Allan Saint-Maximin

Milani çmendej për të, talenti francez zgjedh Premier Ligën

Sport Ekspres — Fri, 02 Aug 2019 20:30:46 +0000

Është zyrtare: Alan Seint-Maksinim është lojtari më i ri i Njukasëll Junajtid. Sulmuesi francez ka gjetur akordin me klubin anglez dhe duket gati për aventurën e re. 22-vjeçari i ka kushtuar Njukasëllit plot 16 milionë sterlina, plus 4 milionë në bonuse.
Seint-Maksinim kërkohej me ngulm nga Milani gjatë muajit janar, por kuqezinjtë nuk ia dolën të bindën klubin e Nisës. Por këtë merkato vere, drejtuesit e klubit francez arritën ta shesin lojtarin e tyre për shumën që dëshironin, që ishte 20 milionë.

Seint-Maksinim do të mbajë të veshur fanellën me numrin 10 te Njukasëll, do të firmosë për gjashtë sezone dhe do të jetë pika e referimit në sulmin e ekipit anglez. Sezonin e shkuar, Maksinim shënoi 6 gola në 34 ndeshje në Ligue 1.

There’s a new No.10 in town at St. James’ Park…

Allan Saint-Maximin joins @NUFC on a six-year deal ?? https://t.co/turefi9Lk7 pic.twitter.com/wfGH0oxgTg

— Premier League (@premierleague) August 2, 2019

Milani ngel “thatë”, francezi zgjedh ofertën londineze

Sport Ekspres — Thu, 27 Jun 2019 18:47:08 +0000

Alan San Maksimin ishte një nga objektivat e Milanit në janar, me klubin italian që iu desh të hiqte dorë nga shërbimet e tij pas problemeve me UEFA-n dhe rrokadës së drejtuesve. 22-vjeçari aktivizohet me Nisën ne kampionatin francez, ku ka bërë mjaft mirë. Këtë vit ai e mbylli me 6 gola dhe 3 asiste.

Djaloshi ka rënë shumë në sy edhe me aftësitë e tij për të luajtur në çdo pozicion të sulmit. Kristal Palas është klubi që ndodhet më afër shërbimeve të talentit. Nise dëshiron të fitojë sa më shumë nga shërbimet e tij. Kristal Palas e di mirë këtë gjë dhe ka gati një ofertë mjaft të majme për klubin francez.

Sipas “Daily Mail”, anglezët kanë ofruar plot 30 milionë euro për San Maksimin, me Nisën që duket se nuk do të rezistojë dot. Në ditët në vijim pritet mbyllja e këtij transferimi, me lojtarin që do ishte i lumtur të ishte pjesë e një kampionati si Premier Liga.

E zbulon vetë lojtari, Milani ishte pranë talentit francez

Sport Ekspres — Sun, 05 May 2019 09:53:53 +0000

Milani bëri një merkato aktive në verë, por shumica e lojtarëve të ardhur nuk kanë treguar nivelin e pritur. Drejtuesve, duke parë gjendjen e ekipit, iu desh të ndërhynin edhe në merkaton e dimrit për të sjellë elementë që bënin diferncën.

Piatek ishte afrimi më i goditur i kuqezinjve, që larguan Higuanin te Çelsi për t’i hapur vend polakut. Megjithatë Piatek nuk ishte synimi i vetëm i kuqezinjve. Talenti i Nisës, Sant-Maksimin ishte shumë pranë trsnsferimit në Milano. 22-vjeçari aktivizohet në kampionatin francez dhe ka shfaqur një nivel të lartë.

Francezi e pranon faktin që ishte pranë skuadrës së drejtuar nga Gatuzo dhe nuk e mohon faktin se mund të transferohet në verë. ”Milani është një klub i mrekulllueshëm. Kam pasur rastin të transferohem në merkaton e dimrin, por nuk u finalizua. Do të shohim se çfarë do të ndodhë në verë, por unë jam gati për të hedhur këtë hap”,u shpreh Sant-Maksimin.

Merkato në Angli dhe Francë, shtypi italian zbulon planet e Milanit

Sport Ekspres — Sat, 23 Mar 2019 12:16:57 +0000

Botimi i ditës së sotme i së përditshmes “Corriere Dello Sport” ishte fokusuar te një lajm i bujshëm në lidhje me strategjinë e transferimeve që Milani do të ndjekë gjatë merkatos së verës.

Sipas së përditshmes italiane, fokusi i merkatos së “djallit” do të jetë një sulmues anësor, më konkretisht për krahu e djathtë të sulmit, një pozicion ku Milani po vuan prej disa sezonesh.

Për të rregulluar këtë problem drejtues i Milanit Leonardo, po mendon të rikthejë në Milano spanjollin Zherard Deolofeu. Futbollisti, i cili tani aktivizohet me Uotfordin në Angli, ruan kujtime të mira nga ekspierenca e mëparshme me Milanin dhe e mirëpret rikthimin në Serie A.

Në rast se tratativat për Deolofeun dështojnë, Milano do të kthejë sytë nga Franca. Talenti i Nicës, Alen Sent-Maksimin është një emër që premton shumë të për të ardhmen, por natyrisht ka dhe risk me vete, pasi i riu francez nuk ka luajtur më parë në të tilla nivele.

Seint-Maksimin i “shkel syrin” Milanin: Nuk do të qëndroj gjithmonë te Nica

Sport Ekspres — Fri, 15 Feb 2019 12:11:22 +0000

Milani zhvilloi një merkato shumë të mirë në janar dhe përforcoi ekipin me dyshen Piatek-Paketa. Kuqezinjtë tentuan dhe shërbimet e Alan Seint-Maksimin, por Nica nuk pranoi të hiqte dorë nga shërbimet e 21-vjeçarit francez.

Anësori ofensiv vazhdon të mbetet një objektiv dhe Leonardo do të bëjë të pamundurën për ta sjellë në verë në Milanelo. Vetë lojtari tregohet ambicioz në prononcimin e dhënë për “Canal Football Club”.

Seint-Maksimin tregon dëshirën e tij për të luajtur me një ekip të madh dhe tregohet i sinqertë duke mos bërë asnjë premtim për ekipin aktual. Në garë për shërbimet e lojtarit të krahut janë dhe Borusia e Dortmundit dhe Atletikos së Madridit, kështu që klubit italian i duhet të nxitojë për të arritur akordin me lojtarin ofensiv të Nicës.

“Natyrisht që unë dua të arrij në nivelin më të lartë. Do të ishte një gënjeshtër nëse them që dua të qëndroj këtu gjithë karrierën time. Por unë e di që duhet të bëj mirë në fushën e blertë, më pas të shohim se çfarë do të ndodhë“, përfundon Alan Seint-Maksimin.