Sulmuesi brazilian po kërkohet me ngulm nga Mançester Junajtid. Media braziliane “Globo” raporton se “djajtë e kuq” kanë ofruar 50 milionë euro për kartonin e mëngjarashit.

Neres është një lojtar interesant i aftë të luajë në të dy krahët e sulmit. Së fundmi 22-vjeçari ka qenë pjesë e grumbullimeve të përfaqësueses së Brazilit.

Kështu ka ndodhur dhe sot me Xhenoan, ekip që është përforcuar ndjeshëm me mesfushorin e Ajaksit, Lase Shëne. Danezi ishte pjesë e Ajaksit për 5 sezone, një lojtar shumë punëtor dhe besnik i klubit nga Amsterdami. Por tashmë 33-vjeç, palët janë ndarë dhe Shëne i është bashkuar Xhenoas.

Një goditje shumë e zgjuar kjo për skuadrën italiane, e cila është përforcuar në mesfushë me klas dhe eksperiencë. Shëne ishte futbollisti i cili i dha “shuplakën” e fundit Realit të Madridit në Champions sezonin e shkuar, duke shënuar një supergol për Ajaksin.

Marca raporton se negociatat mes Reali dhe Ajaksit kanë nisur dhe marrëveshja mund të arrihet për shumën e 60 milionë eurove. Arkat e klubit holandez do të mbusheshin sërish, por ata nuk duan të heqin dorë nga shërbimet e 22-vjeçarit.

Gjithsesi, presingu i Realit është i madh dhe lojtari i kombëtares tulipane mund të përfundojë nën urdhrat e Zinedin Zidan, ndërsa ky do të ishte një përforcim me vlera për klubin spanjoll.

Ndeshja ka përfunduar me rezultatin 1-1. Ka qenë një ndeshje e përgjumur nga ana e djemve të Ten Hag. Kishte momente ku turqit morën më shumë iniciativa, me Ajaksin që i mungonin sulmet e rrjedhshme dhe saktësia në veprime. Sivaspor shënuan të parët në minutën e 38-të. Pas një orë e çerek lojë, holandezët kanë arritur të barazojnë me Huntelar, i cili realizoi një supergol në minutën e 76-të.

Miqësore

Ajaks-Sivaspor 1-1
Mert Jandash ’38 / Huntelar ‘76

? | Een bliksemstart van #Ajax…

Dolberg met de 1-0.#ajapsv https://t.co/UKtbH0xNe5 pic.twitter.com/feCFQojhks

— ESPN NL (@ESPNnl) July 27, 2019

Një kombinim i shpejtë pasimesh bëri që sulmuesi Kasper Dolberg të gjendej i vetëm përballë portierit të PSV-së, i cili nuk mundi të ndalte goditjen e danezit.

Futbollisti 21-vjeçar cilësohet si talenti më premtues i “Liga MX”. Alvarez është një lojtar polivalent i aftë të luajë në si qendërmbrojtës, por edhe si mesfushor qendre. Sipas “Der Telegraaf”, akordi mes palëve është gjetur për 15 milionë euro, ndërsa futbollisti ka rënë dakord të firmosë një kontratë 5-vjeçare

Edhe pse në moshë të re, talenti meksikan ka siguruar një vend titullari në kombëtaren meksikane. Shenjat janë të qarta, ky futbollist është i veçantë.

Për shërbimet e 21-vjeçarit kanë shfaqur interes u interesua dhe  PSV, Roma dhe Zenit por në fund fuqia financiare dhe emri i  skuadrës nga Amsterdami bëri diferencën.

Mark Overmas ka folur në lidhje me këtë çështje nga Bramberg am Wildskogel, aty ku “harkëtarët” po zhvillojnë fazën përgatitore.

“Jemi në mbyllje të transferimit të De Ligt te Juventusi. Kanë mbetur për t’u përcaktuar vetëm llogaritë bankare përpara marrëveshjes finale. Jemi tepër të rreptë në lidhje me këtë çështje. Shpresoj që kjo situatë të zgjidhet sa më shpejt, kam besim se do ndodhë”, thekson drejtori sportiv i Ajaksit.

