“Mendoj se ekipi është gati, kemi tre javë që punojmë. Kanë ardhur disa lojtarë të rinj, të cilët po mundohen të ambientohen. Kemi bërë një grup të mirë dhe shpresoj që të përballemi si të barabartë”.

“Ka lojtarë që i gjuajnë më mirë penalltitë se unë. E marr, pasi nuk jam tip emocional. Pas ndeshjes së parë në Elbasan, nuk e besonin shumë kualifikimin me Ferencvaroshin. Shpresoj të marrim rezultat pozitiv këtu dhe më pas të shohim ndeshjen tjetër”.

“Të gjitha ekipet kanë qenë të forta, por Karabaku me aq sa kemi parë dhe dëgjuar, është superior me ekipet që kemi luajtur ne. Mariborin na e bënë të vështirë vjet, por me pak fat na kaluan. Uroj të kemi fat dhe të bëjmë ndeshjen tonë, atë që kemi menduar”.

“Është e vështirë të luash në atë orar, por nuk kemi çfarë do të bëjmë. Është gjë e mirë që nuk do të ketë diell, siç dëgjova. Në temperatura të larta është e vështirë të japësh maksimumin. Do kishte qenë mirë të luanim në darkë”.

“Golat që kemi pësuar nuk kanë shkuar me lojën që bëmë. Ka pasur mungesë përqendrimi, pasi ishin miqësore. Lojërat kanë qenë të mira. Trajneri po punon që të mos pësojmë, ne e bëjmë në kampionat këtë. Shpresoj të rregullojmë”.

“Nuk e kam kontaktuar Agollin. E kemi analizuar me trajnerin, kemi parë pikat e dobëta dhe të forta. Normalisht ai i do ata më shumë se ne dhe nuk do na jepte informacion të saktë”.

“Shpresoj të shkojë te penalltitë, do ishte gjë e bukur. Pastaj e kam në dorë vete. Janë dy ndeshje, të mendojmë për sfidën e nesërme dhe më pas të mendojmë për të kthimit dhe çështjen e kualifikimit”.

“Mbaroi kampionati, do përqendrohem te ndeshjet e kombëtares. Nesër grumbullohemi. Uroj të na bjerë ekip i lehtë në Europë. Na duhen 2-3 lojtarë dhe do shohim në vazhdimësi”.

“Në mbrojtje kemi qenë shumë mirë. Kundërsulmi ka qenë arma jonë më e fortë. Këto të dyja na kanë nxjerrë kampion. Normalisht një ekip duhet të ketë një ide loje, ne e kishim të mbroheshim dhe të kundërsulmonim. Kjo ishte efikase dhe dolëm kampion”.

“Dy herë e kam menduar, kur dolëm barazim me Kukësin. Aty mori rrjedhë tjetër kampionati dhe më pas në ndeshjen me Flamurtarin në Vlorë, që doli 0-3, u binda plotësisht. Gjithsesi mundohesha të mbaj ekipin me këmbë në tokë. Ato ishin dy momentet që menduam titullin”.

Praktikisht sezoni për Hebajn ka përfunduar dhe pritet që së shpejti të kthehet te Domzhale, klub nga ku Partizani e ka marrë në huazim. Sulmuesi shënoi gjatë kampionatit vetëm 4 gola, dygolësha ndaj Tiranës dhe Flamurtarit.

Ndërkohë, sipas RTSH Sport, trajneri Skënder Gega do të ketë të gatshëm për ndeshjen me Kukësin edhe lojtarët që janë ftuar në kombëtare. Kështu, Esat Mala, Lorenc Trashi dhe Alban Hoxha do të jenë në fushë kundër verilindorëve.

Thuhet se e njëjta gjë do të ndodhë edhe me Bruno Telushin, i cili do të duhet të shlyejë pezullimin e mbetur në gjobë. Pas sfidës me Laçin ai u pezullua me katër ndeshje dhe deri më tani ka shlyer tre prej tyre. Që të aktivizohet kundër Kukësit mjafton të depozitojë në FSHF gjobën prej 1 milion lekësh, sikurse edhe e parashikon rregullorja.

“Luanim dhe për derbin dhe për titullin kampion që na mungonte prej 26 vitesh, i jemi afruar shumë herë, por ku rezultoi sezoni i duhur”, u shpreh Hoxha ndër të tjera, ndërkohë që më tej u pyet nëse ky ishte derbi më i bukur.

“Ka pasur derbi më të bukur përsa i përket lojës, por fakti që luhej për titullin e bën këtë derbin më të bukur për mua dhe lojtarët. Gjithsesi unë këtë ndeshje e përjetoj çdo herë në një mënyrë të veçantë”, shtoi portieri, i cili prej pesë vitesh nuk humb në derbi dhe premton se do të vendosë një rekord që lidhet me moshën: “Mbajeni mend, do të thyej rekordin e moshës”.

“Kur nuk humb, aq më shumë në derbi, është gjë e mirë. Megjithatë, sot nuk treguam diçka të mirë. Ne kemi komplet objektiva të tjerë. Duhet ta kishim marrë më me qetësi këtë derbi dhe të mendonim më shumë për fitoren. Gjithsesi, them se edhe barazimi na kënaq”, shprehet Hoxha pas ndeshjes.

