Mihaj zhvilloi një sezon të kënaqshëm në kampionatin grek me Panetolikos, ndërsa tashmë po përgatitet për një kalim në një klub më të madh. Teksa sezoni ka përfunduar, 20-vjeçari i Kombëtares, merr një vlerësim nga francezët e “Foot Mercato“, të cilët kanë zgjedhur formacionin më të mirë me talentet nga Europa Lindore.

Mihaj është në qendër së bashku me talentin e Partizanit të Beogradit, Markoviç. Në fjalët që thuhen për Mihajn, spikat krahasimi me Lorik Canën, të cilët francezët e njohin shumë mirë. Gjithashtu shkruhet se tashmë mbrojtësi është gati për kalimin në një klub të madh.

Që nga tërheqja e Lorik Canës, Shqipëria nuk ka arritur të gjejë një lojtar të afrë për të ”dirigjuar“ prapavijën. Duke parë sezonin e fundit, Enea Mihaj duket lojtari që mund ta zërë vendin e Canës. I lindur në Greqi dhe aktualisht tek ekipi i Panetolikos, qendërmbrojtësi ka zhvilluar sezonin e tij të dytë si profesionist. Përveç një dëmtimi që e mbajti jashtë për disa kohë, ai ka treguar një ekuilibër të vërtetë në mbrojtje. Ndërhyrje të pastra, i fort në duele, çdo ndeshje e më shumë konfirmon potencialin e tij. Tashmë, Mihaj duket gati për kapërcimin e madh, me ekipe si Benfika, Napoli apo Leh Poznan që interesohen për të. Gjithashtu, ai ka bërë dhe debutimin me Kombëtaren e Shqipërisë.

EDI REJA – “Trajneri i ri më duket shumë mirë, kemi bërë stërvitje me intensitet. Atmosfera me lojtarët dhe stafin është shumë mirë. Një gjë e tillë mungonte prej kohësh”.

PRAPAVIJA – “Nuk kam përgjigje, nuk e di pse ishte ashtu. Ne mundohemi të japim maksimumin, pavarësisht trajnerit ne luajmë për kombin tonë. Ka ndeshje që nuk luajmë mirë, por jemi të gjithë fajtorë, shpresoj në ndeshjen e radhës të përmirësohemi”.

FORCA – “Forca jonë është të luajmë me zemër, me mbrojtje të mirë dhe trajneri i ri na ka dhënë disa gjëra ekstra. Do mundohemi të përcjellim ato çfarë do trajneri”.

28-vjeçari i Akhisarspor tregon emocionet e rikthimit, ka një koment për trajnerin e ri dhe analizon transfertën vikinge kundër Islandës.

“Të jesh është pjesë e Kombëtares është kënaqësi dhe kontributi për të është një nder. Kështu do jetë gjithnjë, ndjehemi mirë dhe po punojmë me intensitet të lartë. Me ardhjen e trajnerit të ri punojmë shumë mirë, uroj që këtë punë ta shfaqim në ndeshjen kundër Islandës.

Në dy grumbullimet e fundit kam qenë i dëmtuar, ftesa më ka ardhur, por kam qenë i dëmtuar. Tashmë jemi në kapitull të ri dhe është më mirë ta lëmë pas të shkuarën”.

“Duke iu referuar sistemit të ri, duket se sulmuesit janë më të avantazhuar për të luajtur. Nga katër që jemi luajnë dy, por nuk është përfundimtare. Nuk kemi probleme kush luan, kushdo që ka luajtur e kemi mbështetur. Kur ka luajtur Balaj, Sadiku apo Uzuni, kanë pasur mbështetje. Ajo që është më e rëndësishme, është që kjo harmoni e re që është krijuar do të na ndihmojë në ndeshjet e radhës. Edhe pse futbolli nuk është matematikë, por ndihet diçka e re, një fillimi i ri. Shpresoj ta konkretizojmë me Islandën dhe Moldavinë.

Unë kam shënuar 2 gola dhe shumë shtylla, por nuk kam ngelur asnjëherë i pakënaqur. Më kënaq rezultati, duke qenë se luajmë me dy sulmues, shanset janë më të mëdha për të shënuar. Qëllimi kryesor është rezultati pozitiv, pavarësisht kush shënon.”

TRAJNERËT QË KA KALUAR VESELI NË KOMBËTARE – “Janë trajnerë të ndryshëm dhe secili ka stilin e tij, punon në mënyrën e tij. Është shumë herët të gjykojmë punën e trajnerit edhe nuk kam dëshirë të gjykoj. Jam lojtar dhe bëj punën timë si çdo lojtar i kombëtares. Kryesorja është të marrim rezultate pozitive.”

