Legjenda juventine në një intervistë të gjatë për “Corriere dello Sport”, është shprehur se atë që arriti Alegri me Juven në pesë vinte nuk do e bënte askush. Gjithashtu, Bufon preku edhe temën Ronaldo, ku tregoi takimin që pati me portugezin në Torino.

Mënyra se si i dha lamtumirën Juves ishte e jashtëzakonshme, si gjithnjë me klas. Besoj se ishte momenti i duhur, edhe Juventusi kishte nevojë për diçka të re. Askush nuk do të kishte bërë më mirë se sa Alegri në këto pesë vite. Askush!

Nuk mendoj se Ronaldo zgjodhi Italinë, aq shumë sa zgjodhi Juven. Nëse më lejohet ta them, ai është një realitet tjetër nga të tjerët. U takuam në Torino dhe nuk mendoj që Ronaldo po mundohet të jetë kampioni perfekt. Ai është dikush që mundohet të jetë profesionist dhe të arrijë objektivat që i vendos vetes. Është një shembull!

Për këtë arsye, largimi i Ernesto Valverdes, duket diçka thuajse e sigurt. Sipas raportimeve të “Diario Gol”, drejtuesit katalanas e kanë gjetur zëvendësuesin dhe ai është Masimiliano Alegri, ish-trajneri i Juventusit.

Gjithsesi, pavarësisht këtyre raportimeve, ai që nuk është dakord me një situatë të tillë është kapiteni Lionel Mesi. Ky i fundit duket se ka një raport të shkëlqyer me trajnerin Valverde dhe kërkon që t’i jepet dhe një mundësi e fundit. Gjithçka mbetet për t’u parë…

“Ishim me pushime prej një muaji, ndeshja e fundit nuk ishte aspak keq. Kualiarela i meritoi gjithë brohoritjet. Jam i kënaqur që kam bërë të debutojnë 5 lojtarë nga të rinjtë, ndonjë prej tyre do të ketë karrierë të bukur”.

Natyrisht, më e rëndësishme në këtë moment është e ardhmja dhe Alegri lë gjithçka mbuluar me mister, edhe pse ndoshta është i sinqertë, kur thotë që mund të ndalet një vit.

“E ardhmja? Duhet të zgjedh një vend ku të zbavitem dhe të marrë rezultate të rëndësishme. Largohem pa pengje, bëra maksimumin dhe i falënderoj të gjithë. Lë një Juventus që ka shanse të mëdha të fitojë titullin e nëntë rresht.

“Kush do të pasojë, do gjejë një skuadër fitimtare, dukshëm superiore ndaj skuadrave të tjera. A më kanë kontaktuar? Asnjë ofertë, ndoshta bëj një vit pushim. Duhet të mendohem, të tret ndarjen nga Juve. Kam 16 vite që drejtoj pa pushim, nuk më shqetëson një vit pushim, por nëse del rasti i duhur do të firmos”.

Trajneri Masimiliano Alegri pak kohë më parë zyrtarizoi largimin e tij në fund të sezonit dhe trajneri i ri ende nuk është bërë me dije. Lidhur me këto tema, ka folur së fundmi në “Sky Sport” kapiteni Xhorxho Kielini.

Ky i fundit ka deklaruar se largimin e Alegrit e priste, pasi tashmë kupton shumë gjëra, kjo edhe për shkak të eksperiencës që ka. Gjithashtu, mbrojtësi shtoi se emrin e trajnerit të ri po e pret shumë qetësisht dhe të njëjtën gjë duhet të bëjnë edhe tifozët. Në fund një koment edhe për Andra Barzalin.

LARGIMI I ALEGRIT – “Nëse lamtumira e Alegrit më suprizoi? Pas 15 vitesh që jam këtu, nuk mund të them që nuk e prisja. Do të ishte një gënjeshtër. Heshtja dhe disa sjellje të caktuara mund të kuptohen, tashmë kam eksperiencë. Alegri është një person special, i cili u duartrokit dhe u falënderua të dielën si nga tifozët ashtu edhe nga presidenti. Ai bëri histori me Juven dhe nuk do të ishte suprizë nëse do e shihnit përsëri të rikthehej një ditë.”

TRAJNERI I RI – “Një gjë është e sigurt, Juventusi do vazhdojë të fitojë. Ka njerëz që e dinë më mirë se unë se kë trajner duhet të marrim. Jam i qetë dhe kështu duhet të jenë edhe tifozët. Këto ditë nuk kam lecuar asgjë dhe nuk di asgjë. Jam në stërvitje, sepse kemi ndeshje të dielën dhe dua të jem në formë edhe për ekipin kombëtar. Më pas do të zbulojmë edhe trajnerin e ri qetësisht. Thjesht dua të them që duhet të vazhdojmë të fitojmë dhe Juventusi do të vazhdojë ta bëjë diçka të tillë, pasi është në ADN-në e këtij klubi. Kjo gjë do të ndodhë me çdo lojtar apo trajner që do të vijë këtu.

BARZALI – “Ky ishte viti im i parë si kapiten dhe kisha nderin ta ndaja këtë kampionat me Barzalin. Është një person i qetë, por shumë i rëndësishëm për grupin. Mori lamtumirën që meritonte dhe jam i bindur që do të vazhdojë të jetë një person i rëndësishëm për Juventusin.”

“Klubi do të bëjë zgjedhjen më të mirë, për të vijuar të fitojë në Itali dhe të tentojë suksesin edhe në Europë. Për fat të keq, kundër Ajaksit nuk ishim në formë të mirë dhe shpenzuam shumë energji pas ndeshjeve me Atletikon”, tha Alegri pas ndeshjes kundër Atalantës.

