Siç raportojnë mediat turke, klubi i Goztepes është interesuar për shërbimet e 25-vjeçarit, por Kalmari nuk ka ndërmend ta lërë të lirë, për më tepër që kampionati në Suedi është në mes dhe Aliti është në planet e trajnerit.

Mësohet se Goztepe ka qenë gati edhe të paguajë klauzolën e mbrojtësit dardan, por ky i fundit nuk ka ndërmend të lëvizë. Aliti po kalon një periudhë të shkëlqyer në Suedi dhe jo më kot ofertat për të kanë qenë prezente.

Në të shkuarën Ademi ka qenë pjesë e dy grumbullimeve të kombëtares shqiptare, por në të dyja rastet nuk ka mundur të aktivizohet duket qëndruar në stolin e rezervave deri në përfundim të takimit.

Zhvendosemi në Suedi ku Fidan Aliti vazhdon të jetë pjesë e pandashme e formacionit i titullar te Kalmari. Skuadra ku luan qendërmbrojtësi shqiptar u mund 2 – 0 në transfertën me Djurgarden.

Pikërisht këto dy skuadra u përballën sot me njëra-tjetrën dhe Aliti u vu përballë Binakut. Jo fizikisht, pasi Binaku nuk u preferua asnjë minutë nga trajneri i Norkopingut. Ndryshe nga mëngjarashi kuqezi, Aliti luajti 90 minuta, madje dhe asistoi golin e dytë të skuadrës së tij.

Ndeshja mes dy skuadrave u mbyll në barazim 2-2.

Legjionarët tjerë që kanë zbritur në fushën e lojës: Mbrojtësi Besir Demiri me Mariupolin luajti 90 minuta, ndërsa Kristi Qose fitoi përballë ish-ekipit të tij, Mihalovce.

Gavazaj u aktivizua nga stoli në këtë takim, ku luajti përreth 30 minuta. Mëngjarashi u huazua tek ekipi bjellorus nga Skënderbeu gjatë ditëve të para të marsit.

Një tjetër “ish” i Skënderbeut që ka debutuar ditën e sotme në një kampionat të ri është Fidan Aliti. Qendërmbrojtësi luajti si titullar te skuadra e Kalmarit në takimin hapës të kampionatit “Allsvenskan”. Skuadra e lojtarit të përfaqësuese së Kosovës vinte si favorite ndaj vizitorëve të Sirius, por këta të fundit kanë befasuar të zotët e shtëpisë duke marrë tri pikët pas fitores 2 – 0.

ZGJEDHJA E KALMARIT – “Ekipin e kam gjetur shumë pozitiv. Vetëm një ditë pasi nënshkrova, iu bashkova skuadrës në Turqi, ku më pritën shumë mirë. Besoj është një ekip shumë stabël në kampionat, është shumë e rëndësishme kjo gjë. Kam biseduar me trajnerin dhe me drejtorët e klubit dhe më kanë siguruar që do të jem një lojtar i rëndësishëm”.

OFERTAT – “Kam diskutuar dhe me Malmon dhe Hamarbi, po nuk më siguruan minutat. Ky kampionat është shumë i fortë. Ka stadiume shumë të mira dhe na shohin plot 60 mijë tifozë për çdo javë. Jam shumë i kënaqur këtu, kam nënshkruar një kontratë 4-vjeçare, kanë paguar për mua dhe jam shumë i lumtur që erdha”.

SKËNDËRBEU – “Skënderbeut i uroj suksese, e falënderoj shumë familjen Takaj dhe të gjithë aty do të jenë në zemrën time. Shpresoj që të marrin sa më shumë fitore këtë sezon”,- u shpreh Aliti.

Takimi u mbyll me shifra të barabarta 1 – 1 dhe ish-lojtari i Skënderbeut shënoi golin që vuri në baraspeshë rezultatin në minutën e 83-të. Një harkim nga një goditje këndi u shfrytëzua mjaft mirë nga Aliti, goditja me kokë e të cilit çoi topin drejt rrjetës.

Futbollisti 25-vjeçar u transferua drejt skuadrës suedeze më datë tre shkurt dhe falë shitjes së kartonit të mëngjarashit, klubi i Skënderbeut arkëtoi 150 mijë euro, ndërsa lojtari firmosi një kontratë të vlefshme për katër sezone me skuadrën që militon në elitën e futbollit suedez “allsvenskan”.