ROLI I PROTAGONISTIT – Në konferencë, Bruno Telushi e tha hapur: “Mjafton të fitojë Partizani, nuk më intereson kush shënon. Le ta bëjë golin edhe Alban Hoxha”. Vlonjati vetë u ndal nga shtylla, kurse portieri ishte shpëtimtar dhe në njëfarë mënyrë i bëri “golat” e tij.

“Më bëhet qejfi, që ndoshta pika është marrë prej meje. Megjithatë, kjo është puna ime dhe gjithmonë jam munduar që të jap maksimumin dhe të shpëtoj skuadrën. Ndoshta një ndeshje unë, një Telushi, Mala, Bardhi e kështu me radhë. Jemi ekip dhe hyjmë në fushë për të zgjidhur takimet e skuadrës. Sot më qëlloi që ta shpëtoj unë ekipin, ndeshjen tjetër shpresoj që ta shpëtojë sulmi”, shtoi Alban Hoxha.

NDESHJA JO E MIRË -“Është e vërtetë që në këtë derbi nuk ishim vetvetja, nuk e kishim rrjedhshmërinë në lojë, si dhe na mungoi qetësia e duhur. Në njëfarë mënyre duhen kuptuar edhe djemtë e rinj që kemi në ekip, pasi janë nga 20 vjeç dhe nuk mund ta mbajnë gjithë peshën e kampionatit. Deri tani e kanë mbajtur Mala, Bardhi dhe Asani. Janë ca gjëra që edhe duhet t’i kuptosh. Janë djem të rinj, po rriten dhe shpresoj që në ndeshjet e tjera të mos jetë më ai presioni i madh i kampionatit. Ndonjëherë kjo bën edhe keq”.

“Te mungesa e rrjedhshmërisë në lojë, ndikoi presioni apo ndryshimet në ofensivë, pasi u pa Mala i tërhequr në qendër, Mensah në krah dhe Duka si organizator? Mendoj se kjo e fundit ka qenë, pasi u futën nga fillimi disa lojtarë, këto që përmendët ju, si Duka, apo Idrizaj, që nuk janë ambientuar mirë me ekipin. Trashi ishte një mungesë e madhe për ne. Mendoj se prej këtyre gjërave nuk ishte edhe ajo rrjedhshmëria e lojës sonë”.

RIVALËT DIREKT DHE TIFOZËT – Pas derbit për Partizanin janë në program dy përballje mjaft të vështira, me skuadrat rivale si Kukësi e Teuta. “Nga një anë mësuam diçka nga ky derb dhe shpresoj që në ndeshjet me Teutën dhe Kukësin të hyjmë në fushë më të qetë, më të lirshëm, sepse normalisht edhe po humbe nuk është se do të ndodhë ndonjë çudi e madhe. Ne na e fusin këtë presion. Duhet ta mbajmë sa më larg këtë presion, por edhe ata do të kërkojnë pikët e tyre. Shpresoj që të kemi mësuar diçka nga kjo ndeshje e fundit”, shtoi portieri i të kuqve.

Në derbi stadiumi ishte plot, kurse dy ndeshjet e radhës me Teutën në kampionat dhe me Luftëtarin në Kupë, “Selman Stërmasi” do të jetë i boshatisur. Partizani është i dënuar të luajë dy ndeshje pa tifozë, ndërkohë që faktin që do luajnë në një stadium bosh e komenton në fund edhe Hoxha: “Normalisht, për një lojtar është e vështirë të luhet pa tifozë. Por kjo është diçka që nuk është në dorën tonë”.

VLADIMIR PRENGA

Në prononcimin e dhënë për emisionin “Gol pas Goli” në “Supersport”, Hoxha analizon ndeshjen e të kuqve, vështirësitë e hasura kundër Tiranës dhe e cilëson barazimin si rezultatin më të drejtë të derbit të kryeqytetit.

“Normalisht do më kishte pëlqyer ta fitonim derbin, por ashtu si shkoi loja barazimi kënaq të dyja skuadrat. Unë e kam thënë më parë që na duhej medoemos tre pikëshi për të mbajtur kundërshtarët larg”.

“Ndeshjet e tjera duhet të bëjmë pak mirë. Kemi disa ndeshje që e fillojmë dobët e rritemi më pas. Ndoshta disa lojtarë nuk kanë eksperiencën e nevojshme, pasi janë vetëm 20 vjeç dhe nuk janë mësuar me këtë lloj atmosfere. Shpresoj që ta rregullojmë këtë gjë”.

GOLAT E PAKËT – “Faktikisht në kaq vite që kam unë te Partizani nuk është se jemi shquar ndonjëherë si një ekip që shënojmë shumë gola. Kemi qenë një skuadër solide në mbrojtje. Nuk është nevoja për ndonjë “Ekuban”. Të gjithë po shënojmë dhe është një gjë e mirë që të gjithë lojtarët e sulmit po gjejnë gola. Kështu duhet të vazhdojmë”.