Seria A pronë e Juves, duket sikur nuk ka më asnjë vlerë: “Kampionati është i lehtë? E ka bërë Juve të duket i lehtë, por është shumë e vështirë të fitosh, sidomos për shumë vite rresht. Lë një skuadër gati të dominojë sërish dhe të tentojë fitimin e Champions League sezonin e ardhshëm”.

E ardhmja e Alegrit? “Do të shoh cilësinë e skuadrës që më kërkon, kur të kem oferta. Nuk pranoj nëse nuk bindem nga materiali që do kem në dispozicion. Dua të kem stimuj. Roma? Asnjë telefonatë, por nuk dua të flas për ekipet e tjera. Nuk kam thënë që do bëj një vit pushim, por duhet të kem zgjedhjen e duhur, për t’u zbavitur. Jeta është plot të papritura, të shohim”.

Po divorci me Juven? “Klubi vendosi kështu dhe po mos ta bënte, ndoshta në tetor do e shihnim veten mes problemeve që do ndërlikonin gjithçka. Për këtë arsye, më mirë kështu”.

#GrazieAllegri! ??????#W8NDERFUL pic.twitter.com/nyP4GVAZYC

— JuventusFC (@juventusfcen) May 19, 2019

“Jam dakord me Kapelon dhe Ançelotin, të cilët janë të mendimit se pas 4-5 vitesh, skuadrat kanë nevojë për revolucion, si në lojtarë, ashtu dhe te stafi teknik”, u shpreh ish-mbrojtësi. Juventusi deklaroi më herë sot se Alegri nuk do të jetë më trajner dhe se shumë skuadra të tjera kërkojnë shërbimet e tij.

Pak kohë më parë, trajneri i bardhezinjve kishte thënë në media se do të kishte një takim me presidentin Anjeli, ku do të diskutohej mbi të ardhmen e tij si dhe mbi sezonin e ardhshëm, takim që ndodh çdo fund sezoni.

Fillimisht u tha se një takim i tillë nuk do të ndodhë, pasi Juventusi kishte vendosur që do të merrte në krye të stolit Antonio Konten, por këto zëra ranë shumë shpejt poshtë, pasi Interi duket se është më pranë trajnerit italian.

Ditën e sotme, duket se është qartësuar gjithçka dhe sipas asaj që raporton “Corriere dello Sport”, Alegri dhe Anjeli do të kenë një takim kokë më kokë pasditen e sotme, ku pritet të merret dhe vendimi përfundimtar mbi të ardhmen e stolit të Juventus.

Sipas “Sky Sport Italia”, trajneri Alegri kërkon nga presidenti Anjeli një besim “të verbër” tek ai. 51-vjeçari dëshiron një kontratë trevjeçare deri në vitin 2022. Ai gjithashtu kërkon një rritje të ndjeshme të pagës. “Konti” Maks aktualisht paguhet rreth 7 milionë euro në sezon dhe është trajneri më i paguar në kampionatin italian.

Ndërkohë që trajnerët që fliten si pasardhës të tij presin akoma, ofertat nuk i mungojnë. PSG është një prej tyre. Kampionët e Francës janë gati të shkarkojnë Tuhel për të vënë italianin në krye të stolit.

Sipas kësaj medie, tekniku livornez do të deklarojë largimin e tij nga kampionët e Italisë ditën e nesërme me anë të një komunikate për shtyp.

Ky vendim supozohet të jetë marrë pas një takimi që trajneri i “Zonjës së Vjetër” pati me presidentin Andrea Anjeli. Në rast se ky lajme bëhet realitet, atëherë do t’i hapej rruga rikthimit të Antonio Kontes në stolin e Juventusit, pesë vite nga largimi i këtij të fundit.

Sipas trajnerit italian, ekipi holandez ndodhet në këto pozita edhe falë situatave jo komode të kundërshtarëve të tyre, ku përmend dhe mungesat e Totenhemit.

“Champions-i është gjithmonë një objektiv për ne, ashtu si dhe kampionati dhe Kupa e Italisë. Champions-i është më i vështirë. Ndonjëherë është dhe fat. Kundër Ajaksit kishim pesë mungesa për shkak dëmtimesh, ndërsa më pas Totenhemin në Londër i gjetën ata pa dy sulmuesit më të mirë (Son dhe Kejn). Ajaksi është një skuadër shumë e mirë, por ka qenë shumë me fat”.

E ardhmja: “Të shohim, do të pushojnë disa lojtarë që janë lodhur nga ky sezon. Jam i kënaqur nga lojtarë si Pereira e Kean, të rinjtë po rriten“.

Polemika me Adanin: “Më vjen keq për atë që ndodhi javën e shkuar, ishte vetëm një sfhryrje nervash pas ndeshjes. Flitet shumë për evolucion loje, por nuk mund të hedhim poshtë gjithçka na kanë mësuar trajnerët e së shkuarës. Puna e trajnerit është shumë e vështirë, nuk është shkencë. Është e drejtë të bëhen kritika, por e theksoj që duhet përzier e shkuara me të ardhmen kur bëhet skemat dhe formacioni”.

Shifrat: “Në Madrid vitin e shkuar fituam 3-1 me 38% zotërim topi, ndërsa kundër Ajaksit në shtëpi patëm 54% zotërim topi dhe humbëm. Nuk fitohen ndeshjet me shifra. Këtë vit kemi luajtur 3 ndeshje emblematike: Valencia, Mançester Junajtid dhe Atletiko Madrid në shtëpi. Më e mira ka qenë ajo ndaj Junajtid, por askush nuk e mban mend. Milani dhe Juventusi, që kam pasur fatin t’i drejtoj, janë dy klube me ADN dhe kontekst të ndryshëm, është e kotë të imitojmë Barcelonën apo Bajernin, secili ka identitetin e vet. Futbolli nuk është shkencë, është art”.

