Almiron

FOTO | Krahasimi epik, ylli i Njukasëllit na kujton filmin “Goal”

Sport Ekspres — Fri, 01 Mar 2019 13:41:07 +0000

Migel Almiron u transferua në merkaton e janarit te skuadra e Njukasëllit, me skuadrën angleze që i pagoi një shifër rekord për klubin skuadrës së Atlanta Junajtid në kampionatin amerikan.

Almiron është në qendër të vëmendjes në rrjetet sociale, pasi historia e tij, por dhe pamja fizike, është e njëjtë me Santiago Munez, aktorin kryesor që luan te filmi “Goal”. Transferimi te Njukasëlli ka bërë që tifozët e bardhezinjve të “Tuneside” të nisin krahasimet dhe deri diku kanë të drejtë, duke parë që historitë janë thuajse identike.

The movie Goal is happening!

Santiago Muñez from Goal is South American ??
Miguel Almirón, Newcastle’s new Signing, is South American ??

Muñez worked in a Chinese restaurant ?
Almirón worked in a Chinese restaurant ?

Muñez moved to NUFC ????
Almirón moved from to NUFC ???? pic.twitter.com/dv663GJ8ph

— Capital North East (@CapNorthEast) February 1, 2019

Arsenali “udhëton” drejt Amerikës, gjen zëvendësuesin e Ramsejt

Sport Ekspres — Wed, 31 Oct 2018 21:18:29 +0000

Arsenali po bën një sezon të kënaqshëm aktualisht, teksa pa llogaritur barazimin e javës së fundit, numëronte plot 11 fitore radhazi mes kampionatit dhe Europa Ligë. Gjithsesi te “topçinjtë” vijon të jetë akoma e nxehtë çështja “Ramsej”, me mesfushorin uellsian, i cili nuk pranoi rinovimin e kontratës që i skadon fundin e këtij sezoni.

Aron Ramsej mund të jetë i larguar që në muajin janar, pasi në rast se nuk do të ndodhë diçka e tillë, “topçinjtë” rrezikojnë ta lejojnë mesfushorin të largohet me parametra zero verën e ardhshme. Në këto kushte, drejtuesit nga “Emirates” janë hedhur në sulm për të gjetur zëvendësuesin e mundshëm dhe me sa duket e kanë gati kandidatin kryesor. Migel Almiron është mesfushori 24-vjeçar, i cili aktivizohet në kampionatin amerikan dhe shihet si pasardhësi i Ramsej tek Arsenal.

Almiron ka luajtur dy sezone për Atlanta Junajtid në elitën e futbollit amerikan, ndërsa më parë ka veshur fanellat e Lanus dhe Cerro Porteno. Paraguajani shihet si një ndër më të talentuarit në vendin e tij dhe gjithashtu ka luajtur 12 sfida për kombëtaren e Paraguajit. Kampionati amerikan në janar do të ketë përfunduar dhe mund të jetë një mundësi e mirë për Arsenalin që të transferojë 24-vejçarin.

Arsenali hedh sytë në “MLS”, një paraguaian “josh” Unai Emerin

Sport Ekspres — Fri, 05 Oct 2018 18:26:58 +0000

Gjatë viteve të fundit kampionati amerikan i futbollit, “MLS”, ka pësuar një rritje të dukshme cilësi. Tanimë Amerika nuk është vetëm një destinacioni për futbollistët në fund të karrierës, por edhe për talentet premtues nga Amerika e Jugut.

Një ndër ta është fantazisti Miguel Almiron. Lojtari nga Paraguai është 24-vjeç dhe ka shkëlqyer në këtë sezon në “MLS”, ku aktivizohet me skuadrën e Atlanta Junajtid. Statistikat e Almiron janë mbresëlënëse, 12 gola dhe 11 asiste në 31 takime.

Shifrat e lartpërmendura nuk kanë si të mos sjellin interesim nga Europa, ku klubi i Arsenalit është një ndër skuadrat më të interesuara për paraguaianin. Transferimi i Almiron në Europë mund të bëhet realitet nëse drejtuesit e Arsenalit bien dakord që të derdhin 30 milionë euro në arkat e klubit amerikan.