ALISON – “Do të jetë një ndeshje shumë e vështirë. Bajerni ka një skuadër të mbushur me yje dhe kanë portierin më të mirë në botë. Nojer është i pabesueshëm dhe është një nder për mua që do të ndaj fushën me të. Edhe ne kemi kualitet në skuadër. Kur kam Fabinjon dhe Van Dajk përpara, ndjej një siguri shumë të madhe. Levandovski nuk ka nevojë për përgatitje. Nuk përgatitesh dot kundër një sulmuesi si Leva, por thjesht shpreson që nuk është në një ditë të mirë. Ne kemi studiuar të gjithë lojtarët e Bajernit, pastaj në ndeshje gjithçka mund të ndodhë”, tha portieri brazilian.

KLOP – “Nuk ia kam idenë sesi do të më presin tifozët e Bajernit. Nuk kam pasur ndonjëherë një pritje të mirë në “Allianz Arena”, por ndoshta nesër do të jetë ndryshe (qesh). Mos më pyesni për Premier Ligën, po luajmë në Ligën e Kampionëve. Nuk kam parë trajner që të përgjigjet për kampionat kur luan në Ligën e Kampionëve. E gjithë bota do të shikojë ndeshjen nesër, prandaj zgjidhini mirë pyetjet. Për Fulhemin, do të mendojmë pas Bajernit. Nuk them që do të jetë një ndeshje e vështirë, por do të jetë një sfidë. Ata janë një skuadër shumë cilësore. Duhet të mbrohemi shumë mirë, duhet të qarkullojmë topin. Duhet të kemi b *** që të ndërtojmë lojën tonë dhe të tregojmë cilësitë që kemi. Bajerni është në një formë të shkëlqyer. Para tri javësh, ishim ne favoritët, por për një periudhë kaq të shkurtër, futbolli ndryshon”, u shpreh trajneri i Liverpulit.

Megjithatë, në fund heroi ishte portieri brazilian Alison Beker, i cili kreu një pritje fantastike ndaj Milik në shtesë. Për këtë arsye, trajneri Jurgen Klop pas ndeshjes u ndal në mënyrë të veçantë te ylli i portës, i cili në verë kushtoi mbi 70 milionë euro.

“Ta dija që ishte kaq i mirë, do e kisha paguar dyfish. Qetësia e tij është impresionuese, skuadra ka shumë siguri pas dhe e nis lojën drejt sulmit me shumë qetësi. Me daljet ajrore Alison është perfekt dhe pastaj pritja në fund ishte spektakolare.

CLUTCH SAVE FROM ALISSON TO QUALIFY https://t.co/wD1DETUWDg

— Samuel (@SamueILFC) December 11, 2018

“Luajtëm një ndeshje të shkëlqyer, goli i Salah ishte i mrekullueshëm. Skuadra u mbrojt shumë mirë dhe Alison ishte mahnitës, por i duhen djemtë që të luajnë gjithnjë kështu, sepse nuk mund të presim që ai të kryejë 20 pritje si ajo.

“Nuk kam parë si ajo pritje, bravo Alison dhe bravo gjithë skuadra, jam krenar për këta djem dhe i falënderoj”.