DY NDESHJET E RADHËS – “Me gjashtë pikë do ishim të kënaqur, por normal futbolli nuk të lejon të fitosh gjithmonë. Qëllimi ynë është të koncentrohemi në ndeshjen e parë. Shpresoj të bëjmë një paraqitje pozitive. Rezultati do të vijë.”

FORMA E ISLANDËS – “Besoj se Islanda si çdo skuadër kur arrin në kulm, ka një rënie tashmë. Nuk është ai ekip që ka qenë dhe shpresoj ta shfrytëzojmë këtë rast, pse jo të dalim dhe me fitore. Jemi përqendruar më shumë në lojën tonë, por do të nisim të studiojmë edhe kundërshtarin tashmë.”

E ARDHMJA E VESELIT – “Kam edhe dy vite kontratë dhe jam lojtar i Empolit. Nëse vjen diçka më e mirë për mua dhe klubin do ta shikojmë. Kam mundësinë të luaj më lart dhe do të shohim çdo të ndodhë.”

Fillimisht ka folur Odise Roshi, i cili është shprehur i lumtur për rikthimin në Kombëtare, pasi kujtojmë “raketa” vuante një dëmtim që e mbajti jashtë fushave për një kohë të gjatë. Gjithashtu, mesfushori anësor ka folur edhe për trajnerin e ri Edi Reja, si dhe për sfidë ndaj Islandës.

“E kemi nisur shumë mirë me trajnerin e ri. Stërvitjet kanë shkuar perfekt, përgatitemi çdo ditë pë ndeshjen me Islandën dhe jemi shumë të përqendruar. Për trajnerin Panuçi kemi respekt, nuk e hedhim dot poshtë. Do flas për Rejën, është shumë i komunikueshëm. Me çfarë kam parë çdo gjë është perfekt. Çunat janë të lirshëm dhe ka ritëm në stërvitje. Po mendojmë për ndeshjen me Islandën”.

“Përgjegjësitë? Çdo gjë është OK, kemi bërë më të mirën gjithmonë. Nuk duhet të shohim prapa, e ardhmja janë lojtarët që janë grumbulluar dhe trajneri Reja që po punon mirë deri tani”.

“Skema 3-5-2? Kemi kualitet, e kemi provuar. Besoj se duhet të punosh shumë në mbrojtje dhe në sulm. T’ia lëmë ndeshjes çfarë mund të ndodhë. Edhe mund të fitojmë me Islandën”.

“Kam ardhur nga një dëmtim shumë i gjatë, kam punuar të kap formën. Prej dy muajsh luaj rregullisht. Ndihem mirë dhe do jap më të mirën time nëse luaj nga fillimi. Jam gati në 100 për qind të formës time”.

“Islanda ka pasur një ekip të mirë dhe të fortë. I kam parë me Francën, edhe pse humbën 4-0 kanë kualitet. Janë ekip ofensiv dhe është një përballje direkte me të”.

LISTA – “Janë 18 lojtarë që kanë qenë me Xhani De Biazin. Më pas janë edhe lojtarët e tjerë që kanë qenë me Panuçin, por më duhet të kem edhe kohë që të vlerësoj lojtarët. E keni parë edhe javën e kaluar që kemi marrë edhe katër lojtarë të Partizanit. Kemi përfshirë Kumbullën, Selmanin. Kam një listë prej 35 lojtarëve që i ndjek, por koha ishte e shkurtër.”

OBJEKTIVI – “Objektivin e dini të gjithë. Problemet që kemi pasur kanë qenë në mbrojtje. Përveç Francës që është ekip i nivelit të lartë, të gjithë ekipet e tjera janë ekipe të arritshme. Lojtarët që vijnë në kombëtare duhet ta ndjejnë diçka të tillë. Kam folur me djemtë, me secilin dhe mendojnë se duan të bëjnë diçka të mirë. Këtu e duan shumë futbollin.”

GRUPI – “Ka entuziasëm dhe dëshirë që unë e ndjej brenda vetes. Të paktën ngarkesa ime është e madhe, por lojtarët janë pozitivë dhe duan të bëjnë më të mirën. E di nga eksperienca, që mund të kemi mungesa, por kur grupi është i mirë edhe kur përballesh me një ekip të fortë ke shanse. Falënderoj Partizanin për katër lojtarët. Patëm mundësinë të shihnim edhe U-21, ishte e gjitha për të parë gjendjen fizike të lojtarëve. Stërvitja e vërtetë nis sot.”

