Drejtori i sporteve në Bashkinë e Beratit, Alban Pambuku, ka folur për SportEkspres.com dhe ka deklaruar, se beson ende te mbijetesa.

“Gjatë javës kemi patur disa takime me lojtarët, u kemi kaluar pagat në bankë dhe jemi munduar që ti mbajmë të karikuar para transfertës me Turbinën. Do ishte fatale një humbje, por ne jemi të përgatitur që të luajmë pa presion dhe të nxjerrim ndeshjen e sezonit. Ne besojmë ende te futbollistët tanë dhe i kërkojmë FSHF-së të dërgojë arbitër të FIFA-s në Cërrik”.

“Jemi në një situatë që nuk na ka lënë shumë hapësirë të mendojmë për të ardhmen. Aktualiteti i skuadrës është objekti i punës sonë, ndërsa për vazhdimësinë do të flasim pas përfundimit të kampionatit. Në këtë situatë, rëndësi për ne ka vetëm fitorja në Cërrik”.

AGRON KAJA

Tashmë çështja do të shkojë në CAS, të paktën kështu mendojnë në Berat për momentin. Kryebashkiaku Petrit Sinaj, në një lidhje direkte me emisionin “Kampionët” në Vizion Plus ka kërkuar garanci nga FSHF për garën, ndryshe do të bojkotojnë kampionatin.

Problemet në ndeshjen me Apoloninë nuk mohohen, por gjithçka sipas tyre ka ndodhur për shkak të gjykimit të arbitrit Elidon Hala. Ky i fundit ka qenë i padëshiruar në Berat dhe sipas Sinajt ai qëllimisht ishte vendosur të gjykonte takimin Tomori-Apolonia.

Në lidhje me dënimin e dhënë ka folur edhe Alban Pambuku, drejtor i sporteve në Bashkinë e Beratit. “Është një gjë krejtësisht absurde. Edhe deklaratat e gjyqtarëve janë bërë me qëllim tendencioz, që të dënohemi ne. Kemi të gjitha pamjet e sigurisë brenda dhomave të zhveshjes, ku duket se askush nuk është futur te gjyqtarët për t’i goditur. Nuk e kuptojmë se cila është arsyeja përse e kanë shpikur një gjë të tillë bluzat e zeza”, është shprehur Pambuku.

Më tej ai ka treguar se ka shumë donatorë të gatshëm në Berat, të cilët dëshirojnë të paguajnë 48 mijë eurot që duhen për ta apeluar vendimin e Komisionit të apelit në CAS. Pambuku veçon edhe një takim të delegatit të ndeshjes, Petrit Haxhia, me presidentin e Apolonisë, Koço Kokëdhima.

“Mua më lind dyshimi, çfarë diskutoi Petrit Haxhia me Kokëdhimën. Mos vallë i tha presidentit të Apolonisë, “qetësohu, se do ta rregullojmë këtë punë”. Ky është dyshimi ynë, që u vërtetua pas hartimit që bënë gjyqtarët që solli dënimin tonë”.

Sot për SportEkspres.com, drejtuesi i klubit beratas theksoi se në asnjë rast nuk u ofenduan lojtarët apo drejtuesit e Apolonisë, por vetëm ata që bëjnë padrejtësi në kurriz të qytetit të tyre. “Tifozeria jonë ndikon vetëm në rolin e lojtarit të 12-të dhe në asnjë rast ndaj arbitrit, i cili nuk donte t’ia dinte edhe për zyrtarët e FSHF-së në këtë ndeshje. Realisht ishte një tifozeri e fyer nga arbitri, i cili (Helidon Halo) ka bërë të njëjtin gjykim edhe në ndeshjen Bylis-Tomori në muajin maj të sezonit të kaluar”, kështu theksoi zyrtari i FK Tomori.

Ndërsa sipas tij, ka patur disa raste që arbitrin e quajnë një mercenar dhe jo profesionist. “Arbitri e përdhosi edhe tifozerinë me vendimet që merrte gjatë lojës, u tregua një mercenar i njëanshëm dhe aspak profesionist. Ne u ndëshkuam që në startin e ndeshjes dhe tifozeria nuk reagoi fare, por në minutën e 12-të na u mohua një penallti e saktë, të cilën e kemi të filmuar dhe pamjet  do t’ia dërgojmë FSHF-së. Më pas arbitri vendos veton dhe e bëj lojën lëmsh, nga mungesa e profesionalizmit apo atë detyre kishte marrë, kjo mbetet për tu zyrtarizuar”.

Gjithsesi, ky do të jetë një rast objekt për Komisionin e Disiplinës në FSHF, i cili do të japë vendimin e saktë për këtë situatë.