AIK

Shorti i raundit të tretë, Partizani mëson dy kundërshtarët e mundshëm

Sport Ekspres — Mon, 22 Jul 2019 10:36:46 +0000

Partizani ka mësuar dy kundërshtarët e mundshëm nëse kalon turin e dytë kualifikues të “Europa League”, ku do të ketë përballë moldavët e Sherif Tiraspol. Shorti i hedhur ditën e sotme në zyrat e UEFA-s, i vendos “demat” përballë humbësit të ndeshjes MARIBOR – AIK, në rast kualifikimi.

Sllovenët e Maribor janë një kundërshtar që njihen mirë nga kryeqytetasit, pasi vetëm një vit më parë fati vuri përballë njeri-tjetrit dy ekipet në raundin e parë të kualifikueseve të Europa League.

AIK, ekipi kampion i Suedisë është një gjithashtu një ekip i fortë me buxhet të madh dhe lojtarë cilësorë në përbërje si Sebastian Larson dhe norvegjezi Tarik Eljonuzi.

VIDEO | Protestë dhe stadium në flakë, ndodh gjithçka në derbin e egër!

Sport Ekspres — Mon, 03 Jun 2019 14:11:15 +0000

Një dygolësh i Sebastian Larson i dha fitoren ekipit të AIK në shtëpi përballë Hamarbit në derbin e kryeqytetit. Mesfushori 33-vjeçar shënoi dy herë brenda po kaq minutave dhe dërgoi AIK-un në vendin e tretë në renditjen e kampionatit suedez të futbollit.

Një episod i veçantë ndodhi gjatë sfidës së djeshme. Ultrasit e dy ekipeve kishin vendosur të protestonin 10 minuta në lidhje me dhunën e përdorur nga policia. Fillimi i ndeshjes ishte i vakët dhe nuk kishte fare atmosferë.

Deri në minutën e dhjetë, pasi stadiumi ndryshon si me buton. Të gjithë “çlirohen”, ndërsa ultrasit ia nisin këngës. Tymueset dhe mjetet piroteknike nuk mungojnë, ashtu si edhe koreografitë. Në fund buzëqeshën vendasit, të cilët ndajnë vendin e dytë me Djurgardenin, ndërsa Malmo kryesuese është 6 pikë larg dhe ka për të zhvilluar një ndeshje më shumë.

Risia unike nga klubi suedez, tifozët mund të blejnë biletën e… përjetshme!

Sport Ekspres — Fri, 14 Dec 2018 21:08:31 +0000

Klubi kampion i Suedisë AIK është i pari në botë që ofron një biletë të përjetshme. Çmimi është mjaft i kripur, 190000 krona suedeze, ose 18.500 euro. Kosto tepër e lartë bëri që shumë vetë të tallen me këtë risi të çuditshme. Por, një muaj pas hedhjes në treg erdhi blerësi i parë.

Magnus Kak, një tifoz 43-vjeçar është blerësi i parë i një bilete të përjetshme. I pyetur se përse pranoi të harxhonte këtë shumë kaq të madhe, ai u justifikua me faktin se falë kësaj bilete ai është pjesë e historisë së klubit.

“Shumë vetë mendojnë që jam i çmendur, por për mua është diçka mjaft e rëndësishme që të bëhem pjesë e historisë së klubit që unë mbështes”, tha 43-vjeçari në një intervistë për medien suedeze “SVT Sport”.

Drejtori i klubit të AIK e ka pranuar haptazi se bileta e përjetshme nuk është aspak në leverdi të tifozëve, por ata pak persona që kanë mundësi dhe dëshirojnë të ndihmojnë klubin mund ta blejnë si një formë donacioni.

VIDEO | Të luash me grintë e sakrificë, “leksioni” vjen nga Eljonusi

Sport Ekspres — Thu, 15 Nov 2018 16:15:17 +0000

Sot, nuk janë të paktë njerëzit që thonë se paraja ka ndryshuar futbollin dhe nuk ka më lojtarë që japin gjithçka në fushë. Por, nëse lemë mënjanë dozat e pesimizmit mund të zbulojmë me qindra shembuj, ku futbollistë të ndryshëm u mësojnë çdo grupmoshe se çdo të thotë të luash deri në pikën e fundit.

Së fundmi një video që ka bërë shumë bujë në internet është ajo e Tarik Eljonusit. Sulmuesi norvegjez, i cili luan për skuadrën suedeze të AIK i ka impresionuar të gjithë me punën e pandalshme që kreu në një fragment të lojës në ndeshjen e fundit të kampionatit ndaj Kalmar, takim ky që në rast fitoreje do të rikthente AIK te titulli kampion pas nëntë sezonesh pritje.

https://twitter.com/sportvision_/status/1059423133181116416

Ndeshja pati një fund të lumtur, pasi AIK fitoi me rezultatin 1 – 0 takimin dhe nuk Eljonusi ishte përsëri protagonist, pasi dha harkimin vendimtar për golin e shënuar nga mbrojtësi Janson.

https://www.instagram.com/p/BqFjvBblQx1/?utm_source=ig_web_copy_link

VIDEO | Gol, provokim e karton i kuq, AIK prek titullin në minutën e 98-të

Sport Ekspres — Thu, 01 Nov 2018 17:53:18 +0000

Suedezët janë të ftohtë dhe rrallë e shfaqin entuziazmin? Ia futin kot dhe për këtë mjafton të shohim ndeshjen e fundit të AIK-ut në kampionatin suedez, kundër Malmos së Egzon Binakut.

Një ndeshje e çmendur, që në shtesën pa fund (nga 5 minuta shkoi në 9) u kthye në një betejë për shkak të një goli vendimtar për fatet e titullit.

Tre javë para fundit, AIK kryeson kampionatin suedez, por e ka Norrkoping shumë pranë dhe sfida ndaj Malmos vlerë shumë.

Malmo luan për vendin e tretë, që të shkojë në Europa League, ndërsa shënoi në fillim të pjesës së dytë.

Në minutën e 97-të goditje dënimi për AIK dhe Sebastian Larson, mesfushori i njohur i kombëtares, shënoi një gol të mrekullueshëm.

Gëzimi i tij kaloi çdo kufi, sepse vrapo drejt stolit të Malmos, duke i provokuar me festimin e tij, aq sa për pak sa nuk plasi boksi masiv.

Karton i kuq për Larson, edhe pse ishte i verdhë i dytë, ndërsa protestat e tij ishin të kota, pasi dukej qartë që provokoi dhe u tall me kundërshtarët.