Lidhur me një rikthim të mundshëm të Kontes te Juventusi, ka folur dhe trajneri aktual i bardhezinjve, Masimiliano Alegri. Numri një i stolit të “Zonjës së vjetër” ka reaguar me tone të ashpra ndaj gazetarëve, duke thënë se kanë pesë vite me të njëjtat diskutime dhe në fund gjithmonë janë gabim.

“Do të rikthehet Konte? Gazetarët mund të shkruajnë çfarë të duan. Gjithmonë është e njëjta gjë dhe i njëjti diksutim. Ata thonë se do të largohem çdo vit, por kam qenë këtu për plot pesë vite. Kemi dhe një muaj kohë për të përgatitur sezonin e ardhshëm.”

Sipas De Biazit, Alegrit mund të kritikohet vetëm për gjendjen fizike të skuadrës gjatë çerekfinales së Champions League, ndërsa në rang kombëtar ai ka arritur çdo gjë.

“Të kritikosh është diçka njerëzore, sidomos kur bëhet fjalë për një person kaq të suksesshëm sa Alegri, që në vitet e shkuara ka fituar pesë kampionate dhe katër kupa Italie. Nuk mund të kërkosh më shumë nga ai në nivel kombëtar”.

“Megjithatë, e vetmja gjë që mund të vihet në diskutim është gjendja fizike në të cilën ndodhej skuadra gjatë ndeshjeve me Ajaksin, pati shumë dëmtime dhe lojtarë që ishin në dilema deri pak çaste para takimit. Duglas Kosta dhe Kuadrado ishin dy mungesa shumë të rëndësishme sepse të dy ata janë lojtarë shumë të rrezikshëm në fazën sulmuese”, përfundoi De Biazi.

Natyrisht, edhe vetë Alegri e çuan diçka të tillë dhe kjo bëri që të shpërthente në lidhje direkte me Sky të shtunën, duke sulmuar ashpër ish-futbollistin e Interit Gabriele Adani, për shkak se ky i fundit e kritikon shpesh pikërisht për mungesën e suksesit europian.

Sot Alegri ka qenë i ftuar në emisionin “Che tempo che fa” të Fabio Facios, ku ka folur për sherrin me Adanin: “Sot jam i qetë, dje u nxeha pak. Gjithnjë dëgjoj leksione, si duhen bërë gjërat, por njeri jam edhe unë. Nuk i shpjegoj askujt si duhet ta bëjë punën e vet, ndërsa Adani gjithnjë më jep këshilla e leksione, kritika pa fund. Unë kritikat i pranoj, por nuk pranoj mungesën e respektit dhe edukatës, nga njerëz që nuk e kanë bërë kurrë profesionin tim. 

“Edhe vjet, kur luajtëm kundër Interit dhe Higuain shënoi golin e 3-2, ndodhi e njëjta histori me Adanin”.

E ardhmja: “Do qëndroj te Juventusi. Pres një takim me presidentin Anjeli, për të folur për sezonin e ardhshëm. Eliminimi nga Champions dhemb ende, i nisëm pushimet para kohe. Me mirë të mos i kishim nisur kaq herët, Champions League na ka mbetur paksa në fyt”.

Alegri kujton kohën kur mori drejtimin e Juves: “Tani duket e lehtë, por kur shkova te Juve më pritën keq, hodhën sende pa fund drejt meje kur shkova në qendrën stërvitore të Juves. Për fat isha në makinë me presidentin. Gjithsesi, e di që më duan shumë, ajo ishte mënyra e tifozëve për ta treguar”.

Kurioziteti komik: “Szczesny është një emër dreqi që nuk e themi dot në Itali. Kur duhet t’ia them emrin, e shmang. Ka një vit që nuk ia shkruaj emrin fare portierit në dërrasën e skemave, por duhet ta bëj patjetër rri e mendohem”.

Në kuadër të ndeshjes, përpara mediave ka folur trajneri i “Zonjës së vjetër”. Masimiliano Alegri ka folur mbi ndeshjen e nesërme, ku ka zbuluar disi dhe formacionin. Gjithashtu, italiani foli edhe për Ikardin, si dhe për ritakimin me Bepe Marotën.

NDESHJA – “Nesër do të jetë një ndeshje e bukur, ku do të japim maksimumin. Në presion? Absolutisht jo, jemi Juventusi.

FORMACIONI – “Bentankur ka lodhje të muskujve, ndërsa Kielini do të luajë. Do të më pëlqente ideja që të luaja nga krahët me Bernardeskin dhe Kanselon. Për të tjerët do të shohim nesër.”

IKARDI – “Ikardi është një lojtar i jashtëzakonshëm dhe na ka shënuar shpesh. Nëse nuk luan, do të jetë akoma më mirë për ne.”

E ARDHMJA – “Do të kem një takim me Anjelin, ku do të diskutojmë mbi objektivat e vitit të ardhshëm, që të jemi konkurrues dhe rivalizues si çdo vit. Ne do të analizojmë se çfarë shkoi mirë dhe çfarë shkoi keq dhe do të shohim për të krijuar kushtet që të jemi fitues në të ardhmen.”

MAROTA – “Do të kem kënaqësinë ta takoj përsëri, me të kam kaluar 4 vite të mrekullueshme në të cilat kemi bërë një punë të madhe. Pastaj rrugët mund të ndahen, por kjo nuk e hedh poshtë atë që ke kaluar.”

