Në të tjera, në emisionin “Interaktiv” në KTV, ai ka zbuluar se si e kanë larguar nga moshat e Shqipërisë.  “Para se të vendos për Kosovën kam pasur kontakte dhe me shtetin kroat e Shqipërinë. Isha te Shqipëria U17, por kam pasur disa probleme e më kanë hequr. Kam qëndruar 10 ditë e në ditën e ndeshjes më kanë hequr nga ekipi. Ka qenë trajner Alban Bushi.

Kemi pasur dy miqësore, më ka ftuar e nuk më ka futur në lojë. Por s’ka gjë. Kishin ardhur edhe familjarë të mi për të më parë në Durrës. Pesë minuta para ndeshjes më tha se nuk jam në 18-she dhe e kam parë ndeshjen nga tribuna. Isha i dëshpëruar”, tregon sulmuesi anësor.

Kastrati asokohe ka qenë pjesë e Shkëndijës së Tiranës, ndërkohë që ndodh shpesh që lojtarë të ndryshëm vijnë duke u rritur me kalimin e kohës. Asokohe është gjykuar se ka të tjerë më të mirë, kurse tani rritja dhe cilësitë e Kastratit evidentohen lehtësisht.

MIQËSORJA – “Të them të drejtën jam i kënaqur, pasi ishin lojtarë që nuk i kemi parë ndonjëherë. Pothuajse katër lojtarë luanin për herë të parë tek ekipi U21. Ishin shumë të vegjël, janë për të luajtur tek ekipi U19. Dy nga ata i morëm dhe nuk e dija si do të reagonin. E kisha me shumë emocion ndeshjen, prandaj kishim vendosur të qëndronim mbrapa dhe të luanim me kundërsulm. Një ekip që nuk është i stërvitur, nuk ka një strategji loje, është e vështirë të bëjë një lojë të veten.

Jam i kënaqur me zbatimin e detyrave nga të gjithë lojtarë.  Mundëm një kundërshtar të fortë, pasi Uellsi është një kundërshtar i fortë, ka dy fitore me Zvicrën dhe Rusinë. Mendoj se kemi grup të mirë për të ardhmen. Kemi shumë mungesa dhe ky është ekipi i tretë i yni. Këta e justifikuan veten dhe është një luks për. Këto miqësore na bëjnë mirë për të përgatitur ndeshjen ndaj Austrisë, në mënyrë që të marrim lojtarët më të mirë”, u shpreh Bushi.

BROJA – Në takimin me Uellsin, sulmuesi Armand Broja ishte autor i dy golave për Shqipërinë dhe Bushi ka fjalë të mira për sulmuesin e Çelsit. “Diskutojmë gjithmonë me stafin teknik dhe të gjithë kemi mendim pozitiv për Brojën, është një lojtar i perspektivës. Mendoj se do të bëhet lojtar i madh, ashtu siç janë edhe Bullari e Vrioni.

Janë të rinj që mund t’i ketë kombëtarja për shumë vite. Broja u fut nuk kishe asnjë diferencë në lojë, edhe pse është 3 vite më i vogël. U përshtatet edhe atyre, pasi është një lojë që e bën në Britani me Çelsin. E justifikoi veten. Edhe po të mos shënonte gola, ai për ne është Broja dhe e dimë që ka potencial për ekipin A”, përfundoi Bushi.

“E dinim që do të ishte një ndeshje e vështirë dhe e luftuar nga kundërshtari për ta fituar atë. Patëm kohë për ta përgatitur ndeshjen dhe kjo ishte diçka pozitive për ne. Menduam të vendoseshim mirë mbrapa dhe të prisnim shanset tona, që nuk ishin të pakta. Fillimin e pjesës së parë kishim vështirësi kur kishim topin në kontroll, e dorëzonim shumë  shpejt. Kjo na vuri në vështirësi, sepse vraponim më shumë dhe humbnim shumë energji.

Pjesa e dyte ishte ndryshe u futëm në lojën tonë dhe krijuam rastet për shënim dhe golat. Me pak kujdes mund ta fitonim ndeshjen, por edhe ta humbnim. Në këto nivele duhet të jesh shumë i kujdesshëm, të gabosh më pak se kundërshtari dhe të luftosh më shumë se ai. Ne luftuam dhe vrapuam më shumë se ata, nuk donim ta humbnim këtë ndeshje. Kemi pësuar 6 gola gjithsej në 3 ndeshje dhe të 6 golat janë gabime individuale, të vjen keq”, është shprehur Bushi për FSHF.org.

Më tej ai shtoi: “Secili duhet të përmirësohet, janë të vegjël dhe kanë potencial për kombëtaren A. Gjithsesi gabime të tilla nuk duhen bërë, ose të bëjmë sa më pak. Dua të falënderoj të gjithë skuadrën për atë çka dha në fushë për 94 minuta. Ata bënë të pamundurën, vrapuan dhe luftuan me zemër të madhe. Ata kishin grintë, dëshirë, kishin besim tek ajo që po bënin, luajtën me personalitet kundra një kundërshtari me shumë cilësi dhe kualitet. Më vinte shume keq kur i shikoja që luftonin ashtu, saqë doja të futesha në fushë dhe t’i ndihmoja. Por Zoti i shpërbleu në fund për djersën që derdhën. Duhet të vazhdojmë kështu, se futbolli është vazhdimësi dhe këta djem i kanë të gjitha mundësitë për të bërë gjëra të mëdha”.

