Latifi i magjishëm, tripletë në Kupën e Hungarisë

Sport Ekspres — Tue, 26 Feb 2019 18:04:41 +0000

Liridon Latifi ka zhvilluar një ndeshje fantastike, teksa ka qenë autori i një triplete në takimin e Kupës së Hungarisë, ku ka shënuar tre gola në fitoren me rezultat 3 – 1 të Akademisë Pushkash kundër Paksit.

Skuadra e Latifit kishte humbur takimin e parë si pritës me rezultatin 2 – 1, por falë paraqitjes fenomenale të shqiptarit, skuadra ka siguruar një biletë për në fazën çerekfinale të këtij kompeticioni.

Paks FC 1 – 3 Akademia Pushkash
Shënues: Lenzser 17’ / Latifi 23’, 76’, 82′ (pen.)

VIDEO | Shoku i Latifit shënon supergol, befason portierin nga 60 metra

Sport Ekspres — Sun, 21 Oct 2018 11:20:54 +0000

Liridon Latifi nuk po kalon një moment të mirë në Hungari, teksa prej katër sfidash nuk aktivizohet asnjë minutë me ekipin e tij, Akademia Pushkash. Gjithsesi mbrëmjen e kaluar ekipi i Latifit priste kryesuesit e Ferencvarosh në një sfidë mjaft të vështirë.

Ndeshja përfundoi me një fitore surprizë të Akademisë Pushkash, me rezultatin e ngushtë 1-0. Golin e fitores e shënoi hungarezi, Janos Hegedus. Një gol që është një ndër më të bukurit për mënyrën e ekzekutimit, teksa Hegedus provoi nga gjysmëfusha e tij, duke kapur të papërgatitur portierin kundërshtar dhe duke dërguar të tijtë në avantazh. Një gol për t’u mbajtur mend gjatë për 22-vjeçarin.

Liridon Latifi ndërkohë është aktivizuar në vetëm katër ndeshje si titullar, teksa janë luajtur 11 javë nga fillimi i kampionatit. Gjithashtu një sfidë lojtari ynë është aktivizuar në fund si zëvendësues. Akamdemia Pushkash ndodhet për momentin në vendin e nëntë të renditjes, në kuotën e 11 pikëve.