Aleksi numëron tre sezone në Kategorinë Superiore, me Luftëtarin. Mesfushori është aktivizuar edhe në të Parën me gjirokastritët, si dhe me Butrintin e Sarandës. Tashmë do të luajë sërish në bregdet, por në atë të Durrësit.

“Albano Aleksi nënshkruan kontratë për dy vite me klubin tonë. Teuta ka zyrtarizuar afrimin e katërt për këtë merkato. Klubi durrsak ka firmosur me Albano Aleksin, mesfushori 26 -vjeçar. Më parë, Aleksi ka luajtur me ekipin e Luftëtarit”, njofton klubin e Teutës.

Trajneri Julian Ahmataj dje ka marrë në dorë masën disiplinore të klubit dhe sigurisht ndihet i zhgënjyer për gjithçka ndodhi. “Nuk isha lajmëruar për pezullimin, e mora vesh nga mediat. Nuk më lanë të drejtoja ekipin, ma dhanë pezullimin në dorë para stërvitjes. Falënderoj tifozët dhe qytetarët e Gjirokastrës”, thotë fillimisht Ahmataj për Supersport.

Më tej ai shton: “Më bën krenar puna e djemve. Nuk jam i pari që i ndodh kjo gjë. Jam krenar për atë që kemi bërë. Jemi krenar për punën e bërë dhe punën që do të bënim, pavarësisht problematikave që kemi pasur. Më mungon një mirënjohje, që ma kanë dhënë njerëzit dhe tifozët”.

Albano Aleksi ka thënë fjalët e tij gjithashtu: “Nuk ndihem mirë për vendimin e marrë, por zbatoj rregullat. Shkova në stërvitja, atje m’u dha një letër. Këto janë vendimet. I falënderoj për 4 vitet që kam kaluar dhe jam rritur si sportist. Do më mungojnë shumë, kisha bërë shumë miq edhe jashtë fushe. Nuk e prisja. Nga mënyra se si shënuam dhe pësuam golat me Tiranën, nuk besoja se do merrej një vendim i tillë. Kam dhënë maksimumin në çdo ndeshje”.

Në fund flet edhe Xhekson Ferreira: “Falënderoj Luftëtarin për çdo gjë. Kam dhënë më të mirën time. E kam dëgjuar argumentin e klubit që nuk luajta mirë me Tiranën. Edhe Mesi nuk luan gjithmonë mirë. Edhe herë tjetër kam luajtur keq”.

Futbollisti 26-vjeçar e konsideron absurde këtë vendim të drejtuesve dhe u sqaron tifozëve se gjithmonë ka dhënë maksimumin për skuadrën gjirokastrite. Kontrata e Aleksit me Luftëtarin mbaron në fund të këtij sezoni dhe me shumë palët do të ndahen me njeri-tjetrin pas katër vitesh.

Dua të falënderoj në radhë të parë tifozerinë e Luftëtarit,të gjithë ata që më kanë mbështetur gjatë katër viteve fantastike duke përfaqësuar fanellën e Luftëtarit, fanellë e cila më dha mundësinë të jem ky futbollist që jam sot. Jam ndier shumë i indinjuar pas informimit që mora për pezullimin nga ekipi ditën e sotme, por me shumë i indinjuar janë ndjerë nga arsyeja absurde e këtij pezullimi. Dua t’i informoj të gjithë se kam dhënë maksimumin tim çdo sekondë të luajtur me ekipin e Luftëtarit dhe askush nuk mund të ma hedhë poshtë djersën që kam derdhur për këtë ekip dhe të uli figurën time si futbollist i këtij ekipi. GJITHMON FORCA LUFTËTARI

“Besoj se është ndeshje e radhës, jo Laçi, por kushdo. Jap maksimumin si të gjithë. Ekipi ka bërë një nga ndeshjet më të mira dhe të vështira. Nuk kishim presion, luajtëm futbollin tonë dhe fituam”.

“Minutat e fundit? Më shumë ishte çështje përqendrimi. U qetësuam pas asaj gjuajtje të Gjonit që doli jashtë. Tani jemi të qetë”.

“Raporti me klubin? Janë gjëra që i përkasin së shkuarës. Ishte vendim i klubit, por stërvitesha me të rinjtë. Stërvitesha dy herë në ditë. Ia kemi lënë kohës çështjen e kontratës. Nëse nuk ka marrëveshje, secili shkon në rrugë të tij dhe shpresoj të na e prijë Zoti mbarë të dy palëve”.

“Nga mungesa e Ramadanit, luajta unë para mbrojtjes. Aty kam luajtur dhe e bëj më së miri. Kushdo do jepte maksimumin. Unë luaj kudo ku do trajneri dhe ka nevojë ekipi”.

