Milani nuk ka ndërmend ta shesë. Ata kanë një projekt të ri, ku një nga “ingranazhet” kryesore është Romanjoli. Kontrata e tij përfundon në vitin 2022 dhe në fund të sezonit të ardhshëm pritet të diskutohet një rinovim me pagë shumë më të përmirësuar.

24-vjeçari ka folur për “Mediaset”, duke u ndalur te momenti që po kalon Milani i tij. Kuqezinjtë renditen në vendin e katërt në kampionat, por gara për një vend në Champions është shumë e fortë.

Romanjoli ndalet dhe te sulmuesi Piatek dhe tregon se çfarë e ka surprizuar më shumë nga polaku. Më pas elozhet për Donarumën, i cili është rikthyer të tregojë kualitetin e tij dhe në fund një koment për Gonzalo Higuain.

MILANI – “Po kalojmë një periudhë të mirë, por më vjen keq që nuk fituam kundër Romës. Trepikëshi do të na jepte një avantazh të mirë për vendin e katërt, por jemi afër Interit. Kampionati është ende i gjatë dhe ka shumë përballje direkte. Eliminimi nga Europa League na lejon të luajmë një ndeshje në javë dhe të përqendrohemi në garën për një vend në Champions.”

PIATEK – “Kristof shënoi një dygolësh në debutim dhe po bën shumë mirë. Po e shijojmë atë dhe shpresoj që të vazhdojë të shënojë në çdo ndeshje. Ajo që më ka befasuar më shumë nga ai është dëshira dhe uria e tij e madhe. Shihet qarte që është i vendosur për të treguar potencialin e tij dhe për t’u përmirësuar.”

DONARUMA – “Xhixho është një fenomen. E kam thënë gjithmonë një gjë të tillë dhe do të vazhdoj ta përsëris. Na ndodh të gjithëve të gabojmë, por tani po luan në nivele të larta. Të kesh një ndikim kaq të madh në Serie A dhe në kombëtare, është një gjë e rrallë për një 20-vjeçar.”

HIGUAIN – “Nuk jemi lehtësuar nga një barrë, përkundrazi. Pipita është një nga sulmuesit më të fortë në botë. Më vjen keq që u largua, sepse ishte i rëndësishëm për ne, por çdokush bën zgjedhjet e tij. Ai dëshironte të largohej, ne e respektojmë dhe i dërgoj urimet më të mira, sepse mbetet një mik i mirë.”

“Nuk ishte një paraqitje e mirë. Skuadra ishte shumë e ngathët dhe për këtë jemi të gjithë fajtor. Është për të ardhur keq, pasi kërkonim që të luanim mirë, por nuk ia dolëm. Të shtunën do e kompensojmë këtë rezultat”.

“Nuk është faji i sulmuesve nëse ata nuk shënojnë. Është faji i të gjithë ne të tjerëve që nuk u japim atyre shërbimin e duhur. Lëviznim mirë me topin, por sapo u afroheshim portës së tyre ngecnim çdo herë”.

“Tani duhet të japim gjithçka në çdo ndeshje. Kemi vetëm një ndeshje në javë për pjesën e mbetur dhe fokusi ynë është krejtësisht te Serie A”, përfundoi Romanjoli

Nga ana tjerr klubi vazhdon të punojë për merkaton e janarit. Fabregas mbetet dëshira e madhe, por kontrata e spanjollit me Çelsin skadon në verë dhe Leonardos i duken shumë 8 milionë euro për të. Shumë janë dhe 35 milionët eurot për blerjen e Bakajokos, pavarësisht se mesfushori e ka ngritur nivelin e tij.

Hakan Çahanoglu ka një ofertë prej 20 milionë eurosh nga Laipcigu dhe Milani po e mendon shitjen e turkut, ndërsa në dyshim mbetet dhe e ardhmja e Higuain me bluzën kuqezi, pasi nevojiten dhe 36 milionë euro në fund të sezonit për ta veshur përfundimisht si “djall” sulmuesin argjentinas. Kuqezinjtë vazhdojnë të monitorojnë dhe Fabio Kuljarelën, një nga objektivat kryesorë për repartin ofensiv.

Një ndeshje e komplikuar për Milanin, që vuan përballë intensitetit dhe presingut të bardhezinjve dhe humbet disa raste të pastra. Dëmtimi i Higuain prish planet, por kapiteni vendos dhe njëherë ta marrë ekipin e “Djallit” përdore. Goli i shënuar në frymën e fundit në minutën e 96, pas disa pasimeve në zonë, që dukej sikur po zgjasnin deri në pafundësi, por e majta potente e kapitenit dërgon topin në rrjetë, tifozët kuqezinj në ekstazë dhe Milanin në vendin e katërt.

FITORJA – “Goli im vlen Champions-in? Është herët për ta thënë një gjë të tillë, por tani jemi më të këqinj. Më parë vuanim më shumë në këto lloj ndeshjesh, siç ndodhi me Kaljarin, Atalantën dhe Empolin, ndërsa tani po tregohemi më kompaktë në lojë, më të vendosur dhe i meritojmë këto fitore.”

EKIPI – “Këtu nuk ka rezerva dhe jemi të gjithë titullarë. Të gjithë luajmë për këtë klub të madh dhe përpiqemi të japim gjithçka për këtë bluzë.”