Sot, faqja zyrtare e klubit të Skënderbeut ka falënderuar mbrojtësin për shërbimet e tij, si dhe i ka uruar fat në aventurën e tij të re. Ndërsa vetë mbrojtësi Aliti ka publikuar një foto në Instagramin e tij, ku ka shkruar “Faleminderit Ardian Takaj” mbi fanellën e tij të re të Kalmarit. Duket se marrëdhëniet mes Alitit dhe klubit kanë qenë dhe do të mbeten shumë të mira.

Mbrojtësi 25-vjeçar nga Presheva ka firmosur kontratë 4-vjeçare në Suedi, për Kalmarin, ku shpreson të hedhë një tjetër hap përpara, sepse e konsideron këtë klub vetëm si trampolinë drejt futbollit të rëndësishëm.

Nga Suedia, ku ka firmosur dhe është prezantuar, Aliti ka pasur edhe një mesazh për shokët e tij te Skënderbeu.

“Përshëndetje, çuna.

Tani është zyrtar transferimi im te FK Kalmar, në Suedi.

Dua t’ju falënderoj nga zemra! Presidentit, stafit dhe gjithë lojtarëve. Kam kaluar një kohë shumë të mirë te Skënderbeu, jo vetëm në fushë të futbollit, por edhe jashtë saj. Të gjitha që i kemi arritur ne (ju vitet më përpara), nuk ka për t’i arritur asnjë klub shqiptar, kështu që të jeni krenarë që jeni pjesë e Skënderbeut, edhe pse për momentin është një situatë jo e lehtë. Ju do jeni gjithmonë në zemrën time dhe ishallah ju shoh sa më lart, të gjithëve. Ju uroj shumë shëndet e suksese, Aliti”.

“Të them të drejtën ishte një vit shumë i rëndësishëm për mua. Menaxheri im Shkumbin Qormemeti më ka bindur të shkoj te Skënderbeu. Falënderoj atë dhe presidentin Ardian Takaj që ka bërë shumë për të gjithë futbollin shqiptar, Skënderbeun dhe Korçën”.

“Të them të drejtën, para pak ditësh isha shumë afër transferimit te Malmo, por më pas folëm me drejtorin e Kalmarit. Unë e shoh shumë të rëndësishme që të jem pjesë kryesore e ekipit, prandaj vendosa të vij te Kalmari. E shoh këtë kalim si një trampolinë për të ardhmen”.

“Nuk kam folur me Etrit Berishën, por kam biseduar me ish-trajnerin e Kosovës  Albert Bunjakin, i cili më parë ka qenë në postin e asistentit te Kalmari. Ai më foli shumë mirë për këtë ekip”.

“Çdo lojtar e ka ëndërruar largimin në momente të mira. E di që nuk është në një moment shumë të mirë, por jam shumë i sigurt se çunat do të rikthehen më të fortë”.

“Ngjarja në Fushë-Krujë? Nuk dua të flas për detaje. Është gjynah për sportin e për futbollin që të flas për ato gjëra që kanë ndodhur. Aty ishin policë që u larguan. Lojtarë si Radas dhe Vangjeli kanë bërë shumë për futbollin shqiptar dhe nuk e meritonin të trajtoheshin ashtu”, përfundoi Aliti.

“Sport Ekspres” mëson se mbrojtësi i fuqishëm i kampionëve të Shqipërisë ka firmosur për klubin e njohur suedez një kontratë 4-vjeçare.

Skënderbeu arkëton nga ky transferim 200 mijë euro, por gjithashtu do të mbajë 25% të kartonit, në rast rishitjeje.

Drejtori sportiv i Skënderbeut, Haris Fakiç, ka qenë personi që është përkujdesur për të gjitha detajet e një transferimi tjetër të bujshëm nga Skënderbeu, duke firmosur sot me drejtorin e klubit suedez, Thomas Andersson-Borstam. Një tjetër goditje e rëndësishme nga  agjencia e Fakië dhe Shkumbin Qormemetit, Select Sport Management, pasi Aliti kishte edhe një vit kontratë dhe shifra e shitjes është e konsiderueshme.

Shitja e Alitit lë një gropë të madhe te Skënderbeu, që gjithsesi ka emra si Lulaj e Sambou krah Radas dhe këtë janar afroi shumë lojtarë, ndaj shpreson që të gjejë të rinj të tjerë interesantë, për t’i vlerësuar në treg.

“Jam i lumtur që po firmos, pres me padurim të takoj shokët e mi të rinj. Do doja të falënderoja drejtuesit e Kalmarit, që treguan se dëshironin patjetër të firmosnin me mua”, tha Aliti për faqen zyrtare të Kalmarit.

