Megjithatë, alergjia nuk e ka mundur dashurinë për futbollin. Ai prej dy vitesh aktivizohet me Ajntrahtin dhe është titullar stabël. Në një intervstë Da Kosta tregon problemin e tij dhe mënyrën sesi e përballon këtë shqetësim aspak të vogël për një futbollist.

“Kam alegji barin. Nëse bie në kontakt me të më krijohen skuqje. Gjithmonë vesh bluzë të gjatë poshtë uniformës. Në verë dhe në dimër. Nuk e di se nga më vjen kjo alergji. Këmbët mbesin pak zbuluar, por fatmirësisht aty e përballoj më shumë se në pjesët e tjera të trupit. Kruajtja në këmbë është e durueshme”, përfundoi mbrojtësi me pasaportë gjermane.

Vajeho, Boateng, Maskarel apo Kevin Trap tregojnë edhe më shumë aftësinë e tij për të zbuluar talente dhe ngjitur Ajntrahtin në majën e futbollit gjerman.
Prej kohësh aftësia e zbulimeve të talenteve nga ai ka sjellë të ardhura e trofe në Frankfurt. Fitorja e Kupës së Gjermanisë është “çertifikata” e Bobiç. Të gjithë kanë besim te ai. Dikush ikën, por një tjetër po aq i mirë vjen.

Tifozët e dinë se klubi është në duar të sigurta. E vetmja gjë që i ka mbetur atyre është të ndezin tribunat dhe të mrekullojnë Evropën me koreografitë e tyre, siç bënë sezonin e kaluar. Besoj ju kujtohet “pushtimi” i Milanos për ndeshjen e Europa League ndaj Interit.

Ky sezon ishte i një niveli mjaft të mirë për 25-vjeçarin, ku u përfshi në 16 gola, duke e dërguar 10 herë topin në rrjetë dhe asistuar 6-të. Konte e pëlqen profilin e tij dhe dëshiron ta ketë në urdhrat e tij për sezonin e ardhshëm. Oferta e Interit në drejtim të Ajntrahtit është 40 milionë euro.

Pritet përgjigja e skuadrës gjermane, e cila sapo është përballur me ikjen e një ylli si Luka Joviç. Mbetet për t’u parë nëse do të lejojë të largohet një tjetër lojtar kyç. Rebiç është aktivizuar edhe me Fiorentinën në fillimin e karrierës së tij. Me ardhjen e tij në Milano, do i hapej rruga e largimit bashkëkombasit, Ivan Perisiç.

Pas eliminimit me penallti nga Çelsi, Ajntrahti e ka humbur mundësinë të udhëtojë në Baku për të luajtur finalen e Europa League. Sigurisht tifozët nuk dëshirojnë të shohin një ndeshje, në të cilën nuk luajnë yjet e tyre, kështu që biletat u kanë mbetur në dorë. Por gjithmonë egziston një zgjidhje dhe ultrasit e ekipit gjerman kanë gjetur atë më humane të mundshme.
Sipas mediave gjermane, 100 tifozë do i dhurojnë biletat e tyre për fëmijët, që nuk kanë mundësi financiare për të shkuar në finale dhe për të parë nga afër yje si Hazard, Obamejang apo Kante. Këtë herë mbështetësit e klubit gjerman dëshmojnë se nuk janë vetëm tifozë të mrekullueshëm, por edhe njerëz të mëdhenj.

“Ka mundësi reale që Joviç të transferohet te Real Madrid”, tha ai. Barcelona ka muaj që e kërkon qendërsulmuesin, por disa ditë më parë ai i refuzoi katalanasit. Vlera e transferimit të tij në Madrid do të variojë tek 60-70 milionë euro.

Shifër tepër e përballueshme për kampionët e Europës, që nëse do të blinin një mes Levandovskit apo Kejn, do të shpenzonin dyfishin e kësaj shume. 21-vjeçari po zhvillon një sezon fantastik në Gjermani. Ai ka shënuar një total prej 26 golash dhe 6 asistimesh për Ajntarhtin dhe të mendosh që është vetëm në vitin e tij të parë në Bundesligë.

21-vjeçari po shkëlqen, ka shënuar 25 gola në këtë sezon (34 në 67 ndeshje që nga koha kur është transferuar në Bundesligë) dhe po udhëheq Ajntrahtin drejt kualifikimit në Champions dhe fitimit të Ligës së Europës.