CHAMPIONS – “Sa i bukur është edhe po aq bastard. Arrin në momentin e duhur, jo në kushtet më të mira dhe e paguan diçka të tillë.”

Së fundmi një veprim i futbollistit portugez në rrjetin social “Instagram” lë pak vend për dyshime për situatën e tensionuar midis palëve.

Kanselo ka pëlqyer një koment të bërë nga një përdorues, i cili shkruante “Alegri Out” (Alegri jashtë). Lajmi ka bërë bujë në mediet italiane, ndërsa ende nuk ka një reagim nga ana e lojtarit.

“U treguam të zotë për faktin se mbajtëm ritëm perfekt për gjithë sezonin në kampionat, duke e administruar shumë mirë. Në kupë u eliminuam për shkak të mungesave të shumta, ashtu si në Champions. Nuk mund ta administroja ndryshe ekipin, u bëj komplimente për gjithçka. Titullin e fituam në Bolonja, ajo ishte ndeshja vendimtare, sepse vinim nga humbja në Madrid dhe duhej të shkonim në Napoli, ishte moment tepër delikat“, tha Alegri për Sky Sport.

Natyrisht, sezoni tashmë mori fund: “Le ta shijojmë këtë festë dhe të hamë vezën e Pashkëve. Për të ardhmen ka kohë. A do qëndroj në stolin e Juves? Kam edhe një vit kontratë, nuk kemi bërë asnjë bisedë ende.

“Duhet të takohemi për të vlerësuar programet e së ardhmes, Juve do të ndërtojë një skuadër fituese, por duhet vlerësuar ku mund të përmirësohet kjo skuadër, si bëjmë prej 5 vitesh. Tani do bëjmë disa eksperimente, për të parë cilësitë e lojtarëve në pozicione të tjera në fushë, duhet të përmirësohemi në disa aspekte, në lojë, në cilësi dhe zgjedhje gjatë ndeshjes.

“Dibala? Sezon i mirë, sidomos deri në janar, kemi luajtur shumë ndeshje. Ronaldo është një golashënues, pranë tij duhet një qendërsulmues që lëviz dhe Dibala ka punuar shumë. Megjithatë, ka momente kur të duhet ekuilibër dhe të duhen 4 mesfushorë.

“Champions? Është një problem psikologjik. Në kthim ndaj Ajaksit luajtëm më mirë se në vajtje, por pas një pjese të parë të mirë bëmë një gabim dhe pastaj humbëm 4 topa. Këtu duhet të përmirësohemi“.

Cristiano & Allegri after the game. pic.twitter.com/wcEBD2uT3g

— Forza Juventus (@ForzaJuve2017) April 20, 2019

Natyrisht vëmendje më e madhe e gazetarëve ishte te eliminimi në Champions nga Ajaksi, por për Alegrin tani ka ardhur momenti i festës së titullit kampion.

“Fatmirësisht të nesërmen kemi mundësi për të siguruar titullin. Na duhet të shikojmë para dhe ta lëmë pas zhgënjimin. Sapo të fitojmë kampionatin do të fillojmë të planifikojmë për të ardhmen me kthjelltësi dhe pa ndikimin e emocioneve”.

DËMTIMET – “Perin dhe Kedira e kanë mbyllur sezoni, ndoshta edhe Mandzhukiç. Dibala do të mungojë për tri javë, ndërsa Duglas Kosta dhe Kaseres për 10 ditë. Kielini mund të jetë gati për ndeshjen me Interin, ndërsa Barzali ndihet më mirë”.

“Juventusi luan për të fituar çdo kompeticion. Në çerekfinale nuk ishim në formën më të mirë. Humbëm dhe eliminimi ishte i drejtë. Ajaksi bëri një ndeshje të jashtëzakonshme. Ata luajtën më mirë në Amsterdam, ndërsa ne luajtëm më mirë në Torino. Çuditërisht rezultati ne penalizoi”.

RONALDO – “Ronaldo ka pasur një sezon të jashtëzakonshëm dhe do të luajë ndeshjen e nesërme. Kristiano plus Juventus nuk do të thotë që Champions-i është i garantuar. Ai është e ardhmja e Juventusit. Në këtë moment është i qetë, natyrisht dhe i zhgënjyer si të gjithë ne. Gjithsesi, tani s’na hyn më në punë të flasim për Champions-in”.

Ky fakt ka bërë që tifozët bardhezi të mos përmbahen në rrjetet sociale, duke bërë fajtor Alegrin dhe personat që e mbajnë ende në punë trajnerin italian. “Alegri Out”, “Nëse ke dinjitet, jep dorëheqjen!”, “Frikacak”, këto kanë qenë vetëm disa nga postimet e tifozëve bardhezi në rrjetet sociale, që nuk kanë ngurruar të shprehin pakënaqësinë e tyre kundrejt Alegrit.

Tekniku italian po mbyll sezonin e pestë te Juventusi, ku pasoi trajnerin tjetër italian, Antonio Konte. Edhe pse ka qenë i suksesshëm brenda Italisë, Alegri nuk ka arritur t’i japë Juventusit të vetmin trofe që synon me doemos: Ligën e Kampionëve.

Tifozët janë të dëshpëruar dhe trajneri Maks Alegri është nën akuzë, por gjithsesi nuk është kohë gjyqesh dhe për Sky Sport Alegri bëri një analizë të ndershme: “Ajaksi e meritoi plotësisht, me atë pjesë të dytë që luajti. Futbolli është i pamëshirshëm, pëson një gol të rastësishëm, të kap frika dhe në pjesën e dytë nuk u treguam të zotë. 

