Aksident

Humb jetën punëtori i “Arenës Kombëtare”, policia nis hetimet

Sport Ekspres — Sun, 31 Mar 2019 00:00:35 +0000

Një ngjarje me pasojë vdekjen e një punëtori ka ndodhur paraditen e së shtunës në ambientet e kantierit të stadiumit “Arena Kombëtare”.

Shtetasi me iniciali N.I ka humbur jetën pas plagëve të marra nga rënia nga lartësia. Në një njoftim të Drejtorisë Vendore të Policisë së Tiranës është bërë me dije se instancat shtetërore po punojnë për zbardhjen e plotë të kësaj ngjarje.

NJOFTIMI I POLICISË

Tiranë/Informacion paraprak

Gjatë paradites të sotme shtetasi N. I., 40 vjeç duke punuar në ambientet e një stadiumi aksidentalisht dyshohet të ketë rënë nga lartësia dhe është transportuar në gjendje të rëndë shëndetësore për ndihmë mjekësore në spital.

Disa orë më vonë shtetasi N. I., ndërroi jetë në spital si pasojë e dëmtimeve të marra.

Policia po punon për zbardhjen e plotë të rrethanave të ngjarjes

VIDEO | Aksident i frikshëm në “Africa Eco Race”, mrekullisht pa të lënduar

Sport Ekspres — Wed, 09 Jan 2019 22:14:03 +0000

Etapa e shtatë e garës “Africa Eco Race” nuk kaloi pa aksidente. Dy automjete u përplasën me shpejtësi të lartë vetëm pak metra larg vijës së finishit. Francezi Dominik Lore dhe rusi Sergei Kuprianov ishin dy pilotët që u përfshinë në aksidentin e frikshëm.

https://twitter.com/rallyjef/status/1083035860675805184

Pilotët ishin përshkruar 481 kilometra dhe në metrat e fundit rusi Kuprianov tentoi të bënte një manovër të rrezikshme për të kaluar rivalin francez. Mrekullisht të dy garuesit shpëtuan me dëmtime të vogla.

Gjithsesi për garuesin francez Dominik Lore gara ka përfunduar si mos më keq, pas tani e gjen veten të eliminuar nga gara, teksa mbante kreun e klasifikimit.

Tragjedi në Ekuador, 12 tifozë viktima të aksidentit rrugor

Sport Ekspres — Tue, 14 Aug 2018 08:24:40 +0000

Futbolli ekuadorian është në ditët më të errëta dhe kjo për shkak të një aksidenti tragjik që u ka marrë jetën 12 tifozë të ekipit të Barcelonës, skuadër kjo më e suksesshmja në vend.

Tragjedia ndodhi kur autobuzi i mbushur me tifozë po kthehej nga ndeshja kundër Deportivo Kuensës, që përfundoi me shifra të barabarta 1-1.

Një parakalim i gabuar, rezultoi fatal. Përveç 12 viktimave, 30 persona të tjerë u plagosën.

Aksidentoi për vdekje këmbësorin, gjykata “përkëdhel” mesfushorin e Shalkes

Sport Ekspres — Wed, 01 Aug 2018 13:11:33 +0000

Futbollisti maroken i Shalkes, Amin Harit, është përfshirë në një skandal që ka bërë xhiron e botës pas daljes së vendimit të gjykatës për përfshirjen e tij në një aksident rrugor me pasojë vdekjen e një këmbësori në qytetin e Marrakeshit më datë 6 korrik.

Gjykata marokene vendosi ta gjobisë lojtarin e Shalkes me një gjobë 780 euroshe, shifër kjo tërësisht qesharake duke marrë parasysh faktin se Harit ishte duke drejtuar automjetin e tij me një shpejtësi mbi normat e lejuara.

Harit nuk është i vetmi lojtar që ia ka hedhur paq drejtësisë pas përfshirjes në aksidente rrugore me pasoja fatale. Dy raste të tjera të njohura janë dhe ato të ish-sulmuesit të Ajaksit e Barcelonës Patrik Klajvert, si dhe mbrojtësi i majtë i Çelsit Markos Alonso.