INTERVISTOI: AGRON KAJA

Dje u mbyllën dy fazat e para, si u shprehën skuadrat nisur nga të dy ekstremet e renditjes?
-Në përgjithësi, skuadrat kanë marrë çfarë kanë dhënë në 18 javë, me ndonjë përjashtim të vogël. Vllaznia e Bylisi i kanë komanduar grupet në këtë dy faza, e po kështu ka ndodhur me Vorën e Turbinën që kanë salduar vendet e fundit. Skuadrat e tjera në përgjithësi i arritën objektivat.

Cilën skuadër e përjashtoni se në 18 javë nuk i ka arritur pritshmëritë?
-Më evidente ishte në kreun e Grupit B, ku Besa mund të kishte më shumë pikë. Por edhe skuadrat e traditës në futboll që kanë luajtur në Superiore, si Dinamo, Erzeni, Besëlidhja, Besa, Lushnja, Apolonia, Tomori dhe Elbasani treguan menaxhimin e dobët që kanë pasur gjatë garës.

Në cilin grup e mendoni më të fortë rivalitetin për vendin e parë?
-Natyrisht që në Grupin B, ku edhe diferenca mes Bylisit e Besës diferenca është më e ngushtë. Mes tyre do të jetë garë e fortë gjatë fazës së tretë, por edhe Vllaznia duhet të jetë e kujdesshme në këtë fazë, pasi kjo formulë është tipike për rreziqe.

Me pikët që kanë Vora dhe Turbina, mund të quhen skuadrat e rëna në Kategorinë e Dytë?
-Unë mendoj që jo, sepse skuadrat e tjera që rrezikojnë nuk kanë shumë diferenca në pikë mes tyre. Në Grupin A, së bashku me Vorën mund të jenë pjesë e mbijetesës edhe Shënkolli me Ilirinë, ndërsa në Grupin B, me Turbinën janë shumë afër Elbasani me Tomorin.

Si ish-futbollist i Dinamos, mendoni se kjo ishte skuadra më e mirë në Kategorinë e Parë?
-Dinamo e fillon çdo vit me pretendime, por që në fund ato i mbeten vetëm në letër. Në fazën e parë ishte në vendin e 2-të, por në fazën e dytë gaboi në disa ndeshje me rivalët e tashmë do të luajë pa asnjë motiv në fazën e tretë. Nuk është Dinamo më e mirë në këtë kategori.

Në parashikimin tuaj, cilat skuadra i mendoni kryesuese të grupeve dhe cilat në vendin e fundit?
-Nëse do të nisemi nga renditja aktuale, Vllaznia në Grupin A dhe Bylis në Grupin B shikohen si favorite në krye dhe kandidatet më të afërta për ngjitjen në Kategorinë Superiore. Ndërsa për fundin, Vora e Turbina janë të rrezikuara, lufta do të bëhet për vendin e parafundit në Play-out.

Një elementë që do ta përmirësojë cilësinë e garës në Superiore, për Bregun është Liga Profesioniste, e cila veç shumë punëve të tjera, duhet që të futë teknologjinë në Superiore. “Është koha që të futet teknologjia në Superiore, dhe këtë Liga Profesioniste duhet ta ketë në axhendën e saj. Ne si shqiptarë kalojmë shpejt në ekstrem duke imituar të keqen, sepse edhe tifozët nuk ndjehen shumë të përfaqësuar nga skuadrat e tyre”.

INTERVISTOI: AGRON KAJA

Skuadrat e Superiores kanë rinisur përgatitjet pas një pushimi dyjavor, do të ndikojë kjo hapësirë në rikuperimin fizik të ekipeve?
-Unë mendoj se ka qenë një periudhë dyjavore e domosdoshme për pushim te skuadrat e Superiores, edhe pse pas javës së 18-të ato nuk i mbyllën menjëherë përgatitjet. Rikuperimi i tyre do të jetë i shpejtë në këtë minifazë përgatitore dhe gjendja fizike e lojtarëve nuk do të ketë rënie.

Çfarë mundësi ofron kjo hapësirë një mujore pa aktivitet zyrtar në Kategorinë Superiore?
-Kjo varet nga programet që kanë ndërtuar trajnerët, ku dhe si do t’i zhvillojnë përgatitjet në këtë hapësirë pa aktivitet zyrtar. Kjo është një periudhë e shkurtër, që më shumë ndihmon në ruajtjen e formës së lojtarëve për dy fazat e tjera të Superiores, por edhe për Kupën e Shqipërisë.

Teknikisht mendoni se të gjitha skuadrat e Kategorisë Superiore e kanë të domosdoshme një hapësirë të tillë stërvitore?
-Natyrisht që po. Të gjitha skuadrat duhet t’i kenë bërë planet e tyre për këtë minifazë përgatitore. Tradicionalisht ka patur një ndërthurje mes përgatitjeve, merkatos e ndeshjeve miqësore. Nisja e gjysmës së dytë të sezonit me ndeshjet e Kupës së Shqipërisë do t’i ndihmojë më shumë skuadrat në përshtatjen e tyre.

Cilët i mendoni si treguesit më negativë të garës në Superiore për dy fazat e para të saj?
-Që nisi me dhunë ky sezon. Besoj se ishte njëra nga mangësitë e tij, por që vazhdoi me shumë dënime për tifozët, edhe ky është një tregues i tillë në këtë sezon. Ne si shqiptarë kalojmë shpejt në ekstrem duke imituar të keqen, edhe pse tifozët nuk ndjehen shumë të përfaqësuar nga skuadrat e tyre.

Kanë patur ndikim gjykimet e arbitrave në ndeshjet e dy fazave të para?
-Arbitrat në këtë sezon të Kategorisë Superiore kanë treguar nivel më të ulët se sa kërkon kjo kategori. Me ndonjë përjashtim, ku kemi parë gjykime me nivel e dinjitet, do të thoja se është koha që të futet teknologjia në Superiore. Këtë Liga Profesioniste duhet ta ketë në axhendën e saj.

Si e mendoni renditjen e Kategorisë Superiore në përfundimin e këtij kampionati?
-Besoj se kjo renditje do të jetë deri në fund, pa përjashtuar edhe ndonjë surprizë, si në krye, ashtu edhe në fundin e tabelës. Partizani, Kukësi e Teuta do të rivalizojnë për titullin, Laçi dhe Flamurtari për Europën, ndërsa Luftëtari e Kastrioti janë më të rrezikuarit për të rënë nga kategoria.