“Nuk kam asnjë qortim për djemtë. Ajaksi është skuadër e madhe, por ne nuk ditëm të kishim durim dhe u shpërbëmë. I dhuruam golat, nuk na falet. 

“E ardhmja? Kam folur me presidentin, ia kam komunikuar dëshirën time. Dua të qëndroj te Juventusi dhe do të flasim me drejtuesit për të programuar të ardhmen”. 

“Ronaldo? Na ka dhënë shumë gjatë këtij sezoni. Pastaj, kur luan çerekfinalet e Champions League duhet ta kesh ekipin të plotë. Ka një muaj që mundohemi të rikuperojmë lojtarët dhe sot na mungonin 4-5 të tillë”.

Trajneri italian shpjegoi se skuadra e tij duhet të dijë se si të përballojë presionin e vazhdueshëm të lojtarëve të Ajaksit, diçka që në Amsterdam rezultoi një problem shumë i madh.

KRAHASIM ME SFIDËN NDAJ ATLETIKOS – “Kemi përballë një skuadër tjetër. Nuk e marrë parasysh ndeshjen e parë, ne duhet të luajmë për ta fituar takimin e nesërm. Duhet ta respektojmë Ajaksin në fazën mbrojtëse, ndërsa duhet të tregohemi më të zhdërvjellët dhe kreativ me topin. Nesër do të na duhen të gjithë edhe tifozët. Do të jetë më e vështirë se me Aletikon, pasi do të na duhet të mbrojmë dhe këtë duhet ta bëjmë të gjithë njëkohësisht”.

DUGLAS KOSTA – “Ai nuk mund të luajë nga minuta e parë. Pas ndeshjes në Holandë ka shfaqur disa shqetësime në kofshë dhe nuk është në gjendjen e tij më të mirë. Shpresoj që deri nesër të jetë në gjendje të luaj të paktën 30 minuta, pasi dhe aq mund të rezultojnë vendimtare”.

KEN APO DIBALA – “Po të luajmë me Ken, do të luajmë një lojë ndryshe, ndërsa me Dibalan mund të zhvillojmë një lojë tjetër. Këtë ndeshje duhet përmirësohemi në mënyrën se si e përballojmë presionin e ushtruar nga ata”.

SANDRO APO SPINAZOLA – “Sandro do të luajë nesër. Spinazola luajti mirë kundër Atletikos, por ka shpenzuar shumë energji dhe ka nevojë për pushim. Lojërat e mëdha kanë një proces përshtatjeje”.

Kur na ndan vetëm një ditë nga sfida, ekipet kanë nisur të bëjnë llogaritë për formacionin dhe gjërat kryesore që shqetësojnë, janë padyshim dëmtimet. Tek Juventusi shqetësohen më së shumti, pasi Xhorxho Kielini duket se nuk ia ka dalë që të rikuperohet në kohë për ndeshjen.

Gjithsesi, ka dhe një lajm të mirë për Alegrin, pasi Emre Xhan është gati. Ndërkohë tek Ajaksi, ai që shqetëson është Frenki De Jong, i cili është në dyshim, kjo si pasojë e dëmtimit që pësoi në fundjavë.

Pas takimit, ka folur tekniku Alegri, i cili për faqen zyrtare të klubit tha: “Donim që sot të fitonim titullin. Djemtë bënë një ndeshje të mirë, lojtarët e rinj u përshtatën shumë mirë. Gozi bëri një ndeshje të shkëlqyer, madje edhe kur Barzalji u largua nga fusha, qëndroi shumë mirë i vendosur. Në golin e dytë që pësuam, gabuam si skuadër. Të gjithë bënë mirë, më vjen keq vetëm për humbjen. E pësuam nga mungesa e eksperiencës.

Ajaksi? Dibala bëri një ndeshje shumë të mirë sot, është një alternativë shumë e mirë edhe për në mesjavë. Jam shumë i lumtur edhe për rikthimin e Kuadrados. Matuidi pësoi një lëndim të vogël, por do të jetë gati përballë Ajaksit. Jemi gati për takimin e kthimit, pavarësisht humbjes së sotme” , përfundoi Alegri.

“Rugani luajti një ndeshje të mirë, por isha i sigurt për të. E gjithë mbrojtja më pëlqeu, u soll shumë mirë“, tha trajneri i Juventusit, i pyetur për mungesën e Kielinit.

“Ajaksi nuk ka ardhur kot deri këtu, ka eliminuar Realin duke shkëlqyer dhe është një ekip i frikshëm, me cilësi të rëndësishme. Lojtarët e Ajaksit luajnë mirë në zona të ngushta, kanë teknikë e shpejtësi. Më vjen keq vetë për faktin që nuk i shfrytëzuam mirë disa situata në kundërsulm.

“Goli? Nuk ishim të hutuar, thjesht një gabim në mbrojtje dhe më pas Ajaksi mori zemër, sulmoi për disa minuta dhe na vendosi në vështirësi.

“Ndërrimet në fund? Hodha në fushë lojtarët më teknikë, për të provuar të merrnim fitoren”.

Në fund, edhe pak humor për një faull ndaj Douglas Kostës, i cili nuk simuloi, për të nxjerrë me karton të kuq një kundërshtar: “Duhej ta linte këmbën aty, të fitonte faull...”, tha duke qeshur Alegri.

NDESHJA – “Nesër na duhet të luajmë më sulmues dhe të kemi më shumë kurajo se në ndeshjen ndaj Atletikos, sepse nuk mund të largohemi nga këtu pa shënuar. Nuk është diçka që ndodh shpesh përmbysja që bëmë në fazën e kaluar.”