LOJA – “Ekulibri i lojës kishte disa mungesa. Kur janë gjashtë lojtarë që bashkëpunojnë dhe dua të bashkëpunojnë gjithmonë është diçka që mund t’i japësh skuadrës.”

PRITSHMËRITË – “Prespektiva jonë është të bëjmë mirë. Objektivi i parë është që ekipi të jetë i besueshëm dhe kompakt. Luajmë ndaj Islandës një ekip i fortë, sidomos në ajër dhe do mundohemi të bëjmë më të mirën.”

29 LOJTARË TË GRUMBULLUAR – “Jo, absolutisht. Janë 11 lojtarë që mund të luajnë, qofshin 29, 27 apo 25 të grumbulluar. Lojtarët që janë grumbulluar duhet të jenë krenar, qoftë ai që luan apo ai që nuk luan. Mbetet për t’u parë ndeshja e parë dhe më pas do të shohim në vazhdim.”

MODULI – “Modulin e bëjnë lojtarët. Do mundohem të luaj me dy pika kyçe. Mbrojtësit kur humbet topi të jenë agresivë, si dhe të ruajmë filozofinë. Nuk po them që do të bëjmë një lojë ofensive, por do të shohim. Dua të luaj me dy sulmues. Pas ndeshjes në Islandë do i kem gjërat edhe më të qarta. Nuk e kam vendosur akoma modulin e lojës. Duke parë krahët që kemi dhe mesin e fushës që e kemi të mirë, mund të luajmë edhe me 3-5-2. Kemi Lenjanin, Roshin apo dhe Hysajn që punojnë mirë në krah.”

GJENDJA FIZIKE – “Unë do flas me secilin nga ata do t’i pyes nëse janë të lodhur apo jo. Në momentin që zbresin në fushë, dua të japin 200%.”

GJENDJA E GRUPIT – “Është një ekip që nuk ka luajtur akoma. Lojtarët janë të qeshur dhe të gëzuar. Trajneri është i ri dhe nga ana psikologjike grupi duhet të jetë mirë.”

SIGURIA NË REPARTE – “Siguri nuk kam në asnjë repart. Janë për t’u parë në vazhdim. Kam parë ndeshjen në Izrael dhe ka qenë një sfidë e mirë. Kam ardhur këtu të arrij diçka me entuziazëm dhe flas me djemtë.

NDËRTIMI I DIÇKAJE TË BUKUR – “Kam qenë shumë i kujdesshëm me gjuhët sidomos. Di shumë gjuhë, por shqip ende nuk kuptoj asgjë. Do të thotë që duhet të tregohem akoma më shumë i kujdesshëm. Në Friuli aty ku jetoj unë ka shumë shqiptarë dhe më kanë ndihmuar të ndërtoj shtëpinë, që shpresoj të mos shembet. Dua dhe unë t’u ndihmoj të ndërtoni, por shpresoj që të më jepni kohë për të arritur diçka të bukur.”

SHKOPI – “Bastuni godet fort atëherë kur duhet. Tani për tani duhet të gjej ekuilibrat e skuadrës. Kam takuar disa herë De Biazin dhe kam marrë gjëra pozitive. Nuk dua të flas keq për kolegët e mi, Panuçi ka bërë punën e tij dhe mendoj se ishte i pafat. De Biazi ka karakterin e tij, Panuçi të tijin dhe unë kam karakterin tim. Nëse duhet shkopi do ta përdorim, jo gjithmonë.”

Bie në sy mungesa e Berat Gjimshitit, ndërkohë rikthehet Cikalleshi, si dhe është përfshirë Kristi Qose në listë. Gjithashtu, rikthim edhe për Odise Roshin, i cili ka lënë pas periudhën e dëmtimit. Siç ishte thënë dhe më parë, Tomas Strakosha nuk do të jetë pjesë si pasojë dëmtimi, ndërsa vendin e tij do ta marrë portieri i Laçit, Gentian Selmani.

Në sy bien disa lojtarë, të cilët aktivizohen edhe në ekipe si Sampdoria apo Monako. Grumbullimi do të nisë në datën 23 maj në Durrës, me të kuqezinjtë e vegjël që drejtohen nga dyshja Ilir Biturk-Olsi Uku.

Gjithsesi, kjo gjë jo dhe për shumë kohë me sa duket. Siç raportohet së fundmi nga mediat, ish-numri një i stolit tonë, është një kandidat potencial për t’u bërë trajneri i ri i kombëtares së Indisë. Në garë me 62-vjeçarin janë dhe emra të mëdhenj si Sven Goran Erikson, apo dhe Sem Allardajs, por De Biazi shihet si favorit.

