Është dashur java e dytë e kampionatit dhe pogradecari ka arritur të realizojë për Shaanxi Changan. Alla ishte autori i golit të dytë, në triumfin 3-0 që skuadra e tij regjistroi në shtëpi kundër Qingdao Huanghai. Një gol mjaft i bukur nga mbrojtësi, i cili edhe këtë herë e nisi nga fillimi takimin dhe luajti deri në fund.

Alla u transferua te Shaanxi Changan vetëm në momentet e fundit, pasi Yanbian Funde u përjashtua nga gara. Gjithsesi Federata Kineze lejoi klubet e tjera të nënshkruanin me lojtarët që u lanë të lirë dhe mbrojtësi firmosi për një vit një kontratë nga e cila përfiton 200 mijë dollarë.

Pogradecari mori një ofertë nga klubi që zëvendësoi Janbian Funde në ligën e dytë  dhe ka nënshkruar për një vit. Një kontratë mjaft e mirë për ish-futbollistin e Flamurtarit, pasi do të përfitojë 200 mijë dollarë për një sezon. Kjo lëvizje u mundësua nga menaxheri Franci Bode, i cili ishte ndërmjetës edhe për kalimin e Allës te Janbian.

Këta të fundit u përjashtuan para nisjes së kampionatit, pasi kishin rreth 36 milionë dollarë borxhe ndaj shtetit. Janbian refuzoi të paguajë dhe Federata Kineze e Futbollit i liroi të gjithë futbollistët dhe u la një javë afat klubeve të tjera që të nënshkruanin me ish-futbollistët e Janbian. Më pas Alla kaloi te Shaanxi Chang Athletic Club dhe po bëhet gati për sezonin e ri në Kinë.

Qendërmbrojtësi ka marrë ditën e sotme një ofertë nga klubi që zëvendëson Yanbian Funde në ligën e dytë dhe e ka pranuar. Kështu ai mbetet në kontinentin aziatik dhe për më tepër ka marrë një kontratë mjaft të mirë në aspektin financiar.

Burimet pranë lojtarit bëjnë me dije se do të përfitojë shumën e 200 mijë dollarëve dhe kontrata do të jetë 1-vjeçare. Kjo lëvizje u mundësua nga menaxheri Franci Bode, i cili ishte ndërmjetës edhe për kalimin e Allës te Janbian.

VLADIMIR PRENGA

Raportohet shkrirja e Janbian, që kishte 35.88 milionë dollarë borxhe. Federata Kineze e Futbollit i ka nxjerrë të gjithë futbollistët të lirë dhe u ka dhënë një javë kohë klubeve të tjera kineze për të nënshkruar me ta.

Kështu, Albi Alla dhe Agustin Torasa mund të rikthehen në Vlorë. Qendërmbrojtësi është i lirë dhe mund të transferohet edhe diku tjetër, kurse për argjentinasin situata është më e komolikuar, sikurse edhe ka deklaruar administratori i Flamurtarit, Sinan Idrizi. Sulmuesi nuk kishte gjetur gjuhën e përbashkët për largimin. Mbetet për t’u parë se çfarë do të ndodhë me ta.

Alla u la i lirë me marrëveshje nga vlonjatët, ndërkohë që Janbian pret lejekalimin edhe për Agustin Torasën, i cili gjithashtu është përshëndetur me Flamurtarin. Argjentinasi ende nuk ka nënshkruar me klubin kinez.

Sa i takon kontratës së Allës, SportEkspres.com mëson se mbrojtësi ka firmosur vetëm për 10 muaj dhe paga e tij do të jetë e konsiderueshme. Ai do të përfitojë shumën e 150 mijë dollarëve dhe nëse paraqitet mirë do të ketë mundësinë të kapë një tjetër kontratë me Janbian, ose në ndonjë ekip tjetër në Kinë.

Kalimi i Allës në Kinë u bë i mundur nga menaxheri Franci Bode dhe është një mundësi për të hapur një dritare të re për futbollistët e Kategorisë Superiore. Përfitimet në futbollin kinez janë të mëdha dhe futbollistë të shumtë të kalibrit botëror janë “joshur” për ta vijuar karrierën atje.

Pas Nevil Dedes, i cili kaloi nga Tirana te Çangsha (tani quhet Guangzhou R&F FC) para 12 vitesh, është Alla ai që transferohet direkt nga Shqipëria në Kinë, ku më parë janë aktivizuar Hamdi Salihi dhe Valdet Rama. Ky i fundit madje ka qenë pjesë e Janbian në Superligën kineze.

