat që tani për ta thelluar shkëputjen”.