Al-Khelaifi

PSG fillon largimet, zyrtarizohen dy të parat

Sport Ekspres — Fri, 14 Jun 2019 16:27:32 +0000

PSG ka zyrtarizuar ditën e sotme dy largime nga strukturat e klubit. Sulmuesi 19-vjeçar Musa Diabi është transferuar te Bajern Leverkuzen. Klubi gjerman ka paguar 15 milionë euro për të blerë kartonin e talentit të dalë nga akademia e kampionëve të Francës.

???

We wish Moussa Diaby all the best as he joins @bayer04_en ??#MerciMoussa pic.twitter.com/sSKQuz4P28

— Paris Saint-Germain (@PSG_English) June 14, 2019

Largimi i dytë ka prekur kupolën e drejtuesve të PSG-së. Bëhet fjalë për drejtorin sportiv, Antero Henrike, i cili ndërpreu me konsensus kontratën me klubin ku punonte prej dy vitesh. Pasuesi i Henrikes pritet të jetë braziliani Leonardo që do të rikthehet pas 8 vitesh në këtë pozicion.

Antero Henrike (majtas) së bashku me presidentin Al-Kelaifi dhe trajnerin Tomas Tuhel

Al-Khelaifi vendos për Tuhel, Markinjos: Të hamë ku kemi dh****!

Sport Ekspres — Thu, 07 Mar 2019 09:34:55 +0000

PSG përjetoi një mbrëmje plot ankth dhe dëshpërim. Kampionët e Francës u nxorrën jashtë Champions Ligës nga një Mançester Junajtid gjysmak si pasojë e mungesave të mëdha dhe heroic sa i përket dëshirës së madhe.

Anglezët fituan 3-1 në Francë, duke përmbysur humbjen 0-2 të ndeshjes së parë. Markus Rashford u tregua gjakftohtë në penalltinë e minutave shtesë dhe dërgoi “Djajtë e Kuq” të Solskjaerit në çerekfinale.

Mbrojtësi Markinjos nuk kërkon të fshihet dhe fton ekipin që të tregohen burra. Braziliani nuk përdori alibi në prononcimin pas humbjes së dhimbshme dhe sipas tij është momenti për të ulur kokën dhe për të heshtur.

“Luajtëm një ndeshje të pafalshme. Ne duhet të analizojmë, mendojmë dhe të tregohemi burra. Është një moment shumë i vështirë. Duhet të jepnim gjithçka në fushën e blertë. Tani mori fund dhe nuk mund të themi që ‘ti duhet të bëjë këtë, ti tjetri duhet të bëjë atë’. Mendoj se është momenti më i mirë për të mos folur shumë. Siç themi në Brazil, është koha për të ngrënë aty ku kemi dhj…. Duhet të vazhdojmë të punojmë”, komenton mbrojtësi 24-vjeçar.

Një koment për eliminimin ka bërë dhe Naser Al-Khelaifi. Presidenti i PSG konfirmon trajnerin Tuhel, por dëshiron të mësojë dhe dëshirën e tij. Kreu i klubit nuk kërkon të nxitohet, pasi të gjithë janë të ngarkuar emocionalisht. Të marrësh vendime në një situatë të tillë nuk është diçka pozitive, ndërsa vë theksin te goli i parë i pësuar nga Junajtid, pas vetëm dy minutash lojë.

“Unë vazhdoj të kem besim te trajneri. Nuk duhet të veprojmë tani që humbëm një ndeshje. Më duhet të shoh vendimin e tij, nëse ai dëshiron të ndryshojë apo jo. Duhet të marrim vendime në momente të qeta dhe ky nuk është momenti. Duhet të përpiqemi që të qetësohemi. Duhet të kuptojmë dhe dëshirën e trajnerit. Është shumë e rëndësishme. Junajtid shënoi shumë shpejt dhe e ndjeja se lojtarët u mbushën plot dyshime. Megjithatë, janë shumë gjëra për t’u analizuar”, theksoi presidenti i PSG për “L’Equipe”.

Largimi i mundshëm i Nejmar apo Mbape, Al-Kelaifi shuan pikëpyetjet

Sport Ekspres — Sat, 23 Feb 2019 10:05:56 +0000

PSG njihet si një ndër klubet që shpenzon më së shumti në merkato, ku mjafton të përmendim faktin që blerja më e shtrenjtë në historinë e futbollit mban “firmën” e tyre, teksa transferimi i Nejmar në Paris pati një kosto prej 222 milionë eurosh.

Gjithashtu, shumë të çmendur pati edhe operacioni i transferimit të Kilian Mbape, i cili u ble nga Monako. Të dy këto lojtarë janë përmendur shpesh për një largim të mundshëm nga Parisi. Arsyeja e spekulimeve është pikërisht “Fair-play financiar”.

Gjithsesi, lidhur me këto lajme, ka folur presidenti i kryeqytetasve francez. Naser Al-Kelaifi ka thënë për “Le Parisien”, se Nejmar dhe Mbape do vazhdojnë të jenë lojtar të PSG-së.

“Siguria nuk është 100%, por 2000% ! Nejmar dhe Mbape do të qëndrojnë në Paris. Shumë media, sidomos në Francë, kanë raportuar se ne do të shesim njërin ose të dy për shkak të Fair-playt financiar, por kjo gjë nuk është e vërtetë. Dua të konfirmoj që Nejmar dhe Mbape do të qëndrojnë.”