Njoftimi i klubit të Luftëtarit:

Zyrtare!

Futboll Klub Luftëtari njofton mbylljen e bashkëpunimit me Albano Aleksi. Mesfushori 26 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në verën e vitit 2015, duke kaluar 4 vite me ekipin tonë, regjistroi 93 aktivizime në Kategorinë Superiore dhe Kupën e Shqipërisë. Gjithashtu Aleksi u aktivizua edhe në 2 ndeshjet kundër Ventspils në Uefa Europa League. Sezonin 2018-2019 ai realizoi 2 gola me skuadrën. Klubi falenderon lojtarin për kontributin e dhënë me fanellën tonë dhe i uron njëkohësisht suksese në karrierë!

 

View this post on Instagram

 

Zyrtare! Futboll Klub Luftëtari njofton mbylljen e bashkëpunimit me Albano Aleksi. Mesfushori 26 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në verën e vitit 2015, duke kaluar 4 vite me ekipin tonë, regjistroi 93 aktivizime në Kategorinë Superiore dhe Kupën e Shqipërisë. Gjithashtu Aleksi u aktivizua edhe në 2 ndeshjet kundër Ventspils në Uefa Europa League. Sezonin 2018-2019 ai realizoi 2 gola me skuadrën. Klubi falenderon lojtarin për kontributin e dhënë me fanellën tonë dhe i uron njëkohësisht suksese në karrierë!

A post shared by KS Luftëtari Gjirokastër (@fc_luftetari) on May 31, 2019 at 11:44am PDT

SEZONI – “Nuk ndihem komod që skuadra diskutoi mbijetesën. Vitin e kaluar ishim në Kupat e Europës, ndërsa këtë sezon për shkak të gabimeve tona përfunduam në këtë situatë. Të them të drejtën rezultatet e fundit më kanë mërzitur”.

KOSTIÇ DHE MEZANI  “Në fillim morëm dy trajnerë që “CV” të pasur, ne prisnim që ata të bënin çudi te Luftëtari, por nuk ndodhi kështu. Pastaj i besuam Gentian Mezanit, ai bëri një deklaratë të papërgjegjshme pas humbjes 5 – 1 dhe u detyruam ta largojmë Mezanin. Kur gjenerali dorëzohet, ushtarët demoralizohen, na u ndesh  të ndërhynim. Unë nuk e kisha parë, por një miku im më mori në telefon dhe më shpjegoi se ai kishte thënë se ekipi do të binte nga Kategoria ”.

AHMATAJ – “Të themi të vërtetën ai bëri një punë shumë të mirë, duke mbledhur ekipin. E mora vendimin për ta pezulluar pas ndeshjen me Kukësin për shkak se kisha dyshime për ndeshjen për Tiranën. Për këtë do flas më gjerë kur të mbarojnë këto dy ndeshjet. Edhe për futbollistët e pezulluar do flas pas ndeshjes me Partizanin, pasi nuk dua të hap plagë”.

ALEKSI DHE XHEKSON – “Albano Aleksi e kishte në kontratë që dy muaj para se t’i mbaronte marrëveshje që të besonte me ne, për kërkesat e tij. Ai nuk pranoi asnjë nga telefonatat e mia. Me Xheksonin do të diskutojmë për vazhdimësinë, gjithçka mund të arrihet”.

E ARDHMJA – “Luftëtari është një skuadër që do të shkruajë histori në kampionatin shqiptar. Do të shikoni lojtarët që do të vijnë, disa prej tyre do të jenë të Kategorisë Superiore, por edhe kampionateve jashtë. Së shpejti do të kemi dhe ekip femrash të Luftëtarit. Jemi duke mbyllur një kontratë me një skuadër të njohur në Europë që është thuajse çdo vit në Champions League. Me këtë marrëveshje ata do të sjellin eksperiencën e tyre dhe në të mirë të akademisë sonë. Nuk mund ta them akoma emrin e klubit. Do ta bëjmë ekipin shumë më të fuqishëm”.

PROBLEMET FINANCIARE – “E vërteta është që kemi pasur probleme me financat. Kemi shlyer shumë detyrime te vjetra, që nga Milinkoviç, Toledo dhe Bojom. Gjithsesi, klubi ka arritur të shesë katër lojtarë deri më tani dha na kërkojnë edhe dy lojtarë të tjerë. Këtë vit kemi arritur të dalim me fitim. Nuk më shkon në mendje kurrë për të shitur Luftëtarin. Ky ekip më dhimbset. E kam pasion, unë kam bërë 19 kilometra në këmbë për të parë klubin në kohën në Bonit, Kallucit dhe Brahos”.

BORDI DREJTUES – “Do krijojmë një bord të ri drejtues. Me 11 veta, ku do të jenë pjesë intelektualë të zonës dhe njohës të sportit. Çdo vendimmarrje do të merret aty”.

E ARDHMJA E RUÇIT – “I respektoj të gjithë futbollistët. Ruçi për shembull është një djalë shumë i mirë dhe profesionist. Ai ka dhe dy vite kontratë me ne, por më tha shpjegoi se kishte një hall familjar dhe unë e mirëkuptova. Kështu si veproi Ruçi të vepronte dhe Aleksi, ai nuk i përgjigjej as telefonatave të mija. Nuk ja mohoj atë që ka dhënë në këto katër vite, gjithsesi nuk është i pazëvendësueshëm”.

LOJTARËT NË FUND TË KONTRATËS – “Nga Luftëtari nuk do iki asnjeri. Ramadani është një njeri i veçantë. Të gjithë çunat kanë dhënë shpirtin për Luftëtarin. Me çdo futbollist që i mbaron kontrata do mundohemi të gjejmë marrëveshje për të vazhduar”.