“Të them të drejtën, kam qenë i sigurt edhe kur kisha përpara Belicën e Atandën. Rexhepi ka luajtur mirë në dy ndeshjet e para, edhe unë kam detyrë t’i flas mbrojtjes dhe mendoj se e kam bërë mirë detyrën”, shtoi portieri i të kuqve, të cilit i është rikthyer edhe shiriti i kapitenit.

Në lidhjen me shiritin ai deklaroi: “Për një gabim që bëra, klubi vendosi të më hiqte shiritin për disa ndeshje, duke e lënë pezull. Tani u kthye tek unë, kaq”. Në të shkuarën Partizani ka vuajtur me ekipet e ashtuquajtura të vogla.

“E vërtetë, këtë vit nuk kemi nënvlerësuar asnjë ekip, pasi kemi eksperienca të hidhura, në kampionat e në kupë. Do të mundohemi të gabojmë sa më pak dhe nëse kjo ndodh, do të shkojmë drejt titullit, duke dhënë gjithçka në çdo ndeshje. Pak rëndësi nëse janë Kastrioti apo Kamza, apo rivalët e kreut. Edhe javën e shkuar Kamza na rrezikoi shumë, pati rast për të barazuar dhe duhet vlerësim maksimal”.

PARTIZANI AKTUAL – “E kam thënë edhe më herët, këtë vit ekziston një frymë dhe harmoni tjetër. Është krijuar një ambient i mirë, edhe ky është çelësi i suksesit të deritanishëm. Jemi në rrugën e duhur, kemi 5 pikë avantazh nga Kukësi dhe jemi gati për fazën finale në garën për titull”.

RIVALËT  – Valdet Rama kaloite Kukësi dhe Hoxha ka komentuar edhe përforcimin e rivalëve. “Nuk e di, Valdet Ramën ka vite që nuk e di si është paraqitur. Edhe ne morën Çanin, që ishte goditje e madhe për Superioren, por fatkeqësisht nuk ishte aty ku duhej. Për rival, mendoj se Kukësi dhe Teuta janë rivalët për titull. Skënderbeu? Jo, nuk e shoh si rival”.

EUFORI TE SULMI – “Faktikisht nuk është se jemi treguar euforikë. Të gjithë kemi qenë më këmbë në tokë, edhe djemtë e rinj si Mala, Bardhi ose Asani. Ata stërviten normalisht dhe kanë dëshirë. Nuk shikoj eufori tek ata. Ekuptojnë si ëshët situata, ambienti. Nuk mendoj se ka vend për eufori”.

SUPERIORJA ULJE NIVELI – “Nuk e di ta them këtë. Nëse nuk shënojnë sulmuesit, nuk do të thotë se ka rënë niveli. Është forcuar mbrojtja, ose ka ndryshuar ndonjë gjë, por jo se ka rënë. E shikoni vetë që kampionati është shumë i fortë. E thamë edhe më parë, nuk ka një ekip që mund ta mundësh lehtësisht. Ose që mund t’i bësh 2-3 gola dhe ta mbyllësh takimin që në pjesën e parë. Kështu që nuk mendoj se është kampionat më i dobët, madje është më i fortë”.

GJENDJA E GJURIT – “Jam shumë mirë, kaloi ajo pjesë. Çdo lojtar pëson dëmtime, po stërvitem normalisht. Mendoj se jam gati deri në fund dhe shpresoj ta mbyllim me titull”.

LOJA  E BATUTAVE – “Shameti ka thënë se jeni me merita në krye, por vetëm përkohësisht? Shiko, ndonjëherë kur mundohesh të thumbosh me batuta, kjo tregon se ke frikë dhe gjen mënyra si do të ngacmosh. Ne nuk kemi dalë ndonjëherë në konferenca me batuta, kemi parë gjithmonë punën tonë. Unë nuk e kam dëgjuar se çfarë ka dhënë Shameti, por normalisht ai do marrë pak nga presidenti i vet. I kanë qejf të bëjë këto lloj batutash. Mendoj se jemi shumë të qetë. Nuk është se kemi fluturuar ndonjëherë ‘kampion, kampion’. Duhet të vazhdojmë punën e bërë deri tani dhe titulli do të vijë”.

FLORIAN ALLA

Deri më tani flitet për interesim nga Kievo, klub që renditet në vendin e fundit dhe sezonin e ardhshëm me shumë mundësi do të luajë në Serie B. Kalimi i Hoxhës dhe i Bardhit në klubin e Serie A do të ishte një hap i madh.

Mbetet për t’u parë nëse italianët do të binden dhe të nisin bisedimet për transferimin e tyre. Partizani normalisht do ishte i gatshëm të dëgjonte ofertën e italianëve dhe për ofertën e duhur normalisht që do t’i shiste dy nga më të mirët e skuadrës.

Bardhi këtë sezon po luan rregullisht si titullar te Partizani dhe në 18 ndeshje ka arritur të realizojë tre gola. Trajneri Gega e ka pozicionuar shpesh si sulmues qendre. Sa i takon Hoxhës, ai është padyshim një portier me përvojë dhe pjesë e kombëtares shqiptare. Në fakt emri i tij është lidhur edhe në të shkuarën me Kievon dhe shpresohet të mos jetë një “shashkë” merkatoje apo sponsorizim menaxherësh.

