Sulmuesi i përfundon kontrata në fund të qershorit të vitit 2022, ndaj çdo klub që e dëshiron duhet të paguajë një shifër të mirë për ta transferuar futbollistin nga Gambia. Sikurse edhe kuptohet, është e vështirë që ndodnjë klub shqiptar, Partizani, apo kushdo tjetër, të mund të blejë sulmuesin Ali Soue.

Fundjavën e shkuar, juristi i klubit të kuq, Geri Burba, ishte i pranishëm në stadium gjatë ndeshjes CSKA Sofia-Ludogorets dhe ndoshta kjo ka bërë që emri i Soue të lidhet me Partizanin. Sigurisht askush nuk i ndal kryeqytetasit të ëndërrojnë, por arritja e një marrëveshje për transferimin e ish-sulmuesit të Skënderbeut është një mision i pamundur.

Emri i Soue është lidhur edhe me një transferim të mundshëm te Trabzonspori, klub ku luan edhe Kaleb Ekuban. Kolumbiani Hugo Rodajega, i cili në korrik mbush 34 vjeç, është drejt largimit dhe sulmuesi i CSKA-së së Sofies shihet si alternativa më e mirë për ta zëvendësuar. Kartoni i Soue vlerësohet rreth 1 milionë euro, shumë që edhe mund të paguhet nga turqit.

Nga ajo që mëson SportEkspres.com nga burime pranë lojtarit, për Soue ka interesim edhe nga klube të tjera në Turqi dhe bullgarët madje kanë refuzuar edhe një ofertë që kap shifrën e 700 mijë eurove. Sezoni i mirë që po bën në Bullgari, teksa ka shënuar 11 gola deri më tani, bëjnë që drejtuesit e CSKA-së të mendohen mirë para se ta shesin sulmuesin.

Skënderbeu nuk mund të paguante 200 mijë euro për kartonin e tij dhe sulmuesi u rikthye te Kievo. Klubi italian e huazoi te CSKA Sofia në Bullgari, klub që e ka blerë kartonin e Soue. Ai po ia shpërblen edhe me gola ekipit të tij.

Ditën e sotme ai ka shënuar golin e 11-të në kampionat (realizoi golin e tretë në fitoren 1-3 që CSKA mori në transfertë kundër Çerno More) dhe është shënuesi më i mirë në skuadrën e tij. Soue në fillim nuk po luante rregullisht si titullar. Nëse do kishte pasur më shumë minuta, atëherë edhe golat do kishin qenë më të shumtë.

Futbollisti nga Gambia ishte autori i një dopiete për CSKA-në në takimin e sotëm, por një gol në limite i Botev Plovdivit çoi rezultatin në baraspeshë 3 – 3 (ndeshja e parë ishte fituar 3 – 2 nga Botev Plovdiv) duke  zhvleftësuar dy golat e  Soues dhe duke lënë kryeqytetasit jashtë finales së Kupës.

Eliminimi dhemb më shumë dhe për faktin se Botev luante me nëntë lojtarë që prej minutës së 83-të dhe një gol tjetër do mbyllte përfundimisht çështjen e kualifikimit.

Në takimin e luajtur sot kundër Etar, sulmuesi nga Gambia pati rol kycc në të gjithë golat e skuadrës së tij. CSKA-ja fitoi me rezultatin 3 – 1 dhe Soue ishte autori i dy golave dhe një asisti.

Viti 2019 ka nisur mbarë për 24-vjeçarin që në gjashtë pesë takimet e fundit ka shënuar gjashtë gola. Sicc duket firma përfundimtare me klubin bullgar e ka motivuar shumë sulmuesin.

Në verë Soue u huazua sërish nga Kievo, kësaj radhe në Bullgari te CSKA-ja e Sofies. Lojtari 24-vjeçar po arrin të bëjë diferencën edhe në kampionatin bullgar dhe ditën e sotme “shpërtheu” me një tripletë golash në takimin ndaj Septemvri Sofies.

https://www.instagram.com/p/BuhF0b_HJe-/?utm_source=ig_web_copy_link

Me tre golat e sotëm, Soue shkon në kuotën e 7 finalizimeve në 16 aktivizime në ligën e parë bullgare, ndërsa skuadra ngushton përkohësisht distancën me kryesuesit e Ludugorecit në dy pikë.

Sulmuesi 24-vjeçar u tregua i saktë pas një harkimi në zonë dhe me një goditje me kokë e dërgoi topin në rrjetë. Ishte fillimi i pjesës së dytë dhe Soue me golin e realizuar i dha avantazhin e dyfishtë CSKA Sofies. Ky është goli i katërt sezonal për sulmuesin në kampionat.

Bullgarët renditen në vendin e dytë në kampionat, me pesë pikë diferencë nga Ludogorets. Synimi është titulli kampion dhe Ali Soue e di si fitohen trofetë. Në Shqipëri me Skënderbeun ai triumfoi në Kupë dhe kampionat, ndërkohë që rrëmbeu edhe “Këpucën e Artë” me 21 gola të realizuar.