Gjermanët e morën në huazim dy-vjeçar në verën e vitit 2017 me të drejtë blerje për një shumë më të vogël se 6 milionë euro. Sulmuesi ka befasuar me paraqitjet dhe golat e tij gjatë kësaj kohe.

Ajntrahti ka paguar paratë te Benfika dhe ka firmosur një kontratë deri në vitin 2023 me Joviç. Ky i fundit kërkohet nga shumë skuadra të mëdha europiane, që janë gati të bëjnë çmenduria për të, por lojtari dëshiron që të qëndrojë edhe një sezon në ekipin aktual.

“Rritja e Lukës këtu me ne është shumë e kënaqshme. Nuk kemi dyshuar kurrë në ushtrimin e së drejtës së blerjes së tij. Djali ka aftësi të jashtëzakonshme dhe është shumë e rëndësishme që tani është zyrtarisht një futbollist i joni“, theksoi Fredi Bobiç, drejtori sportivi i klubit nga Frankfurti.

Officiel : l’Eintracht Francfort lève l’option d’achat pour Luka Jovic auprès de Benfica. Le Serbe est désormais lié au club allemand jusqu’en juin 2023. pic.twitter.com/KsCtitMD9z

— Foot Mercato (@footmercato) April 17, 2019

Sipas prestigjiozes spanjolle, Luka Joviç është kthyer në objektivin kryesor të “Los Blancos” dhe oferta është bërë gati. Plot 70 milionë euro do të ofrohen për 21-vjeçarin serb, i cili kërkohet me ngulm edhe nga Barcelona.

#LaPortada Jovic es el ‘9’ ? pic.twitter.com/qJ8NS3zWL3

— MARCA (@marca) April 13, 2019

Joviç ka bërë një sezon fantastik, teksa ka shënuar plot 25 gola. Tashmë pritet me interes se si do të shkojë rivaliteti në merkato mes Realit dhe Barçës, me sulmuesin që duhet të zgjedhë një midis tyre për të bërë kapërcimin në një klub të madh.

Klubi zikaltër ka menduar për t’i bërë një dhuratë tifozëve të skuadrës kundërshtare duke i dhënë atyre dyfishin e kapacitet që i lejohet me rregull nga UEFA. Sot të shkallët e San Siros do të jenë 15000 mijë tifozë gjermanë, një rekord i ri për këtë kompeticion.

„Eintracht Frankfurt international…“ ?? Die Fans machen sich auf den Weg ins Stadion ?#SGEuropa #InterSGE pic.twitter.com/DN8GEeXx57

— Eintracht Frankfurt (@Eintracht) March 14, 2019

Edhe pse na ndajnë disa orë nga fillimi i ndeshjes, tifozët e Frankfurtit kanë filluar të “pushtojnë” qendrën e Milanos.

???? pic.twitter.com/ETnL4MVOSe

— Fabrizio Biasin (@FBiasin) March 14, 2019

Ajntrahti do të vijë në këtë takim me 9 mijë tifozë, të cilët mbështeten dhe nga rreth 400 ultras të Atalantës. Ndeshja e parë prodhoi disa përplasje në Frankfurt, ndërsa presidenti i klubit gjerman paralajmëroi tifozët e tij të mos shkonin në Romë.

“Qëndroni në shtëpi. Në Romë ka një grupim ekstremistësh, të cilët janë të egër dhe të vështirë për t’u menaxhuar.” Megjithatë, ultrasit nga Frankfurit nuk kanë pyetur, janë nisur në masë drejt kryeqytetit italian dhe kanë regjistruar incidentet e para.

Siç raporton “Gazzetta dello Sport”, gjatë mbrëmjes së djeshme janë regjistruar përplasje mes tifozëve italianë dhe gjermanë në qendër të Romës. Një lokal është dëmtuar, madje ka patur dhe hedhje fishekzjarrësh. Policia ka ndërhyrë, ndërsa ka gati dhe planin për evitimin e përplasjeve të tjera.

Tifozët e Ajntrahtit kanë pushtuar rrugët e Romës. Ata do të shoqërohen nga policia dhe stjuartë në stadium, por nuk përjashtohen incidente me lacialët vendas, të cilët nuk përtojnë kurrë të krijojnë trazira me kundërshtarët. Aq më tepër kur ata janë gjermanë…

“Qëndroni në shtëpi dhe shiheni ndeshjen në televizor. Në Romë ka një grupim mizor tifozësh të ekstremit të djathtë, shumë të vështirë për t’u menaxhuar”, komenton Piter Fisher, kreu i klubit nga Frankfurti.

