“Për momentin ndihem shumë mirë te skuadra dhe në kampionatin ku po luaj. Kam dëshirë të qëndroj të këtu, pasi jam shumë i lumtur, por kam dhe dëshirë për të luajtur në kampionatin anglez”, tha 27-vjeçari.

Në verën e 2017-ës, Sandro ishte shumë pranë kalimit te Çelsi. Antonio Konte bëri një ofertë prej 60 milionë Eurosh për mëngjarashin, por drejtuesit e Juventusit i refuzuan në mënyrë të njëpasnjëshme “çeqet” nga londinezët. Kontrata aktuale e  27-vjeçarit skadon në qershor të 2020-ës dhe me klubi është duke u munduar të marrë miratimin e lojtarit për rinovimin e marrëveshjes.

Siç citon “Tuttosport”, drejtuesit e dy klubeve po mendojnë për një shkëmbim lojtarësh. Aleks Sandro në Madrid dhe Marselo në Torino. Të dy brazilianë dhe mbrojtës të majtë. Bardhezinjtë nuk e kanë fshehur dëshirën e tyre për të siguruar shërbimet e Marselos, i cili është gati për të shijuar një eksperiencë të re dhe do e mirëpriste bashkimin me CR7, një nga miqtë e tij më të mirë.

Një gjë e tillë do të detyronte Juventusin të hiqte dorë nga Aleks Sandro. Reali nuk mund të heqë dorë nga Marselo pa siguruar zëvendësuesin e tij dhe… Aleks Sandro është zgjidhja perfekte. Kushtet e shkëmbimit? Për të hequr dorë nga Marselo, Reali kërkon Sandron dhe 15 milionë euro.

Mbrojtësi i Realit vlerësohet 60 milionë euro, ndërsa ai i Juves 45 milionë euro, pavarësisht se është 3 vite më i ri. Palët janë afër dhe po mendojnë detajet e fundit të këtij shkëmbimi që do i kënaqte të gjithë.

Brazilianit i skadon kontratat me bardhezinjtë në vitin 2020, ndërsa ai dëshiron të qëndrojë në Torino dhe të rinovojë, por akordi me klubin nuk është gjetur akoma.

27-vjeçari kërkon një rrogë prej 5 milionë eurosh në sezon, ndërsa Juventusi nuk dëshiron të nxitohet. Drejtuesit po monitorojnë paraqitjet e brazilianit dhe kërkojnë të binden se ai është në gjendje të përsërisë paraqitjet fantastike të sezonit të kaluar. Nëse palët nuk gjejnë akordin, Murinjo është gati ta bindë për t’u transferuar në ishull.