GJENDJA E LOJTARËVE – “Me shumë mundësi Ronaldo do të luajë. Na vjen keq që nuk do të kemi Kielinin dhe Emre Xhan, por të tjerët janë mirë. Të kemi Dagllas Kostën është e rëndësishme. Dibala u stërvit mirë këtë mëngjes. Rugani do të luajë si qendërmbrojtës dhe është një mundësi e mirë për të.”

AJAKSI – “Është e vërtetë se Atletiko është krejtësisht një ekip tjetër nga Ajaksi, pasi këta të fundit luajnë më hapur, kështu që na duhet të jemi të zgjuar, sidomos në mbrojtje. Ajaksi eleminoi Realin e Madridit si dhe në grupe vuri në vështirësi Bajernin. Të shohim se çfarë do të ndodhë.”

TITULLI NË SERIE A – “Ekipi është në formë të mirë. Jemi stërvitur fort dhe nesër na duhet të hedhim themelet për të kaluar në fazën tjetër. Më pas, shkojmë në transfertë ndaj Spalit për të fituar titullin.

Në takimin kundër Kaljarit në fundjavë, Kieli pësoi këtë dëmtim dhe gjendja e tij në stërvitjen e së hënës do të vendoste nëse do të ishte gati në takimin kundër Ajaksit apo jo. Pavarësisht trajtimit nga infiermieria e klubit, kapiteni nuk ia ka dalë.

Alternativat për Alegrin nuk mungojnë, pasi Rugani është i gatshëm, së bashku me Kaseres dhe Barzali. Po ashtu, trajneri italian mund të aktivizojë dhe Emre Çan në krah të Bonuçit, pasi mesfushori gjerman mund ta mbulojë këtë pozicion. Gjithsesi, Kielini mbetet një mungesë e rëndësishme.

Ekipi i Alegrit fitoi lehtësisht ndaj Kaljarit me rezltatin 2-0 me plot nëntë mungesa në përballjen e fundit, por në sfidat e ardhshme është llogari tjetër. Kristiano Ronaldo, Barzali dhe Kaseres janë mungesa të konfirmuara ndaj kuqezinjve. Paulo Dibala, Mario Manxhukiç dhe Spinacola kanë filluar stërvitjen.

Huan Kuadrado, Duglas Kosta dhe Sami Kedira janë trajnuar me ekipin pas një mungese të gjatë. Objektivi i Juventusit është të ketë ekip të plotë përballë Ajaksit. Champions Liga shihet si objektivi i vetëm për to, pasi kanë hipotekuar kampionatin dhe janë eliminuar nga kupa e Italisë.

Trajneri bardhezi Maks Alegri foli pas ndeshjes në Sky Sport, duke u ndalur shkurt të ndeshja: “Paraqitje e mirë, nuk e lejuam kundërshtarin të gjuante drejt portës sonë dhe nuk duhet të harrojmë se Kaliari në shtëpi krijon shumë raste. Kishim shumë mungesa, por isha i qetë, e dija që kjo skuadër mund t’ia dilte mbanë. Tani na duhen edhe 4 fitore”.

Më pas, Alegri foli për çështjen e koreve raciste, drejtuar Matuidi, Aleks Sandro e Ken, me këtë të fundit që festoi në mënyrë polemike pas golit.

pic.twitter.com/qZ4sibiqpe

— Viaplay Sports UK (@ViaplaySportsUK) April 2, 2019

“Në disa momente duhet evituar provokimi i publikut, por nuk është justifikim. Ka idiotë që duhen kapur me anë të telekamerave dhe duhen përjashtuar përjetë nga stadiumet. Pjekuria e Ken kalon edhe nga ruajtja e qetësisë në situata të tilla, duke mos festuar ashtu. Me Udinezen bëri një gjuajtje me thembër dhe nuk duhej ta bënte, për të respektuar kundërshtarin.

Në fund, dy fjalë për dëmtimet: “Manxhukiç do kthehet te shtunën, Barzali është mirë, Dibala e Douglas Kosta janë pranë rikthimit. Për Ronaldon të shohim, ditë pas dite”.

Ne 10 prill Juve do ndeshet me Ajaksin dhe në kampin bardhezi as që duan t’i luajnë ndeshjet e kampionatit, tani që titulli është siguruar.

Trajneri Maks Alegri do të hedhë në fushë një formacion B në Sardenjë, sepse mungojnë lojtarë pa fund: Kristiano Ronaldo, Barzali, Kuadrado, Perin, Douglas Kosta, Manxhukiç, Dibala e Spinacola nuk janë grumbulluar fare. 

Formacioni, sa shumë ndryshime! 

Alegri ka ndërmend të konfirmojë formacionin më skemën e zakonshme 3-5-2: polaku Shçesni në portë, Kaseres, Bonuçi e Kielini priten në mbrojtje, De Shilio e Aleks Sandro anësorë, Emre Xhan, Pjaniç e Matuidi në qendër, me Mojze Ken dhe Bernardeski në sulm.

Juventus (3-5-2): Shçesni, Kaseres, Bonuçi, Kielini; De Shilio, Emre Xhan, Pjaniç, Matuidi, Aleks Sandro; Ken. Trajner: Alegri

Elozhet nuk kanë munguar për 19-vjeçarin, por ai që e ul me këmbë në tokë është pikërisht trajneri Alegri. Pas ndeshjes, tekniku livornez u pyet për Ken dhe ai u përgjigj se i duhet akoma dhe shumë punë, pasi shumica e lojtarëve që kanë qenë si ai e kanë humbur rrugën.

