Alesio Romagnoli

Romanjoli “Mr. 150”: Trillohet shumë! Championsi? Presim pak ndihmë

Sport Ekspres — Sat, 11 May 2019 20:50:31 +0000

Alesio Romanjoli regjistroi ndeshjen e 150-të me Milanin dhe normalisht që është i kënaqur për këtë. Diçka të tillë e ka shprehur menjëherë pas ndeshjes me Fiorentinën, teksa për DAZN deklaroi: “Jam i kënaqur dhe i emocionuar, është një nder i madh të jem kapiten i kësaj skuadre”.

Vendi i katërt është dëshira e Milanit, por tashmë është në dorë të Juventusit që duhet të mposhtë Atalantën. “Duhet të fitojmë të gjitha ndeshjet, pastaj të shohim. Sot kemi bërë një ndeshje të madhe. Luajtëm shumë mirë dhe më pas në pjesën e dytë u mbrojtëm ndaj sulmeve të Fiorentinës. Champions? Duhet të fitojmë dy ndeshjet e mbetura dhe të presim që të tjerët të na e japin një dorë”, shtoi Romanjoli.

Në fund kapiteni foli edhe në lidhje me situatën në grup. Çështja Bakajoko ka trazuar Milanin, por qendërmbrojtësi thekson se ata mendojnë vetëm për të dhënë më të mirën në fushë. Shigjeta për mediat, teksa Romanjoli tha: “Mendojmë vetëm të luajmë futboll, pastaj për pjesën tjetër janë gazetat ato që trillojnë dhe bëjnë zhurmë për shumë pak”.

Romanjoli: Higuain më i miri në botë, do vazhdoj të qëndroj te Milani

Sport Ekspres — Thu, 07 Feb 2019 18:58:50 +0000

Alesio Romanjoli është një ndër lojtarët më të rëndësishëm të Milanit, teksa italiani që nga ikja e Bonuçit, mban shiritin e kapitenit, duke qenë një lider i padiskutueshëm. Së fundmi, 24-vjeçari ka folur për mediat italiane, duke diskutuar mbi largimin e Higuain si dhe ofertat e shumta që ka pasur në merkato, ku është përfolur që mund të largohet nga “djalli”.

LARGIMI I HIGUAIN – “Unë vazhdoj ta konsideroj si sulmuesin më të mirë në botë. Është zhgënjyese, por ai ka bërë zgjedhjen e tij dhe ka vendosur të largohet. E respektoj zgjedhjen që ka bërë. Është mik i imi dhe nëse është i lumtur, atëherë çdo gjë është në rregull. Tani kemi lojtarë të tjerë dhe nuk kemi pse të ndjejmë keqardhje.”

OFERTAT E SHUMTA – “Nuk kam dëgjuar asgjë. Afati i transferimeve është mbyllur dhe jam shumë i lumtur të Milani. Nuk shoh arsye për të ndërruar ekip. Është nder të jesh te Milani dhe për më tepër të jesh kapiten. Jam i lumtur dhe do vazhdoj të jem i lumtur. Dua të qëndroj këtu.”

Romanjoli: Shkojmë për luftë, Juventusi e mori mesazhin… dy vite më parë!

Sport Ekspres — Wed, 16 Jan 2019 08:01:48 +0000

Milani dhe Juventusi do të diskutojnë mes tyre Superkupën e Italisë, pasditen e sotme në kryeqytetin e Arabisë Saudite. Lidhur me takimin ka folur për mediat kapiteni i kuqezinjve, Alesio Romanjoli, sipas të cilit, ekipi i tij i ka të gjitha mundësitë për të fituar, pasi është një ndeshje teke dhe çdo gjë mund të ndodhë.

“Kemi ndjesi pozitive, është një atmosferë fantastike këtu dhe ndihemi mirë për të luajtur për trofeun. Jemi gati të japim gjithçka për të fituar. Kemi respekt për Juventusin, të cilët janë padyshim më të fortët në Itali, por besojmë në aftëitë tona gjithashtu dhe e dimë se ndodh gjithçka në një ndeshje teke”.