-E prisni, që brenda dy javësh të ishit në këtë diferencë pikësh?
-Kur vjen tek ekipi i Partizanit qëllimet janë të qarta. Ne si futbollist, të mos them se e prisnim, por e dëshironim. Të tjerët ndoshta kanë qenë skeptikë për ekipin tonë, por ne e donim vendin e parë dhe e duam ende. Nuk ka ndonjë diferencë të madhe pikësh, kampionati ynë është i vështirë dhe jue dini më mirë këtë. Duhet të bëjmë punën tonë dhe t’i marrim ndeshjet një nga një, duke filluar nga takimi i nesërm.

-Çfarë ka më shumë Partizani se Teuta ose Kukësi?
Suksesi i këtij Partizani nuk kanë qenë individët dhe mund ta them me plot gojën se ka qenë grupi. Kemi një grup shumë të mirë, si nga lojtarët si nga stafi. Ka funksionuar gjithçka sikurse duhet.

-Çfarë ju shqetëson nga ekipi i Laçit? Ju intereson barazimi?
–Si në çdo sfidë tjetër do të futemi për të marrë fitoren, pastaj futbolli i ka të tri rezultatet brenda dhe nuk i dihet se si do të shkojë ndeshja. Nuk na frikëson diçka, por nuk duhet t’i marrim sfidat lehtë. Në ato momente e vëmë veten në vështirësi më të mëdha.

-Me kë ndjeheni më mirë në qendër të mbrojtjes? Si ia keni dalë të përshtateni kaq shpejt?
–Rexhepi është lojtar shumë i mirë. Ai ka bërë mirë në 3 ndeshjet e para, por nuk është se e vendos unë se kush do të luajë. Kushdo që të jetë, jam i sigurt se mundohet të japë më të mirën.

-Kush ka qenë sulmuesi që ju ka vënë më shumë në vështirësi?
-Nuk do doja të përmendja emra. Vjet, sulmuesi i Skënderbeut, Soue, ka qenë me të vërtetë i fuqishëm. Na ka vendosur në vështirësi.

-Si është atmosfera në skuadër?
-Tani nuk është se  ka presion, por atmosfera në ekip është e jashtëzakonshme. shtatë pikë nuk janë shumë. Duhet t’i marrim ndeshjet një

-Laçi vjen pas dy humbjeve, a ua vështirëson kjo objektivin tuaj?
-Nuk do të thosha kështu. Laçi ka një ekip të mirë, edhe pse ka pasur vështirësi 2-3 javët e fundit. Kjo nuk do të thotë se do e kemi të lehtë. Duhet të futemi të përqendruar maksimalisht dhe të mundohemi të marrim më të mirën.

FLORIAN ALLA

Sipas asaj që raporton specialisti i merkato, Alfredo Pedula, Kievo do të përfitojë në rast se Soue do të shitet sërish nga bullgarët. Sulmuesi një sezon më parë fitoi Kupën dhe titullin kampion me Skënderbeun. Ai arriti të shënonte 21 gola dhe u shpall shënuesi më i mirë në Superiore, duke bërë për vete “Këpucën e Artë”.

ISH-I I TIRANËS – Mervejl Ndokit u shit nga Tirana për shumën e 600 mijë eurove. Me fanellën e Getafes ai luajti gjashtë takime dhe këtë verë klubi spanjoll e çoi në huazim te Majorka. Te klubi i Segunda Division gjërat nuk është se shkuan fort mirë.

Futbollisti nga Kongo pati probleme me klubin dhe ka luajtur vetëm 5 ndeshje. Tre prej tyre i nisi si titullar, ndërkohë që së fundmi ai është rikthyer te Getafe. Klubet kanë gjetur marrëveshjen dhe kontrata e huazimit të Mervejl është ndërprerë.

Pas ndeshjes ai edhe ka folur dhe ndihet i lumtur që shënon. Ai nuk ndalet me kaq dhe thekson se do që të fitojë gjithçka me klubin e tij. “Jam shumë i lumtur, prisja që të fitonim. Çdo ndeshje është e rëndësishme është për ne dhe duhet të fitojmë. Jam i lumtur për të dy golat dhe fitoren”, u shpreh sulmuesi 24-vjeçar.

Më tej ai shtoi: “Jam këtu për të bërë më të mirën. E njoh CSKA-në, i njoh edhe njerëzit që punojnë këtu. ata na ndihmojnë ne. Jemi ekip i mirë dhe nuk duhet të ketë tension mes nesh. Jam i lumtur që jam këtu”.

KONKURRENCA – Braziliani Mauridesh ka arritur deri tani të shikojë gjashtë gola në kampionat dhe është shënuesi më i mirë i skuadrës së tij. I pyetur në lidhje me konkurrencën dhe për objektivat, Soue ka qenë shumë i qartë.

“I respektoj shokët e mi dhe Mauridesh gjithashtu. Çdokush duhet të japë më të mirën për të luajtur dhe CSKA do të fitojë. Çdokush prej nesh punon fort. Më e rëndësishme është që të fitojmë çdo ndeshje. Objektivi ynë është të fitojmë gjithçka”.

