akhmat

VIDEO | Roshi i jep fund pritjes 1-vjeçare, shënon në Rusi

Sport Ekspres — Mon, 05 Aug 2019 19:16:57 +0000

Odise Roshi i ka dhënë tri pikët skuadrës Ahmat Groznit në takimin e sotëm kundër Orenburg, ku skuadra çeçene fitoi me rezultatin 2 – 1. Roshi shënoi golin e fundit të ndeshjes duke shfrytëzuar një harkim të rusit Harin.

https://www.instagram.com/p/B0ywHJKD912/?igshid=1qs3xlfborgij

Me këtë finalizim Roshi i dha fund një pritje më shumë se 1-vjeçare. Goli i fundit i fierakut datonte më 17 maj të 2018-ës. Sigurisht në këtë statistike të keqe ndikoi dëmtimi i rëndë i pësuar në gju prek të cilit 28-vjeçari qëndroi për gati 8 muaj larg fushave të blerat.

Në ndeshjen e sotme Roshi u aktivizua si rezervë duke zëvendësuar në fillim të pjesës së dytë shqiptarin tjetër të Ahmatit, Bernard Berisha.

Flamuri i Kosovës tërbon Serbinë, klubi i Berishës bie pre e presionit politik

Sport Ekspres — Fri, 05 Apr 2019 19:56:19 +0000

Ahmat Arena është stadiumi i ekipit rus të Ahmat Groznit, ku luajnë Bernard Berisha, Odise Roshi dhe Bekim Balaj. Ky klub ka traditë të vendosë në stadium flamujt e të gjitha vendeve nga vijnë lojtarët e tij. Mes flamujve të ndryshëm qëndron edhe ai i Kosovës për nder të Bernard Berishës.

Ky fakt ka ngjallur reagimin e ambasadorit serb në Rusi. Ai e sheh të habitshme vendosjen e flamurit të Kosovës në stadiumin rus. Duhet të përmendim që dy shtetet kanë marrëdhënie të mira me njëri-tjetrin dhe Rusia është një nga vendet që nuk e ka njohur akoma pavarësinë e Kosovës.

“Është shumë e habitshme paraqitja e flamurit të Kosovës në Ahmat-Arena. Ne presim që autoritetet lokale të reagojnë në përputhje me pozitën zyrtare të Federatës Ruse.”, thuhet në reagimin e ambasadorit serb, Slavenko Terziç.

E menjëhershme ka qenë përgjigja e klubit rus nëpërmjet zëdhënësit për shtyp, Ramazan Umarov. Ai e sheh të zmadhuar dhe të pakuptimtë deklaratën e ambasadorit serb.

“Nuk e kuptoj pse e thotë këtë. Ky flamur nuk u paraqit në stadium dje apo sot. Ai ka qëndruar i varur për disa vite aty. Tek ne aktivizohet Bernard Berisha, i cili luan për ekipin e përfaqësueses të Kosovës. Në stadium varen të gjithë flamujt e ekipeve përfaqësuese, që luajnë lojtarët tanë. Përveç Kosovës, janë flamujt e Shqipërisë, Kroacisë apo Senegalit. Pse bëhet kaq zhurmë për hiçgjë? Nuk e kuptoj politikën. Vetëm mund të them pse ai flamur është i varur dhe nuk e di nëse do të hiqet apo jo.”, u shpreh i Ahmat Groznit. Megjithatë, pak orë pas kësaj deklarate, klubi çeçen mori vendim për të mos mbajtur më asnjë flamur në ambientet e stadiumit.

VIDEO | Arbitri i “jep një dorë” skuadrës së Balajt, por drejtësia rivendoset për çështje sekondash

Sport Ekspres — Sat, 02 Mar 2019 22:28:58 +0000

Rubin Kazan u ndesh sot me Akhmatin, takim ky i vlefshëm për Premier Ligën ruse. Të skuadrat zhvilluan një lojë shumë të mbyllur me raste shumë të pakta për shënim.

Gjithsesi, në minutën e fundit të kohësh shtesë, vendasit e Kazanit gjetën rrugën e rrjetës me anë të Sagitov, por nuk pati kohë për festë, pasi arbitri e anuloi golin me justifikimin se topi kishte kaluar vijën fundore dhe akordoi një goditje nga këndi.

Pamjet filmike tregojnë se topi nuk kishte kaluar krejtësisht vijën dhe goli duhej të ishte konsideruar i rregullt , por drejtësia u vë në vend gjithsesi. Në goditjen e këndit që ishte dhe aksioni i fundit i takimit, Kazan shënon përsëri me anë të Sagitov dhe i gjithë stoli i skuadrës kalon nga ankthi në ekstazë. Natyrisht arbitri s’kishte si të prishte festën për herë të dytë.

Balaj dhe Roshi rikthehen në aksion, Panuçi me sytë nga Rusia

Sport Ekspres — Thu, 28 Feb 2019 16:34:36 +0000

Bekim Balaj dhe Odise Roshi i kanë dhënë fund përgatitjeve 2-mujore në Turqi dhe tani do të rikthehen të luajnë me skuadrën e Akhmat. Ndeshja e parë e skuadrës çeçene pas pushimit dimëror do të jetë ditën e nesërme në transfertë kundër Rubin Kazan.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.