Por drejtuesit e Napolit e refuzuan, duke thënë se Alan kushton 100 milionë euro. Tani në merkaton e verës, PSG do të ketë më shumë kohë që të gjejë një akord me skuadrën napolitane dhe Alan mund të kalojë në Paris për një shumë rreth 65-70 milionë euro.

Shtatshkurtri është një lojtar shumë cilësor dhe ka qenë shtylla e mesfushës së Napolit për shumë sezone. Pasi humbën Zhorzhinjon, të kaltrit nuk duan të humbasin një tjetër mesfushor, por paratë e PSG-së po tundojnë së tepërmi drejuesit, që me shumë gjasa do të dorëzohen.

Drejtuesit e kampionëve të Francës kanë hedhur sytë nga Seria A. Siç raporton “Corriere dello Sport”, objektivi i tyre luan me Napolin dhe është Alan. Braziliani është një nga pikat më të forta të mesfushës së Ançelotit dhe një idhull i tifozërisë.

Huan Manuel Gemeli, agjenti i 27-vjeçarit, ka qenë në Romë ditët e fundit në shoqërinë e dy personave të tjerë dhe i ka paraqitur Kristiano Xhuntolit, drejtorit sportiv të Napolit, ofertën prej 50 milionë eurosh të PSG. Përgjigja e drejtuesit të Napolit ka qenë një jo kategorike.

Italianët as që kanë ndërmend të heqin dorë nga shërbimet e Alan dhe kanë refuzuar ofertën prej 50 milionë eurosh. Megjithatë, merkato është gati të nisë dhe PSG pritet të rrisë ofertën e saj. Napoli po reziston dhe nga ana tjetër ka gati alternativën e Alan, i cili është Nikolo Barela i Kaljarit.

Një lumturi e madhe për 27-vjeçarin, i cili tregon emocionet e tij për ftesën e Brazilit, ndërsa në fund bën dhe një krahasim mes Sarrit dhe Ançelotit. Të dy janë fantastikë dhe e kanë ndihmuar Alan të përmirësohet, por Karleto është special dhe trajneri me të cilin të gjithë do të dëshironin të punonin.

“Po përjetoj një ëndërr. Të jesh pjesë e një kombëtareje me kaq shumë kampionë është një vlerësim shumë i madh i asaj që kam bërë në karriere deri më tani. Shpresoj ta shfrytëzoj në maksimum këtë mundësi dhe të demonstroj progresin tim si lojtar. Të jem sot këtu, më shtyn të përmirësohem më shumë. Pas shtatë vitesh në Itali, mes Udinezes dhe Napolit, jam pjekur shumë, duke kaluar dhe momente shumë të vështira. Jam një tjetër krahasuar me atë që isha, kur erdha nga Brazili. Jam i emocionuar të jem pjesë e këtij grupi me lojtarë të nivelit të lartë.”

“Kohët e fundit shpresoja të thirresha në çdo grumbullim të “Selecao”-s dhe mezi kam pritur. Trishtohesha kur nuk shikoja emrin tim në listë, por ngushëlloja veten me faktin që te Brazili ka shumë lojtarë me kualitet të lartë nëpër botë dhe më duhej të jepja akoma më shumë. Kur pashë emrin tim në listë, festova shumë gjatë me familjen. Realizova aspiratën më të madhe të një futbollisti. Tani shpresoj që e gjitha kjo të jetë një pikë nisje”, komenton mesfushori napolitan.

“Me Sarrin luanim 4-3-3 dhe unë aktivizohesha në krahun e djathtë të mesfushës. Me Ançelotin luajmë 4-4-2, por ajo që ka me të vërtetë rëndësi është të japësh maksimumin. Nuk ka rëndësi moduli dhe roli. Ançeloti është një person i mrekullueshëm, një trajner me të cilin do të donte të punonte çdo lojtar. Ai është inteligjent, i qetë, tenton gjithmonë të na ndihmojë, pa bërtitur kurrë. Grupi është i gjithi me të. Sarri ishte pak më i mbyllur dhe i shqetësuar, por të dy janë njerëz fantastikë, të cilët më kanë ndihmuar shumë. Unë te Italia? Kam lexuar një gjë të tillë, por ju garantoj se nuk kam patur asnjë kontakt dhe askush nga Federata Italiane nuk ka komunikuar me mua”, përfundon mesfushori 27-vjeçar i Napolit.