Megjithatë, Barcelona nuk është dorëzuar deri në fund dhe ka tentuar t’i ndryshojë mendje 19-vjeçarit. El Mundo Deportivo raporton se presidenti i Barcelonës ka telefonuar De Ligt në momentet e fundit, me qëllim për ta bindur që të transferohej në La Liga.

Josip Bartomeu i ka kërkuar një takim lojtarit holandez, duke i premtuar se ishte gati të nisej për në Amsterdam. Kapiteni i Ajaksit ka pranuar, por nuk ka lënë pa lajmëruar Mino Raiolën. Agjenti ka qenë dakord, por i ka vënë një kusht kreut të klubit katalanas.

Takimi do të ndodhte vetëm nëse ai barazonte ofertën e Juventusit që ofronte 12 milionë euro rrogë sezonale për De Ligt dhe 11 milionë euro komisione për Raiolën. Bartomeu nuk ka pranuar, është tërhequr në fund dhe i ka lejuar rrugë të lirë bardhezinjve për të arritur marrëveshjen përfundimtare.

“Zakonisht nuk kthehem në klube ku kam luajtur në të shkuarën, por kur të mbyll karrierën mund të bëhem një ndër drejtorët e Ajaksit. Jam i sigurt se do të bëja një punë më të mirë se çdokush tjetër që ndodhet atje tani”.

Ibrahimoviç luajti për tri vite te Ajaksi gjatë periudhës 2001-2004. Momentalisht dy figurat kyçe të klubit të “harkëtarëve” janë dy ish-lojtarë të shquar si drejtori ekzekutiv Edvin van der Sar dhe drejtori sportiv Mark Overmars.

Në mediat ndërkombëtare është publikuar edhe një bisedë e mbrojtësit me trajnerin Marcelo Sarri, ndërkohë që së fundmi Ajaks ka konfirmuar që De Ligt nuk do të fluturojë me skuadrën në fazë përgatitore.

Kështu ai pritet të zbarkojë në Torino, aty ku pritet të nënshkruajë. Mbrojtësi do të bëhet një ndër më ët paguarit te bardhezinjtë, ndërkohë që Juventusi për kartonin e tij do të paguajë rreth 70 milionë euro. Një rol të rëndësishëm në këtë lëvizje ka luajtur agjenti Mino Raiola, i cili ka bashkëpunuar në lëvizje të mëdha me kampionët e Italisë.

?? Sergiño Dest
?? Jurriën Timber
?? Victor Jensen
?? Matthijs de Ligt

Squad news for Austria ??#PreSeason ??

— AFC Ajax (@AFCAjax) July 13, 2019

Klubi i Juventusit është në kontakt të vazhdueshëm me Ajaksin për të gjetur marrëveshjen përfundimtare mbi koston e mbrojtësit 19-vjeçar. Në Holandë, ata sigurojnë që marrëveshja tashmë është gjetur, por në Itali, për momentin palët janë më të kujdesshme.

Juventusi dje ka ngritur ofertën në 67 milionë euro plus bonuse. Fabio Paratiçi dëshiron të mbyllë marrëveshjen së shpejti për t’i dhënë Sarrit mbrojtësin e ri. Marrëveshja midis lojtarit dhe Juventusit në fakt është gjetur tashmë. Kontratë pesëvjeçare, 12 milionë plus bonuse dhe një klauzolë prej 150 milionë euro. De Ligt mbetet në Holandë, duke pritur një telefonatë për të udhëtuar për në Torino dhe për të kryer vizitat mjekësore.

“De Telegraaf” zbulon se marrëveshja është arritur për shifrën e 67 milionë eurove përfshirë edhe bonuset. Juventusi do ta prezantojë mbrojtësin 19-vjeçar ditën e shtunë, për të evituar largimin e tij në fazën përgatitore me “harkëtarët”.