FALENDERIMET PËR FLAMURTARIN – Mbrojtësi qendror, i cili këtë verë iu bashkua Flamurtarit, largohet vetëm pas pak muajsh. Pavarësisht problematikave në klubin vlonjat, që ishin të karakterit financiar, Alla ka vetëm fjalë të mirë dhe falënderime.

“Që sot nuk do jem më pjesë e Flamurtarit. Falënderoj çunat e ekipit për këto 6 muaj te kaluara në mënyrë të shkëlqyeshme së bashku, një grup shumë i fortë që do e mbaj mend gjatë. Falënderoj drejtuesit e klubit për mirëkuptimin dhe presidentin Sinan Idrizi për mbështetjen e tij në lidhje që karriera ime futbollistike të ecë sa më përpara dhe duke mos më krijuar asnjë lloj pengese. Do ju jem gjithmonë mirënjohës qytetit të Vlores dhe Flotës”, shkruan Alla në rrjetet sociale.

“Kafe me shokët”, ka shkruar mbrojtësi dhe ka përmendur emrat e dy futbollistëve të larguar. 25-vjeçari duket se ka “thumbuar” me drejtuesit e tij dhe largimet e Bushiç dhe Siljanovskit, nuk janë pritur mirë nga mbrojtësi, të cilit i janë larguar shokët.

Për Allën është një ndeshje e veçantë, pasi ka luajtur për dy sezone me Kukësin. Ai ka arritur edhe të shpallet kampion me skuadrën që aktualisht drejtohet nga Armando Cungu. Në takimin e fazës së parë ishte vendimtar, pasi shënoi golin që i dha tre pikët Flamurtarit.

Gjithsesi vlonjatët sërish nuk do të jenë të plotë. Emiljano Musta, i kërkuar në verë nga Kukësi, do ta humbasë përballjen e së premtes për shkak se ka plotësuar numrin katër të kartonëve të verdhë. Vendin e tij në të majtë të mbrojtjes me shumë mundësi do ta mbulojë Blerim Kotobelli.

Sigurisht nuk mund të shprehë mllef publikisht, por Alla e kishte ndarë mendjen prej kohësh të largohej nga Kukësi. Sot e ka festë. “Rëndësi ka që morëm tre pikët. Kjo është ironia e futbollit, shënova ndaj Kukësit, prej ku ika. Gol i rëndësishëm për pretendimet tona, por nuk shohim larg, thjesht ndeshjen e radhës, duke punuar çdo ditë në fushë”, u shpreh Alla në emisionin “Gol pas Goli” në Supersport.

Për mbrojtësin ishte goli i parë i realizuar në Shqipëri. Katër vite më parë kishte shënuar në Greqi me fanellën e Panaçaiki: “Gol kam shënuar edhe një herë në Kupën e Greqisë, por natyrisht sot jam shumë i lumtur”.

Shqipëria ka probleme në mbrojtje dhe Alla e ka veshur edhe më parë fanellën kuqezi. “E ëndërrojmë të gjithë, e kam provuar atë fanellë dhe e di se duhet të punoj shumë e të jem në nivel të lartë për të tërhequr vëmendjen e trajnerit”, përfundoi mbrojtësi i Flamurtarit.

Shkodrani më pas komentoi edhe largimin e Allës, mohoi të ketë probleme me Donjet Shkodrën, por nga ana tjetër lëshoi një mesazh për presidentin Safet Gjici, pasi kërkon që në ekip të afrohet edhe një lojtar tjetër që të bëjë diferencën.

Takimi i radhës kundër Flamurtarit. Sa e rëndësishme është kjo sfidë?
Çdo ndeshje është e rëndësishme, jo vetëm për ne, por për të gjitha ekipet. Duke futur edhe objektivin që ka Kukësi, ne synojmë tre pikët në çdo ndeshje, sikurse edhe nesër. Ky është objektivi ynë

Sa ka ndikuar barazimi me Laçin? A e ka prekur harmoninë në ekip?
Nuk besoj se ka prekur një ndeshje harmoninë. Ajo nuk duhet prekur kurrë dhe duke qenë një klub profesionist nuk ka arsye të mendohet diçka e tillë. Natyrshëm që dëshira ishte e madhe për ta fituar ndeshjen me Laçin, sikurse dëshira është për të fituar çdo ndeshje. Futbolli i ka të tria rezultatet brenda, normalisht kur nuk menaxhon lojën siç duhet merr edhe ato rezultate që nuk i pret. Kjo na ndodhi me Laçin, edhe pse ishim superiorë. Është ndeshje e lënë prapa. Të shohim përpara tani.