“Është e drejtë që të ketë ambicie, pasi po stërvitet me Juventusin dhe është i rrethuar nga kampionë. Në këtë nivel ajo që bën diferencën është mentaliteti. Ai në radhë të parë duhet të tregohet profesionist gjatë të gjithë kohës. Duhet të kërkojë të përmirësohet çdo ditë”.

“Ka karakteristikat dhe cilësitë për t’u bërë një lojtar i madh, por kanë qenë të shumtë djemtë që humbën rrugën me kalimin e viteve”, përfundoi Alegri.

E nisim nga Spanja, ku është edhe më i paguari. Diego Simeone mban fronin, me argjentinasin që përfiton plot 3 milionë euro në muaj. Pas tij vjen Ernesto Valverde, i cili përfiton 2 milionë euro në muaj, ndërsa plotëson podiumin tekniku i Valencias, Garsia Toral me 500 mijë euro në muaj.

Për t’u përmendur është që Zinedin Zidan nuk është përfshirë në këtë renditje. Në Angli fronin e mban Pep Guardiola me 1.9 milionë euro në muaj, ndërsa befasia është vendi i dytë. As më shumë e as më pak se Mauricio Pelegrini. Trajneri i Uest Hemit përfiton 950 mijë euro në muaj.

Podiumin e plotëson Mauricio Poçetino me 800 mijë euro, ndërsa jashtë mbeten emra si Jurgen Klop, Sarri apo dhe Emeri. Në Itali në krye është Alegri me 1.14 milionë euro në muaj, ndërsa ndjek Ançeloti me 980 mijë euro dhe më pas Spaleti me 680 mijë.

Bundesliga është kampionati me pagat më të ulëta, teksa në krahasim me La Ligën ka një ndryshim drastik. Më i paguari është Niko Kovaç, me vetëm 580 mijë euro në muaj, ndërsa pas tij vijnë Lysien Favre me 500 mijë dhe Ralf Ragnik i Lajpcig me 400 mijë euro në muaj.

“Spinazola ka bërë një ndeshje të madhe, Bernardeski gjithashtu. Na duhej një paraqitje e tillë për të kaluar në fazën tjetër. U treguan shumë të zgjuar, sidomos në aspektin e pozicionit, këtu fus edhe Emre Xhan, i cili ishte kudo, duke markuar Moratën, në mesfushë, madje dhe si mbrojtës i djathtë kur zëvendësova Spinazolën”.

“Në ndeshjen e parë kisha vendosur Bentakur në pozicionin e Xhan. Sot Emre shpërndante topin nga mbrapa duke i lejuar Spinazolës dhe Kanselos të vraponin drejt krahëve të sulmit. E thashë më parë që shpërdorimi i Lemar në fund të ndeshjes së parë do të ishte një moment vendimtar që do të na mundësonte kualifikimin”.

“Doja që këtë qasje ta kishim edhe në ndeshjen e parë. Zgjodha lojtarë të tjerë atëherë, ndërsa ishim të avashtë në vrapime dhe leximin e lojës.

“Është me të vërtetë një ndjenjë e bukur për tifozët, klubin dhe vetë lojtarët. Ata e dinë që janë një skuadër e madhe. Tani do fokusohemi në kampionat. Kemi si qëllim që të marrim sa më shpejt pikët që na çojnë në vijën e finishit, që më pas të mendojmë vetëm për Champions-in.”

https://www.instagram.com/p/Bu7NAsJBpb7/?utm_source=ig_web_copy_link

URIMI NGA BUFON – “E falënderoj Xhixhin, pasi ai ka shkruar historinë e Juventusit. Pashë ndeshjen e PSG-së dhe u trishtova që shkoi në atë lloj mënyre, megjithatë do të përpiqemi të shkojmë deri në Madrid që ai të jetë atje me ne”.

NDESHJA – “Nesër do të na duhet t’i zgjidhim në mënyrën më të mirë momentet vendimtare të ndeshjes. Dagllas Kosta ishte me skuadrën, por ditën e sotme pësoi një dëmtim në stërvitje për fat të keq. Më duhet ende të vendos se kush do të luajë. Goditjet standarte do të jenë mjaft të rëndësishme, ndoshta Pjaniç mund të shënojë sërish, ashtu siç bëri ndaj Napolit.”

KUNDËRSHTARI – “Atletiko ka fituar tre Eurpa League, gjithashtu ka shkuar dy herë në finalen e Championsit. Është një ndër ekipet më të fortë në Europë në vitet e fundit. Nesër do të duhet të mbijetojmë, dhe do t’ia dalim.”

STRATEGJIA – “Na duhet të japim diçka më shumë nesër. T’i lëmë pas emocionet dhe mos të qëndrojmë të ngrirë. Gjithashtu, në momentet e vështira të mundohemi të japim më shumë se 100%, në mënyrë që në fundin e ndeshjes mos të kemi asnjë pendesë.”

NDESHJA E PARË DHE NDESHJA E NESËRME – “Në ndeshjen e parë bëmë një pjesë të parë të mirë, por më pas gabuam duke menduar se e kaluam rrezikun pasi ato goditën traversën. Na duhet të hymë në fushë më agresivë se kurrë dhe me ndihmën e tifozëve.”

NDESHJA E VITIT – “Nuk është ndeshja e vitit, sepse në rast se kalojmë më tej, do të kemi ende rrugë në Champions. Duam që të bëjmë një performancë fantastike, më pas të shqetësohemi për pjesën tjetër të sezonit.”