“Të jesh këtu është një test i vërtetë. Ne fituam dy vite më parë në Doha dhe ata janë të paralajmëruar që dhe ne jemi një ekip i fortë dhe do të shkojmë për të luftuar. Mendoj që jemi ekip më i fortë nga çfarë kemi qenë në Doha. Duhet të jemi të përqendruar dhe mos të lëmë asgjë të na rrëshqasë”.

Romanjoli: U treguam të ngathët, të gjithë jemi fajtor…

Sport Ekspres — Tue, 18 Dec 2018 22:07:11 +0000

Alesio Romanjoli u rikthye në fushë pas më shumë se një muaji në tribuna për shkak dëmtimi. Kapiteni i Milanit foli për “Sky Sports” pas barazimit 0 – 0 ndaj Bolonjës. Qendërmbrojtësi adresoi problemin e shënimit të golave dhe premtoi kthesë në ndeshjen ndaj e së shtunës ndaj Frozinones.

“Nuk ishte një paraqitje e mirë. Skuadra ishte shumë e ngathët dhe për këtë jemi të gjithë fajtor. Është për të ardhur keq, pasi kërkonim që të luanim mirë, por nuk ia dolëm. Të shtunën do e kompensojmë këtë rezultat”.

“Nuk është faji i sulmuesve nëse ata nuk shënojnë. Është faji i të gjithë ne të tjerëve që nuk u japim atyre shërbimin e duhur. Lëviznim mirë me topin, por sapo u afroheshim portës së tyre ngecnim çdo herë”.

“Tani duhet të japim gjithçka në çdo ndeshje. Kemi vetëm një ndeshje në javë për pjesën e mbetur dhe fokusi ynë është krejtësisht te Serie A”, përfundoi Romanjoli

Romanjoli me fjalë të mëdha: Ekipi do vdiste për Gatuzon!

Sport Ekspres — Wed, 17 Oct 2018 11:44:28 +0000

Alesio Romanjoli ka folur dhe në lidhje me trajnerin aktual të Milan, Xhenaro Gatuzo. 23-vjeçari tha për “Sky Sport” se ekipi është gati të vdesë për Gatuzon në fushë, duke thënë fjalë mjaft të mira për teknikun.

“Ne kemi besim të pakufizuar te Gatuzo, është njeri me zemër dhe të gjithmonë ka qenë në krahun tonë. Ekipi do të vdiste për të, gjëja më e rëndësishme është të përqendrohemi dhe të qëndrojmë të bashkuar”.

Të gjithë e kujtojnë transferimin e bujshëm të një viti më parë, ku Leonardo Bonuçi u largua nga Juventus në drejtim të Milanit. Italiani me mbërritjen e tij në “San Siro”, mori dhe shiritin e kapitenit në ekipin kuqezi, por “djalli” nuk arriti pritshmëritë sezonin e kaluar. Merkaton e verës që lam pas, telenovela vijoi përsëri, teksa Bonuçi u rikthye në Torino sërish.

Bonuçi ishte për një vit pjesë e Milan dhe përkrah tij në repartin difensiv ishte dhe Alesio Romanjoli. Qendërmbrojtësi kuqezi këtë vit ka marrë shiritin e kapitenit dhe po bën një sezon të kënaqshëm. Gjithsesi, 23-vjeçari është rikthyer të flasë për ish-kapitenin Bonuçi, duke thënë fjalë të mira për të, pavarësisht largimit të tij drejt Juventusit përsëri.

“Të gjithë i dinë vlerat e Leos dhe çdokush do të dëshironte ta kishte në ekip. Ai dhe klubet morën vendimet e tyre. Ne nuk pendohemi për këtë gjë, pasi kemi lojtarë si Musakio dhe Kaldara, i cili pritet të rikthehet nga dëmtimi. Matia është një djalë i ri dhe me shumë të ardhme përpara. Ai do ta tregojë se sa i aftë është dhe ne po e presim krahëhapur rikthimin e tij”, përfundoi kapiteni kuqezi.