RISITË NË LISTË – Shqipëria U21 ka në plan dy miqësore me Uellsin, fillimisht në “Selman Stërmasi” më 9 qershor dhe dy ditë më pas në “Niko Dovana”. Trajneri Alban Bushi ka vendosur të afrojë në skuadër edhe tre lojtarë të tjerë: Armando Broja (sulmues, Çelsi), Elion Sota (mbrojtës i djathtë) dhe Redon Mihana (sulmues), këta të fundit nga Apolonia.

Në kornen e fundit të takimit kuqezinjtë tanë vunë baraspeshën. Sulmuesi Emiliano Bullari tregohet i saktë me kokë dhe bën që i gjithë stoli i kuqezinjve të futet në fushë për të festuar. Pika e marrë sot në Stamboll çon skuadrën tonë në kuotën e dy pikëve pas tri ndeshjeve (barazim me Andorrën dhe humbje me Turqinë).

Turqi U21 2 – 2 Shqipëria U21
Shënues: Dulmur 54’ Dervishoglu 85’/ Maloku 49’, Bullari 90+3’

Bushi nuk ka preferuar të bëjë në zëvendësim kokë për kokë, por ka ftuar një sulmues në vend të mbrojtësit të dëmtuar. Bëhet fjalë për futbollistin e Teutës Lorenco Vila, lojtar që ka qenë dhe më parë në listat e grumbullimeve të kombëtares së shpresave.

Kombëtarja U21 do të niset më datë 5 qershor drejt Stambollit, ndërsa të premten do përballet me Turqinë në kuadër të fazës së grupeve të kualifikueseve të Europianit U21.

“Të rinjtë? Kemi lojtarë të rinj si Ndrecka, Bullari dhe Kalaj. Dëmtimet na e kanë ndërlikuar situatën. Këta janë lojtarë të perspektivës dhe nëse vazhdojnë me këto ritme do të jenë pjesë e U21. Nuk ishin në planet tona për momentin, pasi ishin ata pesë të tjerët. Lojtarët e Superiores kanë minuta, si Bardhi që ka luajtur. Janë tre ndeshje, edhe pse fokusi është Turqia. Luajmë edhe me Uellsin dhe do provohen lojtarët e rinj”.

“Stërvitja me trajnerin Reja? Bëmë një mbledhje para një muaji, shumë lojtarë nuk mund të ishin me ekipin A. Edhe unë kisha ato problemet me lojtarët e mi dhe gjendja e tyre nuk do ishte e mirë nëse nuk do të stërviteshin. U bën mirë lojtarëve dhe trajnerit Reja. Kemi folur dhe ka një mendim pozitiv për disa. Do i ketë në vëmendje. Është një motivim i madh për ta. Shpresoj të mos ketë dëmtime”.

“Minutat që kanë lojtarët? Në kampionatin tonë pothuajse kanë luajtur të gjithë. Ata jashtë kanë pasur probleme me aktivizimin. U lodha duke e thënë, do i marrim kështu siç janë. Edhe pa asnjë minutë një ndeshje e nxjerr me zemër, mjafton të veshësh fanellën e kombëtares. U21 është moshë delikate, më para luajnë me të rinjtë. Jemi më mirë se më parë, shumë lojtarë kanë minuta. Kishim menduar tjetër strategji, na doli tjetër. Është problem kur nuk ke pesë titullarë”.

“Miqësoret me Uellsin, test? I njoh lojtarët, këtu është tjetër gjë. Janë elementë të perspektivës, sidomos të kampionatit tonë. Shpresoj të luajnë të gjithë, janë tre ndeshje në pak ditë. Objektivi është që të çojmë lojtarë lart, por duhet edhe rezultat. Duam edhe kualifikimin dhe e ëndërrojmë, por kur ke dëmtime ke edhe rezultate jo të mira. Ka qenë edhe çështje fati, apo edhe gabime tonat”.

“Bullari? Do ta ketë ndeshjen në këto tre ndeshje. Ai është një djalë i ri dhe i talentuar, edhe pse është datëlindja 2011, tre vjet më i vogël se të tjerët. Talentet duhet t’i shtyjmë përpara, Bullari është një prej tyre. Po të vazhdojë kështu ai shumë shpejt do të jetë një nga shtyllat e ekipit kombëtar. Kemi edhe Vrionin e të tjerë që Shqipëria mund t’i ketë për 10-12 vitet e ardhshme”.

ANDORRA – “U bë një futbollit i pisët, një futboll jo Fair-Play nga lojtarët e Andorrës, gjithsesi kjo ishte strategjia e tyre. Në pjesën e parë pati një nënvlerësim nga ana e lojtarëve, për këtë u indinjova pak, pasi nuk e prisja që të mos jepnin maksimumin, ndërsa në të dytën morën në kontroll lojën, por pati një gabim individual”.

PËRGJEGJËSI – “Do të ndjeja përgjegjësi personale nëse ekipi nuk do të luante në futboll, ata shkuan vetëm dy herë në portë dhe shënuan dy gola, ne ishim gjatë gjithë kohës në portës së tyre dhe shënuam vetëm dy gola. Shpërdoruam shumë, gjithsesi barazimi me Andorrën është i pafalshëm”.

REZULTATE APO EVIDENTIMI I LOJTARËVE – “Unë kam evidentuar shumë lojtarë. Si rasti i Bajramit që luan te Birmingami. Objektivi jonë është që të çojmë lojtarë në ekipin e parë A. Besoj se 3 ose 4 lojtarë që luajnë me shpresat tani do të jenë së shpejti pjesë e ekipit të parë A. Sigurisht dhe rezultatet janë të rëndësishme”.

