Al Duhail

Hidetoshi Nakata hap krahun, njihuni me japonezin që kushton 35 milionë euro

Sport Ekspres — Mon, 04 Feb 2019 10:20:52 +0000

Për gati dy dekada rekordi i Hidetoshi Nakatës si lojtari më i shtrenjtë aziatik ka ngelur i paprekur. Ish-lojtar i Romës u ble nga verdhekuqtë në vitin 2001 për 29 milionë dollarë, një shumë kjo që ka qenë më larta e paguar ndonjëherë për një futbollist aziatik, deri ditën e djeshme.

Futbollisti që ka thyer rekordin e Nakatës është një emër që shumë pak prej jush mund ta njohin. Shoxha Nakaxhima, sulmuesi i ekipit portugez të Portimonenses është lojtari aziatik më i shtrenjtë në planet, pasi për të janë paguar plot 35 milionë euro.

Blerësi është ekipi i kampionatit të Katarit, Al Duhail, i njëjti klub që pak ditë më parë bleu nga Juventusi mbrojtësin marokene Mehdi Benatia. 24-vjeçari japonez luante prej dy vitesh në Portugali, ku në sezonin e parë kishte regjistruar 10 gola dhe 12 asiste, ndërsa në të sezonin aktual Nakaxhima kishte shënuar pesë gola dhe gjashtë asiste në 13 ndeshe. Për lojtarin kishte interes dhe nga pala angleze Ulverhempton, por transferimi në Premier League dështoi për shkak të kërkesave të larta të klubit portugez.

Falenderime dhe tifozllëk, Benatia: Ishte kënaqësi, shihemi në… Madrid!

Sport Ekspres — Tue, 29 Jan 2019 10:11:25 +0000

Medi Benatia nuk është më një futbollist i Juventusit. Mbrojtësi do të transferohet në Katar aty ku do të vazhdojë karrierën me ekipin e Al Duhail.

10 milionë euro kanë shkuar në arkat e bardhezinjve, që kanë ofruar menjëherë Kaseres nga Lacio për të zëvendësuar 31-vjeçarin maroken.

Benatia ka postuar një mesazh lamtumire në “Twitter”, ku nuk i kursen fjalët e mira për Juventusin. Ai do të jetë i pranishëm në Madrid për të ndjekur nga afër duelin e Champions Ligës, Atletiko Madrid-Juventus dhe për të bërë tifozllëk për shokët e tij.

“Ju falënderoj të gjithëve, ishte një kënaqësi e madhe. Shpresoj të vij në Madrid për të bërë tifo për ju, pasi ky Juventus e meriton”, shkruan qendërmbrojtësi.

Grazie a tutti voi ??e stato in immenso piacere !spero di potere venire a Madrid a tifare per voi ????questa juve se lo merita ??

— MBenatia5 (@MedhiBenatia) January 28, 2019

Refuzoi Mançesterin për Katarin, habit mbrojtësi i Juventusit

Sport Ekspres — Sat, 26 Jan 2019 12:11:52 +0000

Te Juventusi ka nisur merkatoja në dalje, teksa lojtarët e pakënaqur kanë bërë gati valixhet. Një ndër më të pakënaqurit në kampin bardhezi është Medhi Benatia, i cili do të largohet drejt Al Duhail në Superligën e Katarit.

Sipas raportimeve të fundit nga Italia, mbrojtësi thuhet se ka refuzuar dhe një ofertë të Mançester Junajtid. Djajtë e kuq kishin rënë dakord me Juventusin për 10 milionë euro, por marokeni nuk pranoi 3.7 milionë eurot e ofruara në sezon, ku kërkonte së paku 4.5 milionë.

Në ekipin e tij të ri në Katar, 31-vjeçari do të përfitojë plot 5 milionë euro, plus bonuset. Në arkat e Juventusit do të kalojnë 10 milionë euro dhe ditën e sotme pritet të zyrtarizohet gjithçka.