Rikthim në Itali, por Serie A është e vështirë. Nga Kievo sulmuesi ka kaluar te CSKA Sofje në Bullgari. Së fundmi klubi i tij ka “prezantuar” Souenë përmes një klipi të titulluar “Beyond the Jersey – Ali Sowe”. Shqip: Përtej fanellës Ali Soue.

HAPAT E PARË NË FUTBOLL – “Kam lindur në Gambia. Jetesa nuk ishte e lehtë, por ishim në rregull, pasi ishim të lumtur. Kur je fëmijë lumturohesh me gjëra të vogla. Që fëmijë më ka pëlqyer të luaj futboll. Kur isha i vogël, zgjohesha në mëngjes dhe vrapoja për të luajtur futboll. Nuk haja mëngjes. Ishte e vështirë për të gjetur top, por fatmirësisht unë isha ai që kisha topin. Me vrap shkoja mblidhja shokët, disa i zgjoja nga gjumi, disa ishin gati dhe shkonim në fushë. Luanim atje për shumë orë”, rrëfehet Soue.

https://www.facebook.com/cskasofiaofficial/videos/1163265897154965/

Sulmuesi tregon se si shkoi në Itali dhe si shkuan më pas gjërat atje: “Vëzhguesi i tyre erdhi në Gambia për të parë lojtarë dhe vetëm pas 10 minutash lojë me thirri. Isha i përzgjedhuri.  Ishin të impresionuar nga paraqitja ime. Nga aty nisi karriera ime, pasi më mori në Itali. Ndeshja ime e parë ishte kundër Torinos”.

“Ishte shumë e bukur, pasi e dija se Gambia, i gjithë kombi im do ta shihte këtë ndeshje. Kam bërë historinë, pasi jam gambiani i parë që ka luajtur në Seria A. Më pas ishte një rutinë e vështirë, po nuk u dëmtove je me shumë fat. Kam qëndruar për një vit pa bërë asnjë aktivitet. Kam qenë shumë keq, nuk ka mundur as të ec. Ai ka qenë momenti më i vështirë në jetën time, erdhi nga ky dëmtim. Ajo situatë më bëri më të fortë”.

SKËNDERBEU – Kujtime të bukur Soue ruan edhe nga eksperienca e vjetshme me Skënderbeun: “Ishte një sezon i mrekullueshëm. Ne fituam kampionatin dhe Kupën, kurse unë u shpalla golashënuesi më i mirë. Të luaje në Europa League ishte fantastike. Kam shënuar golin e parë në Europa dhe nuk do ta harroj kurrë atë moment. Dua të bëj më shumë, pasi kam besim në vete dhe shumë uri për të bërë më shumë”, përfundon sulmuesi.

Shkodrani, edhe pse në moshë, vijon të shënojë në Austri dhe një ditë më parë i dha triumfin dhe kualifikimin Nojshtatit në Kupën e Austrisë. Një ndeshje dramatike që u mbyll me rezultatin 3-4. Vendosi Salihi në shtesë dhe Deutshlansberger.

Soue gjithashtu shënoi në shtesë. Sulmuesi nga Gambia e nisi nga stoli në takimin që CSKA Sofie fitoi kundër PFC Montana me rezultatin e pastër 0-2. Ish-lojtari i Skënderbeut u aktivizua në minutën e 81-të dhe në shtesë Soue realizoi golin e dytë i vetëm me portierin.

Nuk ka një njoftim zyrtar, por klubi italian me shumë mundësi ka rinovuar kontratën me Soue, i cili vjet shkëlqeu me Skënderbeun. Ai fitoi “Këpucën e Artë” me 21 gola të shënuar, ndërkohë që në total në të gjitha kompeticionet realizoi 28 herë.

Soue është huazuar te CSKA Sofia, nënkampione në Bullgari dhe pretendente për titullin edhe këtë sezon. Merkato në Bullgari mbyllet nesër dhe në momentet e fundit është regjistruar Soue, i cili momentalisht ka mbërritur në Sofie dhe ka kryer vizitat mjekësore. Tanimë ka ardhur edhe zyrtarizimi.

Nëse ndokush nga klubet e Superiore e merr, do ishte padyshim një goditje, pasi aftësitë e sulmuesit dihen. Gjithsesi nuk duhet harruar: kushton shumë. Sado gola të realizojë, që të ta shpërblejë do të duhet të ndihmojë në kalimin e të paktën dy tureve në Europë.

Për Soue së fundmi në skenë ka dalë edhe një klub italian. Raportohet se Mesina po tenton ta marrë 23-vjeçarin, por duket një mision i pamundur dhe është e thjeshtë: skuadra italiane garon në Serinë D dhe financiarisht zor se e përballon sulmuesin.

Ndërkohë, pas sezonit të bërë vjet në Superiore, padyshim që për të interesohen klube të rëndësishme. Në Turqi emri i tij është lakuar më parë te Trabzosnpori, që ishte gati të paguante 200 mijë euro për kartonin e tij, si dhe t’i ofronte një pagë që do të shkonte në 300 mijë euro në sezon. Shifrat flasin vetë: është i paarritshëm për klubet shqiptarë dhe Mesinën.