“Mendoj se mund të jap maksimumin si qendërmbrojtës, pëlqej duelet e forta dhe punoj fort për të fituar çdo top. E shoh veten si futbollist në formë mjaft të mirë fizike dhe kjo ndihmon shumë në futbollin e sotëm. Ka pasur shumë zëra gjatë janarit, por ndjeva se Kalmari ishte klubi i duhur për mua”.

“Në vija të përgjithshme jemi mirë. Përveç dëmtimit të Bregut që na erdhi si rrufe në qiell të hapur, gjithçka po shkon mirë. Mungesa e tij është shumë e dëmshme për ne, pasi është një lojtar thelbësor për lojën tonë. Demtes do i duhen dhe disa dhe nuk do të jetë i gatshëm për ndeshjen e parë të fazës së tretë, kështu që do të na duhet të bëjmë pa të”.

“Jemi përballur me kundërshtarë të fortë si Tirana dhe Bylisi që është ekipi më i fortë i Kategorisë së Parë. Jam i kënaqur shumë nga loja. Çunat kanë pasur dëshirë të bëjnë, por në ndeshje e fundit kemi pasur dhe mungesë fati”.

ALITI – “Çështja e Fidanit (Alitit) është se jemi në futboll profesionist. Situata është e tillë që ai dhe mund të largohet. Megjithatë në aspektin sportiv, sigurisht që kjo nuk është gjë e mirë për mua si trajner”.

“Katër humbje rresht është një gjë e madhe për Skënderbeun. Nuk jemi të kënaqur me muajin e fundit. Kemi diskutuar dhe i dimë gabimet tona. Synimi është të bëjmë më mirë”.

Kam kontratë  deri në fund të sezonit. Është e vërtetë që kemi biseduar me disa ekipe, por nuk është detyra ime të publikoj emra. Për momentin, jam i fokusuar këtu.

Dy fazat e mbetura? Të ngrihemi në vend të parë, aty ku Skënderbeu dhe ne e meritojmë. Jam i bindur se do të shpallemi sërish kampionë”, përfundoi Aliti.

Shameti, Dzaria, Rexhinaldo dhe Shkodran kanë nga tre kartonë dhe nëse do të ndëshkohen nesër javën e ardhshme do të jenë të detyruar që ta ndjekin takimin me kryesuesit nga tribuna. Në këtë pikë Skënderbeu rrezikon akoma dhe më shumë.

Korçarët kanë plot 5 lojtarë që rrezikojnë të humbasin ndeshjen e javës së ardhshme. Aliti, Abazi, Demte, Dita, Bregu kanë të gjithë nga 3 kartonë dhe një ndëshkim në sfidën e Kamzës ndaj Luftëtarit nuk do të jenë në fushë. Një ndeshje e madhe, por që do kujdes. Kjo gjë mund të privojë disi lojën e fortë, sidomos te Kukësi, pasi askush nuk do të humbasë ndeshjet e mëdha.

SFIDA – “Nuk ishte një ndeshje e lehtë, sidomos kur humbet penalltinë. Kështu është futbolli. Mund të shënoja dhe të isha hero, por ndonjëherë zhytesh poshtë. Në futboll ndodh edhe që të humbasësh penalltinë. Fati, gjithashtu nuk ishte me ne sot. Kemi luajtur 90 minuta me një portë. Kundërshtari kishte gjysmë rasti dhe shënoi. Shohim para, të fitojmë dhe ta harrojmë këtë ndeshje”.

PENALLTIA – “Mund të gjuaja edhe më mirë, por penalltia është edhe fat”.

E ARDHMJA – “Nuk ka diçka konkrete. Unë kam kontratë këtu dhe jam i fokusuar këtu”.

OBJEKTIVAT – “Ne duam të dalim kampion në fund të sezonit. Luajmë me Kukësin dhe synojmë tre pikët në këtë ndeshje”

Aliti është bindur edhe më shumë se ka zgjedhur ekipin më të mirë në Shqipëri: “Çdo ekip jep gjithçka kundër nesh, çdo ndeshje e shoh që të gjithë japin 120% kundër nesh, ndaj ndihem shumë mirë, sepse jam në një klub të rëndësishëm dhe shumë të vlerësuar”.

Miqtë më të afërt në ekip? “Jashanica më ka qëndruar pranë, jemi edhe në përfaqësuese bashkë, do të nisemi që tani për në Kosovë meqë ra fjala. Në fakt, e gjithë skuadra më ka ndihmuar shumë që të ambientohem. Po të mos ishte për mbështetjen e skuadrës, nuk do të ambientohesha kaq lehtë, ndaj i falënderoj të gjithë”.