Al Hilal

VIDEO | Xhovinko nuk resht së mahnituri, pas Amerikës e bën në Azi

Sport Ekspres — Wed, 24 Apr 2019 11:10:23 +0000

Sebastian Xhovinko zgjodhi të ndahej shpejt me futbollin evropian, megjithatë ndoshta ka bërë mirë. Italiani shpërthyes u largua nga Juventusi në vitin 2015 për t’u bashkuar me Toronton në Kanada. Pas eksperiencës katër vjeçare në kontinentin amerikan ai zgjodhi të kalojë në klimën e nxehtë të Arabisë Saudite me klubin Al-Hilal.

Mbrëmë italiani i dha fitoren arabëve në kompeticionin e Champions League në Azi. Ai shënoi një supergol, që bashkë me triumfin e skuadrës së tij, regjistroi edhe një rekord, që nuk e ka arritur askush më parë. Xhovinko është i pari lojtar që ka shënuar në tre kompeticione të mëdha kontinentale në Evropë, Amerikë dhe së fundmi në Azi.

32-vjeçari ka shënuar dy gola në Championsin evropian me Juventusin, katër të tillë me Toronton në Amerikë dhe një me Al-Hilal në Azi. Rekord ky, që vështirë se mund të arrihet nga dikush tjetër. Xhovinko është gjithashtu edhe futbollisti i dytë italian më i paguar, pas Graciano Pele, që luan në Kinën e largët.

Sebastian #Giovinco scored his first AFC Champions League goal today. Powerful strike from the #AtomicAnt to lead #AlHilal to 1-0 win over Esteghlal, keeping them top of their group with 9 points from 4 games.#HILvEST #ACL2019 ??? pic.twitter.com/SQffT9ll5m

— Joga Bonito (@Jasoninho10) April 23, 2019

VIDEO | Festë unike dhe goditje me këpucë, portieri arab nuk përmbahet!

Sport Ekspres — Wed, 27 Mar 2019 12:25:43 +0000

Një episod i veçantë ka ndodhur në kampionatin saudit të futbollit. Kryesuesit e Al Hilal prisnin në shtëpi ekipin e Ohodit, që renditet në vendin e fundit. U mendua se vendasit, të cilët kanë në përbërje emra si Xhovinko dhe Gomis, nuk do të hasnin probleme për të siguruar fitoren, por futbolli është i paparashikueshëm.

Ndeshja e zhvilluar ditën e shtunë përfundoi në barazim pa gola, me portierin mik që ndali të gjitha sulmet e Al Hilal. Ky i fundit shpërtheu në festë në fund. Abdullah Al Oaisher bëri “kërcimin e krimbit”, ndërsa tifozët nisën t’i gjuanin me shishe dhe këpucë. Dikush ndërhyri shpejt dhe e largoi portierin nga fusha pas irritimit të madh të tifozëve vendas.

Shkaku i këtij festimi? Al Oaisher është pjesë e Al Nasr, ekipit që renditet dy pikë poshtë Al Hilalit në kampionatin e Arabisë Saudite. Ai është huazuar tek ekipi i Ohodit dhe me pritjet e tij ka rikthyer shokët në garën për titull.

Të premten zhvillohet dhe beteja e madhe e titullit. Al Nasr pret në shtëpi ekipin e Xhovinkos dhe një fitore e mundshme do bënte të mundur ndërrimin e vendeve në renditje.

Goalkeeper of Ohod, bottom of table in Saudi Arabia celebrates a clean sheet against leaders Al Hilal by doing the worm while opposing fans throw bottles and shoes at him. pic.twitter.com/RfzHDJ7K47

— Milk The Bookies (@MilkTheBookies) March 26, 2019

VIDEO | Goli më i çuditshëm vjen nga Arabia Saudite

Sport Ekspres — Sat, 09 Feb 2019 11:12:36 +0000

Në futboll, shpesh kemi parë gola nga më të ndryshmit, teksa është normale që ato që kanë realizime të bukura mbeten në memorie. Gjithsesi, janë edhe disa gola të veçantë, që shpesh bëjnë shumë përshtypje, për mënyrën e çuditshme të realizimit, si rasti që ka ndodhur nga Arabia Saudite.

Në sfidën e luajtur mes Al Batin dhe Al Hilal, e vlefshme për Ligën e parë të Arabisë Saudite, është shënuar një ndër golat më të çuditshëm të historisë së futbollit. Në minutën e 25-të Al Batin, shënuan, duke barazuar kryesuesit e Al Hilal, ku autor i golit ishte Xhonatan.

Sulmuesi i Al Batin u gjend i lirë në zonë dhe i vetëm me portierin gaboi, teksa në momentin që goditi topin u rrëzua. Gjithsesi, pavarësisht se ishte i rrëzuar, braziliani arriti të shtang gjithë mbrojtjen e Al Hilal, duke goditur i shtrirë dhe duke çuar topin në rrjetë. Një gol mjaft i veçantë nga Arabia e largët.

Nice goal in the Saudi League today from r/soccer