“U bë një vit që jam në kampionatin shqiptar. Ka qenë një vit i mirë për mua personalisht. Dua të them se ky vit është i mbarë edhe për ekipin tonë”, shprehet fillimisht Belica në “RTSH Sport”, i cili më tej flet edhe për rivalër e tjerë, por edhe për shiritin e kapitenit.

“Skuadra më e fortë? Sipas mendimit tim vjet ishte Skënderbeu më i forti, sivjet janë disa. Mund të jetë Kukësi, mund të jetë sërish Skënderbeu, sikurse edhe ekipi ynë. Shiriti? Nga ana personale është përgjegjësi e madhe të jesh kapiten i Partizanit. Por dua të them atë që kapiten i ekipit është edhe Alban, Trashi, por edhe Telushi”.

Në fund Belica analizon edhe mbrojtjen dhe i vë një notë, ndërkohë që sipas tij Skënderbeu është skuadra që i ka vënë më së shumti në vështirësi. “Mbrojtja? I vë notën tetë. Ka hapësira për përmirësim në të gjitha aspektet: mbrojtje, sulm e mesfushë. Me stërvitje dhe me një fazë përgatitore të mirë në Turqi, besoj se do përmirësojmë shumë gjëra. Skuadra që na ka vënë më shumë në vështirësi? Skënderbeu është një skuadër e mirë. Duke parë që jemi mundur dy herë, mund të them që na ka vendosur edhe më shumë në vështirësi”.

ALBAN HOXHA – Portieri i të kuqve padyshim që është një nga më të spikaturit dhe një lider. Se sa i rëndësishëm ka qenë gjatë pjesës së parë të sezonit për Partizanin, ai nuk dëshiron të thotë. “Nuk mund ta them unë, këtë mund ta thotë opinioni publik, specialistët e sportit. Mendoj se kam bërë punë të mirë deri tani, i kam dhënë shumë pikë ekipit”, shprehet fillimisht Hoxha në një speciale të përgatitur nga “RTSH Sport”.

“Roli i liderit? Normalisht unë jam munduar të bëj liderin, megjithëse gjatë ndeshjes nga porta është e vështirë ta orientosh ekipin duke e ditur se i rrëmben loja. Megjithatë këtu ka shumë liderë, do përmendja Telushin, Trashin dhe Ibrahimin. Kështu që besoj se është një frymë e mirë, të gjithë bëjnë punën që i takon”.

“Partizani me ambicie, apo rivalët më të dobët? Kundërshtarët nuk janë më të dobët. Ne e kemi parë që të gjithë ekipet kanë treguar se dinë të luajnë mirë. Kemi hasur vështirësi me çdo ekip, edhe me ato të dorës së dytë që themi ne. Por mendoj se është bërë një grup i mirë. Është futur një mentalitet fituesi. Edhe trajner Gega ka futur një frymë shumë të mirë që kur ka ardhur në fillim, jo se dua t’i bëj qejfin. Normalisht kjo shikohet. Kjo po na bën mirë”.

“Si mund ta ruajmë kreun? Duhet që të gabojmë sa më pak. Nëse ndodh kjo, besoj se do të qëndrojmë në krye”, përfundon Hoxha deklaratën e tij, ndërkohë që Partizani e ka mbyllur pjesën e parë të sezonit në krye të klasifikimit me tre pikë më shumë se Kukësi i vendit të dytë.

Hoxha, i cili po sakrifikon duke luajtur i dëmtuar, e vlerëson pikën e marrë, tregon se si mund të mbahet vendi i parë, flet për rivalët për titull, duke habitur disi dhe nuk preferon t’i rikthehet ngjarjes së pakëndshme të ndodhur përpara derbit me Tiranën.

NDESHJA – “Kur pëson gol që në fillim është e vështirë që të gjesh lojën. Kishim ardhur këtu për tre pikët, jo se barazimi do ishte keq. Duke parë rrjedhën e lojës them se barazimi ishte rezultati i duhur dhe them se jemi mirë edhe me barazim. Kemi parë të gjithë se çdo ekip të krijon vështirësi. 5 pikë nuk janë asgjë. Duhet të lëmë sa më pak pikë që edhe Skënderbeun edhe Kukësin t’i mbajmë sa më larg.”

DËMTIMI – “Jam mundur të bëj sa më shumë terapi edhe palestër. Nuk e kam gjurin në gjendjen tim më të mirë. Nuk duhet të ankohem më se u bë si telenovelë. Do të vazhdoj me këto dhimbje dhe uroj që t’ia dal.”

VLERËSIMI – “Në çdo ndeshje dikush do e zgjidhë. Ka momente të mira dhe jo të mira. Ne nuk ishim në ditën tonë më të mirë, por rëndësi ka që të marrim rezultat edhe kur nuk jemi në një ditë jo të mirë.”

