Alphonso Davies

Goli i parë dhe rekord, festë dhe emocione për talentin e Bajernit

Sport Ekspres — Mon, 18 Mar 2019 16:16:42 +0000

Bajerni i Mynihut u tregua i pamëshirshëm kundër Maincit në ndeshjen e fundit. Bavarëzët triumfuan në shtëpi me rezultatin 3-0, ku ra në sy trigolëshi i Hames Rodrigezit.

Përveç kolumbianit shënuan edhe Levandovski, Koman dhe Alfonso Dejvis. Ky i fundit shënoi 11 minuta pasi ishte futur në vend të Alabës dhe gjeti golin e parë me gjigantin gjerman.

Dejvis, i cili do të mbushë 19 vjeç në fillim të nëntorit, cilësohet si një nga talentët më të mëdhenj dhe tifozët gjermanë kanë besim të madh tek ai.

Sulmuesi i krahut nuk do e harrojë kurrë golin e parë, por edhe rekordin e vendosur. Kanadezi me origjinë afrikane është bërë lojtari i parë i shekullit dhe mijëvjeçarit të ri, i cili shënon një gol zyrtar me Bajernin e Mynihut.

Dejvis zbarkon në Mynih: E pabesueshme që jam pjesë e Bajernit

Sport Ekspres — Wed, 21 Nov 2018 17:14:40 +0000

Talenti kanadez Alfonso Dejvis ka marrë pjesë për herë të parë në stërvitjen e kampionëve të Gjermanisë. Marrëveshja për transferimin e sulmuesit nga skuadra e Vankuverit u finalizua në muajin qershor, por rregullat e FIFA-s për lojtarët minorenë bën që ardhja e tij në Gjermani të shtyhej për pak muaj.

Gjithsej kosto e operacionit për të sjellë 18-vjeçarin në Mynih shkoi te 10 milionë Eurot. Fatkeqësisht të riut i duhet të presë deri në muajin janar që të luajë në ndeshje zyrtare me Bajernin, pasi atëherë rihapet faza e regjistrimeve në Bundesligën gjermane.

Në fjalët e tij të para pak minuta pas përfundimi të seancës së parë stërvitore, Dejvis tha: “Stërvitja e parë më la përshtypje shumë të mira. Në fëmijëri e ëndërroja të isha pjese e një klubi kaq të madh, tani që kjo ëndërr është bërë realitet më duket e pabesueshme. Tani më ngelet të punoj fort dhe të tregoj vlerat e mia para trajnerit dhe shokëve të skuadrës.

VIDEO / Lamtumira perfekte e Alfonso Dejvis, dopietë dhe duartrokitje nga i gjithë stadiumi

Sport Ekspres — Mon, 29 Oct 2018 18:22:33 +0000

Alfonso Dejvis është ende një emër i panjohur në arenën e futbollit europian, por kjo gjë do të ndryshojë shumë shpejt. Në moshën 17-vjeçare, sulmuesi kanadez përjetoi ndarjen e tij të parë me klubin e fëmijërisë, “Vancouver Whitecaps”, skuadër që militon në “MLS”.

Ndeshja e lamtumirës s’kishte si të shkonte më mirë. Një dopietë dhe një zëvendësim në minutat e fundit, që u shoqërua me duartrokitjet e çdo të pranishmi në stadium. Destinacioni i radhës është Bajerni i Mynihut.

What a way to go out.@AlphonsoDavies scores two goals in his final match with #VWFC. #FarewellPhonzie pic.twitter.com/UgQF9zdMgd

— Vancouver Whitecaps FC (@WhitecapsFC) October 28, 2018

Skuadra gjermane arriti një marrëveshje në muajin qershor, ku pranoi të paguante 10 milionë euro për kartonin e Dejvis. Trajneri Niko Kovaç konfirmoi se 17-vjeçari do t’i bashkohet skuadrës në stërvitje në muajin nëntor, ndërsa në janar do të jetë gati për të luajtur në Bundesligë, ku do të jetë testi i vërtetë për të sulmuesin kanadez, që ka debutuar me kombëtaren e vendit të tij në moshën 16-vjeçare si kurrë më parë.

Dejvis përgatit për Bajernin: Po mësoj gjermanisht, Champions-i një ëndërr

Sport Ekspres — Sat, 27 Oct 2018 09:17:37 +0000

Përforcimi i parë i Bajernit të Mynihut në merkaton e janarit do të jetë sulmuesi i “Vancouver Whitecaps” Alfonso Dejvis. Marrëveshja e transferimit të lojtarit u arrit që në muajin qershor për shumën e 10 milionë eurove, por FIFA nuk lejon që ai të luajë në Europë pa mbushur 18-vjeç (i mbush më 2 nëntor).

Në një intervistë për faqen zyrtare të kampionëve të Gjermanisë, Dejvis ka shprehur se mezi po pret kalimin në Bundesligë dhe se aktivizimi në një ndeshje të Champions do të ishte një ëndërr e vërtetë për të.

“Kam filluar të përgatitem për jetën në Gjermani. Kam bërë disa seanca kursi gjermanishteje. Dua të tregoj se jam i vlefshëm për Bajernin. E di që s’do ta kem të lehtë. Objektivi im i parë te Bajerni është që të marr minuta”.

“Mezi po pres të luaj në Champions League. Ai që e ka krijuar këtë kompeticion i duhet hequr kapelja. Qëkur kam qenë fëmijë mezi prisja ta dëgjoja himnin e ndeshjve të Champions-it”, tha 17-vjeçari kanadez.