SHQIPTARËT E MAQEDONISË – “Personalisht unë kam marrë 4 lojtarë nga Maqedonia, ashtu si dhe U19. Do të punojmë akoma me skautët e federatës në Maqedoni, por është një proces që do pak kohë. Unë mendoj që Shqipëria ka lojtarë, por problem është eksperienca e vogël. Kemi probleme në repartin e mbrojtjes, të gjithë shqiptarët duan t’i bëjnë fëmijët mesfushorë ose sulmues”.

AKUZAT PËR QOKA –“Janë mendime individësh dhe mua nuk më interesojnë. Nuk e imagjinoj dot si mund të bësh një qokë në kombëtaren shqiptare. Ne mundohemi gjithmonë të marrim më të mirët, patjetër që mund të gabojmë kur na duhet të zgjedhim mes dy lojtarëve shumë të mirë”.

OBJEKTIVAT – “Objektivat e mi i vendosin disa njerëz të tjerë, nuk i vendosin as specialistët e as gazetarët. Nëse kemi bërë mirë ose kemi bërë keq, janë ata që e vlerësojnë punën tonë. Pavarësisht barazimin me Andorrën që është i papranueshëm, në ndeshje ndaj Turqisë luajtëm shumë mirë”.

DËMTIMI I MALËS – “Mala ka qenë të dëmtuar në gju. Unë do ndjek atë dhe dy tre lojtarë të tjerë këtë javë nëse do të luajnë, pasi me ekipin kombëtar A ose U21 nuk mund të bësh shaka, kur vjen aty duhet të japësh maksimumin. Nëse një lojtarë është i dëmtuar me ekipin kombëtar gjatë ditës së martë e të mërkurë, ndërsa ditën e premte je 100% e tij, atëherë është shumë e vështirë që të jetë përsëri pjesë e kombëtares. Stafi mjekësor më tha se ka një tërheqje në ligament. Doktori më tha se do ishte e pamundur që të luaj për të paktën një javë. S’dua të përmend emra, por dy ose tre trajnerë marrin lojtarët e tyre marrin lojtarët  e tyre duke i thënë mundohuni të luani 30 minuta në Andorra ose fare pasi kemi ndeshje në kampionat. Çdo lojtarë duhet ta dijë se fanella e kombëtares është e shtrenjtë, gjithsesi në grumbullimin e ardhshëm mund të kemi 2 ose 3 mungesa nga këto lojtarë që thashë”.

Një ditë më parë u zhvillua një test me Shqipërinë U20 dhe Bushi nuk është ndarë i kënaqur me lojtarët e tij, madje ka pasur edhe kritika për ta. E gjitha raportohet nga vetë FSHF përmes faqes zyrtare në “Instagram”.

Në emisionin “Zona Gol” në Superport ai theksoi se Partizani përfiton nga fakti që nuk kanë rivalë t’i ndjekin. “Partizani mund të jetë më i mirë se të tjerët, por jo më i miri i të mirëve. Janë të parët me meritë, por rivalët i ka shumë të dobët. E them këtë sepse nuk ka asnjë rival serioz. Edhe po të gabojnë 2-3 herë, rivalët nuk mund ta ndjekin. Më lojërat që bëjnë rivalët nuk ngrohin”, tha Bushi.

Më pas ai shtoi: “Kanë një trajner të mirë si Gega, që i di limitet e skuadrës së tij dhe e vendos mirë ekipin në fushë. Nuk është një ekip që të kënaq, që të zbavit dhe të bën të shkosh në stadium. Kur je i pari duhet të bësh edhe spektakël e të tërheqësh tifozët në stadium”.

Ditën sotme trajnerët e kombëtareve U19 dhe U21, Nevil Dede dhe Alban Bushi, publikuan listat me lojtarët e grumbulluar për ndeshjet miqësore të muajit mars.

Gjithsej në të dyja kombëtaret kanë marrë ftesa 15 futbollistë të ekipeve shqiptare. Partizani dhe Laçi mbajnë vendin e parë përsa i përket lojtarëve të grumbulluar me nga tre. Si kryeqytetasit dhe kurbinasit kanë dy lojtarë në përfaqësuesen U21 dhe një në përfaqësuesen U19.

Teuta e Bledi Shkëmbit është pas Laçit dhe Partizanit me dy përfaqësues: Sherik Kallaku dhe Lorenco Vila të dy të grumbulluar në kombëtaren U21. Nuk ngelen pa ftesa dhe Kastrioti, Tirana, Flamurtari dhe Skënderbeu, ndërsa ftesa ka pasur dhe për lojtarë të Besës e Elbasanit, ndërsa një ftesë ka dhe për Vllazninë.

Partizani (3) – Esat Mala (Mesfushor; U21), Rubin Hebaj (Sulmues; U21), Livio Malaj (Portier; U19)
Laçi (3)  – Jon Mersinaj (Qendërmbrojtës; U21),  Gentian Selmani (Portier; U21), Fatmir Prengaj (Sulmues; U19)
Teuta (2)  – Sherif Kallaku (Mesfushor; U21), Lorenco Vila (Sulmues; U21)
Kastrioti  (1) – Julian Shehu (Mesfushor; U21)
Skënderbeu – 1 – Mario Dajsinani (Portier ;U21)
Flamurtari – 1 – Arinaldo Rrapaj  (Mesfushor ; U19)
Vllaznia – 1 – Egzon Shima  (Mbrojtës; U19)
Tirana – 1 – Ernest Muçi (Sulmues; U19)
Besa  – 1 –Ilir Dabiani  (Portier; U19)
Elbasani – 1 – Kledis Hida  (Mbrojtës; u19)

DERBI – “Të them të drejtën, atmosfera është fantastike dhe diçka e tillë shihet shumë rrallë. Ashtu siç është atmosfera në stadium, shpresoj të jetë dhe ndeshja në fushë. Lojtarët janë shumë të ngarkuar psikologjikisht, nga mediat, trajneri, dhe kur vijnë në fushën e lojës, nuk tregojnë dot aftësitë e plota. Tirana do të luajë pa presion, presion që do e ketë vetëm Partizani. Shpresoj që Tirana të jetë e qetë dhe të fitojë në derbi.”