REAGIMI – Klubi i futbollit “Luftëtari” ndjehet i detyruar të reagojë lidhur me prezencën e z.Artan Lazaj në një studio televizive, ku pa asnjë tagër ka përfaqësuar Luftëtarin. Z.Lazaj nuk është në asnjë post drejtues tek Luftëtari dhe aq më pak të ketë kontribute në menaxhimin e situatës në ekip. Është e pafalshme, madje dashakeqe që në emër të Luftëtarit të analizohen skuadra apo ecuri ekipesh.  Luftëtari ka treguar se ka marrëdhënie të shkëlqyera me çdo ekip në Superligën shqiptare. Për sa i përket analizës që zotëria bën për situatën te Partizani, Luftëtari nuk ka asnjë të drejtë të analizojë ekipet e tjera, por Partizani ka treguar se me meritë është në krye.

Luftëtari është tërësisht i fokusuar tek takimi i radhës përballë Kastriotit, një ndeshje tepër e rëndësishme dhe që kërkon vlerësim maksimal, pasi Kastrioti është rikthyer të jetë një skuadër që ka bërë mirë në ndeshjet e fundit dhe si e tillë meriton respekt. Aludimeve të zotërisë se në Fushë- Kruje është e vështirë të luash futboll, Luftëtari dëshiron t’i kujtojë se në takimin e kaluar ne kemi fituar pastër dhe jemi përcjellë nga stadiumi me respektin maksimal, ashtu siç Kastrioti ka fituar në Gjirokastër dhe në fund kemi shtrënguar duart.

Luftëtari është një skuadër që në themel të saj ka respektin për kundërshtarin si dhe mirëmenaxhimin e grupit të lojtarëve. Në rastin e Aleksit, Luftëtari tregoi që askush nuk mund të thyejë rregullat e klubit dhe Aleksi pranoi dënimin, pasi kontributi i tij dhe dashuria për fanellën bluzi është më e madhe se çdo reagim. Aleksi tregoi me rikthimin se mbetet një nga lojtarët dhe djemtë më të mirë të skuadrës.

Zoti  Lazaj ka të drejtë kur thotë që Luftëtari është si një familje, por harron të theksoje se zoti Lazaj nuk bën pjesë në këtë familje të madhe. Ju Faleminderit”, shkruhet në komunikatën që zëdhënësi për shtyp, Rigels Malile, ka shpërndarë për mediat.

Futbollisti shkodran bën një ironi mbi aludimet që kanë qarkulluar në rrjete sociale se midis ekipit të tyre dhe Partizanit ka pasur aleancë për kalimin e kupës.

“Na e lan dhe kampionatin, se Kupën po e po”, thotë Ramadani. Mbylljen e bën fieraku Aleksi, i cili vendos të imitojë frazën e Patris Evras: “Ju duam shumë. I love this game”.

Futbollisti i Luftëtarit u pezullua pas ndeshjes me Teutën, teksa Disiplina e dënoi me 4 ndeshje. Një takim e kishte të humbur prej faktit se kishte plotësuar numrin e kartonëve të verdhë. Tani pritet që Apeli të vendosë për të dhe nëse përgjysmohet dënimi, trajneri Julian Ahmataj do ta ketë gati për lojë Aleksin.

Luftëtari renditet në vendin e tetë në klasifikim dhe ka vetëm katër pikë më shumë se Kastrioti rival për mbijetesë. Kështu, triumfi ndaj Skënderbeut në shtëpi merr vlera të shumëfishta, pasi me krutanët ata luajnë jashtë fazën e katërt.

Një ditë më parë pati reagim të ashpër të tifozëve, por klubi nuk i përkrah. Madje, Luftëtari ka vendosur që ta gjobitë Aleksin për sjelljen e tij, që solli edhe dënimin nga Komisioni i Disiplinës.

https://www.instagram.com/p/BuXAOGCjDa0/?utm_source=ig_share_sheet&igshid=1vjtgpfkcbc2v

Dyfish është gjobitur Tirana për sjelljen e tifozëve të saj në stadiumin “Skënderbeu”. Një javë më parë 3 milionë ishte gjoba për bardheblutë. E ka pësuar edhe Luftëtari e Skënderbeu, që gjithashtu janë gjobitur, ndërkohë që është dënuar me katër ndeshje Albano Aleksi i gjirokastriteve.

VENDIMET E DISIPLINËS
-KF “Luftëtari”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë .

-Lojtari i KF “Luftëtari”, Albano Aleksi, për sjellje jo sportive ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktiviteti.

-KF “Skënderbeu”, për sjellje të gabuar të spektatorëve, në bazë të Nenit 66/1 të KDS, dënohet me gjobë në masën 100.000 (njëqindmijë) Lekë.