PAGAT – “Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”.

ELIMINIMI NGA KUPA – “U zhgënjyem shumë. Nuk na takonte ne që të pësonim pesë gola. Nuk i kishim pësuar gjithë sezonit. Nuk është se jam mosmirënjohës që na shpëtoi Kategoria, përkundrazi nëse do të fitonte Kastrioti do të ishim ne në rrezik, ne na shpëtoi barazimi i tyre. Kemi dhe dy ndeshje të vështira ndaj Skënderbeut dhe Partizanit, kjo nuk qëndron”.

AKADEMIA – “Kur u takova me presidentin e ekipit që po bisedojmë për marrëveshjen më përmendi fillimisht për akademinë. Një ekip duhet të nxjerrë nga akademia të paktën një ose dy lojtarë në vit. Akademia do të jetë pikë kyçe e projektit tonë të ardhshëm”.

Futbollisti 26-vjeçar e konsideron absurde këtë vendim të drejtuesve dhe u sqaron tifozëve se gjithmonë ka dhënë maksimumin për skuadrën gjirokastrite. Kontrata e Aleksit me Luftëtarin mbaron në fund të këtij sezoni dhe me shumë palët do të ndahen me njeri-tjetrin pas katër vitesh.

Dua të falënderoj në radhë të parë tifozerinë e Luftëtarit,të gjithë ata që më kanë mbështetur gjatë katër viteve fantastike duke përfaqësuar fanellën e Luftëtarit, fanellë e cila më dha mundësinë të jem ky futbollist që jam sot. Jam ndier shumë i indinjuar pas informimit që mora për pezullimin nga ekipi ditën e sotme, por me shumë i indinjuar janë ndjerë nga arsyeja absurde e këtij pezullimi. Dua t’i informoj të gjithë se kam dhënë maksimumin tim çdo sekondë të luajtur me ekipin e Luftëtarit dhe askush nuk mund të ma hedhë poshtë djersën që kam derdhur për këtë ekip dhe të uli figurën time si futbollist i këtij ekipi. GJITHMON FORCA LUFTËTARI

POZICIONIMI I ALEKSIT – “Aleksi ka shumë ndeshje që luan në atë pozicion (mesfushor para mbrojtjes), që pas dëmtimit të Ramadanit. Ka qenë ekuilibrus i skuadrës sonë, na ndihmon si në fazën mbrojtëse, por edhe atë sulmuese. Të them të drejtën na ka munguar disi ajo çfarë Aleksi  i jep skuadrës në fazën sulmuese”.

BARAZIMI NDAJ TIRANËS – “Në fillim kërkova më shumë se ç’duhet, por ma kishte imponuar skuadra me ndeshjet që kishte kryer më përpara. Prej kësaj mu krijua përshtypja se skuadra do të ishte më kreative në sulm”.

Futbollisti shkodran bën një ironi mbi aludimet që kanë qarkulluar në rrjete sociale se midis ekipit të tyre dhe Partizanit ka pasur aleancë për kalimin e kupës.

“Na e lan dhe kampionatin, se Kupën po e po”, thotë Ramadani. Mbylljen e bën fieraku Aleksi, i cili vendos të imitojë frazën e Patris Evras: “Ju duam shumë. I love this game”.

FITORJA – “Po besoj se ishte një fitore me shumë vlera, jo vetëm për faktin që na duheshin pikët për t’u shkëputur nga Kastrioti. Ne kemi bërë një hap përpara dhe në ekip kemi shumë cilësi. Jemi më mirë se Kastrioti dhe e meritojmë të qëndrojmë në Superiore, më shumë se Kastrioti.

DËNIMI DHE RINOVIMI – “Për dënimin nga Federata dhe vetë nuk e kam kuptuar se çfarë ndodhi, pasi nuk kam bërë asgjë. Sa i përket drejtuesve për punën e dënimit, është puna e tyre dhe kanë të drejtë të bisedojnë me mua. Shpresojmë të zgjidhim diçka sa i takon rinovimit dhe më pas të shohim.

TIRANA DHE KASTRIOTI – “Të dyja janë rivale të forta, pasi jemi të treja në valle. Kush ka ekipin më të mirë dhe forcën e duhur, do të qëndrojë në Superiore. Unë jam i bindur se do t’i lëmë pas të dyja.

POZICIONI NË FUSHË – “Trajneri më ka dhënë shumë besim dhe më ka afruar afër portës. Kjo gjë më ka dhënë shumë besim dhe mund të shënoj dhe të asistoj. Ky është pozicioni im i duhur dhe ndihem shumë mirë, marr më shumë topa dhe jam më i lirshëm”, tha Aleksi.

Dëmtimet kanë qenë problemi më i madh i bluzinjve, pasi infermieria ka qenë gjithnjë plot. Lajmi i mirë është se Rroca do të jetë në stol në takimin e radhës, por mund të konsiderohet gjysmë buzëqeshje, kjo për shkak se një tjetër lojtar ka përfunduar në infermieri.

Mbrojtësi Nemanja Janiçiç ka pësuar një dëmtim dhe me shumë gjasa nuk do të jetë i gatshëm për takimin e radhës. Po ashtu vijon rikuperimi për Behar Ramadanin dhe Albano Aleksin, të cilët po ashtu ende nuk janë në 100% e tyre. Luftëtari i ka idetë e qarta dhe do të kërkojë të mos dalë pa pikë nga sfida e kësja jave me Partizanin, edhe pse do të sfidojë një prej skuadrave më në formë të momentit.