Çfarë ka ndryshuar te Kukësi pas ndeshjes së parë?
Kanë ndryshuar disa individë përsa i përket formacionit. Pres dhe shpresoj edhe në aspektin fizik, pasi isha i vetëdijshëm që ndaj Laçit nuk kishte freskinë e duhur. Kjo pasi nuk ishin bërë tre ditë t plota prej ndeshjes me Torpedon. Ekipi shpenzoi energji dhe kjo ka qenë një nga arsyet se pse ekipi nuk kishte ritmin e duhur në lojë. Nesër shpresojmë të shohim një Kukës me ritëm tjetër.

Keni parë ndonjë defekt kundër Laçit? Jeni munduar t’i rregulloni ato?
Çdo ndeshje ka anët e mira dhe të këqija. Mund të fitosh me goleadë dhe të gjesh gjëra që nuk shkojnë. I ndodh çdo ekipi në botë.  Nuk bëmë mirë në aspektin e finalizimit, mund të shënonim golin e dytë dhe të tretë, por edhe në pësimin e golit gabuam. Ishte një gabim i joni, një dhuratë për kundërshtarin. Kemi punuar gjithë javën dhe shpresoj që nga nesër gabime të tilla të minimizohen. Nuk mund të them të shuhen, pasi është e pamundur.

A është i gjithë grupi?
Kam pak problematika me 1-2 lojtarë. Pres deri nesër rikuperimin e tyre. Kemi lojtarë në dispozicion që duhet të tregojnë vlerat e tyre dhe se e meritojnë që janë pjesë e rëndësishme e ekipit.

Sa e njihni Flamurtarin?
Nuk mund të them jo unë, por asnjë trajner që e njeh Flamurtarin. Kjo pasi është një ekip që ka ndryshuar pothuajse rrënjësisht. I kam parë në ndeshjen kundër Teutës dhe normalisht duke pasur parasysh organizimin dhe kontingjentin, janë një ekip jo i lehtë. Gjithsesi Kukësi ka emrin e vet, kualitetin dhe ambicien e vet, ndaj nuk kemi pse i druhemi asnjë kundërshtari.

Ka një çështje Shkodra, nuk është as në stërvitje…
Nuk besoj se ka një çështje Shkodra. Ai është pjesë e klubit të Kukësit sërish, ju e keni parë në formacion, që do të thotë se ka qenë një lojtar që e kemi menduar si një element që mund të kontribuojë për Kukësin.

Është pjesë e planeve të tuaja?
Është pjesë e Kukësit. Sa kohë stërvitet me Kukësin, patjetër që është pjesë e planeve.

Kur mund ta shohim Kukësin që Cungu do?
Realisht duhet kohë, Kukësi ka ndryshuar shumë, ka shumë ardhje. Në këto kushte duhet kohë, jo mua, por lojtarëve, të cilëve u duhet kohë për t’u ambientuar dhe për t’i vendosur të gjithë në pozicionet optimale të tyre. Dëshira është që të vijnë sa më shpejt. Kam thënë edhe më parë, shpresoj të vijë edhe një lojtar që merr përgjegjësi dhe tregon vlera në rrugën jo të shkurtër. Shpresojmë ta shohim sa më shpejt harmonizimin e këtij grupi.

Alla iku, vjen Krasniqi. Një Kukës më i dobët apo…
Duhet të kuptojmë diçka, që jo çdo herë ndodhin gjërat brenda dëshirave të klubit apo të sportistëve. Alla është larguar me dëshirën e vet. Dëshira e klubit dhe e imja personalisht ishte të rrinte, unë kam këmbëngulur për këtë. Është një lojtar që vlerat ia njihja, sikurse edhe drejtuesit. Kam qenë pjesë e bisedimeve, presidenti e ka thirrur Allën për të pasur një bashkëpunim tjetër. Ai ka preferuar të bëjë zgjedhje tjetër, që jemi të detyruar ta respektojmë.

Kukësi nuk humbet në Vlorë që nga tetori i vitit 2013…
Nuk u besoj këtyre gjërave. Traditës i besoj, por kësaj ne në Shkodër i themi “me qit fall me groshë”. Futbolli është futboll, ndryshojnë kohët, ndryshojnë momentet, ndryshojnë ekipet, ndryshojnë trajnerët. Kjo nuk do të thotë asgjë. Nëse ecim me traditë, Tirana duhet të dilte kampion vjet, Vllaznia të mos binte nga Kategoria. Kështu duhet të fokusohesh me çdo ekip, pasi edhe fëmijët të nxjerrin probleme nëse nuk përqendrohesh, e jo më Flamurtari.

