Kuqezinjtë po zhvillojnë fazën përgatitore në SHBA. Miqësorja e parë kundër Bajernit u mbyll me humbjen 0-1, por Milani zhvilloi një takim pozitiv. Nesër përballë do të jetë Benfika, ndërsa Romanjoli ka një koment edhe për këtë duel.

“Pres një sezon më pozitiv se i kaluari, ku na iku objektivi prej duarsh në fund. Sivjet do të bëjmë gjithçka për t’u renditur të paktën në katërshen e parë.

Xhampaolo? Ai është një person shumë i përgatitur dhe i qetë. Na bën të ndihemi mirë dhe kjo është shumë e rëndësishme. Jemi një grup akoma edhe më i ri se sezonin e kaluar. Kemi fatin që jemi bashkë prej sezonit të kaluar dhe duhet të vazhdojmë të jemi të bashkuar.

Po punojmë mirë dhe trajneri po na mëson çdo ditë gjëra të reja. Kemi nevojë për kohë, por diçka pozitive e treguam kundër Bajernit. Të njëjtën gjë do të tentojmë të prodhojmë edhe kundër Benfikës. Janë sfida të rëndësishme që na tregojnë nivelin ku jemi”, përfundon kapiteni i Milanit.

Ndeshja e radhës për ekipin e Gatuzos është përballë Parmës. Trajneri ka marrë tre lajmë të mira përpara përballjes që do të zhvillohet ditën e shtunë në drekë.

Alesio Romanjoli dhe Davide Kalabria u larguan të dëmtuar nga sfida me Lacion. Dëmtimet e tyre nuk janë serioze dhe dy mbrojtësit do të jenë gati për transfertën emiliane. Kapiteni do të vazhdojë edhe disa ditë me terapi, por mjekët janë të sigurt që Romanjoli do të jetë nën urdhrat e Gatuzos për “finalen” e radhës.

Gati është edhe Xhanluixhi Donaruma. Portieri i ka lënë pas krahëve problemet dhe pritet të rikthehet në mes të shtyllave. Pak më ndryshe situata e Lukas Paketa. Riaftësimi i brazilianit po ecën mirë, por rikthimi i tij është akoma larg. Objektivi është që lojtari të jetë i gatshëm për ndeshjen e 28 prillit, Torino-Milan.

24-vjeçari ka folur për “Mediaset”, duke u ndalur te momenti që po kalon Milani i tij. Kuqezinjtë renditen në vendin e katërt në kampionat, por gara për një vend në Champions është shumë e fortë.

Romanjoli ndalet dhe te sulmuesi Piatek dhe tregon se çfarë e ka surprizuar më shumë nga polaku. Më pas elozhet për Donarumën, i cili është rikthyer të tregojë kualitetin e tij dhe në fund një koment për Gonzalo Higuain.

MILANI – “Po kalojmë një periudhë të mirë, por më vjen keq që nuk fituam kundër Romës. Trepikëshi do të na jepte një avantazh të mirë për vendin e katërt, por jemi afër Interit. Kampionati është ende i gjatë dhe ka shumë përballje direkte. Eliminimi nga Europa League na lejon të luajmë një ndeshje në javë dhe të përqendrohemi në garën për një vend në Champions.”

PIATEK – “Kristof shënoi një dygolësh në debutim dhe po bën shumë mirë. Po e shijojmë atë dhe shpresoj që të vazhdojë të shënojë në çdo ndeshje. Ajo që më ka befasuar më shumë nga ai është dëshira dhe uria e tij e madhe. Shihet qarte që është i vendosur për të treguar potencialin e tij dhe për t’u përmirësuar.”

DONARUMA – “Xhixho është një fenomen. E kam thënë gjithmonë një gjë të tillë dhe do të vazhdoj ta përsëris. Na ndodh të gjithëve të gabojmë, por tani po luan në nivele të larta. Të kesh një ndikim kaq të madh në Serie A dhe në kombëtare, është një gjë e rrallë për një 20-vjeçar.”

HIGUAIN – “Nuk jemi lehtësuar nga një barrë, përkundrazi. Pipita është një nga sulmuesit më të fortë në botë. Më vjen keq që u largua, sepse ishte i rëndësishëm për ne, por çdokush bën zgjedhjet e tij. Ai dëshironte të largohej, ne e respektojmë dhe i dërgoj urimet më të mira, sepse mbetet një mik i mirë.”