KOMBËTARJA U-21 – “Do ishte e mira që t’i kishim të gjithë lojtarët U21 në kampionatin shqiptar, pasi i shikojmë më mirë. Megjithatë, edhe kaq sa kemi jemi shumë të kënaqur. Te Partizani dhe te Laçi, futbollistët po marrin minuta dhe jemi shumë të kënaqur. Derbi im i fundit? Kur humb ndonjëherë unë?! Nuk humb asnjëherë kundër Partizanit. Sot, është hera e parë që vij në stadium si tifoz gjatë një derbi dhe shpresoj të fitojë Tirana. Do e dëshiroja me zemër një fitore të Tiranës. Sa minuta do të luaja sot? Do i kërkoja Memës të mos më ndërronte asnjë minutë (qesh).”

CILËSITË – “Atmosfera është më e bukur sot. Tani çdo gjë ka ndryshuar dhe nuk mund të themi se më përpara ka pasur me shumë cilësi. Në kohën time, kemi pasur me shumë dëshirë dhe më pasion, tashmë ka më shumë ritëm dhe më shumë cilësi, jo vetëm te derbi, por te i gjithë kampionati shqiptar.”

FESTA E GOLIT – “Nëse do të shënoja, duhet me të kthehem shumë mbrapa (qesh). Bluza e Tiranës duhet ndjerë, edhe futbollistët e sotëm duhet ta dinë sa e rëndë është kjo fanellë. Kur unë mora për herë të parë fanellën e Tiranës, nuk e besoja. Kur e vesha për herë të parë, më dolën lot nga sytë.”

Aktualisht pjesë e 21-vjeçarëve janë Gentian Selmani, Irlan Ceka, Jon Mersinaj, dhe Sherif Kallaku. Vetëm këta të dy ishin në fushë në takimin e së mërkurës, që u zhvillua në “Olympic Park” ditën e mërkurë.

Bushi ka pasur mundësinë të shohë edhe të tjerë elementë. Fangaj mund të ftohet sërish, pasi ende nuk e ka kaluar moshën. Xhixha i Laçit po ashtu pret një mundësi, po ashtu si Elvi Berisha dhe Enis Çokaj.

Në moshë ende për Shpresat janë akoma edhe Uendi Vecaj e Klinti Qato. Ky i fundit madje edhe shënoi një gol mjaft të bukur në takimin kundër Laçit. Tjetër lojtar që mund të jetë në fokusin e Bushit është edhe Lorenco Vila. Shkëmbi pritet ta aktivizojë më shumë të riun në pjesën e dytë të sezonit dhe nëse paraqitet mirë, sigurisht që nuk do të mungojë ftesa edhe për të.

Sulmuesi numëron dhe një gol të shënuar në një ndeshje me Shqipërinë U17, ndërsa ka shënuar dhe një gol në dy ndeshje të zhvilluara me Shqipërinë U19. Me ekipin U21 të Alban Bushit nuk ka luajtur kurrë, ndërsa trajneri ka komentuar një gjë të tillë në prononcimin e dhënë për “Telesport”. Bushi shpjegon situatën e Tahirajt, i cili mund të jetë një përforcim i mirë dhe për kombëtaren e madhe të Panuçit.

“Unë e kam ndjekur, e kam ndjekur dhe live në stadium kur ai kishte moshën për të luajtur me ekipin Shpresa. Është lojtar i mirë, mund të ecë si lojtar, por në atë kohë unë nuk e kam thirrur, sepse lojtarët që merrja në ekip ishin më në formë se Tahiraj. Por, gjithsesi, ai është një lojtar i perspektivës së Shqipërisë, nuk do të thotë se nuk ka qenë tek ekipi Shpresa dhe nuk duhet të jetë në ekipin e parë, sepse është një lojtar, sidomos në këto moshat e vogla, që gjithmonë zhvillohet. Dikush ulet dikush ngrihet lart, ndaj unë shpresoj që t’i bëj punë ekipit kombëtar A“, thekson Alban Bushi.

Ky i fundit, për Supersport e ka komentuar kështu shortin: “Ndjenjë e mirë që na ra Turqia në grup, me trajnerin e tyre jam mik. Kosovën e prita si çdo ekip tjetër, do luhet fort. Janë 3-4 lojtarë që kanë zgjedhur Kosovën para nesh. Na thanë se do vinin me ne, por më pas vendosën ndryshe. Gjithsesi është zgjedhja e tyre”.

“Ndeshja me Kosovën? E ashpër nuk diskutohet, jam unë i pari që kërkoj ashpërsi ndaj çdo ekipi. Nuk e kërkoj vetëm kundër Kosovës. Është si ndeshjet e tjera dhe duhet fituar”, shtoi trajneri i Shqipërisë U21”.