MUNGESAT – “Kaseres është një lojtar fantastik, i cili jep gjithçka dhe të gjithë e dimë që karriera e tij është kushtëzuar shumë nga dëmtimet. Spinacola është një alternativë për të nisur si titullar, por nesër do të vendosim. Të kemi Kristianon në ekip është një avantazh i madh.”

Gjithsesi, kur na ndajnë 24 orë nga supersfida, Masimiliano Alegri ka marrë një lajm, që e ka shqetësuar jo pak. Dagllas Kosta nuk do të jetë i gatshëm për ndeshjen e nesërme, pasi është dëmtuar përsëri në stërvitjen e ditës së sotme.

Tashmë, bardhezinjtë i duhet të bëjnë pa yllin brazilian, i cili madje pritej ta niste që nga minuta e parë sfidën, duke ditur që shpejtësia e tij vë jo pak në vështirëse kundërshtarët.

Kohët e fundi, pas humbjes ndaj Atletiko Madrid, nga mediat italiane është përfolur shumë se Alegri do të largohet në fund të këtij sezoni dhe kandidati kryesor për të marrë postin e tij është francezi, Zinedin Zidan.
Lidhur me këto lajmë, së fundmi thuhet se ish-trajneri i Realit ka pasur një takim me drejtuesit e “zonjës së vjetër”, ku dhe ka diskutuar mbi detajet e kontratës. Sipas asaj që raporton “La Stampa”, Zidan ka qenë në Torino ditët e fundit dhe një kalim i tij te Juventus në verë, duket diçka e kryer.

Sipas tifozëve juventinë, trajneri italian bën një lojë mbrojtëse dhe kjo gjë sipas tyre është e pakuptueshme, ku në sulm ka emra si Dibala dhe Ronaldo. Edhe vetë ylli portugez replikoi me Alegrin gjatë ndeshjes.

Kjo pasi Ronaldo po shtynte përpara duke bërë presing, ndërsa pjesa tjetër e skuadrës qëndronte në mbrojtje. Ronaldo i bën një gjes me duar Alegrit, ku i kërkon këtij të fundit të shtyjë ekipin përpara. Në rrjetet sociale, komentet kanë qenë të shumta dhe disa tifozë, kritikojnë ashpër Alegrin.

“Mister!” pic.twitter.com/ce6oahWEEB

— Davide Rovati (@friedgorgo) March 3, 2019

Pikërisht ky i fundit, ditën e djeshme i habiti të gjithë, teksa çaktivizoi të gjithë rrjetet e tij sociale. Alegri njihet për postimet e tij të shpeshta, sidomos në Twitter e Instagram, ku pas ndeshjeve të ekipit të tij, analizon sfidat.

Fillimisht, u mendua që ky vendim u mor për shkak të kritikave dhe ofendimeve nga tifozët, por mediat italiane ditën e sotme kanë raportuar se arsyet e mbylljes së rrjeteve sociale, janë arsye personale të Alegrit.

Gjithsesi ngacmimet dhe ofendimet në rrjetet sociale ishin kthyer të padurueshme për teknikun e  Juventusit, i cili ka ndërmarrë një masë ekstreme duke i mbyllur të gjitha llogaritë e tij.

Mesa duket etja e tifozëve të Juventusit për trofeun e Champions-it ka sjellë një reagim të tillë kundrejt trajnerit. Supremacia e “Zonjës së Vjetër” në Itali ka bërë që titulli kampion të duket si diçka normale që nuk kërkon shumë mund, ndërsa tani i vetmi trofe që vlen është Champion-si.

Sipas “Gazzeta Dello Sport”, Alegri do të shpjegojë arsyet e këtij vendimi në daljen për shtyp që i paraprin ndeshjes së Napolit, konferencë kjo që do të zhvillohet ditën e nesërme.

Në fillim të vitit 2014 Antonio Konte ia bëri të qartë presidentit të Juventuesit Andrea Anjeli se ai do të dorëhiqej në fund të sezonit, duke mos e respektuar kontratën e tij që përfundonte deri në vitin 2015.

I gjendur në këtë lloj situate Alegri së bashku me drejtuesit e lartë të Juventusit Fabio Paratiçi dhe Xhuzepe Marota u takuan me agjentin e trajnerit serb që asokohe drejtonte Sampdorian. Mes palëve u arrit një marrëveshje për një kontratë dy vjeçare me një opsion për një sezon të tretë.

Gjithçka dukej e kryer, derisa pak javë më vonë Konte ndryshoi mendje dhe gjithçka u shkrumbua. Për ta bërë situatën akoma më të trishtë për Mihajloviç, Konte bëri përsëri një kthesë 180 gradë duke u dorëhequr në fund të sezonit, pasi mori drejtimin e kombëtares së Italisë, ndërsa drejtuesit e Juves zgjodhën Alegrin, i cili vazhdon  e sot e kësaj ditë të jetë “timonieri” i kampionëve të Italisë.

“Vështirësitë përballë Bolonjës? Ishin normale, pasi vinim nga një humbje. Por skuadra reagoi mirë dhe morëm tri pikët, që është gjëja më e rëndësishme. Pjaniç? Ka qenë sëmurë gjatë gjithë javës. Para se ta aktivizoja, e pyeta nëse mund të marrë frymë lirshëm. Bonuçi ka pasur problem në kavilje dhe duhet të rikthehet sa më parë në formë optimale. Kielini është rikuperuar plotësisht.

Sfida kundër Napolit? Për mua është e duhura. Do të jetë një test shumë i rëndësishëm për ne para sfidës së kthimit kundër Atletikos”,- përfundoi Alegri.