Klubi italian fiton më në fund konkurrencën me Barcelonën dhe PSG-në. De Ligt do të firmosë një kontratë 5-vjeçare me një rrogë prej 12 milionë eurosh në sezon, ndërsa klauzola e largimit të tij pritet të jetë 150 milionë euro.

Gazeta e njohur holandeze “De Telegraaf” ka zbuluar një detaj interesant mbi negociatat midis klubeve. Një vit më parë De Ligt në praninë e të atit ka marrë pjesë në një takim me drejtuesit e Ajaksit, ku në këmbim të qëndrimit në Holandë edhe për një sezon u ra dakord që klubi nuk do të bëhej pengesë nëse për të do të vinte një ofertë në rangun e 50 milionë eurove.

Mirëpo interesi i madh për lojtarin ka bërë që te Ajaksi të tundohen dhe të shkelin këtë marrëveshje verbale. Sipas “De Telegraaf” raporti i lojtarit me drejtuesit e klubit ka pësuar një krisje të thellë, por kompromisi mbetet vetëm çështje kohë. De Ligt do të mbërrijë në Torino, kjo është e sigurt.

Përndryshe nuk mund të jesh dot kapiten i Ajaksit në moshën 19-vjeçare. Flasim për Matijs De Ligt, mbrojtësin holandez që po mban në ankth miliona tifozë. Juventusi, PSG dhe Barcelona po garojnë prej kohësh për shërbimet e tij, por e ardhmja është përcaktuar.

De Ligt do të luajë sezonin e ardhshëm në Torino. Bardhezinjtë kanë arritur prej kohësh akordin me lojtarin dhe janë pranë marrëveshjes finale me Ajaksin. “Sportmediaset” raporton një detaj të veçantë, që konfirmon “martesën” Juventus-De Ligt.

Zakonisht janë trajnerët ata të cilët telefonojnë lojtarët gjatë një tratative. Për t’i bindur në vlerat e tyre dhe për të pranuar ofertën. Kësaj radhe ka ndodhur e kundërta, sepse De Ligt është ndryshe nga të tjerët.

I riu i talentuar ka telefonuar Mauricio Sarrin, trajnerin e tij të ardhshëm. “Mister, si do të luajmë, me çfarë skeme?” ka qenë pyetja e lojtarit “tulipan”. Mentalitet i duhur dhe dëshirë për të qenë i përgatitur, të paktën psikologjikisht, kur të zbarkojë si përforcimi i Juventusit, që “blindon” repartin defensiv për shumë vite me realizimin e këtij transferimi.

Bardhezinjtë do të ofrojnë 75 milionë eurot e kërkuara, por ky nuk pritet të jetë biznesi i vetëm me Ajaksin. Sipas raportimeve të “Corriere dello Sport”, Juventusi është gati t’i ofrojë Moize Ken kampionëve të Holandës.

“Harkëtarët” e pëlqejnë shumë sulmuesin e ri, por të dy operacionet do të jënë të ndara nga njëri-tjetri. Sakrifica për të larguar sulmuesin e talentuar nuk do të shkojë dëm, pasi “Zonja e vjetër” do të fusë në marrëveshje pikën e riblerjes në të ardhmen.

Të dy lojtarët, si De Ligt dhe Ken, kanë agjent Mino Raiolën dhe ky i fundit po merret me detajet e operacionit të dyfishtë. Mundësi e mirë për të gjithë, klubet dhe vetë futbollistët.

Juventusi i jep goditjen finale në këtë mënyrë shpresave të Barcelonës dhe PSG-së për të siguruar shërbimet e një prej mbrojtësve më të mirë për momentin dhe për të ardhmen.

Juventusi mbetet në avantazh pasi është ekipi i preferuar i mbrojtësit 19-vjeçar, por problemi quhet Ajaks. Sipas lajmeve që raporton “Marca”, klubi holandez është acaruar për faktin që bardhezinjtë kanë arritur akordin me lojtarin (12 milionë euro në sezon rroga) pa i lajmëruar më parë ata.