Siç thuhet në media, italiani ka aplikuar për të qenë trajner i kombëtares indiane, pasi federata kishte hapur aplikimet. Trajneri i ri pritet të përfitojë 350-400 mijë dollarë në sezon. Një shumë e majme, duke ditur nivelin e futbollit që ka një vend si India.

LARGIMI I PANUÇIT – “Një ndeshje që duhet ta fitojmë me doemos, për moralin tonë, për moralin e tifozëve. Na duhen vetëm tri pikët dhe nuk duhet të mendojmë gjë tjetër, as për trajnerin që largua. Nuk e di se çfarë thoshte Panuçi për ne, pasi çdokush ka mendimet e veta. Unë që jam pjesë e grupit jam i bindur që kemi shumë kualitet dhe shumë besim në vetvete. Po t’i pyesni të gjithë lojtarë kuqezi, asnjë nuk thotë që nuk mund të kualifikohemi. Panuçi e ka pasur gabim kur tha që këto lojtarë jemi, pasi ne kemi shumë kualitet dhe cilësi!”.

NDESHJA KUNDËR ANDORRËS – “Besoj që jemi të gjithë me mendimin se kjo ndeshje duhet fituar me doemos, edhe pse do të jetë një ndeshje e vështirë. Nuk duhet të mendojmë për gjërat që kanë ndodhur më përpara, por vetëm të shohim përpëra. Besoj se jemi të gjithë gati për ndeshjen kundër Andorrës.

SITUATA BRENDA GRUPIT – “Siç e kemi parë dhe ne dhe Bulku, sitata është shumë e mirë. Nuk është se humbëm një ndeshje dhe jemi të dënuar për ndeshjet e ardshme. Nesër është një ndeshje shumë e rëndësishme dhe po të mendojmë me pozitivitet, mund të rikthehemi aty ku duhet. Edhe nga ana psikologjike, çunat janë mirë dhe do të arrijmë te objektivi kundër Andorrës”.

LOT NGA LARGIMI I PANUÇIT – “Ky është futbolli, një trajner largohet, një tjetër vjen. Nuk mund të rrimë të mendojmë për këtë gjëra, por të shohim përpara. Duhet vazhdimësi, të bëjmë më mirë në ndeshjet e radhës. Ka pasur lot? Normal, jemi mërzitur, pasi kemi kaluar një periudhë pozitive me Panuçin, por duhet ta kalojmë këtë moment”.

ANDORRA – “Andorra është një ekip i fortë, pasi të gjitha skuadrat që vijnë këtu e kanë të vështirë të fitojnë, siç ishte rasti me Islandën. Megjithatë, ne e kemi studiuar mirë dhe shpresoj që me trajnerin tonë, të arrijmë të marrim tri pikët”.

SHIRITI I KAPITENIT – “Unë besoj që me votimet që kemi bërë më përpara, besoj se po. Edhe në veten time, e ndjej që jam një lider dhe çunat më kanë zgjedhur. Shpresoj të jem i denjë për të qenë kapiteni i kombëtares dhe për shumë vite të tjera”, përfundoi Hysaj.

SHKARKIMI – “Më vjen keq, sepse jam një njeri serioz, por rezultatet e ndeshjeve të fundit nuk ishin të mira dhe për këtë arsye presidenti vendosi të më largonte. Falënderoj të gjithë tifozët shqiptarë që kanë qenë të mrekullueshëm dhe presidentin Duka që më tha mundësinë të punoj në një vend të mrekullueshëm si Shqipëria. Më vjen keq që nuk arrita të marr rezultatet e kërkuara dhe uroj që me largimin tim ekipi të rikthehet te rezultatet pozitive”.

KUALIFIKIMI – “Zgjedhjet i kam bërë me shumë seriozitet, rezultatet nuk erdhën, të shohim nëse Shqipëria do të shkojë pa mua në Europian. Djemtë kanë qenë të gjithë seriozë me mua, kam vendosur vetëm unë se kush di të luante. Do të jem gjithmonë një tifoz i Shqipërisë.”

EMOCIONET – “Ndonjë nga lojtarët edhe u përlot kur u takuam në fund. Ky është trofeu më i madh që mund të merrja, sepse është thënë shpesh që lojtarët nuk kanë qenë në krahun tim, por në fakt ishte krejt e kundërta. Ata ishin shumë të lidhur me mua. I kuptoj tifozët që revoltohen gjatë ndeshjes kur gjërat nuk shkojnë mirë, kanë të drejtën e tyre të thonë atë që mendojnë. Shqipërinë do ta mbaj gjithmonë në zemër!”, përfundoi Panuçi deklaratën e tij në Supersport.