Ultrasit lacialë njihen si shumë të zjarrtë dhe preferojnë sherret e shumta dhe përleshjet. Transfertat në Romë janë të rrezikshme për çdo tifozëri dhe Fisher kërkon t’i paraprijë ndonjë situate të komplikuar, duke i bërë thirrje ultrasve gjermanë ta “harrojnë” këtë transfertë dhe ta ndjekin takimin në TV.

Kroati Rebiç shënoi golin e parë në minutën e 40-të. Pasi mori një top të bukur nga Joviç, Rebiç pa daljen e portierit dhe shënoi një gol të bukur, duke i dhënë avantazhin ekipit të tij. Dyfishimi erdhi në fillim të pjesë së dytë. Ekipet sapo kishin zbritur në fushën e blertë, kur Joviç shfrytëzoi një top të grushtuar nga portieri i Hofenhejmit dhe dyfishoi rezultatin me një të djathtë potente.

Vendasit tentuan të rihapnin ndeshjen, ndërsa Rebiç iu dha një dorë, duke u ndëshkuar me të kuqe në minutën e 65-të. Sulmuesi kroat u ndëshkua me kartonin e dytë të verdhë pas një ndërhyrje të gabuar dhe arbitri e nxori jashtë loje. Hofenhajm shënoi në minutën e 83-të me anë të Reis Nelson, por ndeshja nuk pati më gola dhe Ajntrahti siguroi fitoren.

Ndeshja tjetër midis Fraiburgut dhe Bajer Leverkuzen përfundoi në barazim pa gola. Miqtë ishin më kërkues, por pa arritur të gjenin rrugën e rrjetës. Të dy ekipet mbeten në pozita të vështira në renditje.

Hofenhajm – Ajntraht Frankfurt 1-2
(Nelson 83′ / Rebiç 40′, Joviç 46′)

Fraiburg – Leverkuzen 0-0 

Lukas Torro aktivizohet me ekipin e Ajntrahtit të Frankfurtit. 24-vjeçari spanjoll kishte marrë vesh lajmin e trishtë të vdekjes së vëllait 27-vjeçar dhe një gjë të tillë ia kishte treguar vetëm trajnerit të ekipit, Adi Hater.

Trajneri i kishte lënë zgjidhje të lirë, por Torro ngulmonte për të luajtur. Mbajti dhimbjen e madhe në zemër, zhvilloi një takim të madh dhe Ajntrahti shkatërroi Lacion në një mbrëmje të bukur Europe.

Në fundin e ndeshjes radha e lotëve të Torros dhe Hater, i cili u tregon djemve të tjerë të skuadrës se çfarë kishte ndodhur, sepse askush nuk dinte gjë.

“Lukas më tregoi para ndeshjes për zinë e tij, por ai donte të luante me çdo kusht. E pyeta nëse me të vërtetë e ndjente të luante, i lashë zgjedhje të lirë. Ne jemi pranë tij, trishtimi ynë është i madh dhe errëson gëzimin e fitores”, shprehet pas fitores trajneri i Ajntrahtit, ndërkohë që për situatën në fjalë ka folur dhe menaxheri i klubit Fredi Bobiç, i cili është shprehur: “Lukas mund të mos luante me Lacion, por ai luajti shumë mirë. I çmendur”.

Hanover shkurtoi diferencën katër minuta nga fundi. Florent Muslija, i cili debutoi në Bundesligë në minutën e 69-të, shfrytëzoi një pasim të Vud dhe gjeti golin e parë me Hanoverin.

Një kënaqësi e madhe për 19-vjeçarin, i cili luan në krahun e majtë të sulmit. 17 minuta iu deshën 20-vjeçarit, i cili ka luajtur 1 ndeshje me U20 të Gjermanisë, të shijonte golin e parë në kampionatin gjerman.

Joviç shënoi një tjetër gol në minutën e 89-të, duke vulosur përfundimisht fitoren e Ajntrahtit, që arrin fitoren e dytë në kampionat, ndërsa Hanover mban vendin e fundit në renditje me vetëm dy pikë, pas javës së gjashtë.

Ajntraht Frankfurt – Hanover 4-1
(N’Dika 36’, Rebiç 45+1’, De Guzman 59’, Joviç 89’/ Muslija 86’)