Aksel Vitsel

Trajneri i Belgjikës analizon merkaton: Blerjen më të volitshme e ka bërë Dortmundi

Sport Ekspres — Thu, 18 Oct 2018 09:49:21 +0000

Tekniku i kombëtares belge Roberto Martinez i ka thurur elozhe mesfushorit Aksel Vitsel, duke e konsideruar transferimin e tij nga kampionati kinez te Borusia Dortmund në Gjermani si transferimin më të goditur të merkatos së verës.

“Për mua transferimi i Vitsel është lëvizja më e zgjuar e merkatos së verës. Ai u ble nga Dortmundi për 20 milionë euro, një shumë kjo që në futbollin e sotëm mund të konsiderohet si normale. Efekti i tij në lojën e skuadrës është lehtësisht i dallueshëm. Nuk kisha dyshim se ai do bënte diferencën në atë ekip”, tha trajneri spanjoll.

Vitsel ka qenë një titullar i padiskutueshëm te Borusia në këtë fillim sezoni. Skuadra e drejtuar nga zvicerani Lusien Favre ndodhet në krye të tabelës së Bundesligës me 17 pikë të grumbulluara pas shtatë ndeshjes, ku janë të pamposhtur me pesë fitore dhe dy barazime.

Kontrata me kinezët bllokon Vitselin, Dortmundi i drejtohet FIFA-s

Sport Ekspres — Wed, 01 Aug 2018 15:05:47 +0000

Transferta Aksel Vitsel te Borusia e Dortmundit ishte thuajse një fakt i kryer, por së fundmi mediet gjermane bëjnë të ditur se klubi kinez Tianzhin Kuanzhian, që zotëron kartoni e mesfushorit belg ka bërë një lëvizje 180 gradë duke bllokuar transferimi e 29-vjeçarit.

Por, historia nuk mbylllet me kaq, pasi klubi gjerman po mendon t’i drejtohet FIFA-s, sepse sipas tyre pala kineze po luan një lojë të pisët, pasi ata thjesht po aktivizojnë klauzolën e largimit që është vendosur në shumën 20 milionë eurove.

Drejtuesit e Tianzhinit kërkojnë që të përfitojnë më shumë për kartonin e Vitselit dhe për këtë kanë hapur “ankandin” ku po marrin pjesë disa klube angleze të cilat janë të gatshme të paguajnë më shumë se 20 milionë për kartonin e titullarit të kombëtares belge. Tani çështja Vitsel pritet të shkojë në zyrat e FIFA-s, nga ku do të vendoset se kush ka të drejtë.

Klauzola aspak problem, Dortmund kërkon mesfushorin e Belgjikës

Sport Ekspres — Tue, 31 Jul 2018 13:50:02 +0000

Merkato në Kinë për Borusian e Dortmundit. Gjermanët kërkojnë një mesfushor për përforcimin e skuadrës dhe objektivi i tyre është Aksel Vitsel. Lojtari i kombëtares belge aktivizohet me Tianjin Kuanjan dhe është gati për t’u rikthyer në Europë. Ai dëshiron të jetë sa më afër shtëpisë, por e tundon dhe ideja për të luajtur në “Champions League”.

Klauzola e mesfushorit 29-vjeçar është 20 milionë euro dhe drejtuesit e Borusias janë gati për të paguar një shumë të tillë. Vitsel zhvilloi një Botëror cilësor dhe ishte vetëm një hap larg finales së madhe me Belgjikën e tij. Në fund e mbyllën të tretët duke fituar medaljen e bronztë.

Trajneri i Tianjin, Paulo Soza, në konferencën e shtypit para ndeshjes së nesërme përballë Shangai SIPG, u shpreh se nuk ka dijeni për largimin e mesfushorit dhe e pret atë të kthehet nga pushimet. Diçka e tillë vështirë të ndodhë, pasi Dortmund e ka vendosur të paguajë 20 milionë euro dhe Vitsel është gati për të ndërruar kontinent.