“Kualifikimi? Çdo gjë mund të ndodhë. Përveç Anglisë, që do të dalë në vend të parë. Por prapë nuk i dihet. Edhe Spanja na mundi në fund. Kemi një grup të mirë dhe shpresojmë të luajnë me ekioet. Duam që edhe Vrioni të vijë me ne. Do jetë pjesa më e madhe e lojtarëve që ishin edicionin e shkuar. Shqipëria do të jetë një ekip shumë i fortë, madje edhe për Anglinë. Vjet pas ndeshjes së pestë çuam 4 lojtarë tek ekipi i parë, si Ramadani, Manaj, Ndoj  Me ata mund të merrnin rezultate të mira. Është gjë e mirë që thirren atje, por është më mirë të forcohen këtu. Por nuk i vë faj Panuçit, pasi edhe ai ka pasur shumë mungesa”.

Nevil Dede është zgjedhur trajneri i Shqipërisë U19, Elvin Beqiri ka marrë drejtimin e kuqezinjve U17, ndërsa Armand Damo do të drejtojë Shqipërinë U15. Trajnerët e moshave janë prononcuar të gjithë, duke dhënë përshtypjet e para të detyrës së re.

Të katërt janë të lumtur për mundësinë e dhënë dhe janë gati për të nisur punën e tyre. Qëllimi është rritja e nivelit të lojtarëve të rinj dhe furnizimi i kombëtares së madhe me lojtarë të talentuar e cilësorë.

Alban Bushi (SHQIPËRIA U21): “Më vjen mirë që do jem përsëri, ka qenë emocion i veçantë. I falënderoj drejtuesit dhe presidentin për besimin e dhënë. Do mundohemi të bëjmë më të mirën për lojtarët dhe për rezultatet”.

Nevil Dede (SHQIPËRIA U19): “Jam krenar për punën me vajzat. Për sa i takon U19, do të jem i sinqertë dhe korrekt me veten. Kështu do të respektoj institucionin. Do të mundohem të afrojmë të gjithë lojtarët nga Shqipëria apo edhe jashtë. Do punojmë të bëjmë më të mirën”.

Elvin Beqiri (SHQIPËRIA U17): “Falënderoj FSHF-në dhe presidentin për besimin. Është eksperienca e parë si trajner i parë për mua, pasi kam qenë asistent. Është eksperienca e parë për mua si trajner. Është përgjegjësi e madhe që kthehem si trajner në kombëtare. Do mundohemi të bëjmë më të mirën për të realizuar një seleksionim sa më të mirë të elementëve, po ashtu edhe të marrim rezultate. Për këto kemi nevojë si ekip kombëtar”.

Armand Damo (SHQIPËRIA U15): “Falënderoj stafin dhe presidentin. Do të jetë një sfidë të gjejmë të gjithë talentet, por së bashku kemi besim se do ia dalim. Do të përpiqemi të gjejmë sportistë sa më të mirë, të bëjmë futboll të bukur dhe pastaj të dërgojmë lojtarë tek ekipet më lart”.

Më pas fjalën e mori Xhemal Mustedanagiç, i cili u shpreh: “Falënderoj trajnerët e rinj, Federatën për besimin që më ka dhënë. Jo rastësisht e kam përzgjedhur Shqipërinë, pasi mund të bëjmë gjëra të mëdha për futbollin shqiptar. Qëllimi kryesor është zhvillimi i futbollit shqiptar dhe i trajnerëve, për ta çuar sa më lart. I kam vëne detyrë gjithsecilit se çfarë duhet të bëjnë. Fillimisht të jenë drejtues sa më të mirë, të jenë autoritarë, me dijet e tyre që të dinë t’i shpjegojnë lojtarëve se çfarë kërkojnë.

Gjithçka duhet të jetë e organizuar me plan, në lojë si në mbrojtje edhe në sulm. Secili duhet të fokusohet te loja dhe ajo që duhet të bëjë gjatë ndeshjes. T’ia kalojë ekipit frymën dhe ndjenjën e fitores, të krijohet një atmosferë sa më e mirë, që ndihmon te rezultatet. Jam i sigurt se këta trajner i kanë këto cilësi.

Damo ka patur rezultate të mira te Internacionali, e kam vëzhguar si e drejton ekipin. Beqiri ka qenë bashkëpunëtori im te U-17, kam besim maksimal tek ai. Dede, kur kam drejtuar lojtarët ‘95, kishim Hoxhallarin dhe nuk është rastësi që u bë pjesë e ekipit të pare të Tiranës. Bushi është një drejtues i mirë dhe e ka treguar gjatë edicionit në krye të U-21. Mund të duket sikur dikush nuk e ka eksperiencën e duhur, por i kanë cilësitë e duhura. Do të jem përkrah tyre me eksperiencën time, që nuk më mungon.

Më e rëndësishmja është të zhvillojmë dhe të kemi sa më shume lojtarë për ekipin e parë. Ajo që kërkoj nga trajnerët është të jenë të ndershëm me të gjithë lojtarët, por ky nuk do të jetë problem, sepse e kemi të gjithën të organizuar me strukturë dhe rregullore. Nëse cilido nuk do t’i respektoje këto rregulla dhe kushte, atëherë nuk është i denjë për ekipet Kombëtare.

Në futboll gjithçka është e thjeshte, nuk ka filozofi. Nëse dikush do të ketë konflikt, do ta ketë me rregullat dhe sistemin që kemi vendosur, jo me mua si drejtor i ekipeve kombëtare. Do të ketë seleksionime pozitive dhe negative. Të gjithë elementet do vëzhgohen dhe më të mirët do të futen në skuadër me transparence. Për lojtarët që seleksionohen nga jashtë, do të jenë vetëm top talentet, pra niveli më i lartë dhe jo futbollistë mesatare”.

