VIDEO | Çerçi dhe Hërto përjetojnë një makth në Turqi, çështja shkon në FIFA

Sport Ekspres — Mon, 18 Mar 2019 15:27:23 +0000

Sulmuesi italian Alesio Çerci dhe mbrojtësi francez Tomas Hërto vendosin të largoheshin nga Serie A pasi u joshën nga kontratat me pagë marramendëse të ofruara nga klubi turk Ankaragyçy.

Mirëpo, përvoja në Superligën turke nuk ka rezultuar ashtu siç ata e prisnin. Të dy lojtarët nuk paguhen prej muajsh dhe përfaqësuesit ligjor i janë drejtuar dhomës së zgjidhjeve të konflikteve pranë FIFA-s për ta zgjidhur këtë ngërç.

Raporti midis lojtarëve e klubit tanimë është inekzistent dhe futbollistët po stërviten veçmas. Lojtarëve u ishte premtuar se çështja e pagave do të zgjidhej gjatë muajit janar, por më pas janë informuar se klubi kryeqytetas e ka të pamundur për të respektuar detyrimet financiare të kontratave përkatëse.

Dështoi me Atletikon dhe Milanin, Çerçi transferohet në Turqi

Sport Ekspres — Sat, 18 Aug 2018 14:47:00 +0000

Alesio Çerçi ishte pjesë e Veronës në sezonin e kaluar, ku zhvilloi 31 ndeshje dhe shënoi tre gola. Ai nuk arriti të ndihmojë ekipin veronez për të qëndruar në Serinë A dhe tashmë është transferuar në Superligën turke.

Ish-lojtari i Atletikos se Madridit dhe Milanit ka arritur marrëveshjen me ekipin e sapo ngjitur në elitën e futbollit turk, duke firmosur për ekipin e Ankaraguçut.

Anësori ofensiv numëron dhe 14 ndeshje me kombëtaren italiane, por mbas disa sezoneve të dobëta, tashmë do i duhet të luajë në Turqi. Zyrtarizimin e marrëveshjes e ka konfirmuar dhe klubi i Ankaraguçut me anë të një postimi në faqen zyrtare të klubit.