Këtë sezon spanjolli ka pasur një ritëm monstruoz, me 7 gola në 4 ndeshje, ndërsa nuk ka luajtur asnjëherë titullar në Bundesligë, ku ka shënuar 6 gola në 81 minuta. Asnjë futbollist në planet nuk ka këtë rendiment, me një gol çdo 13.5 minuta, ndaj në Dortmund janë bindur ta blejnë përfundimisht, duke e parë se kanë bërë bingo me një sulmues që kishte nevojë për qetësi dhe besim.

Aktualisht Alkaser është në huazim për 2 milionë euro nga Barcelona, por Dortmundi i paguan të plotë pagën prej 4 milionë eurosh dhe ka një opsion blerjeje për 23 milionë euro.

Në futbollin aktual shifra është qesharake dhe Dortmundi do të paguajë, sepse ka edhe premtimin e Alkaser për të vazhduar në Dortmund, sipas asaj që raporton Kicker.

Përveçse ecurisë së mirë me fanellën e Dortmund, sulmuesi spanjoll mori dhe lajmin e mirë të rikthimit në kombëtaren e Spanjës, teksa Luis Enrike e kishte përfshirë në listën e të grumbulluarve. Pikërisht nga grumbullimi i kombëtares, 25-vjeçari ka folur në lidhje me kohën e tij te Barca dhe momentin që po kalon te Dortmund.

“Fakti që jam këtu në kombëtare do të thotë shumë për mua. Është e gjitha te vendimet që duhet të marrësh. Qëndrova dy vite te Barcelona, por nuk isha protagonist dhe nuk kisha minuta si dhe besimi mungonte, ndaj vendosa të largohesha. Duhet të gjeja përsëri lumturinë e të luajturit futboll. Te Dortmund më kanë ndihmuar që të gjithë shokët e skuadrës dhe është një ambient fantastik”, ka përfunduar sulmuesi spanjoll.

Kalimi te Dortmundi me anë të një marrëveshje huazimi, duket se ka qenë lëvizja perfekte. Megjithëse një dëmtim muskulor vonoi debutimin e tij, Alkaser ia ka dalë të habisë që në aktivizimet e para.

Shifrat e regjistruara nga spanjolli janë të pabesueshme. 24-vjeçari ka gjetur 6 herë rrugën e rrjetës në vetëm 80 minuta, që ka marrë deri më tani në tri ndeshje të Bundesligës. Me siguri ritmi i golave do të fillojë të ulet, por një fillim i tillë e ka kthyer Alkaserin brenda pak javësh në një prej lojtarëve të preferuar të tifozerisë së Dortmundit.

Të besuarit e Lusien Favre e nisën jo në mënyrën e duhur takimin, ku e panë veten në disavantazh pas vetëm 9 minutash. Ishte Vaiser, i cili kaloi në avantazh vendasit me një goditje mjaft të bukur me të djathtën. Në minutën e 39-të ishin përsëri “aspirinat” që dyfishuan rezultatin, të cilët shkuan në pushim të qetë dhe në dukje kishin hipotekuar çdo gjë, por Dortmund erdhi më një fytyrë tjetër.

Në pjesën e dytë verdhezinjtë u transformuan tërësisht. U deshën vetëm 4 minuta, që Dortmund të barazonte gjithçka me danezin Larsen dhe Marko Rojs, në minutat 65 dhe 69. Insistimi i Borusias vijoi dhe kur duheshin vetëm 4 minuta nga mbyllja e kohës së rregullt, një këmbëngulje e Hakimit në krah, gjen Alkaser, i cili devijon krosimit e marokenit për të çuar në qiellin e shtatë tifozët verdhezi që kishin udhëtuar drejt Leverkusen. Në minutën e katërt shtesë ishte përsëri spanjolli, që duket i rilindur në Dortmund dhe i jep fitoren e çmendur ekipit të tij 2-4.

Borusia tashmë udhëheq e vetme Bundesligën, ku ngjitet në vendin e parë në kuotën e 14 pikëve, pas gjashtë javëve të luajtura. Diferenca me ndjekësin më të afërt është vetëm një pikë, por Dortmund duket se po rikthehet përsëri të konkurrojë fuqishëm Bajernin e Mynihut.

Gjatë ditëve të fundit është përfolur për një interes të ekipit gjerman për sulmuesin e Barcelonës Pako Alkaser. Por, sot negociatat janë bërë zyrtare, pasi përfaqësues të klubit verdhezi kanë mbërritur në selinë e skuadrës katalanase për të finalizuar dhe detajet e fundit.

Transferimi i te sulmuesit nga Valencia te kampionët e Spanjës nuk ka dhënë rezultatet e pritshme, por trajner i ri i Dortmundit beson se mund ta rikthejë 24-vjeçarin në formën e shkëlqyer që shfaqi te Valencia, ku dhe siguroi për disa muaj dhe një vend titullari në formacionin e pëfaqësueses së Spanjës.