Akhmat Grozny

Roshi mungoi, një “ish” i Skëndërbeut protagonist te Grozni

Sport Ekspres — Sun, 23 Jun 2019 10:52:36 +0000

Te skuadra ruse e Akhmat Groznit, aktivizohen momentalisht 2 futbollistë shqiptarë, Odise Roshi dhe Benard Berisha. Roshi ishte dje i pranishëm në ceremoninë e Elseid Hysajt, ndërkohë që ekipi i ti luante një miqësore përballë MOL Vidit.

Në këtë takim, rolin e protagonistit e ka marrë Benard Berisha. Sulmuesi anësor shënoi dy gola në fitoren 1-2. Fillimisht, 28-vjeçari shënoi me anë të një penalltie në minutën e 58’, ndërsa në të 84-ën, i dha fitoren skuadrës së tij.

MIQËSORE

MOL Vidi – Akhmat Grozni 1-2
Huszti 30’ / B. Berisha 58’ 84’

Tetë muaj punë dhe durim, Roshi rikthehet në tapet

Sport Ekspres — Tue, 09 Apr 2019 08:17:28 +0000

Odise Roshi është kthyer të luajë në një ndeshje zyrtare thuajse tetë muaj pas dëmtimit të pësuar në shtatorin e vitit të kaluar. Mesfushori anësor u aktivizua në minutën e 87-të në transfertën e djeshme të Ahmat Groznit ndaj Orenburgut, ndeshje që u mbyll me fitoren 3 – 1 të klubit çeçen.

Rikthimi i Roshit është një lajm i mirë për kombëtaren shqiptare, që në muaj e fundit e ka ndjerë shumë mungesën e futbollistit fierak.

Kampionati rus ka dhe tetë ndeshje deri në përfundim. Takimet e mbetura do të jenë shumë të rëndësishme për 27-vjeçarin, pasi kontrata e tij me Ahmatin mbaron në përfundim të këtij sezoni.

VIDEO | Zhbllokohet Balaj, shënon dhe i jep një pikë Ahmat Groznit

Sport Ekspres — Mon, 11 Mar 2019 17:06:42 +0000

Bekim Balaj më në fund është zhbllokuar në kampionat. Shkodrani ka shënuar me Ahmat Groznin ditën e sotme, në sfidën e luajtur ndaj Uralit në shtëpi. Sulmuesi ynë shënoi golin e vetëm për ekipin e tij, duke i dhënë një pikë, me sfidën që u mbyll me shifrat 1-1.

Në minutën e 56-të ekipi i Ahmatit fitoi të drejtën e një 11-metërshi dhe te pika e bardhë u vu pikërisht Bekim Balaj. 28-vjeçari u tregua i saktë, duke festuar kështu golin e parë në kampionat për këtë sezon.

Një lajm mjaft i mirë edhe për kombëtaren tonë, pasi në prag janë ndeshjet kualifikuese për Euro 2020, ku do të përballemi me Turqinë dhe Andorrën.

I rilinduri Balaj, tjetër gol për sulmuesin kuqezi

Sport Ekspres — Fri, 22 Feb 2019 16:47:48 +0000

Bekim Balaj duket se është rikthyer në formën e tij më të mirë. Sulmues kuqezi ka krijuar raporte të mira me golin te skuadra e Akhmat Groznit në Rusi. Edhe në takimin e sotëm miqësor përballë Dinamo Minsk, Balaj ka shënuar.

Bomberi shkodran i dha avantazhin skuadrës së tij në atë fitore 2-0, duke shënuar golin e parë në minutën e 58’. 28-vjeçari vazhdon të tregojë se është një sulmues goli, duke i çuar një mesazh teknikut Panuçi, për një vend titullari te kombëtarja jonë kuqezi.

Miqësore

Akhmat Grozni – Dinamo Minsk 2-0
Shënues: Balaj 58′, Silva 65′

VIDEO | Balaj njeriu gol, por nuk mjafton për Akhmatin

Sport Ekspres — Sat, 09 Feb 2019 16:09:16 +0000

Ekipi i Akhmat Groznit ka zhvilluar sot miqësoren përballë ekipit korean të Suon Blluuings. Ndeshja është mbyllur me fitoren 2-1 për aziatikët, ndërsa Bekim Balaj ka shënuar golin e ekipit rus.

Pjesa e parë u mbyll me rezultatin 2-0 për Suonin, ndërsa sulmuesi i kombëtares ka shkurtuar shifrat në minutën e 68-të. Shkodrani ka shfrytëzuar një kros të bukur dhe me kokë ka tundur rrjetën e portierit korean.

Pas një minute kundërshtarët kanë mbetur me një lojtar më pak, por Akhmati nuk ka arritur të gjejë golin e barazimit, duke e humbur këtë miqësore.