Sezoni me Mançester Junajtid ishte për t’u harruar. Vetëm një gol shënoi 30-vjeçari, i cili është lojtari më i paguar i “Djajve të Kuq”. Gjatë sfidës së orëve të para të mëngjesit, Sançez pësoi një dëmtim, por sakrifica dhe dashuria e madhe për Kilin e tij mposhtën çdo dhimbje.

“U dëmtova në kavilje kundër Ekuadorit, por vazhdova lojën prej dashurisë së madhe që kam për kombëtaren. Jam gjithmonë i lumtur kur luaj për vendin tim, gjithmonë”, thekson sulmuesi, i cili “thumbon” në një farë mënyrë edhe klubin e tij.

Kjo situatë ka sjellë idenë e largimit të tij në verë. Juventusi është ekipi, që ka shfaqur interes për të si zëvendësues i Paulo Dibalës në rast largimi. Mëgjithatë ka nga ata që mendojnë se Sançez mund të rikthehet në versionin e tij më të mirë edhe në “Old Trafford”.
Andi Kol, ish-sulmues i “Djajve” thekson se kiliani mund të kthehet në formë sezonin e ardhshëm. Anglezi mendon se talenti i sulmuesit qëndron aty dhe nuk mund të kthehet në lojtar të dobët aq papritur.

“Nuk mund të kthehesh në një lojtar i dobët brenda natës. Situata e Sançez ngjan me atë të Torres para disa sezonesh, kur u transferua te Çelsi. Megjithatë, them se kiliani do të kthehet i njëjti që ishte te Arsenali. Shpresoj të qëndrojë në Mançester dhe të vërtetohet kjo”, u shpreh ish-ylli i Junajtid.

Vetëm 1 gol i shënuar në këtë sezon, që përkthehet në një statistikë pothuajse të pabesueshme. Nëse në fushën e blertë gjërat shkojnë keq, ndryshon situata jashtë saj. 30-vjeçari ka marrë pjesë në një film.

“I lumtur që jam pjesë e këtij filmi. Sa bukur ta përjetosh si një familje. Me datë 30 maj del në kinema”, shkruan shkurt kilen për filmin autobiografik me titullin “Miku im Aleksis”.

 

View this post on Instagram

 

Feliz de participar en ésta película, muy linda para disfrutar en familia. 30 de Mayo en cines. #miamigoalexis ? @miamigoalexis

A post shared by Alexis Sanchez (@alexis_officia1) on May 20, 2019 at 11:22am PDT

Një vit e gjysmë më vonë të dyja palët duket se kanë rënë dakord që rrugët e tyre të ndërpriten. Media italiane “Sky Sports”, raporton së fundmi se agjenti i lojtarit, Fernado Feliçeviç është takuar me përfaqësues së Juventusit dhe Interit.

Kiliani mbetet një lojtar interesant për shumë ekipe dhe një rikthim në Serie A mund t’i bëjë mirë sulmuesit shtatshkurtër. Një fillim nga e para është pikërisht ajo që i duhet Sançezit, por pengesa e fundit për transferimin e tij është paga marramendëse prej 20 milionë paundësh në vit, që e rendit atë si lojtarin e shtatë më të paguar në planet.

Aleksis Sançez ka rezultuar një dështim i madh për Junajtid, që duke llogaritur 500 mijë paundët që merr në javë krijhet një ndjenjë jo e mirë për drejtuesit. Kilieni me ardhjen e tij nga Arsenali, u shndërrua ne futbollistin më të paguar në Premier Ligë. Megjithatë ai kurrë nuk i justifikoi paratë e marra dhe tani do të largohet. Atij do i duhet ta gjejë vetë një ekip, pasi për të akoma nuk kanë ardhur oferta në adresë të Junajtid.

Kiliani u transferua në janar të vitit të kaluar nga Arsenali te “Djajtë e Kuq”, aty ku nuk k arritur të lërë shenjën e tij. 30-vjeçari përfiton një rrogë faraonike prej 500 mijë sterlinash në javë!

Vetëm tre futbollistë në botë paguhen më shumë se ai dhe ata janë: Leo Mesi, Kristiano Ronaldo dhe Antuan Grizman.