NGJARJA PËRPARA DERBIT – “Janë gjëra që ndodhin në të gjithë botën dhe nuk më pëlqen që ta komentoj çfarë ka ndodhur.”

RIVALËT – “Edhe Teuta është pretendentë, por nuk mund të them për titull. Them se do të jetë në katër ekipet e para. Ka zhvilluar lojë shumë të bukur, si me ne dhe në Korçë. Nuk e lashë Teutën jashtë, por ato që na ndjekin më shkuan në mendje. Nuk mund ta ndaj se me kë do të rivalizojmë më shumë se ka ende shumë ndeshje.”

Policia ka kryer procedurat, duke e dërguar çështjen ne Prokurori. Sot është zhvilluar edhe Gjyqi në Gjykatën e Shkallës së Parë Tiranë. Për Hoxhën është vendosur masa paraprake “Detyrim Paraqitje”.

Kështu portieri i Partizanit është lënë i lirë dhe mbetet për t’u parë nëse klubi do të ndërmarrë ndonjë veprim tjetër ndaj tij. Sigurisht një kërkim falje nga ana e tij do të jetë minimumi, pasi mban shiritin e kapitenit në një nga ekipet më të mëdha në vend dhe duhet të jetë shembull që mijëra të rinj që simpatizojnë klubin e kuq dhe që duhet të ecin në shembujt e idhujve të tyre.

Sicc mësohet, portieri i Partizanit është arrestuar mbrëmjen e djeshme, kjo pasi është kapur nga policia duke drejtuar makinën nën efektin e alkoolit. Kjo gjë ka bërë që 31-vjeçari të shoqërohet në Komisariatin e Tiranës.

Ndeshja e radhës për Partizanin është derbi me Tiranën. Duke parë situatën ku gjendet portieri i “demave” rrezikon që të mos jetë në fushë as ndaj bardhebluve. Ndeshja më e rëndësishme e javës së 15-të është programuar që të luhet të premten në orën 18:00.

Por për trajnerin Skënder Gega ka një shqetësim dhe lidhet me gjendjen e portierin Alban Hoxha. Kapiteni i të kuqve pati shqetësime në ndeshjen me Laçin, por sakrifikoi dhe qëndroi në fushë deri në fund.

Gjatë këtyre ditëve Hoxha ka kryer terapi intensive, në mënyrë që të rikuperohet në kohë për ndeshjen me Flamurtarin. Gjithsesi ende mbetet në dyshim dhe stafi teknik pret të mësojë nëse portieri cërrikas do të jetë në gjendje të luajë. Nëse nuk ia del dot, atëherë nga minuta e parë do të aktivizohet Dashamir Xhika.

Më pas u shtri dhe u desh ndërhyrja e mjekëve. Grumbullimi me kombëtaren më pas dha idenë se nuk ka ndonjë gjë për Hoxhën, por më pas u largua për shkak të problemit që ka në gju prej muajit tetor.

Ndërkohë që grupi i lojtarëve ka nisur përgatitjet për ndeshjen me Flamurtarin, kapiteni është nën vëzhgimin e stafit mjekësor. Ai po zhvillon terapi dhe mbetet për t’u parë gjendja e tij në vazhdim. Trajneri Gega sigurisht që pret lajme të mira nga infermieria.

Lojtari tjetër që nuk do të jetë në këto dy ndeshje është portieri Alban Hoxha. Gardiani i Partizani pati probleme në ndeshjen me Laçin, teksa u desh ndërhyrja e mjekëve në disa raste. Problemet me gjurin e kanë penalizuar dhe kështu është larguar nga kombëtarja.

Në vend të tij me ekipin kuqezi do të bashkohet Elhan Kastrati, portieri i Peskarës. Momentalisht këto janë lëvizje në kombëtare, ndërkohë që më parë ka pasur edhe ndryshime të tjetra. Egli Kaja dhe Ergys Kaçe kanë qenë risitë pas shpalljes së listës në fillim.

“Albani kishte shqetësime para ndeshjes, edhe gjatë stërvitjes. U ankua gjatë ndeshjes disa herë dhe gjatë pushimit. E rëndësishme është që ia doli të luante 90 minuta dhe shpresoj të rikuperohet sa më shpejt”.

“E penalizon fakti që do jetë në kombëtare, edhe herën e parë erdhi i dëmtuar? Në kombëtare ai nuk thirret për t’u dëmtuar, por për t’u shpërblyer dhe për t’i dhënë atë që meriton. Është një nga portierët më të mirë në kampionat. Edhe te kombëtarja ka doktorë, do interesohen dhe kujdesen për të njëlloj si klubi. Shpresoj të kthehet 100%.”, tha Gega pas ndeshjes me Laçin.

Por ditën e djeshme portieri i Partizanit është paraqitur në resortin “Tropikal”, ku edhe do të grumbullohet kombëtarja për ndeshjet me Skocinë dhe Uellsin. Një provë se nuk ka ndonjë gjë shqetësuese për Hoxhën, i cili në grumbullimin e fundit me kuqezinjtë pati një tërheqje të ligamentit.

