Jo vetëm Xheko nga Roma, Interi përgatit goditjen e dyfishtë

Sport Ekspres — Mon, 22 Jul 2019 13:56:21 +0000

Antonio Konte po pret sulmues dhe drejtuesit e klubit po punojnë për afrimin e Romelu Lukakut dhe Edin Xhekos. Trajneri i Interit ka edhe një dilemë sa i përket lojës nga krahët.

Ivan Perishiç nuk e bind të bëjë anësorin e krahut të majtë në skemën 3-5-2 dhe në skenë ka dalë emri i Aleksandër Kolarov. Roma kërkon 20 milionë euro për Xhekon dhe 15 milionë euro për mbrojtësin 33-vjeçar.

Me një shumë prej 25 milionë eurosh, Marota mund t’i veshë zikaltër të dy lojtarët sllavë. Dy janë alternativat e Kolarov: Emerson Palmieri i Çelsit dhe Filip Kostiç i Ajntrahtit të Frankfurtit.

Dyshime për krahët e mbrojtjes, Atletiko gjen shpëtim në Itali

Sport Ekspres — Tue, 25 Dec 2018 20:40:33 +0000

Atletiko Madrid po bën mirë në kampionat, aty ku renditet e dyta me 34 pikë, tre më pak se Barcelona e vendit të parë. Por, në kampin madrilien ka një problem sa i përket krahëve të mbrojtjes. Felipe Luis kërkon largimin, ndërsa në dyshim është dhe e ardhmja e Lukas Hernandez. Francezi pëlqehet nga Bajerni i Mynihut, me gjermanët që janë gati të paguajnë klauzolën prej 80 milionë eurosh të kampionit të botës me Francën.

Në dyshim është dhe e ardhmja e Huanfran, kështu që drejtuesit e klubit janë të detyruar të futen në merkato. Siç raporton “El Gol Digital”, Atletiko është vënë në gjurmët e Aleksandër Kolarov. Mbrojtësi i majtë preferohet shumë nga Diego Simeone për karakterin e tij dhe luftën e fortë sportive.

33-vjeçari mbetet një nga anësorët e krahut më të fortë në Serie A, ndërsa kontrata e tij me verdhekuqtë skadon në verën e vitit 2020. Atletiko po punon për të arritur sa më shpejt akordin për transferimin e tij në Madrid, ndërsa mediat e vendit iberik zbulojnë se Monçi, drejtori sportiv i Romës, ka nisur punën për të gjetur zëvendësuesin e Kolarov.