Kielini ndalet dhe te dy ish-kapitenët e tij: Xhixhi Bufon dhe Aleks Del Piero. Ka luajtur, festuar, vuajtur me të dy dhe nuk mund të mos ketë përveçse elozhe për dyshen e famshme të Juventusit.

“Futbolli është një valvul shpërthyese. Shpresojmë që gradualisht të arrihet edukimi i tifozllëkut sportiv dhe jo urrejtja kundër të tjerëve. Ato shkrime nuk janë kundër një personi, janë shkrime kundër klubit. Krahasimi me Shirean më bën krenar, por ka lidhje me vlerat që tentojmë të realizojmë, më shumë se me stilin e lojës.”

“Bufon? Kam ndarë gjithçka me Xhixhin, ia kam zili aftësinë për të prekur kordat e duhura në ato momente të sezonit, kur kapiteni duhet të forcojë grupin. Xhixhi ia arrinte të futej brenda të gjithëve. Del Piero? Më ka pritur në Torino, kur isha 21 vjeç. Në muajt e parë ndihesha i papërshtatshëm midis shumë kampionëve, por Aleks është përpjekur gjithmonë të më bëjë të ndihesha pjesë e grupit”, përfundon Xhorxho Kielini, kapiteni i Juventusit.

Sfida u vendos nga goli i Mario Manxhukiç dhe një legjendë si Aleks Del Piero është zbavitur pa masë. Mbi të gjitha, për një gjest teknik, që e ka mrekulluar ish-kapitenin e famshëm të bardhezinjve. Flasim për veprimin altruist të Kristiano Ronaldos, i cili pasoi për kroatin në golin e fitores së Juves.

“Kur dikush shënon me portë bosh, kontributi i atij që ka dhënë asistin është të paktën 80%. Kristiano u tregua shumë i mirë, sepse kur i mbërriti topi u krijua ideja se do të godiste portën. Në atë gjest janë të përfshira bashkë atletizmi, teknika dhe inteligjenca e Kristiano Ronaldos, pasi u vu menjëherë në një pozitë të rreziku për mbrojtjen kundërshtare”, komenton Aleks Del Piero për “Sky Sport”.

Përveç fitores me ekipin spanjoll, një tjetër lajm ka sjellë gëzim te Juventusi. Emre Çan ka hedhur pas krahëve dëmtimin dhe ka nisur stërvitjen me ekipin. Mesfushori gjerman pati propleme me tiroidet dhe kreu një ndërhyrje kirurgjikale, që doli me sukses. 24-vjeçari është rikthyer në dispozicion të Alegrit dhe do të punojë për të kapur sa më shpejt formën maksimale.

Pavarësisht se me bluzën e Juventusit kanë luajtur shumë kampionë të mëdhenj, në zemrat e tifozëve të bardhezinjve nuk është askush sipër Del Pieros. Një kapiten i madh, lojtar fantastik dhe besnik pa kushte i ngjyrave bardhezi.

Aleks ka postuar një foto, duke bërë shenjën e maskës, që përdoret nga Dibala gjatë festimeve të golave të shënuar. “Gëzuar ditëlindjen, Paulo”, shkruan Del Piero, ndërkohë që nuk ka munguar reagimi i “Joya”-s. “Të lindur në të njëjtën shenjë. Faleminderit kampion”, i përgjigjet Dibala, duke kujtuar që dy numrat dhjetë të Juves i përkasin shenjës së akrepit.

 

View this post on Instagram

 

Feliz cumpleaños Paulo! Ale #ADP10

A post shared by Alessandro Del Piero (@alessandrodelpiero) on Nov 15, 2018 at 12:34pm PST

“Nëse Ronaldo do të kishte shkuar në ceremoni nuk do të krijohej asnjë polemikë. Nëse ka patur polemika, do të thotë që dikush ka gabuar. Nuk e di mirë se çfarë ka ndodhur. Di të them që mua do të më vinte inat nëse nuk do ma jepnin çmimin, por të mos marrësh pjesë është një tjetër gjë. Ishte e drejtë ta fitonte Luka Modriç për atë që ka bërë, por dhe Ronaldo zhvilloi një sezon jashtë normales.”

Ylli i Juventusit nuk e ka gjetur akoma golin në tre ndeshjet e para, por ky nuk është një problem sipas Del Pieros, i cili jep idenë e tij për pozicionin e portugezit në fushën e blertë.

“Sistemet tona të mbrojtjes janë ndër më të mirat në botë, nëse jo më të mirat absolute. Ne krijojmë “trafik” në zonë dhe ndoshta ai do të kishte më shumë hapësira dhe do ta ndihmonte të përshtatej më lehtë, nëse luan pak më larg zonës. Në Champions do të jetë ndryshe, sepse ka më shumë hapësira. Skuadrat janë të orientuara drejt mbajtjes së topit dhe do të krijojnë hapësira për kundërsulm që do të shfrytëzohen nga Ronaldo, i cili e gjeti golin kundër Juventusit në finale në këtë mënyrë”, përfundon Aleks Del Piero.

Nuk mungojnë dhe urimet nga dy ish-kapitenët e mëdhenj të Juventusit dhe Interit. Aleks Del Piero dhe Havier Zaneti, dy kundërshtarët e qindra betejave, kanë komentuar rikthimin e Maldinit në klubin e jetës së tij.

“Paolo Maldini është një flamur dhe simbol i Milanit dhe futbollit italian. Jam i lumtur që e rigjej në shtëpinë e tij: fat të mbarë, Paolo”, shkruan Aleks Del Piero, ish-kapiteni i Juventusit, në faqen e tij zyrtare në “Facebook”.

Nuk mungon as urimi i argjentinasit, Havier Zaneti. Ish-kapiteni i Interit, aktualisht në postin e zëvendës-presidentit të pjesës zikaltër të Milanos, ka shkruar një letër ku shpreh lumturinë e tij për rikthimin e Maldinit.

“Jam shumë i lumtur për Paolon, sepse është një person i shkëlqyer dhe një profesionist i madh. Një si ai do të bëjë mirë në futbollin botëror në përgjithësi. Kam shumë respekt për Paolon. Jemi ndeshur shumë herë si kundërshtarë dhe tani takohemi në role të tjera. Mbetet i njëjti vlerësim, respekt dhe konsideratë për të. Do të jem i lumtur ta përqafoj në derbin e ardhshëm, siç kemi bërë shumë herë në fushën e blertë. I uroj një fat të madh në aventurën e re.”