Mes tyre edhe mbrojtësi Albi Alla. Një vit më parë ai pati probleme me klubin verilindor për kontratën, por më pas e zgjidhi. Rinovimi për sezonin e ardhshëm ka zero shanse. Qendërmbrojtësi ka luajtur kampionatin e fundit në 18 ndeshje dhe kjo për shkak se nuk është preferuar nga trajnerët. Por ka pasur periudha edhe për shkak dëmtimi.

Me ardhjen e Armando Cungut ai luajti titullar në kupat e Europës, por ndeshja e zhvilluar kundër Karabakut i ka vënë “vulën” largimit të tij. Për Allën mbyllja me marrëveshje e kontratës që tani është më me leverdi, ndryshe do duhet të presë përfundimin e aventurës evropiane të Kukësit për të dalë lojtar i lirë.

Jurgen Zela

Kukësi i ri, ai i Milinkoviçit dhe ndryshimeve të mëdha verore, ka një të përbashkët të madhe me atë që fitoi titullin sezonin e fundit: mbrojtja është sërish perfekte. Në fakt, prapavija e verilindorëve nuk ka ndryshuar fare, një arsye më shumë që gjithçka të ecë “vaj”, por pak frikë ekzistonte, si për ndryshimet në repartet e tjerë, ashtu edhe për çështjet e krijuara në verë, kur Koliçi e Alla, por edhe Shameti, ishin pranë largimit në momente të ndryshme. Të gjithë kanë qëndruar dhe ajo që bie në sy është se edhe Alla, i largua për shumë javë drejt Greqisë, është kthyer qetësisht, nuk ka pasur asnjë problem në rigjetjen e formës optimale dhe me Shametin formon një dyshe të jashtëzakonshme.

RENDIMENTI – Vetë trajneri Milinkoviç pas emërimit të tij si teknik i verilindorëve kërkoi rikthimin e Albi Allës, që të mos kishte asnjë ndryshim nga sezoni i shkuar. Edhe pse drejtuesit dhe lojtari patën raporte mjaft të tensionuara, gjetën në fund gjuhën e përbashkët. Alla luajti sezonin e fundit 30 ndeshje si titullar në Superiore dhe ishte pa dyshim një ndër zbulimet e mëdha të kampionatit, edhe pse realisht vlerën e vet e kishte treguar që te Bylisi sezonin paraardhës, por pakkush e priste që të shkëlqente në ekipin që do të fitonte titullin pa asnjë humbje deri në ngritjen e trofeut. Në 30 ndeshje, asnjë karton i kuq, me 11 kartonë të verdhë dhe vlerësime mjaft pozitive çdo javë.

KOMBËTARJA – Xhani De Biazi kishte premtuar rinovim të kombëtares dhe në mars një ndër emrat që bëri pjesë të kombëtares shqiptare ishte edhe Albi Alla, i cili luajti një pjesë loje në miqësoren kundër Bosnje-Hercegovinës. Në moshën 24-vjeçare, Alla i plotëson të gjitha kriteret, pasi është i ri, ka fituar goxha eksperiencë dhe është një alternativë e mirë për të ardhmen. Natyrisht, e penalizon fakti që luan në Shqipëri, pasi duan s’duan, trajnerët e kombëtaret në fokus kanë ata që luajnë në kampionate më cilësorë, por në kohëra të vështira Alla është një alternativë e mirë.

MUNGESAT – Si rrallë këto vitet e fundit, Shqipëria bëhet gati për një ndeshje kualifikuese duke pasur thuajse gjysmë formacioni jashtë. Mërgim Mavraj, Burim Kukeli dhe Odise Roshi u ndëshkuan me karton të verdhë në Maqedoni, ndaj më 6 tetor në Spanjë do ta bëjnë pushim, për të luajtur 3 ditë më vonë ndaj Italisë. Mungon edhe Berat Gjimshiti, i dëmtuar, prania e së cilit është për t’u përjashtuar, ndaj në këtë moment Panuçi ka vetëm një titullar në qendër të mbrojtjes, Arlind Ajetin, duke shpresuar që ky të mos ketë probleme fizike. Emrat e tjerë? Ndoshta Veseli, ndoshta Andi Lila, por qendra e mbrojtjes ka një problem madhor dhe kjo vihet re lehtë. Ndoshta Albi Alla do të ishte një zgjedhje e mirë, për të qenë të mbuluar në rast nevoje, fundja Panuçi e ka deklaruar edhe më parë se kampionati shqiptar do të jetë nën vëzhgim dhe do të afrojë disa lojtarë të rinj në kombëtare për ndeshjet e ardhshme.