“Ekipi i Albpetrol Patos do t’i kalojë 75% të aksioneve Koço Kokëdhimës. Kjo pritet të votohet në bashki brenda disa javëve, ku më pas do bëhet fusha stërvitore, fusha e stadiumit aktual dhe ndryshimi i emrit, nga Albpetrol në Apolonia B”, shkruhet fillimisht në këtë postim.

Tifozët e quajnë një veprim të papranueshëm, duke sugjeruar edhe emrin në rast se do ketë ndryshim. “Një gjë e papranueshme kjo nga tifozët patosarakë, ku ekipit me traditë t’i bëhet diçka që nuk ka ndodhur në asnjë vend të botës. Më mirë mos të ketë privatizim dhe të shikojmë me pasion atë ekip në shi, në diell e në erë. E ndjekim nga pas kudo që shkon skuadra dhe kjo nuk duhet lejuar që të ndryshojë emri. Diçka duhet ta kërkojë edhe kryetarja e bashkisë, që emri t’i vihet KS Patos. Presim një përgjigje, pasi kjo të diskutohet edhe me tifozët, të cilët nuk e pranojnë diçka të tillë. Faleminderit!”, përfundon deklarata.

Një ndër skuadrat e kësj kategorie që kërkon fuqizimin për pjesën e dytë të sezonit është Albpetroli i Patosit, që gjeografikisht nuk ka shkuar larg këtë herë. Patosarakët kanë marrë të larguarit e radhës nga Apolonia e Fierit.

Mbrojtësi Ernaldo Mehmeti dhe mesfushori Jurgen Hidërsha janë dy përforcimet te skuadra e Albpetrolit. Trajneri Elidon Demiraj i mendon si pika të forta për skuadrën e tij në pjesën e dytë të kampionatit. Albpetroli renditet në vendin e 4-t në Grupin B të Kategorisë së Dytë me 25 pikë, 7 pikë larg Shkumbinit kryesues. Në ndeshjen e javës së 14-të pret Skraparin në Patos.

AGRON KAJA

Besa e Kavajës zhvilloi ditën e sotme një ndeshje miqësore ndaj skuadrës së Gjilanit. Ekipi që militon në IPKO Superligën e Kosovës arriti të mundte skuadrën e Gugash Maganit falë golit të Shpend Asanit në minutën e tretë të takimit.

Kategoria e Parë fillon fundjavën e ardhshme. Kavajasit e nisin 2019-ën me një përballje në trasnfertë ndaj Elbasanit, ndërsa Apolonia pret Pogradecin në “Loni Papuçiu”.

Apolonia 1 – 0 Albpetrol
Shënues: Sota 60′

BESA  0 – 1 Gjilani
Shënues: Asani 3′

Skuadra beratase kishte programuar ditën e sotme një takim miqësor ndaj Albpetrolit, por mëngjesin e sotëm klubi njoftoi anulimin e kësaj ndeshjeje për shkak të kushteve aspak optimale të fushës të klubit nga Patosi.

Në mesin e pjesës së parë Albpetroli fitoi një 11-metërsh që e shndërroi në gol Gëzim Hysko. Kushtet e terrenit kanë qenë të vështira, thuajse i pamundur për kavajasit ambientimi.

Në të tre takimet miqësore të kësaj periudhe Besa nuk ka realizuar asnjë gol dhe vuajtjet në finalizim kërkojnë tanimë një impenjim ndryshe nga futbollistët e këtij reparti që është riformatuar nga e para.

Albpetroli merr një fitore me rëndësi të madhe në aspektin psikologjik, sepse përveç rezultatit, edhe në lojë nuk ishte aspak inferior ndaj një rivali të një kategorie më lart.

Apolonia dhe Albpetrol kanë zhvilluar mes tyre “derbin” miqësor në aneksin e stadiumit “Loni Papuçiu”. Takimi është mbyllur në paqe, 1-1, me nga një gol në secilën pjesë, fierakët në të parën dhe patosarakët në të dytën. Loja ka qenë jo në nivelet e pritshme, sidomos nga ana e Apolonisë. Në 45′ e para fierakët luajnë disi më mirë, por nuk krijojnë shumë raste në portën e Harizajt. Në 26′, Dimo ekzekuton mjeshtërisht një goditje dënimi nga e djathta, paralel me vijën anësore, prirët me portën patosarake. Kapiteni fierak gjuan saktë me të majtën e tij dhe topi pushon në rrjetë. Reagon skuadra e Mihos, që më shumë se gjysmën e vet i ka ish-lojtarë të Apolonisë. Megjithatë, pjesa e parë nuk ka ndryshime dhe Apolonia fiton falë përvojës e jo falë lojës. Pjesa e dytë është më e mirë për Albpetrolin, që luan më i çliruar, zotëron mesfushën dhe krijon raste. Miho udhëzon vazhdimisht që skuadra të jetë më këmbëngulëse në repartin ofensiv. Loja fiton nerv, madje ka dhe momente të panevojshme gjaknxehtësie e si pasojë ndëshkohen me karton të kuq Krasniqi i Apolonisë dhe Sako e Hatija të Albpetrolit. Në minutën e 65-të krijohet rrëmujë në portën e Apolonisë, pas një krosi nga e djathta e sulmit mik. Përfiton Kapo, i cili e shtyn topin në rrjetë dhe barazon shifrat në 1-1. Edhe pas golit është Albpetrol, që luan më mirë, por rezultati nuk pëson ndryshim gjer në “bilbilin” e fundit. Në fundjavë, Apolonia do të luajë një tjetër miqësore kundër Korabit, ndërsa Albpetrol do të presë në “Alush Noga” Bylisin e Ballshit.

APOLONIA – ALBPETROL 1-1

Shënues: Dimo 26′ / Kapo 65′

APOLONIA: Çako, Braka, Kuçi, Velo, Broshka, Troka, Llambi, Hysenshahaj, K. Prifti, Dimo, Krasniqi. (U aktivizuan: Hasfatia, Sota, Bega, Kondaj, Andoni, Kondakçiu, Lamaj, Velaj, Çërraga). Trajner: N. Kashami.

ALBPETROL: Harizaj, Kapo, A. Prifti, Sako, Fasko, Naçi, Hatija, Hidersha, N. Prifti, A. Lalaj, Caushaj. (U aktivizuan: Baba, Hasani, Hena, Balla, N. Lalaj, Papingu). Trajner: M. Miho.

GJYQTARË: E. Sino, O. Grabova, D. Çepele (Fier).

KARTONË TË KUQ: Krasniqi,  Sako, Hatija.