Akhmat Grozni

Akhmati e mbyll me fitore, Berisha i papërmbajtshëm

Sport Ekspres — Tue, 09 Jul 2019 17:21:44 +0000

Akhmat Grozni ka zhvilluar ditën e sotme miqësoren e fundit në tokën austriake. Ekipi ku bëjnë pjesë Odise Roshi dhe Bernard Berisha mposhti gjermanët e Holstein Kiel me rezultatin 1-0.

Goli i fitores u shënua nga mesfushori i majtë i përfaqësueses dardane, i cili ndodhet në një formë të shkëlqyer. Berisha u tregua i saktë në minutën e 60-të, duke gjetur golin përballë ekipit që garon në Bundesliga 2. Goli i katërt për 27-vjeçarin, i cili i kishte shënuar më parë Mol Vidit (dygolësh) dhe kroatëve të Zapresiç.

Akhmati ndodhet në një formë të mirë dhe ka arritur vetëm rezultate pozitive në ndeshjet miqësore. Takimi i sotëm u ndoq nga rreth 20 tifozë të ekipit çeçen, të cilët ishin në mbështetje të ekipit të tyre të zemrës.

«?????» ???????? ?????? ????? ? ??????? ??????? ??? ???????? ???????? «????????? ????» ?? ?????? 1-0. ???????? ??? ?? ?????? ????? ????? ??????? ??????. ?????? #????? #????? #??????? pic.twitter.com/8yEoA5adjk

— FC Akhmat Grozny (@akhmatgrozny) July 9, 2019

Shtatë muaj pritje, Roshi drejt rikthimit në Çeçeni

Sport Ekspres — Wed, 27 Mar 2019 18:26:58 +0000

Odise Roshi nuk luan me skuadrën e Ahmat Groznit prej më shumë se shtatë muajsh. Një këputje e ligamentit të kryqëzuar u bë shkak për këtë mungesë të gjatë të mesfushorit shqiptart.

Megjithatë, këtë fundjavë pritet që Roshi të jetë pjesë e skuadrës së grumbulluar nga trajneri Rashid Rahimov për takimin ndaj Spartakut të Moskës, që do të zhvillohet ditën e shtunë.

Kampionati rus ka dhe 10 ndeshje deri në përfundim, këto takime mund të rezultojnë vendimtare për të ardhmen e Roshit, pasi kontrata e fierakut mbaron në fund të këtij sezoni. Në një situatë të tillë ndodhet edhe bashkëkombësi i tij Bekim Balaj.

Gavazaj “ngrin” në stol, pak minuta për Balajn dhe Berishën

Sport Ekspres — Sat, 01 Dec 2018 13:19:57 +0000

Ndeshja mes Jeniseit dhe Akhmat Groznit ka përfunduar me rezultatin 1-1. Nga një pikë për të dy ekipet, ndërkohë që lojtarët shqiptarë nuk ishin pjesë e formacioneve respektivë.

Enis Gavazaj e ndoqi përsëri ndeshjen nga stoli i Jeniseit, që regjistron ndeshjen e dytë pa humbje, pas fitores së javës së kaluar kundër Dinamos së Moskës në transfertë.

Nga stoli i nisën ndeshjen dhe Bekim Balaj me Benard Berishën, ndërsa Roshi vazhdon të jetë i dëmtuar. Anësori ofensiv i Kosovës u fut në fushë në minutën e 70, menjëherë pas golit të avantazhit të Akhmatit, që shënoi me anë të Mohamadit.

Vendasit fituan një penallti 9 minuta përpara fundit të ndeshjes, të cilën e ktheu në gol Kiçin. Një minutë më pas u fut në fushë dhe Bekim Balaj, por minutat ishin të pakta për sulmuesin shkodran dhe ndeshja nuk pati më gola.

Jenisei renditet në vendin e fundit me 10 pikë, ndërsa Akhmat Grozni renditet në vendin e dhjetë me 20 pikë të grumbulluara.

Balaj dhe Berisha titullarë, sa pak minuta për Gavazajn

Sport Ekspres — Sun, 07 Oct 2018 13:19:52 +0000

Akhmat Grozni nuk ka arritur më shumë se një barazim pa gola në ndeshjen kundër Anzhi Makhaçkala. Bekim Balaj dhe Bernard Berisha u aktivizuan si titullarë, por pa arritur të gjejnë rrugën e golit. Sulmuesi shkodran i kombëtares u zëvendësua një minutë nga fundi i ndeshjes, ndërsa shqiptari tjetër që aktivizohet me Akhatin, Odise Roshi, vazhdon të jetë i dëmtuar.

Bernard Berisha u ndëshkua me karton të verdhë në minutën e 55-të, ndërsa vendasit nuk arritën të fitonin ndeshjen dhe renditen në vendin e nëntë në Premier Ligën e Rusisë në kuotën e 13-të pikëve.

Në ndeshjen tjetër mes Jeniseit dhe Spartakut të Moskës, Enis Gavazaj u aktivizua vetëm në minutën e fundit të ndeshjes. Ekipi i lojtarit të kombëtares u mposht me rezultatin 2-3 në shtëpi nga Spartaku i Moskës dhe vazhdon të qëndrojë në vendin e fundit në renditje, me vetëm pesë pikë pas 10-të javëve të para.