-KF “Tirana”, për sjellje të gabuar të spektatorëve , në bazë të Nenit 66/1 të KDS, për shkak të përseritjes së shkeljes, dënohet me gjobë në masën 400.000 (katërqind mijë) Lekë.

-FK “Partizani”, për dështim në përmbushjen e përgjegjësive për organizimin e ndeshjes kundër “Flamurtari” FC duke mos garantuar sigurinë e zyrtarit të ekipit kundërshtar, në bazë të Nenit 64/b)/c)/e); 65/1 dhe 65/2 të KDS, dënohet me zhvillimin e 2 (dy) ndeshjeve pa spektatorë në stadiumin përkatës si dhe gjobë në masën 200.000 (dyqind mijë) Lekë.

-KS “Kastrioti”, në bazë të Nenit 13 të KDS, paralajmërohet se në rast përsëritje të shkeljeve disiplinore, do të jetë subjekt i ndëshkimeve qe parashikon Kodi i Disiplinës Sportive dhe rregulloret e tjera të FSHF.

“Bëmë një lojë shumë të mirë. Punuam mirë gjatë javës, në fund na penalizmi eksperienca. Jemi të kënaqur që ndaj ekipit më të mirë në Shqipëri morëm një pikë.  S’ka lidhje kriza. Grupi ka të bëjë shumë në një ekip”, tha Aleksi në Supersport gjatë lidhjes me emisionin “Gol pas Goli”.

“Më kënaqin pikët që merr ekipi. Kam akoma shuam për të bërë, nuk jam ende në maksimum. Ky është fillimi”, shtoi më pas mesfushori, i cili ka kaluar edhe një dëmtim në pjesën e parë të sezonit dhe tani po fiton formën maksimale.

Në fund Aleksi theksoi se ia dhuruan pikën bardhebluve: “Çdo ekip ka meritën e vet. Më shumë ia dhuruam pikën Tiranës, mund ta mbyllnim ndeshjen me Nezirin. Mendoj se ndikoi eksperienca për të ruajtur rezultatin”.

Albano Aleksi shënoi golin e dytë në fitoren 0-2. Kapiteni ka folur për emisionin “Gol pas Goli” në “Supersport”, duke folur për fitoren, pozicionin e preferuar në fushë, ndërrimin e trajnerit dhe ecurinë e Luftëtarit.

NDESHJA – “Trajneri i ri na ka sjellë një frymë të mirë në skuadër. Jemi në një moment të mirë dhe kjo gjë u pa dhe sot. Në ndeshjen kundër Kastriotit, nuk kishim gjysmën e skuadrës në dispozicion dhe shpresoj që ajo sfidë të harrohet sa më shpejt, pasi ishte vetëm një ndeshje momenti, ku lojtarët nuk ishin as në formë për të luajtur dhe kishim edhe mungesa të rëndësishme. Sot bëmë një lojë shumë, shumë të mirë dhe të vazhdojmë kështu me kokën ulur.”

POZICIONI – “Ne lojtarët kemi qejf të luajmë, ndërsa pozicionin në fushë e vendos trajneri. Unë personalisht jam më komod para mbrojtjes, pasi kam vite që luaj aty. Por tani le të shikojmë se çfarë do të ndodhë në ndeshjet e ardhshme.”

TRAJNERËT – “Besoj se nuk është problem i trajneri Mezani. Na duhej një motivim më shumë për të marrë pikë. Ekipi ka kualitet dhe profesor Juli ka sjellë frymë të re në skuadër. Profesor Juli ka sjellë dhe skema të reja, që na bëjnë më komod, pa hedhur poshtë skemat e Mezanit. Ndeshja kundër Kastriotit na eci ters, nga gabimet tona kundërshtari shënoi 5 gola. Sot në Laç kemi bërë një ndeshje shumë të mirë, pasi nuk dua të them të shkëlqyer. Bëmë presing lart dhe treguam se jemi një skuadër e konsoliduar.”

SITUATA NË KLUB – “Më vjen keq për profesor Mezanin që u largua kështu, por futbolli i tillë është. Shpresoj që klubi dhe presidenca të marrë vendimet e duhura. Ne si lojtarë duhet të ulim kokën dhe të punojmë. Pjesën tjetër nuk e dimë ne.”

LUHATJET – “Në radhë të parë, kemi bërë një fazë përgatitore jo shumë të mirë, për shkak të motit. Ekipi është i stërvitur mirë tani dhe na duhej vetëm besimi. Shpresoj që ndeshja kundër Kastriotit të mos përsëritet, pasi ishte një ndeshje momenti. Shpresoj të vazhdoj me kokën ulur dhe të marrim pikë sa më shumë. Pse jo, të vazhdojmë me fitoret”,- përfundoi Aleksi.”