Hoxha u dëmtua gjatë përgatitjeve me kombëtaren dhe pas kontrolleve mjekësore u tha se kishte një problem në gju. Sa duket gjërat nuk kanë qenë aq serioze, pasi nëse portieri do kishte pasur një tërheqje ligamenti do kishte qëndruar më gjatë jashtë fushave të blerta.

Këto periudhë ai ka kryer terapi intensive me Rexhën, i cili ka sfiduar kolegun e tij Ervin Kapaj. Ky i fundit postoi një foto me Gjergji Muzakën, duke shkruar se mesfushori do të ishte gati për ndeshjen e së hënës kundër Partizanit.

Për këtë arsye Partizani do të zhvendoset në Elbasan, aty ku ka mundësinë të stërvitet në fushë me bar natyral. Kjo strategji është ndjekur edhe herë të tjera nga të kuqtë, që për momentin kryesojnë kampionatin dhe synojnë të fitojnë ndeshjen e radhës me Luftëtarin.

Mungesë e sigurt për këtë takim është portieri Alban Hoxha, i cili ka pësuar një tërheqje ligamenti dhe minimalisht do të qëndrojë katër javë jashtë fushave të blerta. Kjo bën që portieri të mungojë të paktën në katër ndeshjet e radhës.

Kështu, me Skënderbeun dhe Kamzën nuk do të jetë, ashtu sikurse edhe me Kastriotin. Mbetet në dyshim nëse kapiteni i të kuqve do të mund të rikuperohet për ndeshjen me Laçin në shtëpi.

Hoxha ka një problem në gju dhe pas vizitave mjekësore do të përcaktohet diagnoza. Mungesa e kapitenit sigurisht që do të kishte ndikimin e vet te të kuqtë, që deri më tani kanë pësuar vetëm një gol me 11-metërsh në sfidën hapëse të kampionatit kundër Skënderbeut.

Ndërkohë që në kampin e kuq kanë shqetësimin e Hoxhës, te Luftëtari i gëzohen rikthimit të Eduart Rrocës. Fantazisti pritet të jetë gati për ndeshjen me Partizanin. Pas një periudhe të gjatë jashtë fushave, mesfushori luajti në miqësoren me Bylisin dje.

Gjithsesi nuk do të jetë nga minuta e parë kundër kryeqytetasve të dielën. Në varësi të ndeshjes Rroca do të ketë minutat e tij, për të qenë gati në vazhdimësi për gjirokastritët.

FSHF e ka njoftuar diçka të tillë përmes një komunikate të bërë në sajtin zyrtar: “Një tjetër zëvendësim i detyruar për shkak të probleme fizike në radhët e ekipit kombëtar të futbollit. Portieri Alban Hoxha është dëmtuar dhe nuk mund të udhëtojë sot me skuadrën drejt Izraelit.

Në këtë situatë, trajneri i ekipit kombëtar Kristian Panuçi ka thërritur menjëherë t’i bashkëngjitet skuadrës, portierit të ekipit kombëtar U-21, Elhan Kastrati, i cili pritet për pak t’i bashkohet skuadrës për ndeshjen zyrtare në Izrael. Skuadra udhëton sot drejt Tel Avivit rreth orës 15.30. Në orën 19.45 (ora lokale) të ditës së sotme do të zhvillohet konferenca për shtyp e trajnerit të skuadrës me kapitenin e ekipit”.

Lëvizje ka edhe te Shpresat, pasi Selmani është dëmtuar dhe me Kastratin e ftuar nga Panuçi është dashur të ftohet një tjetër portier. Bushi ka rikthyer në ekip Alen Sherrin, “gardianin” e Vllaznisë, i cili nuk ishte ftuar nga kuqezinjtë.

Para zgjedhjeve në FSHF u tha se do të bëhej auditivi dhe Ahmetaj iu përgjigj Braçes, i cili më parë solli shembuj ku lojtarë me emër në botë që janë dënuar për fshehje të të ardhurave, madje Uli Hënes (president i Bajernit të Mynihut) u dënua me dy vite burg dhe pagoi 18 milionë euro.

PËRGJIGJA PËR FEDERATËN – “FSHF dikur ishte një institucion pa zë. FSHF deklaron në organin tatimor tvsh për veprimtaritë e shitjeve, të ardhurat e shpenzimet. Në 2014, 835 milionë lekë, shpenzime 930 milionë lekë. Në 2015, 2.4 milionë lekë dhe ka harxhuar 2.6 milionë lekë. Në 2016 3.92 milionë lekë dhe shpenzime 2.6 milionë lekë”.

KLUBET – “Ka një problematikë me klubet. Ekipi i Skënderbeut, një klub dinjitoz, por Kristi Vangjeli paguhet 100 mijë lekë të reja, ndërsa ekonomistja e klubit merr 130 mijë lekë në muaj. Në vitin 2014 e me këto listë pagesa këto futbollistë e kanë pasur të vështirë të hanë për të qëndruar në këmbë. Lëre pastaj të luajnë futboll! Futbollistët paguhen 22 mijë lekë të reja në muaj. Me kaq para, një futbollist nuk ka fuqi të japë spektakël në fushë. Këtu ka nevojë për formalizim.