“Zonja e vjetër” ka arritur të ofrojë deri në 65 milionë euro në total për kapitenin e Ajaksit, ndërsa Barcelona dhe PSG kanë bërë oferta më të larta. “Harkëtarët” janë lodhur nga kjo situatë dhe po mendojnë një skenar tjetër.

Ajaksi zbret të hënën në fushë për nisjen e përgatitjeve të sezonit të ri dhe drejtuesit e klubit mund të thërrasin edhe De Ligt, duke vendosur ta mbajnë në ekip. Për momentin, derisa oferta për shërbimet e tij të rritet…

Bardhezinjtë kanë ofruar 65 milionë euro duke përfshirë bonuset, por Ajaksi ka refuzuar sipas ad.nl. “Harkëtarët” kërkojnë më shumë para dhe raportohet se Barcelona dhe PSG kanë ofruar më shumë për mbrojtësin 19-vjeçar.

Ajaksi do të nisë përgatitjet për sezonin e ri ditën e hënë dhe ka thirrur De Ligt të paraqitet në stërvitje. E ardhmja e tij është akoma pezull. Katalanasit janë tërhequr dhe në garë ka mbetur vetëm Juventusi me PSG-në.

Avantazhi i madh i Juventusit është dëshira e vetë kapitenit, i cili preferon transferimin në Serie A, por kampionët e Italisë duhet të rrisin ofertën.

Sevija ishte një ndër ekipet më të interesuara për 26-vjeçarin. Sipas “Mundo Deportivo”, klubi andaluzian kishte bërë një ofertë prej 30 milionë eurosh për kartonin e Zijesh, por ka qenë vetë lojtari që ka refuzuar menjëherë lëvizjen.

“Me gjithë respektin për klubet që janë të interesuara për mua, me duhet të them se këto nuk janë skuadrat për të cilat do lija Ajaksin. Largimi im varet vetëm nga një gjë: Ekipi im i ardhshëm duhet të jetë i një niveli më të lartë futbollistik. Nëse më kërkon një klub i ngjashëm me Ajaksin nuk kam asnjë arsye pse të largohem”, tha Zijesh për medien holandeze “AD”.

? La presentación está prevista para el próximo viernes aunque falta el anuncio oficial
?? El holandés número 20 de la historia del club firmó hasta 2024 por 86 millones de euroshttps://t.co/WjaJs2993e

— AS (@diarioas) 30 juin 2019

De Jong është holandezi i 20-të në histori që do të veshë fanellën e Barcelonës, pas emrave si Johan Krujf, Van Bronkorst, Kuman apo Van Bomel e Koku.

Sipas raportimeve në mediat holandeze, Edson Alvarez do të jetë zëvendëesi i 19-vjeçarit. Meksikani luan për Klub Amerikan, ndërsa aktualisht është i impenjuar me kombëtaren në “Gold Cup”.

Kontaktet e para me 21-vjeçarin duken se kanë nisur, me Ajaksin që duket gati të kënaqë nga ana financiare si klubin meksikan, po ashtu edhe Alvarez, për ta bindur këtë të fundit për kalimin në Amsterdam.

Ndërkohë që shumica presin një ofertë dhe janë gati të largohen për një aventurë të re, Onana është i qartë për të ardhmen e tij dhe atë që dëshiron.

Sipas raportimeve të anglezes “Metro”, 23-vjeçari ka refuzuar një ofertë të Mançester Junajtid. “Gjiganti” anglez e shihte afrikanin si zëvendësuesin perfekt të David De Gea, por oferta nuk është pranuar.

Onana nuk e ka fshehur kurrë dëshirën e tij për të vazhduar me Ajaksin dhe faktin që ndihet për mrekulli në këtë ekip. Me vepra, jo vetëm me fjalë…

Shnajder pranoi se Van de Bek po pret me padurim akordin me Real Madridin, pasi preferon te transferohet në Bernabeu më përpara se te zikaltërit e Interit: “Jam shumë i lumtur për arritjet e Van de Bek.

