Roma pikas zëvendësuesin e Manolas, e gjen në Londër

Sport Ekspres — Thu, 11 Jul 2019 09:35:56 +0000

Roma ka humbur Manolas, një prej lotarëve më të mirë të repartit difensiv. Megjithatë, siç raportojnë mediet angleze është në kërkim të Tobi Aldeveireld. Belgu gati në çdo merkato lakohet për të ardhmen e tij. Kjo verë pritet të jetë shumë vendimtare për 29-vjeçarin.
Në kontratën e tij me Totenhem përfshihet një ulje e konsiderueshme e klauzolës së tij. Çmimi i blerjes së Alderveireld deri në datë 26 korrik është 25 milionë paund. Roma është e interesuar për ta paguar këtë shumë dhe sjellë mbrojtësin në “Olimpico”.

Përveç kësaj, verdhekuqtë duhet të kënaqin edhe kërkesat e lojtarit, që nuk janë aspak modeste. Gjithsesi, belgu ka dëgjuar fjalë të mira nga Naingolan dhe ka shprehur gatishmërinë e tij për t’u transferuar në Serie A.

Objektiva të tjerë të klubit italian janë edhe Mark Bartra dhe Mançini i Atalantës. Klubi kryeqytetas dëshiron të nënshkruajë të paktën me dy mbrojtës qendre këtë verë.

Totenhemi vë në shitje mbrojtësin, Junajtid vihet në lëvizje

Sport Ekspres — Thu, 02 Aug 2018 16:56:58 +0000

Marrëdhëniet mes klubit të Totenhemit dhe qendërmbrojtësit Tobi Aldervereld janë tensionuar shumë gjatë muajve të fundit pas refuzimeve të njëpasnjëshme që belgu i ka bërë ofertave të “Gjelave” për një rinovim.

Sipas “Sky Sports”, drejtuesit e klubit londinez janë dorëzuar dhe kanë vendosur që ta hedhin në treg 29-vjeçarin, i cili është i kontraktuar me Totenhemit deri në fund të sezonit të ardhshëm. Destinacioni më i mundshëm për Aldervereldin është Mançester Junajtid.

Zhoze Murinjo e shikon shtatlartin belg si parterin ideal te Erik Beilit në qendër të mbrojtjes së “Djajve të Kuq”, por për të blerë kartonin e 29-vjeçarit do duhet që në Mançester të kolliten. Numri 1 i Totenhemit njihet si një biznesmen, i cili ka çmime shumë të kripura dhe Junajtid vështirë se mund të arrijë një marrëveshje pa shpenzuar të paktën 40 milionë paundë.