Në Holandë janë rekordmenë absolutë: 33 tituj kampion dhe 18 kupa. “Harkëtarët” njihen për futbollin e tyre karakteristik, stilin ultraofensiv dhe nxjerrjen e talenteve pafund. Gjatë fundjavës së fundit Ajaksi ka vendosur një rekord të pabesueshëm.

Gjashtë ekipe të klubit, duke nisur me ekipin e parë për të përfunduar në ekipin U9, i kanë fituar të gjithë ndeshjet e tyre, por jo vetëm kaq. Ata kanë shënuar plot 109 gola, ndërkohë që kanë pësuar vetëm 26 të tillë!

Ekipi i parë shkatërroi në shtëpi Venlon me rezultatin 6-0 dhe vazhdon ndjekjen e PSV (kanë 5 pikë më pak). Rezultatin më të thellë e ka regjistruar ekipi U11, që ka turpëruar bashkëmoshatarët e PSV me rezultatin 31-4! Një filozofi loje spektakolare, lojë e bukur dhe gola pafund për tifozët e pranishëm.

De Jong ka folur për “Gardian” ku deri diku i ka befasuar të gjithë, pasi ai është shprehur se nuk do të ishte çudi që të luante edhe për një tjetër sezon në Holandë. Gjithsesi, i riu nuk e përjashton edhe mundësinë që të largohet, por gjithnjë në fund të sezoni.

“Është e vështirë të them se çfarë do të ndodhë në të ardhmen. Për momentin jam shumë i fokusuar që të mbyll sezonin me Ajaksin dhe më pas do të shohim se çdo të ndodhë. Mund të qëndroj edhe një vit tjetër këtu, por mund  të ndodhë që edhe të largohem. Unë nuk jam i sigurt”.

“Nuk i kushtoj rëndësi asaj se çfarë thuhet për mua. Unë i kam lexuar dhe i kam dëgjuar të gjitha, por jam shumë i fokusuar te skuadra ime.