Programohet miqësorja e legjendave, Ferguson rikthehet në pankinën e “Old Trafford”

Sport Ekspres — Sat, 16 Feb 2019 17:26:14 +0000

Një ndër ndeshjet më të bukura në historinë e Mançester Junajtid është finalja Champions-it të vitit 1999. “Djajtë e kuq” përmbysën 2 – 1 gjermanët gjatë kohës shtesë me dy gola me autor Tedi Sheringam dhe Ole Gunar Solskjaer.

Ajo mbrëmje e magjishme do të përsëritet sërish, kësaj radhe në “Old Trafford”. Më datë 26 maj në tapetin e “teatrit të ëndrrave do të zbresin në fushë pjesa më e madhe e protagonistëve të asaj ndeshjeje.

Festa gjatë finales 1999

Megjithatë më e veçanta e këtij takimi është rikthimi i Sir Aleks Ferguson në krye të pankinës së Junajtid që prej dorëheqjes në maj të vitit 2013. Gjithashtu dhe pankina e Bajernit do të ketë një legjendë si Otmar Hicfeld.

Ronaldo nuk harron: “Ferguson si një baba, më mësoi të jem më pak portugez”

Sport Ekspres — Wed, 22 Aug 2018 15:40:53 +0000

Marrëdhënia e Kristiano Ronaldos me trajnerin Aleks Ferguson ka qënë gjithmonë fantastike. Një lidhje e veçantë, ajo e portugezit me trajnerin legjendar të Mançester Junajtid. CR7 tregon se skocezi ishte ai që e rriti sportivisht, por edhe si njeri.

“Ferguson ka qenë shumë i rëndësishëm për mua në fillimet e karrierës. Kur shkova te Mançesteri, kisha akoma mentalitetin portugez: shumë hapa të dyfishtë dhe vendime të gabuara.

Trajneri më korrigjoi dhe në Premier nuk është se merren shumë me ty. Ferguson më mësoi gjithçka dhe në futboll, ai ka qenë si një baba për mua”, tregon Ronaldo në një prononcim për “DAZN”. Ylli i Juventusit u aktivizua për gjashtë sezone në “Old Trafford”, ku shënoi 84 gola në 196 ndeshje të zhvilluara.