“Është e vështirë të thuhet, mirëpo menduam që e përgatitëm lojën mirë. Këto gabime, fatkeqësisht na ndëshkojnë shumë. Pas atij golit të dytë, gjithçka ishte e mbyllur.”

SHISHET NË FUSHË – “Fatkeqsisht, kemi lloj-lloj tifozi që vjen këtu. Nuk besoj se ai personi e ka përfaqësuar tifozerinë kuqezi. Nuk ishte një ndjenjë e mirë, pasi arbitri na tha që të heqim të gjitha shishet që ishin aty. Dëgjoja nga shikues që nuk duhen hequr, pastaj ndodhi ajo që ndodhi.

“Iu kërkua Xhakës dhe Abrashit të merrnin topin më lart, pasi ata vinin afër mbrojtësave dhe Turqia na bënte presion. Ashtu e pësuam dhe golin. Mirëpo, mendoj që dhe golin e dytë e pësuam shumë shpejt dhe nuk na dha mundësi për të zhvilluar lojën tonë.”

“Të them të drejtën, dhe sot nuk kemi bërë një ndeshje të keqe. Episodet na kanë ndëshkuar shumë. Një fitore me Andorrën do e rrisë moralin te skuadra. Kemi dhe shumë ndeshje dhe nëse do të fitojmë kundër Islandës ose Turqisë, aty mendoj se do të jetë një shans i mirë për ne që të luajmë të gjitha kartat”, tha Berisha.

“Nuk është mënyra më e mirë për të nisur këto kualifikuese. Ne e kontrolluam mirë lojën në fillim, shkuam mirë  deri te porta e kundërshtarit. Mendoj se nëse do të rregullojmë sulmin, do të fitojmë më shumë ndeshje.

U ruajtëm pak në fillim të ndeshjes, nuk mund të dilnim shumë përpara. Mund të ndëshkohemi nga gabimet, siç u ndëshkuam. Me kalimin e minutave, u munduam të shtyjmë më përpara, por ky është futbolli dhe kur nuk shënon, ndëshkohesh.

Gabimet ishin vendimtare. Goli i parë besoj që mund të bënim më mirë, te goli i dytë dihen aftësitë e Çalhanoglut. Duhet të përmirësohemi, mos të pësojmë më kaq shumë gola. Forcën e kemi, e treguam në pjesën e parë. Duhet të kemi mbështetjen e tifozëve, mediave, pasi me kualitetet që kemi, mund të marrim rezultate. Duhet të fitojmë me doemos kundër Andorrës, pasi na duhen ato pikë”, tha Hysaj.

Ermir Lenjani ka reaguar pak momente më parë në logarinë e tij në Instagram, duke postuar një story ku shkruante: “Çuditërisht nuk jam ftuar për ndeshjet e muajit mars nga Kombëtarja…”. Mbrojtësi i majtë po zhvillon një sezon mjaft pozitiv në Zvicër, teksa ka qenë pjesë kyçe e Sionit, ndërsa në dy ndeshjet e fundit ka munguar për shkak dëmtimi.

Kavajasi, në postimin e tij në Instagram ka shkruar: “Viti i ri nuk mund të niste më mirë! Faleminderit.” 32-vjeçari aktualisht luan në Greqi, me Pas Janinën, por gjithsesi kjo gjë duket se nuk e ka penguar për të treguar “klasin” e tij edhe jashtë fushe, duke kontribuar për vendin e tij të lindjes.

Goli i parë ka ardhur vetëm pas katër minutash, ku një nga lojtaret sllovene, pas daljes së saj nga e majta shënoi një gol mjaft të bukur, duke i dhënë avantazhin ekipit të saj. Pjesa e parë është mbyllur me të njëjtin rezultat, 1-0.

Në pjesën e dytë kombëtarja jonë u përpoq të bënte diçka për të evituar humbjen, por në minutën e 70-të erdhi goli i dytë për sllovenet. Gjyqtarja e takimit akordoi një 11-metërsh në favor të vendasve, të cilat u treguan të saktë nga pika e bardhë.

Skocia do të udhëtojë fillimisht drejt Shqipërisë dhe më pas do të presë Izraelin në fushën e saj, pas tre ditësh. Në kuadër të këtyre sfidave, trajneri i skocezëve, Aleks MekLish, ka bërë të ditur të grumbulluarit e tij.

Lojtari më i spikatur te kundërshtarët e ardhshëm të kuqezinjve është padyshim mbrojtësi i Liverpulit, Andi Robertson, i cili është njëkohësisht dhe kapiten i kombëtares së tij.