algjeri

Mane kundër Mahrez, sot zgjidhet mbreti i Afrikës

Sport Ekspres — Fri, 19 Jul 2019 18:19:05 +0000

Sot do të luhet finalja e madhe e Kupës së Afrikës, me Algjerinë dhe Senegalin që do të përplasin “brirët”. Mane luan kundër Mahrez, një duel titanësh, që duket se nuk mbaroi me përfundimin e Premier League.

Mane triumfoi përballë Mahrez në Champions League, ndërsa ylli algjerian i “vodhi” titullin kampion në Angli dhe sot, do të luhet raundi i fundit për këtë sezon. Janë publikuar dhe formacionet e kësaj sfide dhe yjet në fushën e lojës nuk mungojnë.

Mane, Gueje, Saivet, Sarr dhe Niang janë armët më të forta të Senegalit, ndërsa Algjeria ka një “tridhëmbësh” të frikshëm me Mahrez-Benaser-Fehguli. Një finale e gjitha për t’u ndjekur…

Kupa e Afrikës, finale

Senegal – Algjeri (21:00)

FORMACIONET

Senegal: Gomish, Gasama, Sabali, Sane, Kojate, Gueje, Ndiaje, Saivet, Sarr, Mane, Niang

Algjeri: M’bohli, Zefane, Basenbaini, Benlamri, Mandi, Guedioura, Fehguli, Benaser, Mahrez, Belaili, Bunedjah

Pasaportë në vend të biletës, Algjeria do me çdo kusht trofeun

Sport Ekspres — Thu, 18 Jul 2019 10:52:30 +0000

Algjeria ka shansin t’i japë fund pritjes 29-vjeçare për trofeun e Kupës së Kombeve të Afrikës. Ditën e nesërme kombëtarja magrebase do të ndeshet në finale me Senegalin, një kundështar me futbollistë elitare si Sadio Mane dhe Idrisa Gueje.

Shteti dhe Federata algjeriane po bëjnë të tyren për t’i ardhur në ndihmë tifozëve të skuadrës që duan të mbështesin kombëtaren në finalen e zhvilluar në stadiumin ndërkombëtar të Kairos në Egjipt.

Së fundmi është bërë i ditur lajmi që çdo fans algjerian që kërkon të shohë finalen nuk përse të blejë biletë. Hyrja do të jetë falas për të gjithë personat që tregojnë autoriteteve egjiptiane pasaportën algjeriane.

Fitimi i trofeut është kthyer në një detyre kombëtare për shtetin algjerian. Në gjysmëfinalen ndaj Nigerisë, vetë qeveria transportoi pa kërkuar asnjë qindarkë me qindra tifozë drejt Egjiptit duke përdorur pesë avionë të ushtrisë.

VIDEO | Çmenduri, magjia e Mahrez çon në finale Algjerinë

Sport Ekspres — Sun, 14 Jul 2019 20:57:17 +0000

E pabesueshme ajo që ka ndodhur mes Algjerisë dhe Nigerisë në gjysmëfinalen e dytë të Kupës së Afrikës. Algjeria ia doli të triumfojë në sekondat e fundit të takimit, falë një supergoli të Riad Mahrez në minutën e 90+4’.

Fillimisht, në minutën e 40-të, Algjeria do të gjente avantazhin falë një autogoli të mbrojtësit nigerian, Ekong. Edhe pse në disavantazh në pjesën e parë, Nigeria barazoi gjithçka në të dytën. Sulmuesi Ighalo shënon falë një penalltie në minutën e 72-të dhe dukej se ndeshja do të shkonte në shtesa, por një “perlë” e Mahrez nga goditja e dënimit i jep fitoren 2-1 Algjerisë dhe i çon ata në finale, ku do të ndeshen përballë Senegalit të Sadio Mane.

Kupa e Afrikës, gjysmëfinale

Algjeri – Nigeri 2-1
Ekong (ag) 40’, Mahrez 90+4’ / Ighalo (p) 72’

VIDEO | Dredhi e çmendur, veprimi i mbrojtësit algjerian bën xhiron e botës

Sport Ekspres — Fri, 12 Jul 2019 16:31:47 +0000

Algjeria dhe Bregu i Fildishtë u ndeshën ditën e djeshme për të përcaktuar skuadrën që do të priste në biletën për në gjysmëfinalet e Kupës së Kombeve të Afrikës. Verdiktin përfundimtar e dhanë goditjet e 11-metërshave, ku fati i buzëqeshi algjerianëve.

Megjithatë, video që po bën xhiron e botës, nuk janë festimet e algjerianëve ose lotët e afrikano-perëndimorëve, por një gjest i shëmtuar anti-sportiv i mbrojtësit Remi Bansebaini.

Futbollisti algjerian ka menduar të përdorë një dredhi për të nxjerrë nga loja sulmuesin Uilfred Zaha, duke simuluar një goditje me bërryl. Në fakt gjithccka ishte i menduar nga Bansebaini, i cili mori dorën e kundërshtarit dhe goditi veten. Zaha e kishte një të verdhë nga një faull i mëparshëm, por fatmirësisht arbitri mori vendimin e drejtë duke e kuptuar dredhinë e algjerianit.

VIDEO | Algjeria në gjysmëfinale, eliminim dramatik për Bregun e Fildishtë

Sport Ekspres — Thu, 11 Jul 2019 19:08:22 +0000

Algjeria është gjysmëfinalistja e dytë e Kupës së Kombeve të Afrikës. Kombëtarja magrebase ka eliminuar Bregun e Fildishtë në një takim ku verdiktin përfundimtar e dhanë goditjet e 11-metërshave.

Minutat e rregullta të lojës u mbyllën me rezultatin 1 – 1. Feguli shënoi për algjerianët, ndërsa Koxhia riktheu baraspeshën për afrikano-lindorët. Në goditet e 11-metërshave, Algjerianët u treguan më të saktë duke realizuar katër nga pesë penalltitë, në ndryshim nga kundërshtarët që gabuan në dy raste.

Në gjysmëfinale Algjeria do të ndeshet me Nigerinë, ndërsa çifti tjetër gjysmëfinalist është i përbërë nga Senegali dhe skuadra fituese e përballjes Madagaskar – Tunizi.

Bregu i Fildishtë 1-1 Algjeri (Algeria fiton 5-4 me penallti)
Shënues: Feguli 20′ / Koxhia 62′