Gjithsesi bëhej fjalë për një futbollist në moshë të re dhe hapësirat për të kanë qenë të pakta. Ajzeraj luajti si zëvendësues në takimin e parë të kampionatit me Skënderbeun, ndërkohë që ka pasur edhe një dëmtim që e ka penalizuar.

Duke parë situatën e krijuar, korçarët i janë përgjigjur pozitivisht kërkesës së Ballkanit për ta huazuar mesfushorin 21-vjeçar. Gjithçka është zyrtare, teksa sot Ajzeraj është prezantuar në ekipin e ri dhe shpreson të ketë minuta në IPKO Superliga e Kosovës.

“Almir Ajzeraj, lojtari i cili i bashkohet rrugëtimit tonë për sezonin pranveror në formë huazimi nga Skënderbeu me pëlqim tripalësh. Faleminderit klubit të madh shqiptar për mundësine e bashkëpunimit. Me ardhjen e Almirit edhe zyrtarisht e mbyllim këtë afat kalimtar.  Klubi po kryen edhe përgatitjet e fundit në Durrës, për t’u kthyer sa më kompakt për lojen e parë për Digitalb Kupën e Kosovës më 9 shkurt. Na prift e mbara Suharekë, FC Ballkani“, shkruhet në deklaratën e klubit dardan.

“20-vjeçari Almir Ajzeraj prej sot është zyrtarisht futbollist i Skënderbeut. Ajzeraj ka firmosur fillimisht kontratën që e lidh me klubin për 4 vitet e ardhshme dhe më pas ka zhvilluar seancën e parë nën drejtimin e trajnerit Orges Shehi. Ajzeraj luan si mesfushor i majtë, por në karrierë ka bërë mjaft mirë edhe në rolin e organizatorit. 20-vjeçari është pjesë e përfaqësueses së Kosovës under-21 dhe sezonin e fundit ka luajtur për Flamurtarin në Superligën Kosovare”, shkruhet në njoftimin e Skënderbeut.

Sot pritet që të prezantohet edhe vlonjati Dejvi Bregu, i cili ishte i huazuar te Luftëtari edhe për ndeshjet e Kupave të Europës. Vlonjati është një nga prurjet më të bujshme te Skënderbeu dhe prej tij pritet shumë këtë sezon, pasi synohet edhe shitja e tij jashtë vendit në të ardhmen.