Alba

Mosha tremb Barcelonën, mbyllen bisedimet me brazilianin

Sport Ekspres — Thu, 11 Jul 2019 12:08:33 +0000

Pozicioni i mbrojtësit të majtë është kthyer në një problematikë te Barcelona. Zhordi Alba është ndër më të mirët në planet në rolin e tij, por “plani B” në rast dëmtimi ose lodhje të spanjollit nuk ekziston që prej largimit të francezit Lukas Dinj.

Një ndër futbollistët me të cilët po negocionin drejtuesit katalanasit ishte braziliani Filipe Luis. 33-vjeçari, tanimë një lojtar i lirë, ishte i interesuar t’i bashkohej kampionëve të Spanjës në një kontratë 2-vjeçare. Megjithatë nuk ka qenë e shkruar që marrëveshje të konkretizohej.

E përditshmja katalanase “Mundo Deportivo”, raporton brazilianit i është bërë e ditur se interesi i Barcelonës për shërbimet e tij nuk ekziston më. Shkak për këtë vendim është bërë mosha e madhe e mbrojtësit që pak javë më vonë do të mbushë 34 vjeç.

Barcelona pritet të investojë te një lojtar i ri në moshë që do të jetë një konkurrent i denjë për Zhordi Albën.

Konkurrencë për Albën dhe Suarez, Barcelona bën gati dy blerje

Sport Ekspres — Mon, 03 Jun 2019 07:47:09 +0000

Zhordi Alba dhe Luis Suarez janë dy ndër lojtarët më të rëndësishëm të Barcelonës. Gjatë sezonit që sapo lamë pas të dy këta futbollistë u aktivizuan në pjesën dërrmuese të ndeshjeve, duke u lënë në shumë pak raste pushim.

Largimet e Lukas Dinj dhe Pako Alkaser nuk u zëvendësuan me prurje të reja, diçka kjo që pritet të ndryshojë gjatë kësaj merakoje vere. Sipas së përditshmes katalanse “SPORT”, drejtuesit e Barcelonës kanë filluar bisedimet për transferimet e Rodrigo Morenos dhe Rafael Guerreiros.

Sulmuesi i Valencias, Moreno, është bindur nga oferta e katalansve, ndërsa tani negociatat po kryhen në rang drejtuesish. 28-vjeçari nuk e ka problem të qëndrojë i dytë në radhë pas uruguaianit Suarez.

Mbrojtësi Guerriero ka vetëm një vit të mbetur në kontratë me Dortmundin. Përveç rolit si mbrojtës i majtë, portugezi është i aftë të luajë dhe si mefushor ose sulmues krahu. Megjithëse dëmtimet e shpeshta janë një disavantazh për 25-vjeçarin, Guerreiro mbetet një lojtar cilësor që ka ende shumë vite karrierë.

Zyrtare: Alba rinovon me Barcelonën, mbyll karrierën në “Camp Nou”

Sport Ekspres — Thu, 28 Feb 2019 15:22:02 +0000

Zhordi Alba dhe Barcelona do të jenë të lidhur edhe për pesë vitet e ardhshme. Mbrojtësi i majtë do të rinovojë deri në vitin 2024. Lajmin e ka konfirmuar edhe vetë klubi katalanas në faqen e tyre zyrtare në “Twitter”. Kontrata aktuale përfundonte në 2020.

Aludime të shumta e kanë lidhur atë me ekipe të ndryshme, ku një prej tyre ishte dhe Juventusi. Gjithsesi, Alba ka përgënjeshtruar gjithçka me deklaratat e tij, duke i shprehur besnikërinë e tij blaugranasve.

Barcelona është më e qetë pas kësaj marrëveshje, pasi ka rinovuar me një nga ”senatorët” e ekipit dhe do ta ketë atë për një kohë të gjatë. Zhordi Alba është 29-vjeç dhe me shumë mundësi kjo do të jetë kontrata e tij e fundit afatgjatë me katalanasit.

[ ? ÚLTIMA HORA]
¡@JordiAlba renueva su contrato con el FC Barcelona hasta el año 2024!
Todos los detalles ? https://t.co/osqUZrPjvB
?? #ForçaBarça pic.twitter.com/VJ3H6vYLMp

— FC Barcelona (@FCBarcelona_es) February 28, 2019

Lajm fantastik për Barcelonën, ylli i skuadrës pranon rinovimin

Sport Ekspres — Mon, 25 Feb 2019 09:57:35 +0000

Prej muajsh drejtuesit e Barcelonës po negocionin për rinovimin e kontratës së mbrojtësit Zhordi Alba. Marrëveshja aktuale e mëngjarashit mbaron në përfundim të sezonit të ardhshëm dhe katalanasit nuk mund t’ia falin vetes që të humbasin shërbimet një lojtari të kalibrit të mbrojtësit të krahut të majtë.

Sipas së përditshmes katalanase “SPORT”, në orët në vazhdim klubi i Barcelonës pritet të dalë me një komunikatë zyrtare ku do të lajmërohet marrëveshje e re midis klubit dhe lojtarit.

Sipas këtij lajmi 29-vjeçari Alba ka pranuar të rinovojë kontratën e tij edhe për dy vite të tjera. Nga kontrata e re futbollisti spanjoll do të përfitojë mbi 10 milionë euro në sezon, një pagë kjo e madhe, por s’duhet të harrojmë se kemi të bëjmë me një lojtar që luan prej një dekade në formacioni titullar të Barcelonës.

Barcelona mbulon me para Zhordi Albën, detajet e kontratës “faraonike”

Sport Ekspres — Sun, 23 Dec 2018 15:39:08 +0000

Është mbyllur më në fund “saga” e negociatave midis Zhordi Albës dhe klubit të Barcelonës. Sipas medies katalanase “RAC 1”, të dyja palët kanë rënë dakord për të nënshkruan një rinovim për pesë vitet e ardhshme.

Falë kontratës së re, 29-vjeçari do të përfitojë nëntë milionë euro në sezon, çka e bën atë mbrojtësin e gjashtë më paguar në botë, pas Serxho Ramos, Marselo, Van Dajk, Dani Alvesh dhe Tiago Silvës.

Alba është një produkt i akademisë së Barcelonës. Pas një eksperience të shkurtër te Valencia mëngjarashi u kthye në vendlindje, ku prej vitesh ka blinduar vendin e titullarit.

Video | “Sytë e tu nuk na shohin”, Pedro dhe Alba festojnë me ironi pas shpërfilljes nga kombëtarja

Sport Ekspres — Mon, 03 Sep 2018 18:33:08 +0000

Lista e parë e Luis Enrikes si trajneri i përfaqësueses spanjolle shkaktoi jo pak surpriza. Tekniku asturian la jashtë përfaqësueses shumë lojtarë me emër të kombëtares “La Roja”, si Alba, Koke dhe Pedro. Përgjigja e lojtarëve ka ardhur, madje nga fusha e lojës.

Pedro dhe Alba gjetën të dy rrugën e rrjetës në takimet me skuadrat e tyre respektive dhe detaji më interesant i golave ishte festimi i tyre identik. Të dy spanjollët mbuluan sytë me duar, duke “thumbuar” kështu drejtpërdrejtë trajnerin e përfaqësueses spanjolle, që me ardhjen e tij në krye të bankinës spanjolle i cilëson lojtarët si pjesë e së shkuarës.

https://www.youtube.com/watch?v=AB42eKULGS0

https://www.youtube.com/watch?v=svWvKbONZzA