Nga të gjithë talentet e Ajaksit, ai e ka pasur më të vështirë që të arrijë në majë, pasi nuk i besonin aq sa De Jong dhe De Ligt. Pavarësisht të gjithave, ai ka ulur kokën dhe ka punuar. Kur dëgjoj se Real Madridi dhe Interi, dy klube shumë të mëdha, kërkojnë firmën e tij, kjo gjë më lumturon shumë.

Doni është një futbollist me shumë karakter, nuk dorëzohet asnjëherë. Është lojtari i duhur për Realin e Madridit dhe ai vetë e di këtë gjë. Po pret që të gjejë akordin me ta dhe oferta e Interit ka kaluar e dyta. Kudo që të shkojë, do të bëjë shumë mirë”, përfundoi Shnajder.

Qendërmbrojtësi do të vijojë karrierën në Torinon bardhezi, ndërsa zëvendës presidenti i klubit kampion të Spanjës ka folur në lidhje me këtë transferim.

“Ne të zhgënjyer? Nuk mund të jemi të zhgënjyer për diçka për të cilën nuk jemi interesuar kurrë dhe nuk jemi marrë fare me atë çështje”, thekson Zhordi Kardoner për “Gazzetta dello Sport”.

Fabio Paratiçi dhe Mino Raiola do të nisen drejt Amsterdamit për të firmosur gjithçka me Ajaksin dhe 19-vjeçarin holandez. 70 milionë euro do të kalojnë në arkat e “Harkëtarëve”, 11 të tilla në xhepat e agjentit të lojtarit, ndërsa ky i fundit do të firmosë një kontratë 5-vjeçare me 12 milionë euro rrogë sezonale (8 fiks dhe 4 në formë bonusesh). Ndërkohë është përcaktuar edhe klauzola prej 150 milionë eurosh.

Një tjetër lëvizje që tregon fuqinë dhe ambiciet e Juventusit pas blerjes së Kristiano Ronaldos verën e kaluar. “Zonja e Vjetër” ka guxuar të ndryshojë dhe filozofinë e lojës me zgjedhjen e Sarrit si trajner dhe tifozët po presin me padurim nisjen e sezonit të ri. Një gjë është e sigurt, ky Juventus do të jetë si gjithmonë shumë i fortë, por edhe më i bukur për t’u parë.

I preferuari i trajnerit francez quhet Doni Van de Bek. 22-vjeçari holandez ka një kontratë deri në vitin 2022 me Ajaksin dhe kartoni i tij vlerësohet rreth 50-60 milionë euro.

Sipas raportimeve të “The Telegraaf”, negociatat mes palëve kanë nisur dhe janë në rrugë të mbarë. Vetë lojtari ndihet i nderuar nga interesimi i “Los Blancos” dhe është gati të transferohet në Madrid.

Florentino Perez është gati të paguajë kampionët e Holandës, ndërkohë që duhet gjetur edhe akordi me mesfushorin ofensiv. Van de Bek shënoi 17 gola gjatë sezonit të kaluar me Ajaksin dhe numëron pesë ndeshje të zhvilluara me kombëtaren tulipane.

Ajaksi do të përfitojë 70 milionë euro nga kjo marrëveshje, me “Harkëtarët”, që gati arkëtojnë të njëjtën shumë si në rastin e shitjes së Frenki De Jong te Barcelona.

Nga ana tjetër, përfitime faraonike duket se do të ketë edhe Mino Raiola, me agjentin që do të arkëtojë në xhepat e tij plot 10 milionë euro nga ky transferim.

Për sa i përket De Ligt, holandezi do të paguhet 12 milionë euro në sezon dhe do të ketë një klauzolë lirimi 150 milionë euro.

Sky Sport raporton para mesnatës së të mërkurës se talenti i Ajaksit ka arritur marrëveshjen për një kontratë 5-vjeçare, me 12 milionë euro në sezon.