FORMA – “Është një moment i bukur, nuk e di nëse është më i miri që kur kam ardhur te Milani, por po e shijoj shumë. Kam shënuar dy gola të rëndësishëm, por shpresoj të kemi momente dhe më të bukura. Të enjten është ndeshja kundër Betisit, një tjetër përballje shumë e vështirë.”

Pas sfidës kanë folur Frenk Kesi dhe Alesio Romanjoli. “Duhet të qëndrojmë në këtë post deri në fund të sezonit. Shtrëngova dhëmbët për këtë ndeshje dhe dhashë maksimumin për ekipin. Bakajoko? Për mua është njësoj, si të luaj me të, Bonaventurën, apo Biljan. Më kë luaj është njësoj, rëndësi ka fitorja”, thekson mesfushori me origjinë nga Bregu i Fildishtë.

Nuk mungon as komenti i kapitenit Alesio Romanjoli. Mbrojtësi është i lumtur për fitoren dhe golin e shënuar. Më parë ishte i pafat, duke shënuar në portën e tij dhe dhuruar Xhenoas barazimin e përkohshëm, por në minutën e parë shtesë, kapiteni i kuqezinjve përfitoi nga një grushtim i portierit Radu dhe shënoi një gol të bukur, duke shpërthyer në festë “San Siron”.

“Ishte një mbrëmje e bukur dhe e meritonim fitoren. Isha i pafat në rastin e autogolit, më vjen keq, por arritja ta shlyeja vetën. Kjo skuadër ka marrë shumë kritika, duhet të vazhdojmë të përmirësohemi dhe të shohim përpara. Kalabria? I uroj fat të mbarë Matias, pësoi një dëmtim të rëndë dhe shpresoj të rikthehet sa më parë”, përfundon Alesio Romanjoli.

Mauricio Sarri po kërkon një mbrojtës për përforcimin e repartit difensiv dhe 23-vjeçari është i pari në listë. Geri Kahill do të largohet në fundin e sezonit, siç citon “Telegraph”, ndërsa drejt të njëjtës rrugë është dhe Andreas Kristensen. 22-vjeçari danez ishte një titullar me Konten, ndërsa nuk po gjen minuta me Sarrin. Ish-trajneri i Napolit nuk e preferon shumë rrotacionin dhe një gjë e tillë e ka mërzitur Kristensen, i cili është lodhur nga qëndrimi në pankinë.

Romanjoli është zgjidhja dhe Çelsi pritet të bëjë ofertën e vet për të siguruar shërbimet e kapitenit të Milanit. Sarri e dëshiron mbrojtësin që në janar, por nuk do të jetë e thjeshtë, sepse vështirë që Milani të heqë dorë nga një prej shtyllave të ekipit.

Në kampin milanist situata është e qetë, ndërkohë që një lajm i mirë ka ardhur nga infermieria. Alesio Romanjoli dhe Matia Kaldara janë drejt rikuperimit nga dëmtimet respektive. Dy qendrat e mbrojtjes ndodhen në gjendje të mirë dhe siç citon “Gazzetta dello Sport”, ata do të jenë të gatshëm për trajnerin Gatuzo në derbin e Milanos.

Lojtarët nuk kanë marrë pjesë në miqësoren e djeshme midis ekipit të parë dhe ekipit të të rinjve, por prania e tyre përballë Interit është e sigurt.

Trajneri Roberto Mançini ka bërë largimet e para nga kombëtarja. Alesio Romanjoli, Patrik Kutrone dhe Danilo D’Ambrozio janë rikthyer në shtëpi, si pasojë e dëmtimeve të tyre. Trajneri nuk ka dashur t’i rrezikojë dhe ka zgjedhur t’i largojë nga grumbullimi i kombëtares.

Mbrojtësi Romanjoli nuk luajti në përballjen me Kievon dhe vazhdon të ketë probleme me muskujt, ndërsa sulmuesi Kutrone luajti disa minuta të dielën, por nuk është rikuperuar akoma nga dëmtimi i tij. Mançini nuk ka dashur të rrezikojë as mbrojtësin e Interit, Danilo D’Ambrozio, i cili nuk luajti përballë Spalit dhe tashmë do përgatitet i qetë për të kaluar dëmtimin.

Problem ka patur dhe Çiro Imobile. Sulmuesi i Lacios ka thyer një gisht, por ai do të jetë i pranishëm në dy sfidat e kombëtares. Mançini ka gati zëvendësuesit e treshes së larguar dhe siç citon “Gazzetta dello Sport”, trajneri do të ftojë dy mbrojtës: Lorenco Tonelin e Sampdorias dhe Kristiano Piçinin e Valencias.

Zgjidhja e tij ka marrë aprovimin e të gjithëve dhe diçka të tillë e mbështesin dhe tifozët e “Djallit”. Romanjoli mbajti shiritin e kapitenit në miqësoren e fituar përballë Barcelonës para disa ditësh, ndërsa do të zbresë me shiritin në krah dhe përballë Realit të Madridit.

Klubi kuqezi ka zyrtarizuar vendimin e marrë, me anë të një postimi në “Insta”.

How many likes for @alessio.romagnoli captain? ©???? #RMACM #weareacmilan

A post shared by AC Milan (@acmilan) on Aug 11, 2018 at 10:42am PDT