Edhe pse është konfirmuar gjithçka, nuk ka ende shifra të sakta rreth vlerës së shitjes dhe afatit të kontratës. 29-vjeçari edhe pse ka qëndruar jo pak në Angli, nuk ka arritur të lërë gjurmë të thella.

Hozelu është prodhim i akademisë së Selta Vigos, ndërsa ka kaluar kohë edhe me të rinjtë e Realit të Madridit. Ka luajtur për ekipe si Hofenheim, Hanover, Ajntrajt dhe Stok Siti.

Sezoni i fundit ishte mjaft i dobët për të, ku regjistroi vetëm 5 ndeshje nga fillimi dhe 16 të tjera të nisura stoli. Numëron 2 gola. Me ikjen e tij, Njukasëll mbetet pa shumë alternativa në sulm. Në skuadër kanë mbetur vetëm Duait Gaile dhe Joshinori Muto.

Ndeshja nisi me një Atletiko mjaft kërkuese, ku që në minutat e para madrilenët kërkuan golin. Përpjekjet e të besuarve të Simeones u shpërblyen në minutën e 25-të, ku Santiago Arias krosoi mirë për Nikola Kaliniç, i cili u tregua i saktë dhe dërgoi në avantazh ekipin e tij. Goli i shënuar nga kroati qëndroi deri në fund të gjysmës së parë, me ekipet që iu drejtuan dhomave të zhveshjes.

Në fraksionin e dytë, Alavesh u fut më e motivuar, teksa dominoi në kontrollin e lojës, por rastet që krijoi nuk u konkretizuan. Nga kjo gjë përfitoi Atletiko, ku në minutën e 81-të ishte Antuan Grizman, i cili shënoi pas një kundërsulmi, me pak fat, pasi topi u përplas fillimisht në shtyllë. Dy minuta nga fundi, ishte momenti dhe për Rodrin, i cili çoi shifrat në 3-0.

Kështu, Atletiko merr një sukses mjaft të rëndësishëm dhe tashmë ngjitet në krye së bashku me Barcelonën në kuotën e 28 pikëve. Katalanasit do të luajnë mbrëmjen e sotme derbin ndaj Espanjol, në një transfertë të vështirë, pasi forma që po kalon kjo e fundit është ndër më të mirat e viteve të fundit për klubin.

Sfida u dominua thuajse krejtësisht nga vendasit në pjesën e parë, të cilët patën disa raste për shënim, por vetëm në minutën e 37-të arritën të konkretizonin me anë të Xhonit. Gjysma e parë e ndeshjes u mbyll me avantazhin e Alavesh.

Në fraksionin e dytë Sevija e shtoi presionin, duke i detyruar vendasit të mbylleshin prapa. Kur duheshin dhe 12 minuta nga fundi i kohës së rregullt, ishte Ben Jeder, i cili shënoi për të vënë baraspeshën. Kështu andaluzianët zbresin në vendin e dytë, pas një javë si të parët, ndërsa Alavesh konfirmohet surpriza e këtij sezoni.

Kur Xhani De Biazi u shkarkua, Alaves renditej në vendin e fundit në klasifikim dhe Abelardo Fernandez mori përsipër një detyrë të vështirë. Në fund ia doli, skuadra e tij shpëtoi nga rënie. Deri këtu gjithçka “OK”, është diçka që e kanë bërë edhe klube të tjera.

Por sot në mëngjes, kur ende ekipet e tjera nuk kanë luajtur, Alavesi është i pari në klasifikim. Nuk ka shpenzuar miliona, por ka një ekip kompakt. Tomas Mina, mesfushor spanjoll, shënoi mbrëmë golin e vetëm dhe të fitores ndaj Selta Vigos në transfertë.

Fitorja e pestë në nëntë javë. Kanë humbur dy ndeshje dhe barazuar dy, për të pasur në renditje plot 17 pikë. Kush e kishte menduar se do të ndodhte diçka e tillë! Nuk është se kanë ndonjë mbrojtje blind, pasi kanë pësuar 8 gola. Tre prej tyre ia ka shënuar Barcelona.