Davide Ançeloti, djali i Karlos dhe zëvendësi i tij, ka folur pas fitores, duke vlerësuar shumë paraqitjen e ekipit dhe fitoren e arritur. Në të njëjtën linjë qëndron dhe mesfushori Alan, i cili mendon se fitorja erdhi në momentin e duhur dhe ekipi duhet të shohë përpara.

ANÇELOTI – “Zëvendësimet i vendosim së bashku, edhe pse vendimin final e jep Karlo. Stafi teknik analizon ndeshjen dhe bën propozimet. Është e vërtetë që donim shtyrjen e ndeshjes. Fusha nuk na favorizonte, pasi ishim në disavanatazh dhe nuk mund të luanim futbollin tonë. Vendosëm të ndryshonim mënyrën e lojës dhe të sulmuarit, duke sjellë në shtëpi tre pikë të rëndësishme, që na bëjnë krenarë.”

ALAN – “Ky sukses i ardhur në këtë mënyrë vlen më shumë se tre pikë. Ishte një fitore e vuajtur në një fushë të vështirë për të luajtur, ndikuar dhe nga shiu. Fituam dhe kjo është e rëndësishme, që na jep qetësi përpara pushimit. Milan-Juve? Do të jetë një ndeshje e bukur për t’u parë, por nuk duhet të mendojmë më shumë, sepse ka dhe shumë ndeshje për t’u luajtur. Duhet të mendojmë vetëm për veten tonë dhe të shohim përpara.”

“Seleçao” vazhdon të mbetet një ëndërr për të. Në një intervistë të gjatë për “Radio Kiss Kiss”, braziliani foli për herë të parë mbi këtë çështje. “Tite është një trajner që i jep mundësi çdo lojtari pavarësisht se ku luan. Ai ka përzgjedhur futbollistë nga kampionati kinez dhe nga ai brazilian, kështu që i them të hedhë sytë edhe këtej nga Itali”, tha 27-vjeçari.

Një opsion për Alan është ajo çka bëri bashkëkombësi i tij Zhorzhinjo, i cili tani është pjesë e përfaqësueses “axurre”. Mesfushori punon prej gjashtë vitesh në Itali dhe ka përmbushur kushtet për natyralizim, pajisja me pasaportën italiane për të është vetëm çështje ditës, por siç duket Alan beson se atij do t’i vijë shansi për të përfaqësuar Brazilin.

Titulli – “Po përpiqemi për të vënë në praktikë sa më shpejt të jetë e mundur, atë që na kërkon Ançeloti. Nuk duhet të mendojmë titullin, por duam ta nisim sa më mirë dhe ti marrin ndeshjet me radhë. Nëse më vonë do të jemi në një pozicion të mirë në renditje, titulli do të bëhet një prej objektivave tonë.”

CR7 – “Ardhja e tij në Itali rrit ndjekjen e kampionatit dhe na shton motivin për të konkurruar. Sigurisht që është e rëndësishme të kesh në Itali lojtarin më të mirë të pesë viteve të fundit dhe ky fakt demonstron që klubet po rikthehen të shpenzojnë, sepse duan të luftojnë për trofe. Ronaldo rrit kualitetin e Juventusit, por një futbollist nuk mund të fitojë titullin i vetëm. Ne mendojmë për veten tonë dhe do të mundohemi të rivalizojmë me Juven.”

Milanezët – “Milan dhe Inter kanë kaluar momente të vështira, por kanë investuar shumë dhe po rikthehen në luftën për vendet e para. Kjo është diçka e mirë për kampionatin, që rikthehet të jetë kompetitiv si dikur dhe spektakli do të rritet.”

Brazilianët e Napolit – “Kareka dhe Alemao kanë fituar tituj me këtë bluzë, kanë shkruar historinë dhe unë dua të ndjek hapat e tyre. Zhorzhinjo ishte një futbollist shumë i rëndësishëm për ne, por ai zgjodhi të largohet dhe ne do mundohemi ta zëvendësojmë atë me djemtë e tjerë që kemi në ekip. Kemi një kontingjent lojtarësh shumë të mirë që do të na ndihmojë të bëjmë një kampionat të madh. Kam shtatë vite në Itali dhe mund të ndihmoj ekipin me eksperiencën time. Kam nisur sezonin e katërt me Napolin dhe siç jemi përmirësuar këto vite, të njëjtën gjë do të bëjmë dhe sivjet. Do të punoj fort që të ndihmoj Napolin që të luftojë për vendet e para të kreut”, përfundon braziliani i Napolit.