Pastaj Tirana, Bujar Lubani, trajner, merrte 36 mijë lekë në muaj. Gugash Magani, punonte me zero lekë, nuk merrte pagë, sepse e bënte nga pasioni për futbollin. Klodian Dervishi, trajner, edhe ky me zero para. Ze Maria, merr vetëm 90 mijë lekë. Pastaj kemi Ilion Likën, futbollist i madh, 90 mijë lekë. Rafael Kosa, trajner, 60 mijë lekë. E kuptoni sa larg janë klubet e futbollit nga formalizimi. Astrit Nallbani, paga bruto 1 lek.

Pastaj kemi listëpagesën e Vllaznisë. Armando Cungu, 544 mijë lekë. Për hir të së vërtetës, Vllaznia është më afër formalizimit. Pastaj Partizani, kemi Alban Hoxha, 100 mijë lekë të reja. Ka edhe futbollistë që kanë një reflektim më të afërt me realitetin. Formalizimi është emergjencë. Po të krahasosh vitin 2014, kur futbollistët merrnin pagë 22 mijë lekë, në vitet e fundit kanë filluar të reflektojnë dhe pagat janë afër reales. Sigurisht që ka një avancim në drejtimin e duhur. Besoj që me ligjin e sportit, atë të riun që po kalojmë në vendimmarrje, jam i bindur që situata do bëhet akoma më pozitive”.

REPLIKA E BRAÇES – “Unë nuk pyeta se sa paguhen lojërat apo ekipet, pyeta prej muajit shkurt në mënyrën më të qartë, sa është tatimi mbi të ardhurat personave që paguhet nga FSHF dhe së dyti sa është 10%  që i takon buxhetit nga e drejta televizive që federata ka fituar 10 vitet e fundit.

Që në muajin shkurt, i kam kërkuar Ministrisë së Financave dhe Ekonomisë informacion për tatimet që paguhen nga FSHF për çdo të punësuar në 5 vitet e fundit, pas konsumimit të përgjigjeve, përgjigjeve nuk kam marrë ende, kërkesa ime është germë për germë ligjore. Ca ka ndodhur që nuk jepet përgjigje? Ligji e thotë qartë, për tatimet mbi të ardhurat personave dhe shpërblimet. FSHF ka paguar 91 milionë për personelin, 230 milionë lekë për paga jashtë federatës.  Sa tatim është paguar për pagat jashtë federatës, se vlera është shumë më e madhe se pagat për personelin, apo për heronjtë nuk ka tatim, për këtë pyes unë, pse.

Nuk e toleroj dot talljen që është konsumuar kur unë ju kam drejtuar këtë letër. Për 10 vjet ku ka vajtur 10% i të drejtës televizive E kuptoj unë qe buxheti nuk ka nevoje për 300 mije dollarët e FSHF, po ligjshmëria fiskale është detyruese. Nuk mundet të ketë imunitet FSHF nga detyrimet tatimore. Pse duhet të pranojmë alibinë e një njeriu që nuk heq dorë nga një karrige atje. Pse i jepni imunitet atij institucioni, kur bëni detyrën dhe trokisni në çdo dyqan, kafenenë dhe qebaptore të këtij vendi. Nuk ta solla Ronaldon ta krahasoje me Kristi Vangjelin, por për barazinë për detyrimet”.

Sezonin e kaluar, në këtë periudhe keni pasur probleme dhe madje nuk kishit shiritin. Çfarë ndryshimi ka sivjet?
-Ju e dini, jo se ma hoqën shiritin, por unë e lashë vetë shiritin. Pati një problem, një keqkuptim mes meje dhe Moxhit. Sivjet është ndryshe, flasim me trajnerin dhe drejtorin shumë gjëra që ishte e vështirë t’i flisje. Moxhi më shumë nuk ishte i pranishëm. Ishte krejt ndryshe. Po stërvitemi mirë dhe ka frymë pozitive. Ky është ndryshimi.

Është pozitive fakti që skuadra nuk është më agresive ndaj gjyqtarëve, apo nuk kërkon alibi?
-Nuk ka qenë për të gjet fajtorin. Të gjithë e kanë parë që na është ngrënë haku në shumë vendi. Këtë vit kemi menduar të mos merremi me arbitrat, pasi bëhesh i bezdisshëm. E patë vetë edhe në Laç që na u mohua një penallti dhe nuk është se folëm. Ndoshta kjo është gjëja më e mirë, se sa të merresh me arbitrat apo me të tjerët.

 Cili Partizan është më i fortë, ky i sotmi apo i derbit të fundit?
–Këtë nuk mund ta them unë. Ne do hyjmë të japim maksimumin në derbi, ndoshta dalim shumë më mirë dhe do ta shihni ndryshe Partizanin. Këtu dihet se po fitove një derbi je më i miri, nëse humbet nuk bën më. Ne këtë duam, ta fitojmë derbin dhe ju të gjithë ta flasë gjërat më të mirat për ne.