Misioni i Juves tashmë është të gjejë marrëveshjen me Ajaksin, që kërkon 75 milionë euro.

Megjithatë, hapi më i madh u hodh, sepse nuk është e lehtë të bindësh një si Mino Raiola të firmosë.

Braziliani ka gati një rrogë prej 15 milionë eurosh në sezon për 19-vjeçarin. Bardhezinjtë po nxitojnë, pasi ia kanë frikën francezëve. “Zonja e vjetër” ka marrëdhënie të mira me agjentin e lojtarit, por Mino Rajola njihet për surprizat e tij të pakëndshme dhe diçka e tillë “tremb” italianët.

Paratë nuk janë problem për PSG-në, sidomos pas lajmeve të fundit që flasin për një shitje të Nejmarit te Barcelona. Leonardo dëshiron me çdo kusht akordin me kapitenin e Ajaksit dhe është gati t’i dhurojë De Ligt një rrogë totalisht të çmendur, me synimin për ta transferuar lojtarin në kryeqytetin francez.

Mino Rajola po punon me të dy klubet për të siguruar sa më shpejt marrëveshjen përfundimtare. Agjentit te kapitenit holandez i ka lindur një ide. Rajola zotëron edhe të drejtat e Moize Ken.

Sulmuesi i bardhezinjve pëlqehet shumë nga Ajaksi dhe ai mund të përfshihet në tratativën që do të dërgojë De Ligt në Torino. Juventusi është në dyshim; kualiteti i 19-vjeçarit nuk diskutohet, por shqetëson karakteri i tij.

Kampionëve të Italisë ju pëlqen ideja e përfshirjes së lojtarit me origjinë nga Bregu i Fildishtë për të paguar sa më pak para tek Ajaksi, por ata nuk duan ta humbasin përfundimisht. Zgjidhja perfekte do të ishte futja e të drejtës së riblerjes së Ken nga Juventusi në të ardhmen.

Të ardhurat nga Champions League dhe shitja mesfushorit Frenki De Jong kanë sjellë mbi 150 milionë euro të ardhura në arkat e Ajaksit, ndërsa me miliona të tjera do shtohen nga shitja e kapitenit Matis De Ligt.

S’do mend që buxheti i kampionëve të Holandës ka prekur një shifër rekord dhe në javët në vijim priten blerje të bujshme. Sipas së përditshmes holandeze “De Telegraaf”, dy objektivat e Ajaksit janë sulmuesi i Sevijës Kuinsi Promes dhe talenti i PSV-së Stivën Bergvajn.

Të dy lojtarët janë pjesë e kombëtares holandeze, por Ajaksi mund t’ia lejoj vetes këto blerje luksi.

“Harkëtarët” kanë nënshkruar me Kuinsi Proms. Kështu raportojnë mediat në Holandë, me 27-vjeçarin që ka firmosur një kontratë 5-vjeçare me Ajaksin.

Kështu, Proms rikthehet në Eredivisie pas eksperiencave me Spartakun e Moskës dhe Sevijan së fundmi. Anësori do të jetë padyshim një ndër pikat më të rëndësishme të ekipit të Ten Hag për sezonin e ardhshëm, ku pritet të jetë edhe zëvendësuesi i Neresh, i cili sipas gjasave do të largohet në një klub më të madh.

Lojtari është lumturuar nga fjalët e portugezit dhe diçka e tillë i pëlqen shumë edhe agjentit të tij. Mino Rajola, përveçse ka raporte shumë të mira me drejtuesit e “zonjës së vjetër”, është i bindur që klienti i tij do të përmirësohet shumë në një ekip me yllin portugez.

Juventusi do të paguajë 70 milionë euro tek Ajaksi (shkon në 80 milionë shuma bashkë me bonuset), ndërsa qendërmbrojtësin e pret një kontratë 5-vjeçare me një rrogë bazë prej 7.5 milionë eurosh në sezon, por që shkon në rreth 12 milionë bashkë me bonuset e majme. Diçka e tillë do e bëjë De Ligt lojtarin e dytë më të paguar në Serie A pas Kristiano Ronaldos.