“Rezultati apo lojtarët si njësi matëse? Objektivi është zhvillimi i lojtareve dhe të kemi sa më shumë për kombëtaren A. Në çdo sezon kemi dy apo tre lojtare për kombëtaren. Nëse do të arrijmë edhe një lojtar për çdo vit, në dhjetë vjet do të ishte shumë mirë. Dy lojtarë shkëlqyeshëm, tre në vit fantastike.

Loja e mirë do të nxjerre në pah edhe individët. Qëllimi tjetër është që nga jashtë të vijnë me të mirët dhe të zhvillojmë sa më shume talentet në Shqipëri. Plani im është që U17 dhe U19 të jenë me lojtarë nga Shqipëria

Do bëjmë edhe U20 me lojtare nga kampionati ynë. U17 dhe U19 do përfaqësojnë Shqipërinë në eliminatoret e ardhshme të Europianit. Një herë në javë do të organizojmë ndeshje të forta me ekipet e Superiores dhe Kategorisë së Parë, ku aty elementët e rinj do të kenë mundësi të tregojnë cilësitë. Kombëtarja më e mirë, që do të ketë lojtarët më të mirë, do të ketë turnetë e vete për t’u përgatitur”.

Më tej Bushi ka folur për lojtarët e ftuat dhe për çështje te tjera. “60 për qind e listës ka qenë pranë ekipit, kemi afruar disa lojtarë të rinj. I njoh edhe lojtarët e kampionatit shqiptar që nuk janë grumbulluar tani, por ua njoh potencialin”, tha fillimisht tekniku i Shpresave

“Malta kundërshtar modest? Edhe ne jemi një skuadër modeste. Gjatë edicionit të kaluar zhvilluam dy miqësore të forta me Francën dhe Italinë”.

“Kemi në listë afro 40 lojtarë, presim të përforcohemi me shqiptarë të Maqedonisë, ku do te vijnë edhe tre lojtarë, por që nuk kanë patur minuta. Na duhet një sulmues goli për këtë edicion”.

“Faton Xhemaili që luan ne Serbi? Na duhet një mbrojtës i majtë, kemi parë video të tij, edhe pse prej konkurrencës së madhe nuk ka luajtur shumë tek ekipi i tij. Por është një lojtar që duhet parë”.

“Rinovimi i kontratës? Ende nuk kemi biseduar. Kjo i takon federatës. Unë jam i përqendruar vetëm te këto miqësore me Maltën, sepse duam të fitojmë dhe të masim forcën me një kundërshtar që vjen pak a shumë me lojtarëve të së njëjtës moshë”.

“Lojtarët që nuk janë grumbulluar nga Panuçi, Seferi dhe Durmishaj? Kam dhënë mendimin tim për të gjithë lojtarët, mbi të gjitha për aspektin disiplinor, edhe ne aspektin teknik, pavarësisht se trajneri i njeh, i sheh duke luajtur edhe ia di cilësitë”.

“Ndryshon patjetër kur luan me Spanjën, edhe atje u mbrojtën mirë edhe pse pësuam tre gola. Në fushën tonë do të sulmojmë pak më shumë, por me kujdes sepse pëson. Do të provojmë edhe sepse Spanja nuk është e pathyer, u mposht në shtëpi nga Irlanda e Veriut. Do kërkojmë edhe ne rezultat pozitiv, pse jo të fitojmë”

STRATEGJIA – Forca e Spanjës dihet, ndaj edhe nuk mund ta dominosh dot si kundërshtar. Bushi e ka të qartë rrugën se si mund të merret rezultati pozitiv. “Duhet të mbrohemi si ekip, të jemi kompakt, dhe t’i godasim aty ku nuk arritëm t’i godisnim në Spanjë”.

“Lojtarët pa minuta? Kur vendos zemrën në fushë, ndonjëherë kjo nuk vlen. Të hënën u stërvitëm me pak veta. Nuk kemi çfarë të humbasim, ndërsa Spanja praktikisht është kualifikuar”.

DËMTIMI  – “Kemi një problem me Selmanin që u dëmtua në stërvitjen e djeshme, shkoi të bënte kontrolle dhe me gjasa nuk do të jetë”.

Kreu i pankinës së Shpresave foli për tema të ndryshme dhe për emra të veçantë, ndërkohë që zbuloi se sulmuesi Fiorin Durmishaj nuk do të jetë në këtë takim për shkak se po kryen shërbimin ushtarak në Greqi, pasi ka pasaportën e këtij shteti dhe është detyrim ligjor.

SPANJA – “E njohim kundërshtarin, e dimë se si luajnë. pavarësisht se humbëm 3-0 atje, jam i kënaqur nga disa aspekte të lojës. Treguam disa gjëra pozitive, edhe pse rezultati nuk e thotë këtë. Kjo ndeshje do jetë e luftuar, nuk do të jetë si ajo në Spanjë, me atë rezultat. I kemi të gjithë mundësitë për t’i bërë dëm Spanjës, siç i bëri edhe Irlanda pas nesh. Ne me Irlandën jemi paraqitur mjaft mirë, kurse defektet tona kishim problem me daljen në sulm. Ishim të emocionuar. Do mundohem të shënojmë”

SULMI – “Kemi disa sulmues, kishim planifikuar edhe Vrionin të ishte me ne, por e thirri Panuçi. Aty e kishim përqendruar lojën tonë, kishim bërë strategjinë me të. Prej një viti kemi punuar ta marrim në ekipin Shpresa. na duhet të gjejmë sërish sulmues. Hebaj është pjesë e rëndësishme e jona, po ashtu edhe Mustafa. Do ishte edhe Durmishaj, por është duke bërë ushtrinë dhe e ka thirrur shteti grek. Nuk është se do sulmojmë shumë, do jemi të kujdesshëm. Do luajmë me vetëm një në sulm, por do sulmojmë. Jam i kënaqur nga Hebaj dhe Mustafa, pasi janë datëlindja ’98 dhe do i kemi edhe vitin tjetër. Kundërshtarin e kemi të fortë dhe është mirë për ta të luajnë dhe të marrin eksperiencë”.