Performanca e dobët e sulmuesit latin, i cili ka shënuar vetëm një gol këtë sezon, ka detyruar klubin anglez që ta nxjerrë në merkato. Por jo vetëm kaq, Junajtid është gati të paguajë gjysmën e rrogës së lojtarit, saktësisht 13 milionë sterlina në vit.

Dëshira e klubit është shitja e lojtarit jashtë Anglisë, ndërsa pagesa e gjysmës së pagës bëhet për të tunduar ndonjë blerës potencial për Aleksis Sançez. Kontrata e lojtarit me Junajtid përfundon në vitin 2022 dhe ky është shkaku që klubi po mendon të bëjë këtë “sakrificë”.

Si për ta bërë humbjen më të hidhur, duket se kanë menduar në rrjetet sociale, ku kanë nisur të tallen me Aleksis Sançez. Pikërisht, lojtarin kilen zbriti në fushë në minutën e 83-të dhe ishte në lojë për 12 minuta.

Sa herë mendoni se e ka prekur topin në këto 12 minuta? Një herë. Po, vetëm një prekje ka bërë Aleksis Sançez. Edhe ajo prekje ka qenë në mesin e fushës. Padyshim, sulmuesi vijon të konfirmohet si një nga dështimet më të mëdha në historinë e Mançester Junajtid.

Alexis Sanchez came on for a total of 12 minutes tonight.

This is his touch map…#ManchesterDerby #MUNMCI pic.twitter.com/yHyyaunyQK

— Match of the Day (@BBCMOTD) April 24, 2019

Përballjet ndaj katalansve do të jenë më datë 10 dhe 16 prill. Gjithsesi lajmet e këqija kanë filluar të vijnë për Solskjaer edhe pse më shumë se tri javë larg këtyre sfidave.

Solskjaer do i duhet të bëjë planet për këto dy takime pa lojtarin më të paguar të ekipit, kiliani Aleksis Sançez. Sulmuesi ka pësuar një dëmtim në ligamentet e gjurit, që mendohej se do linte jashtë deri në fund të marsit, por analizat e mëtejshme kanë zbuluar se Sançez mund të humbasë dhe muajin prill.

Gjithsesi alternativat për norvegjezin nuk janë të paktë. Marsial dhe Rashford japin garanci për sulmin, ndërsa në stol janë dhe lojtarë si Lingard ose Huan Mata.

“U futa në fushë i dëmtuar. Kur po bëj nxehjen gjatë pjesës së parë, arbitri anësor më goditi në këmbë. Po shikoja ndeshjen dhe për një moment nuk isha i vëmendshëm, të njëjtën gjë po bënte dhe arbitri dhe përplasja ishte shumë e fortë.

“Gjatë gjithë pushimit, doktorët u morën me mua dhe Solskjaer më tha që do të luaja në pjesën e dytë. Për një moment harrova dhimbjen, por nuk isha i gatshëm të jepja maksimumin. Ky nuk është justifikim për ndeshjen time, por dua të them se ishte një goditje shumë e fortë”,- u shpreh Sançez.

Gjithsesi, trajneri i Mançester Junajtid Ole Gunar Solskjaer nuk e ka humbur besimin te ylli i sulmit. Në daljen për shtyp para takimi të “FA Cup” kundër Çelsit, tekniku norvegjez përdori një analogji interesante për të shpjeguar formën e dobët të Sançez dhe besimin se ai do të rikthehet në formën e dikurshme.

“Situata me të është e tillë”. E keni parasysh shishet e mbushur me salcë keçap në fastfood. Në fillim salca mezi del, por më pas disa përpjekjesh dalja lirohet e gjitha. Ne po presim kur ai të shënojë, jam i sigurt që gjithçka do të shkojë mirë”, përfundoi Solskjaer.

Aleksis Sançez është lojtari më i paguar i ”Djajve të Kuq”, por kiliani është shumë larg ditëve të tij të arta. Ai u fut në fundin e pjesës së parë në vend të Lingard në ndeshjen përballë ekipit të Tuhel, por pa arritur të lërë shenjë në këtë përballje.

Sulmuesi u kritikua dhe nga trajneri Solskjaer, ndërsa tifozët e kanë humbur durimin me të. Por Sançez ka pësuar një dëmtim të pabesueshme përpara se të futej në fushën e blertë. Siç raportojnë mediat angleze, 30-vjeçari është dëmtuar në nxehje nga… arbitri anësor!