Një arritje e madhe për të dhe një përforcim me vlera për kampionët e Italisë, të cilët sigurojnë një mbrojtës plot kualitet, i cili është lider, ka cilësi fizike dhe teknike shumë të mira, inteligjent dhe njohës i mirë i golit. Mos harroni që është vetëm 19 vjeç…

22-vjeçari është ndalur te merkato, duke folur për të ardhmen e tij dhe Matijs De Ligt në një prononcim për mediat braziliane.

Ofertat për të dy nuk mungojnë, por lojtari ofensiv nuk ka ndërmend të lëvizë. Të njëjtën gjë mendon dhe uron edhe për kapitenin, i cili është kthyer në një ndër lojtarët më të kërkuar.

“Mendoj se Matijs do të qëndrojë tek Ajaksi. Kjo do të ishte zgjedhja më e mirë për të. Edhe unë do të vazhdoj të luaj për ‘harkëtarët’. Kam disa oferta, por nuk e kam ndërmend të lëviz”, thekson David Neres.

Braziliani 22-vjeçar zhvilloi një sezon fantastik, duke numëruar 12 gola të shënuar dhe 15 asiste të dhuruara për shokët e tij. Kontrata e tij me “Harkëtarët” përfundon në verën e vitit 2022, por Neres mund të ndërrojë kontinent

Sulmuesi i krahut, i cili bën mirë të gjitha rolet e repartit ofensiv, kërkohet në Kinë. Milionat e vendit aziatik e tundojnë pa masë, ndërsa Ajaksi e ka të qartë: kush dëshiron Neres, duhet të paguajë 80 milionë euro.

Megjithatë, “harkëtarët” fituan titullin kampion dhe Kupën e Holandës, duke mbyllur një sezon të mrekullueshëm. Ofertat e shumta për lojtarët e talentuar të Ajaksit vërshuan lumë, por nuk munguan as ato për trajnerin.

49-vjeçari, i cili ka drejtuar më parë edhe ekipin e dytë të Bajern Mynih, do të vazhdojë të ulet në stolin e Ajaksit. Palët kanë gjetur akordin dhe ka ardhur rinovimi i kontratës. Ten Hag ka firmosur kontratën e re, që do e mbajë lidhur me Ajaksin deri në vitin 2022.

We don’t stop building. ?

Ten Hag -> 2??0??2??2??#ForTheFuture

— AFC Ajax (@AFCAjax) June 20, 2019

Ishte paralajmëruar prej kohësh që fundi i sezonit do të sillte një eksod të madh në Amsterdam, pasi xhevahirët e Ajaksit do të kërkoheshin nga klubet më të mëdha në Europë. Diçka e tillë ka ndodhur dhe pas largimit të Frenki De Jong që zgjodhi Barçën, janë edhe gjashtë lojtarë të tjerë të formacioni që pritet të transferohen në një ekip tjetër.

Emri i parë siç e thamë ishte Frenki De Jong, i cili ka zgjedhur prej kohësh Barcelonën. Të njëjtin fat mund të ketë edhe kapiteni i ekipit, Matijs De Ligt. Gjithsesi, në rast se nuk zgjedh Barçën, 19-vjeçari pritet të kalojë te PSG.

Emri i tretë është ai i Hakim Zijesh. Për fantazistin dihet vetëm kampionati me siguri, pasi transferimi në Premier League duket i sigurt. Pikëpyetja e vetme është se kë do të zgjedhë marokeni mes Liverpulit dhe Arsenalit.

Lojtari i katërt, gjithmonë nga titullarët e këtij sezoni tek Ajaksi që pritet të largohet është Doni Van de Bek. Mesfushori kërkohet me ngulm nga Mançester Junajtid, dhe sipas gjasave “Old Trafford” do të jetë destinacioni i ardhshëm i Van de Bek.