LOJA E BUKUR – “Kemi dalë nga objektivat, jam i kënaqur nga ndeshjet që kemi bërë. gjithsesi rezultatet flasin. Pavarësisht se jemi ekip Shpresa, unë kërkoj që gjithmonë rezultatin ta marr. Por edhe loja e bukur nuk duhet të mungojë. Na kanë penalizuar mungesat, formacioni ka ndryshuar shpesh. Me këtë ekip, me Ramadanin, Ndojin, Manajn dhe Vrionin, po t’i kishim nga fillimi, patjetër që do të ishim kualifikuar. Loja është e kënaqshme, por mungojnë rezultatet dhe ato mbahen mend. por duhet mbajtur mend që kemi çuar edhe lojtar tek ekipi i parë dhe ky është një objektiv”.

ABAZAJ – “Ai stërvitet rregullisht tek Anderlehti, luan me ekipin U21 atje. mendoj se këtu ai mund të bëjë shumë mirë nga lojtarët që kemi në dispozicion. Edhe pse nuk ka minuta loje bën mirë me ne. Sa kohë stërvitet në një ekip të fortë si Anderlehti, ne kemi për detyrë ta ndihmojmë, ta promovojmë duke i dhënë akoma një dorë. Ai do luajë gjatë me kombëtaren dhe nuk duhet ta braktisim pse nuk ka minuta. Kemi dalë nga objektivat dhe pse jo ta ndihmojmë”.

KRASNIQI – “Ai është datëlindja 1997, për këto lojtarë të kësaj datëlindje u mbaron mosha. Kam lënë shumë lojtarë pa marrë, si rasti i Çekiçit. Jo sepse nuk ka meritat për të qenë këtu, por sepse nuk ka më perspektivë me ata lojtarë. Nga nëntori do luajmë me të datëlindjes 98’ dhe 99’. Ata të datëlindjes 96’ dhe 97’ që kam marrë tani, i kam marrë për të ekuilibruar ekipin. Nuk mund të luash me Spanjën komplet me datëlindje ’98. Me Italinë kishin tetë lojtarë të kësaj datëlindje”.

OMAR IMERI – “Nuk ishte e vështirë, sapo i thamë ishte i gatshëm për Shqipërinë. Kemi edhe Zejnullahin dhe Shefitin që janë datëlindje ’98 dhe ’99 dhe nuk janë tani. Po vazhduan me të njëjtën formë do vazhdojnë të jenë pjesë e jona”.

LOJTARËT NGA MAQEDONIA – “E kam thënë, kush flet shqip ne e thirrim në kombatëre. Nuk ka problem nëse është shqiptar i Maqedonisë, apo shqiptar i Kosovës. Vendosin vetë ata. Kemi edhe Besir Ramadanin që e kemi marrë nga Shkupi, është i datëlindjes ‘2000. Janë disa lojtarë dhe nuk përbën asnjë problem për ne”.

NDESHJA

Kombëtarja U21 e mbylli pjesën e parë nën disavantazhin e një goli. Golin që zhbllokoi shifrat e ka shënuar mbrojtësi i Parmës, Federiko Dimarko, i cili mposhti Selmanin me një të majtë të fuqishme. Vendasit dominuan gjatë të gjithë minutave, por kuqezinjtë arritën të sprovonin në dy raste portierin  Audero.  Në minutën e 35-të të takimit, trajneri Di Biaxhio zëvendësoi të dëmtuarin Patrik Kutrone edhe pse sulmuesi i Milanit dëshironte të vazhdonte takimin, pavarësisht dhimbjeve që po kalonte.

Në pjesën e dytë të dy trajnerët kryen zëvendësime të shumta dhe kombëtarja jonë filloi të baraspeshonte mbajtjen e topit dhe të bëhej e rrezikshme. Goli i barazimit erdhi në minutën e parë të shtesës me autor Xhakomo Vrionin. Sulmuesi i Venecias shënoi golin e tij të parë në debutimin e tij me fanellën kuqezi.

Fatkeqësisht skuadra e Bushit nuk arriti t’i gëzohej golit të Vrionit, pasi italianët shënuan dy gola të shpejtë në tri minuta me anë të Murxhias dhe Parixhinit

Itali 1 – 3 Shqipëri

Shënues: Dimarko 27? Murxhia 92′, Parixhini 93′ / Vrioni 90′

Italia : Audero; Luperto (Markiza 76’), Dimarko, Mandragora (C), Mançini (Romanja 67’), Depaoli ( Kalabria 56’), Orsolini (Parixhini 67’), Vido (Kasata 36’), Kutrone (Çerri 35?), Lokateli (Murxhia 56’), Pesina. Trajner:

Në dispozicion:Montipo (GK), Skufet (GK), Valzania, Bonacoli,Adxhapong. Trajner: Di Biaxhio.

