Allison Becker

Alison tërbon romanistët: Askush si tifozët e Liverpulit, ndikuan në zgjedhjen time!

Sport Ekspres — Thu, 14 Feb 2019 19:41:50 +0000

Alison Beker la Romën në merkaton e verës për t’u transferuar te Liverpuli për shumën rekord të 75 milionë eurove. Braziliani po bën mirë me ekipin e Klopit, që kryeson kampionatin anglez dhe është në garë për të fituar Champions Ligën.

26-vjeçari ka mbetur i mahnitur nga tifozët e kuq dhe atmosfera që krijojnë në stadiumin “Anfield”. Sezonin e kaluar ai dhe Roma u eliminuan nga Liverpuli në gjysmëfinalet e Championsit dhe portieri u befasua nga tifozët e “The Reds”.

Një deklaratë e tillë nuk do pëlqehet në kryeqytetin italian, por Alison sheh përpara dhe zbulon që tifozët e Liverpulit ishin një nga shkaqet kryesore që zgjodhi të vazhdonte karrierën me këtë ekip.

“Në ‘Anfield’ janë tifozët më të mirë në botë. Në çdo ndeshje zbresim me 12 lojtarë në fushë, për shkak të tifozëve tanë. Vitin e kaluar ishte e vështirë të luaje kundër këtyre tifozëve në gjysmëfinale. U krijua një atmosferë e pabesueshme. Më pëlqen të luaj kundër tifozëve që ulërijnë dhe japin gjithçka, por këtu është diçka ndryshe. Kur firmosa me Liverpulin, sigurisht që ndikoi dhe eksperienca e provuar me Romën në gjysmëfinalet kundër Liverpulit”, përfundon portieri brazilian për sajtin e klubit anglez.

Alison i sinqertë: E refuzova Çelsin për Liverpulin vetëm për këtë arsye!

Sport Ekspres — Tue, 08 Jan 2019 19:49:05 +0000

Alison Beker u largua nga Roma për të kaluar në drejtim të Liverpulit, të cilët shpenzuan plot 62.5 milionë euro për të siguruar shërbimet e portierit. Që nga ajo kohë, braziliani është shndërruar në një nga lojtarët më të rëndësishëm të “The Reds”.

Gjithsesi, verën e vitit të kaluar, 26-vjeçari ishte një ndër më të kërkuarit, ku në garë me Liverpulin ishte dhe Çelsi, por në fund ishte vetë Alison, i cili vendosi për destinacionin e tij. Pikërisht në lidhje me këtë çështje, gardiani ka folur për mediat angleze, ku ka shpjeguar arsyen e zgjedhjes së tij.

“Çelsi ndryshoi trajnerin dhe nuk luante në Champions. Gjithmon e kam admiruar historinë e Liverpulit. Është një klub me pesë trofe Championsi. Doja me të vërtetë të isha pjesë e historisë së këtij ekipi. I shkova shumë pranë me Romën dhe po punoj fort që tani me Liverpulin t’i shkoj deri në fund. Çfarë është jeta në qoftë se nuk lufton për ëndrrat?! Unë ëndërroj ta fitoj Champions League”.

Alison “i pakapshëm”, statistikat e bëjnë “mbret” në Angli

Sport Ekspres — Thu, 13 Dec 2018 13:39:20 +0000

Liverpuli shpenzoi plot 63 milionë euro këtë verë për të marrë nga Roma portierin Alison Beker. Disa muaj kanë kaluar që nga ajo kohë, dhe vetëm një natë më parë Jurgen Klop u shpreh, se në rast se do ta kishte ditur çfarë vlerash kishte braziliani do të shpenzonte dyfishin.

Këtë gjë e konfirmon jo vetëm pritja në minutat e fundit mbrëmjen e kaluar ndaj Milik, por edhe statistikat në Premier Ligë. Alison Beker është portieri me përqindjen më të lartë të pritjeve në Premier Ligë dhe me një diferencë të konsiderueshme nga ndjekësi më i afërt.

Portieri i “The Reds” ka një përqindje pritjesh prej 85.7% te gjuajtjeve që i vijnë drejt portës, duke lënë pas me diferencë Hugo Loris. I cili renditet i dyti me 78.9%. Nga 42 gjuajtje që kanë ardhur drejt kuadratit të brazilianit, vetëm gjashtë prej tyre kanë shkuar në rrjetë. Një rendiment i jashtëzakonshëm, teksa në vendin e tretë ndohet Ederson, më pas Kepa dhe Leno mbyll “top 5”.

VIDEO | Shpëtimtar dhe organizator, Alison është “jashtëtokësor”

Sport Ekspres — Thu, 06 Dec 2018 10:57:47 +0000

Fitorja e arritur mbrëmjen e kaluar në fushën e Bërnlejt i ka shijuar edhe më shumë Liverpulit, teksa ky triumf erdhi me një përmbysje. Të kuqtë e panë veten në dizavantazh në fillimin e pjesës së dytë, por arritën të kthenin çdo gjë në favor të tyre, teksa shënuan tre herë me anë të, Milner, Firminos dhe Shaqirit.

Pikërisht goli i tretë, që ishte dhe goli që hipotekoi gjithçka, ishte mjaft i veçantë. Jo vetëm për faktin që shënoi Xherdan Shaqiri, por edhe për mënyrën se si erdhi goli. Bërnlej ishte shumë pranë barazimit, por një fluturim i Alison shpëtoi Liverpulit.

Në të njëjtin aksion, portieri brazilian eviton një goditje nga këndi dhe nuk pranon të vonojë lojën, pasi ekipi i tij ishte në avantazh, por nis me shpejtësi lojën dhe aksioni i nisur nga duart e Alison përfundon me golin e shënuar nga Xherdan Shaqiri.

If you’re not careful they can tear you apart #LFC
That Allison save is worth everything and his relentless pursuit to push for another goal is something else. And there’s Salah to Shaqiri Combo goal yet again! pic.twitter.com/5DYGLI4YKw

— Melwoody (@Raisewinger) December 6, 2018