David Neresh është një tjetër emër që pritet të lërë Ajaksin. Braziliani kërkohet momentalisht nga Arsenali dhe Evertoni, por duhet përmendur fakti që Neresh është me Kombëtaren e tij në Copa America dhe vlera e tij mund të rritet pas përfundimit të kompeticionit, teksa 22-vjeçari ka luajtur titullar në të dyja ndeshjet e para.

Nusar Mazraui është emri i gjashtë në listë dhe një ndër më të kërkuarit. Mbrojtësi i majtë ka mahnitur me paraqitjet e tij dhe ekipe si Mançester Junajtid, Çelsi, Juventus apo Real Madrid janë vënë pas tij. Me shumë gjasa, e ardhmja do të vendoset pas përfundimit të Kupës së Afrikës.

Për ta mbyllur listën është edhe portieri Andre Onana. Gardiani kamerunas ka shfaqur siguri të jashtëzakonshme në katërkëndësh dhe ekipi kryesor që interesohet për të është Mançester Junajtid, pasi David De Gea nuk duket më i paprekshëm.

Marokeni është një “xhol”, të cilin mund ta aktivizohesh në çdo rol të repartit ofensiv. 26-vjeçari bën mirë mesfushorin, atë ofensiv, sulmuesin e krahut të djathtë dhe sulmuesin e dytë.

Shumë oferta kanë mbërritur te kampionët e Holandës për kartonin e Zijesh. Interi është një prej klubeve të interesuara, ndërsa “Harkëtarët” kanë vendosur çmimin.

Kush do Zijesh, duhet të paguajë të paktën 35 milionë euro. Kaq është kërkesa minimale e Ajaksit sipas raportimeve të “Telegraf”, pavarësisht se klubi i njohur dëshiron ta mbajë lojtarin në ekip edhe për vitin tjetër.

Mino Rajola është takuar disa herë ditët e fundit me drejtuesit e PSG-së dhe kanë mbetur për t’u përcaktuar detajet e fundit të akordit. Lajmi konfirmohet edhe nga holandezja “De Telegraaf”, që zbulon edhe shifrat e transferimit.

Ajaksi do të përfitojë një shumë rreth 75-80 milionë euro, ndërsa De Ligt e pret një kontratë 5-vjeçare me rreth 10 milionë euro rrogë në sezon. Në tratativë është përfshirë edhe braziliani Leonardo, i cili është rikthyer te kampionët e Francës.

Rivaliteti me Barcelonën dhe Mançester Junajtid është fituar. Vetë nëna dhe e dashura e mbrojtësit kanë nisur punën për gjetjen e një shtëpie në Paris, kështu që De Ligt pritet të vijojë karrierën e tij me ekipin e gjermanit Tuhel.

Interesimi për shërbimet e tij është i madh, por e ardhmja mund të jetë Premier Liga. Mesfuhsori ofensiv, i cili numëron pesë ndeshje me kombëtaren tulipane, dallohet për inteligjencë, inkursione dhe ftohtësinë përpara portës kundërshtare.

Sipas raportimeve të Talksport, për shërbimet e tij ka një garë të fortë mes Mançester Junajtid dhe Totenhemit. Trajnerët Solskjaer dhe Poçetino i pëlqejnë shumë cilësitë Van de Bek dhe janë gati për ta transferuar në ishull.

Ajaksi nuk e përjashton largimin, ndërsa ka vendosur edhe çmimin e lojtarit. Kampionët e Holandës kërkojnë të paktën 50 milionë euro dhe fërkojnë duart prej faktit që rivaliteti për shërbimet e tij mund të rrisë edhe çmimin.

Siç raportojnë mediat spanjolle, klubi blaugrana tashmë ka nisur bisedimet finale me lojtarin, që është edhe hapi i fundit përpara se gjithçka të zyrtarizohet.

Kështu, De Ligt do të ribashkohet me shokun e tij Frenki De Jong në “Camp Nou”, me mesfushorin që ka firmosur prej kohësh me katalanasit.