Nxitimi për të kryer sa më shpejt nxehjen dhe për t’u futur në lojë ka sjellë dëmtimin e tij. Gjatë një sprinti, ai është përplasur me Fabiano Pretin, anësorin e ndeshjes. Lojtari ka kërkuar ndihmën e stafit mjekësor dhe forma e dobët në pjesën e dytë ka të bëjë dhe me përplasjen e bërë me arbitrin italian.

Në mënyrë ironike takimin e zhbllokoi Aleksis Sançez që vinte në këtë ndeshje me statusin e “ish”-it. Vetëm dy minuta më vonë Lingard dyfishoi rezultatin për Mançesterin, ndërsa Obamejang ngushtoi diferencën pak minuta para përfundimit të pjesës së parë.

? | Who else but @Alexis_Sanchez? pic.twitter.com/EliETpIppu

— Emirates FA Cup (@EmiratesFACup) January 25, 2019

Gjatë pjesës së dytë “topçinjtë” morën kontrollin e lojës, por pa mundur të jenë konkret me rastet e krijuara. Sigurisht, nuk mund të mungonte një paraqitje klasi e David De Geas.

Martial's Goal vs Arsenal#ARSMUN #EmiratesFACup

https://t.co/WpaRqdr8Zj

— The True Red Devils (@TrueRedDevils__) January 25, 2019

Antoni Marsial arriti të bëhej protagonist i takimit të sotëm edhe pse u fut si rezervë.  Një kundërsulm i udhëhequr nga Pol Pogba u finalizua me sukses nga bashkëkombësi i tij francez.

? | Tony Martial scores again! pic.twitter.com/vneVnX1you

— Emirates FA Cup (@EmiratesFACup) January 25, 2019

Pikërish ky i fundit, luajti për 64 minuta, ku u zëvendësua më pas nga Markus Rashford. Në momentin që kiliani shkoi të ulej në stolin e “djajve të kuq” ndodhi një incident, që shkaktoi jo pak të qeshura në stafin teknik të Junajtid. Sançez u ul gabimisht në vendin e Ole Gunar Solskjaer. Tekniku norvegjez e kaloi me të qeshura këtë moment, teksa e “përcolli” lojtarin e tij në vendin e tij më pas.

Pavarësisht kësaj, Sançez nuk ka mundur t’u shpëtojë sulmeve nga mediet angleze. Tabloidi britanik “The Sun” nxori në faqe të parë një artikull ku raportohej se kiliani kishte vënë bast me vlerë 20.000 paundë për shkarkimin e Murinjos, me kolegun e tij Markos Roho.

I menjëhershëm ka qenë reagimi i lojtarit, i cili me ka shpërthyer në llogarinë e tij në “Twitter”, ku shkroi: “Kjo është e pavërtetë. Murinjo më dha shansin për të luajtur në klubin më madh në botë. Kam vetëm mirënjohje për të. Jemi një skuadër e bashkuar, jemi Mançester Junajtid. Pres me padurim të ndihmoj skuadrën. Paçi fat nesër, familje!”.

This is FALSE!!!. José gave me the chance to play for the best team in the world and I only have gratitude for him. We are a truly United team. We are MANCHESTER UNITED. Respect. I can’t wait to help the team !. Good luck tomorrow family! pic.twitter.com/9uhXqd5iEU

— Alexis Sánchez (@Alexis_Sanchez) December 21, 2018

Prova për këtë është një bisedë në aplikacionin “WhatsApp”, ku sulmuesi kilian shkruan: A të thashë! Duhet të tregohesh i duruar. Roho më detyrohesh tani 2000 paundë.

Lajmi ka çuditur shumë tifoza të Junajtid, pasi Sançez konsiderohej si një ndër lojtarët e preferuar të Murinjos. Kiliani iu bashkua “djajve të kuq” nga Arsenali gjatë merkatos së janarit në këmbim të armenit Henrik Mkitarjan.