Shqipëria: Selmani; Tafa, Kumbulla, Hakaj (Ndau) 79’), Kryeziu (Ndreu 86’), Selahi (Zejnullahi 69’), Mucolli (Ramadani 46’), Ademi (Nuriu 86’), Bare (C) (Shefiti 79’), Sulejmanov (Abazaj 46’), Vrioni.

Në dispozicion: Kastrati (GK), Abibi (GK), Maloku, Cuni, Hebaj, Doka. Trajner: A.Bushi

Trajneri i “axurrëve”, Di Biaxho, ka hedhur në fushë që nga minuta e parë një formacion me shumë lojtarë që aktivizohen në Serie A, ku emrat që vlen të veçohen janë ato të sulmuesit të Milanit, Patrik Kutronte dhe mesfushorit Rolando Mandragora, i cili u transferua nga Juventusi te Udineze për 20 milionë euro.

Alban Bushi ka kryer disa ndryshime duke provuar për herë të parë dy ardhjet e reja, Albion Ademi dhe Xhakomo Vrioni, ky i fundit do të përballet sot ndaj ish-kombëtares së tij, pari ka luajtur për shumë vite në grumbullimet e moshave të Italisë.

Italia : Audero; Luperto, Dimarko, Mandragora (C), Mançini, Depaoli, Orsolini, Vido, Kutrone, Lokateli, Pesina.

Në dispozicion:Montipo (GK), Skufet (GK), Kalabria, Pezela, Valzania, Bonacoli, Çerri, Parixhini, Adxhapong, Romanja, Murxhia, Markiza, Kasata. Trajner: Di Biaxhio.

Shqipëria: Selmani; Tafa, Kumbulla, Hakaj, Kryeziu, Selahi, Mucolli, Ademi, Bare (C), Sulejmanov, Vrioni

Në dispozicion: Kastrati (GK), Abibi (GK), Maloku, Nuriu, Ndau, Cuni, Hebaj, Shefiti, Zejnullai, Abazaj, Ramadani, Doka, Ndreu. Trajner: A.Bushi

Dominimi i vendasve vazhdoi gjatë të gjithë pjesës së parë, por portieri Selmani dhe Shtylla mbajtën rezultatin e pandryshuar. Në pjesën e dytë, talenti i Real Madrid, Borja Majoral, shënoi golin e dytë për Spanjollët, ndërsa goli i tretë u shënua në minutën e fundit të takimit me autor të zëvendësuarin Rafa Mir.

Spanja mban vendin e parë me pikë të plota pas 7 ndeshjes, ndërsa kombëtarja shqiptare renditet e parafundit, 5 pikë larg vendit të katërt, kur kanë mbetur vetëm dy ndeshje.

Spanjë 3-0 Shqipëri

Shënues: Soler 5’, Majoral 56’, Mir 90+2’

Shqipëria: Selmani; Maloku, Hakaj, Tafa, Kryeziu; Ramadani,  Seferi (Çekiçi 79’),  Bare,  Abazaj (Sahiti 60’), Doka, Durmishaj (Muçolli) . Tr: Alban Bushi

Spanja: Simon; Mafeo, Zhunior,Mere, Nunjez, Zubeldia, Soler (Mendez 80’), Merino, Fornals, Ojarzabal (Pedraza 66’), Majoral (Mir 76’).  Tr. L.De La Fuente

https://twitter.com/fdefutboleros_/status/1037781020311998465

#VÍDEO | ¡Así ha sido el gol de @RafaMir33 en su debut con la Sub-21! pic.twitter.com/x5OI7Dgjpd

— udlaspalmas.NET (@udlaspalmasNET) September 6, 2018

Spanjollët kryesojnë grupin 2, me 6 fitore në 6 takime, ndërsa kombëtarja renditet në vendin e parafundit me 6 pikë pas 7 takimesh.

Në formacionin e vendasve bien në sy emrat e futbollistëve si Soler i Valencias, Ojarzabal i Sociedad dhe sulmuesi i Real Madrid, Borja Majoral.

Shqipëria: Selmani; Maloku, Hakaj, Tafa, Kryeziu; Ramadani,  Sulejmanov,  Bare,  Abazaj, Doka, Durmishaj.

Tr: Alban Bushi

Spanja: Simon; Mafeo, Zhunior,Mere, Nunjez, Zubeldia, Soler, Merino, Fornals, Ojarzabal, Majoral.

Tr. L.Kastijo

“Kur shikonim se sa i talentuar është Grezda, të gjithë prisnim që ai të shkonte në një stad më lart se Rejnxhërs. Ai është një lojtar që mund të jetë i klasit botëror. Por unë jam i sigurt që ai do të jetë në gjendje ta provojë veten te Rejnxhërsi. Duke ditur cilësitë e tij, ai do të ketë një impakt të madh”, është shprehur Bushi, sikurse raporton “Express.co.uk”.

Më tej ish-sulmuesi ka shtuar: “Ai meritonte një transferim më të madh dhe mendoj se do të bëjë mirë në Skoci. Ai është një lojtar i rëndësishëm për Shqipërinë dhe kur ai luan mirë, ne tentojmë të bëjmë mirë. Erosi ka punuar shumë dhe i uroj atij fat”.

Grezda ka shkëlqyer në Kroaci me Osijekun dhe vetëm pas një viti u shit për rreth 3 milionë euro. Më parë ai kishte qenë pjesë e Lokomotivës së Zagrebit, ku edhe ra në sy për herë të parë, duke fituar edhe një vend në kombëtaren shqiptare.