Jeni i vetmi që i keni luajtur të gjithë derbet e fundit. Çfarë mesazhi keni përçuar tek ekipi?
–Unë dua t’i motivoj lojtarët, ashtu sikurse bën trajneri, kapiteni apo ata që janë më të vjetër në klub. Shumica e dinë si është derbi. E kanë parë, e kanë përjetuar dhe kanë dëgjuar. Deri të premten kemi kohë të flasim edhe më shumë për derbin.

E keni gjetur pikën e dobët të Tiranës?
–Çdo ekip e studiojmë, kështu po ndodh edhe me Tiranën. Shpresoj t’i gjejmë pikat që na interesojnë.

Ju mungoi sezonin e shkuar derbi?
–E vërtetë, pasi është ndeshja më e bukur e kampionatit dhe këtë e thonë të gjithë. Më bëhet qejfi që është kthyer Tirana, të ketë konkurrencë. Mund të jetë një derbi tjetër, një ndeshje vitrinë. Uroj të jenë si derbi shumë ndeshje të tjera, pasi ka shumë pak tifozë në stadiume.

Nisur nga e shkuara, presioni është te Tirana. A mendoni se kanë frikë përpara këtij takimi?
–Nuk mund ta them unë. Mendoj se ne jemi më të qetë, nuk kemi presion se duhet të fitojmë se s’bën. Këtë e dimë vetë ne. Besoj se kanë më shumë presion se ne dhe ndoshta nuk do të jenë të qetë. Kjo prej faktit se kanë kohë pa fituar.

E shikoni veten me fanellën e Tiranës? I mungon Dinamos Superiores?
–Nuk e kam menduar ndonjëherë veten me fanellën e Tiranës. Nuk i dihet futbollit, por jam i përqendruar te Partizani. Ndoshta deri në fund qëndroj këtu. Dinamo i mungon kampionatit, por janë disa si Elbasani që është zemra e Shqipërisë, Kavaja ku kam luajtur. Do ishte mirë që Dinamo të kthehet ku i takon, në Superiore.

Mendoni se niseni të avantazhuar nga Tirana?
-Në gjithë këto vite klasifikimi nuk është marrë parasysh. Ne kemi grup më të mirë dhe frymë më të mirë për të fituar derbin.

Shanset janë që vetëm një. Sindrit Guri, Enis Gavazaj, Sabien Lilaj dhe Kristal Abazaj janë transferuar jashtë vendit. Ata fituan përmes paraqitjeve në Superiore një ftesë në kombëtare dhe me shumë mundësi dy prej tyre do të ftohen sërish, por ata tanimë nuk luajnë më në elitën e futbollit shqiptar.

I vetmi që me shumë mundësi do të jetë pjesë e kombëtares për ndeshjet me Skocinë dhe Izraelin është portieri Alban Hoxha. Në qershor u ftua edhe Gentian Selmani i Laçit, pasi Strakosha la grumbullimin për shkak dëmtimi.

Së fundmi ka marrë edhe një vlerësim nga Bashkia e Cërrikut, që e ka cilësuar portierin si “Ambasador i Paqes”. Hoxha sigurisht që është ndjerë mirë pas këtij gjesti.

“Sot u vlerësova si “Ambasador i Paqes” nga Bashkia Cërrik. Faleminderit qytetit tim për vlerësimin!”, shkruan portieri i Partizanin në faqen e tij në “Facebook”. Portieri i Partizanit është edhe pjesë e kombëtares shqiptare, çka normalisht në Cërrik i bën të ndihen mirë.

Kemi dëgjuar pa fund për kapitenin Alban Hoxha, pa fund. Në çdo merkato ka disa ekipe që e duan që të kombinuara me dëshirën e lojtarit thua se më në fund kjo është vera apo janari i tij. Akoma pa e marrë veten dehja e javës së kaluar kur portieri u përfol nga mediet italiane për një kalim të mundshëm te ekipi i Spalit në Itali, “Sport Ekspres” zbulon edhe një tjetër pistë për portierin e Partizanit. Turqia mbetet një oaz i bukur për futbollistët shqiptarë dhe tashmë nuk duket një kampionat i pamundur për ta përballuar as cilësisht.
Burime të sigurta pranë “Sport Ekspres” bëjnë me dije se kapiteni u është propozuar 2 ekipeve në Turqi, por për momentin dihen vetëm dy.

PROPOZIMET – Emri i kapitenit të Partizanit, Alban Hoxha, është propozuar në ekipin e Antaliasporit në ligën e parë turke dhe te skuadra e Gaziantepsporit në ligën e dytë turke. Emri i “gardianit” shihet si një mundësi serioze, madje ai është pëlqyer nga turqit e Gazientepsporit. Drejtuesit turq kanë kërkuar të kenë më shumë kontakte me portierin.

MUNDËSITË – Kalimi i Alban Hoxhës në Turqi nuk është i pamundur. Portieri po sheh mundësitë, por gjithsesi lufta me kohën ka filluar, pasi të dy këto ekipe janë në kërkim të portierëve dhe konkurrenca është e madhe. Antaliaspori është një ekip mjaft i fortë edhe në Superligën turke, ndërsa Gaziantepspori ka rënë në kategorinë e dytë.