Sançez kryeson listën e pagave të Mançester Junajtid dhe në të gjithë kampionatin anglez, me një kontratë nga e cila përfiton 520 mijë euro në javë ose 27 milionë euro në sezon. Sigurisht, për momentin nuk ka treguar se e meriton këtë gjë.

Në një prej këtyre aktiviteteve, sulmuesi i Mançester Junajtid, po u jepte disa këshilla fëmijëve të pranishëm: “Mos pini duhan dhe alkool, kurrë. Nuk mund të bëhesh futbollist nëse tymosni dhe deheni”, tha Sançez.

– @Alexis_Sanchez : “yo no fumaba ni tomaba”
– Cabro ql : “Y como el arturo?”
?? pic.twitter.com/YGVBZXTzmp

— Diegoflowers (@idieego) December 14, 2018

Pak sekonda para kësaj deklarate një prej fëmijëve i kujton kilianit, mesfushorin e Barcelonës Arturo Vidal: “Po, Arturo (Vidal) ?”, ia ktheu vogëlushi me ironi. Të gjithë të pranishmit ia filluan të qeshnin, pasi Vidal njihet si një futbollist që ka një raport tejet të afërt me alkoolin dhe duhanin. Sançez u munda ta anashkalonte por të qeshurat e kapën dhe atë.

Thuajse në asnjë moment sulmuesi nuk ka arritur të bëhet protagonist në “Old Traford” dhe duket se drejtuesit e Junajtid janë lodhur tanimë. Mbrëmjen e së martës, 29-vjeçari u la jashtë ekipit nga Zhose Murinjo, duke e krisuar akoma më shumë marrëdhënien mes tij dhe Sançez.
Siç bëhet me dije nga “The Sun”, Aleksis Sançez duket se ka nisur të mendojë largimin dhe i ka treguar miqve të tij të afërt, që mund të transferohet drejt PSG-së. Momentalisht duket vetëm një spekulim, por situata e kilianit në Mançester nuk është aspak e mirë dhe një largim drejt Parisit, ndoshta do të ishte gjëja e duhur.

Te “Djajtë  e Kuq”  Sançez nënshkroi kontratën e jetës, duke firmosur një kontratë nga e cila përfiton 500.000 € në javë, shumë kjo gati sa trefishi i asaj që përfiton ylli tjetër i Junajtid, Pol Pogba (180.000 €).

Nëntë muaj më vonë, situata nuk mund të shkonte më keq. Sulmuesi ka shënuar pesë gola në 24 aktivizime, shifra këto shumë poshtë pritshmërive. Trajneri Zhoze Murinjo ka mbetur shumë i zhgënjyer nga paraqitjet e kilianit.

Së fundmi “Daily Mail” raporton se dhe vetë sulmuesi është shumë i pakënaqur nga situata e krijuar dhe se agjentët e tij po përpiqen të sigurojnë një ofertë të mirë me qëllim që Sançez të largohet sa më shpejt nga Mançesteri. Ajo që mendohet ta ketë shtyrë kilianin të marrë këtë masë drastike është lënia jashtë 18-shes në takimin ndaj Uest Hemit më datë 29-shtator, ku Junajtid humbi me rezultatin 3-1.

Njeriu që i dha fitoren Junajtid ishte i shumë kritikuari Aleksis Sançez. Kileni arriti të shënontë gol pas shumë kohësh duke nxjerrë ekipin e tij nga një moment shumë i vështirë. Momenti jo i mirë i Mançesterit shihet dhe tek forma që po kalon aktualisht sulmuesi kryesor i tyre, Romelo Lukaku.

Gjashtë ndeshje pa shënuar për gjigantin e sulmit të Junajtid janë jashtëzakonisht shumë, por gjithsesi belgu shfaqet i lumtur për fitoren ndaj Njukasëll dhe gjithashtu flet për shokun e tij të skuadrës Sançez, të cilin e konsideron si lojtarin që punon më shumë nga të cilët Lukaku ka pasur në ekip.

“Do të doja të isha unë në vendin e Aleksis, si autor i golit të fitores, por ai e meriton sepse është me të vërtetë një njeri, i cili punon jashtë mase shumë. Mendoj se është ndër lojtarët që punon më fort se çdo lojtar tjetër që kam parë, ai meriton shumë dhe jam shumë i lumtur për të”, deklaroi sulmuesi belg.