Zyrtare: Shënkolli pa trajner, ikën Alert Alcani

Sport Ekspres — Fri, 30 Nov 2018 13:29:57 +0000

Alert Alcani nuk do të jetë trajner i Shënkollit. Lezhjani është larguar dhe sipas asaj që klubi lezhjan raporton, ndarja ka ardhur për arsye familjare të teknikut. “Jep dorëheqjen trajneri Alerti Alcani nga drejtimi i ekipit tonë për arsye familjare. Ne i urojmë profesorit gjithë të mirat dhe faleminderit për gjithçka që ke dhënë për ekipin tonë dhe respekte pa fund”.

Tashmë lezhjanët duhet të gjejnë një tjetër zgjidhje për pankinën, pasi ndeshja e radhës është në prag. të shtunën Shënkolli pret në shtëpi skuadrën e Ilirisë së Fushë-Krujës dhe tre pikët janë shumë të rëndësishme.

Mungesat janë të shumta, pasi janë disa futbollistët e pezulluar nga Komisioni i Disiplinës. Gjithsesi në shtëpi skuadra lezhjanë ka treguar se nuk fal dhe përgjithësisht rezultatet aty kanë qenë pozitive. kështu që edhe me Ilirinë do tentojnë të përsërisin vetveten.

Konfirmohet, Alert Alcani rikthehet në stol

Sport Ekspres — Fri, 29 Jun 2018 19:50:07 +0000

Alert Alcani, ish-mbrojtësi i Partizanit, është rikthyer të drejtoje skuadrën e Shënkollit. Lezhjani e ka pranuar ofertën e drejtuesve dhe së shpejti do të nisë nga puna. Alcani e ka drejtuar edhe më parë skuadrën nga bregu i Matit. Në të shkuarën ai ka punuar edhe me moshat e Partizanit, si dhe ka drejtuar Kastriotin.

Shënkolli luan sezonin e tretë në Kategorinë e Parë dhe objektivi sërish do të jetë të qëndrojë në këtë nivel të futbollit shqiptar. Pritet që drejtuesit të bëjnë edhe disa lëvizje në merkato për të zhvilluar edhe sivjet një kampionat të qetë. Mund të kërkohet sërish te Laçi ndonjë lojtar në huazim, sikurse edhe ndodhi në janar, kur morën të rinjtë Erisildo Smaçi dhe Serxhio Ujka.