Por nuk është vetëm Arndold heroi i atij goli historik. Nëse shikon përsëritjen, dallon një djalë që ja jep topin atij shumë shpejt edhe pse një sferë tjetër ishte në fushë. Ky veprim i të riut e ndihmoi yllin e “the reds” të kapte në befasi ekipin katalanas.

Nëse djaloshi nuk do e kishte dhënë atë top, por do priste të kthehej ai që ishte në fushë, nuk do të ekzistonte mundësia e shënimit të atij goli. Shumë njerëz në “Twitter” kanë propozuar që djalit t’i dhurohen dy bileta për të shijuar finalen. Në fund të fundit edhe ai ka hyrë në histori.

The ball boy was on his job ? Liverpool need to give him a season ticket for life after that ??

pic.twitter.com/695YuJRVXo

— Alexis’ Kavkas View (@AlexisIsKavkas) May 8, 2019

Lojtari më i ri në moshë tek ekipi i Liverpul është mbrojtësi i tyre djathtë, pikërisht i riu Trent Aleksandër-Arnold. 19-vjeçar aktualisht, anglezi do të ketë ditën e nesërme një ditë mjaft të rëndësishme. Përveçse duelit për kreun me Mançester Sitin, Arnold do të festojë dhe 20-vjetorin e tij të lindjes.

Si çdo njeri edhe talenti i Liverpul ka hobi dhe pasione të tijat. Një ndër pasionet e tij më të mëdha është shahu. Padyshim duhet të jetë një rast unik në futboll, teksa 19-vjeçari ditën e hënë do të sfidojë në lojën e shahut, kampionin e botës, norvegjezin Magnus Karlsen. Një ndeshje e veçantë padyshim, që është mundësuar nga “Kaspersky Lab”.

Aleksandër-Arnold është shprehur mjaft i emocionuar për sa i përket kësaj prove, duke thënë se do të jetë një sfidë mjaft e vështirë ndaj Karlsen, por gjithsesi ai do të mundohet të surprizojë.

“Shahu është një lojë pak a shumë si futbolli, që kërkon aftësi dhe strategji. Futbolli padyshim është pasioni im, por unë gjithmonë kam luajtur dhe shah. Është relaksuese për mua. Kam luajtur që i vogël dhe te Liverpuli luaja kundër Udbërn, por pasi u transferua te Shefilld Junajtid nuk kemi pasur shumë kohë për të luajtur. Sfida ndaj Karlsen do të jetë një test shumë i vështirë, por do të mundohem të bëj surprizën”, ka thënë mbrojtësi.