Alen Haliloviç

Talenti që nuk shpërtheu kurrë, Haliloviç “shtegton” në Belgjikë

Sport Ekspres — Thu, 31 Jan 2019 23:11:53 +0000

Alen Haliloviç është largimi më i fundit i skuadrës së Milanit. Talenti kroat është huazuar në kampionatin belg te skuadra belge e Standard Liezh. Në marrëveshjen e arritur mes palëve ka një opsion për blerjen e kartonit të lojtarit.

#WelcomeAlen ?? pic.twitter.com/aDSv9H7AZo

— Standard de Liège (@Standard_RSCL) January 31, 2019

Haliloviç ishtë ndër blerjet e fundit të ish-drejtorit sportiv të Milanit, Masimiliano Mirabeli. Megjithatë, mëngjarashi rezultoi një bast i humbur, pasi në pesë muaj te “djalli” u aktivizua në vetëm në tri ndeshje.

Haliloviç mbush së shpejti 23 vjeç dhe emërtimi talent, ndoshta është i pavend, dhe të mendosh që pesë vite më parë shumë vetë e konsideronin si pasuesin e Mesit te Barcelona, skuadër ku aktivizua vetëm tek ekipi rezervë, pa provuar asnjëherë qoftë shijen e stolit në La Liga.

Dështoi te Milani, gjiganti turk shumë pranë mesfushorit

Sport Ekspres — Tue, 08 Jan 2019 15:43:17 +0000

Milan në merkaton e verës ishte mjaft aktive, teksa ndër të parët lojtar që u transferua në “San Siro”, ishte talenti Alen Haliloviç. Kroatit i përfundoi kontrata në muajin korrik me ish-ekipin e tij, Hamburgun dhe u transferua me parametra zero në radhët e Milanit.

Gjithsesi, 22-vjeçari nuk ka arritur thuajse për asnjë moment të bindë trajnerin Gatuzo, për t’i dhënë minuta në Serie A. Haliloviç numëron vetëm 60 minuta me fanellën e Milanit, të gjitha këto në tre ndeshje të Europa League.

Një largim i tij duket i pashmangshëm dhe kontaktet e para kanë filluar. Ekipi më i interesuar për mesfushorin duket të jetë Beshiktashi. Siç raportojnë mediat italiane, gjigantët turk, janë shumë pranë marrëveshjes për lojtarin, ku ditën e sotme kanë pasur një takim me agjentin e tij. Mbetet për t’u parë në rast se Milani do ta lëshojë në huazim apo përfundimisht.

E çuditshme, Milani e mori këtë verë dhe tani është me valixhe në duar!

Sport Ekspres — Wed, 22 Aug 2018 17:41:23 +0000

Milani e nisi merkaton duke afruar dy kroatët: Ivan Striniç dhe Alen Haliloviç. Më pas ndodhën ndryshime në klub, kinezët u larguan dhe bashkë me to dhe Fasone me Mirabelin. Ndoshta është rastësi, por edhe dy blerjet e ish-drejtuesve, po i ndjek fati i keq.

Striniç u diagnostikua me probleme në zemër dhe atij i duhet të heqë dorë nga futbolli për një periudhë të pa përcaktuar. Me valixhe në duar shihet dhe Alen Haliloviç. Siç citon spanjollja “El Mundo”, 22-vjeçari është pranë largimit nga kuqezinjtë.

Ardhjet e Kastihejo dhe Laksalt reduktojnë hapësirat e kroatit dhe ai po negocion me klubet e Espanjolit dhe Gironës. Dy klubet spanjolle interesohen për shërbimet e lojtarit, i cili në fillim të verës, firmosi deri në vitin 2021 me Milanin.

Haliloviç shihej si një nga talentët më të mëdhenj të futbollit kroat, por karriera e lojtarit të talentuar nuk është ngjitur në nivelet e kërkuara. Milani i dha një shans, duke e afruar nga Hamburgu, por ai mesa duket është “dorëzuar” dhe kërkon një klub ku mund të luajë rregullisht.

Në vitin 2013, kur nuk kishte mbushur akoma 17 vjeç, Haliloviç u bë lojtari më i ri në historinë e Kroacisë, që debutoi me kombëtaren e madhe.