Sa i takon golave të realizuar, 12 herë e kanë gjetur rrugën e rrjetës lojtarët e Alaves. Shënuesi më i mirë është Ibai Gomes, mesfushori 28-vjeçar që më parë ka qenë pjesë e Athletik Bilbaos. Ai ka shënuar tre gola.

Pina, Garsia, Burgui dhe Torres janë lojtarët e tjerë të mesfushës që kanë shënuar nga një gol. Kaleri dhe Sobrino janë sulmuesit kryesorë dhe kanë realizuar nga dy herë. Edhe Baston ka provuar shijen e golit, për të plotësuar totalin e atyre që ka shënuar Alaves.

Sigurisht, Abelardos tani nuk mund t’i kërkohet titulli kampion. Deri më tani puna e tij është shumë e mirë dhe rezultatet janë ato që flasin më së miri. Reali, Atletiko dhe Barcelona janë poshtë tyre në renditje. Diçka e tillë nuk ndodh çdo ditë…

Një Real që zbriste në fushë me synimin e vetëm, daljen nga kriza e rezultateve të ndeshjeve të fundit. Por fusha duket se tregoi tjetër gjë, teksa madrilenët u dukën shumë të paqartë në lojën e tyre dhe nuk arritën të konkretizonin rastet e tyre.

Pjesa e parë ishte më e mirë për të besuarit e Lopeteguit, ndërsa në fraksionin e dytë, ishin thuajse inekzistent në krijimin e rasteve. Atëherë kur të gjithë menduan një barazim të bardhë 0-0, në një goditje nga këndi, ishin vendasit e Alavesh që pak sekonda para fundit arritën të shënonin golin e fitores. Reali vijon krizën dhe paqartësinë para portës, teksa stoli i Lopeteguit duket se po fillon të lëkundet.

Më herët janë luajtur dhe dy sfida të tjera të vlefshme për javën e tetë. Eibari ka triumfuar në transfertën e vështirë të Gironës me shifrat 2-3, teksa një gol i Serxhi Enrik në minutën e 72 i dhuroi fitoren. Ndërkohë fitore dhe për Levanten e Armando Sadikut, me sulmuesin tonë që është ende i dëmtuar. Ishte një supergol i Enis Bardhit që i dha fitoren minimale Levantes në fushën e Getafes.

Dje ka ardhur dhe reagimi i klubit spanjoll. Në një prononcim për medien spanjolle “Gasteiz Hoy”, pala spanjolle është mbrojtur duke thënë: Transfertën e Çinarit e mbyllëm me bordin e mëparshëm të Vllaznisë. I gjithë dokumentacioni jonë është tërësisht i rregullt, nuk është bërë asnjë shkelje ligji, ndërsa paratë i depozituam në llogarinë që na u dha nga kontaktet zyrtare me bordin e vjetër të Vllaznisë”.

Nga deklarata e spanjollëve, nënkuptohet qartë që ata ia hedhin fajin për “lëmshin” e krijuar në këtë transferim, punonjësve të mëparshëm të skuadrës shkodrane. Në prononcimin e tyre, përfaqësuesi i Alavesh thotë se është i bindur se dhoma e zgjidhjes së konflikteve në FIFA do t’i japë të drejtë klubit të tij.

“Sport Ekspres” mëson se klubi i Vllaznisë është paditur nga FIFA për çështjen “Çinari”. Lojtari në fjalë u transferua në Spanjë tek Alaves, por pasi u prezantua atje u huazua për një vit tek skuadra e NK Istras në Kroaci.

Debutimi i anësorit ende nuk ka ardhur, pasi klubi shkodran pretendon se transferimi i lojtarit është i parregullt dhe kërkon të përfitojë nga ky kalim. Leja e kalimit nuk ka shkuar në Kroaci dhe në të tilla kushte edhe debutimi i 21-vjeçarit nuk ka ardhur ende.

Situata është përshkallëzuar dhe mësohet se kjo situatë do të zgjidhet vetëm në FIFA. Klubi i lojtarit do ta ketë sa më parë në dispozicion sulmuesin. Vllaznia tani duhet të mendojë për një tjetër gjyq, krahas të gjitha problemeve të tjera që ka. Një situatë aspak e mirë, por duket se kjo ishte rruga e vetme për t’i dhënë zgjidhje kësaj situate. Mbetet për t’u parë se çdo të ndodhë tani.